المساعد الشخصي الرقمي

مشاهدة النسخة كاملة : المطالبة بحسن شحاتة مدرب لسورية بنهائيات اسيا

عاشق البرتقلة بهاء الشام
02-19-2010, 02:21 PM
مبارح كنت جالس مع شاب مصري مقيم بسوري وحكنا على فوز مصر بل بطولة الافريقية
وبعد المباركة والنقاش الفني وهل الحكي كلو سالتو عن المدرب حسن شحاتة واخبارو فضحك وأل
هناك موفقة مدئية على اعارتو لتدريب نيجيريا بكاس العلم وسالني ليش سورية مبتستفيد من خبرتو بكاس اسيا

ومن هل المنتدى الغالي بطلب المسؤلين عن الكرة السورية الاستعانة بخبرة الكابتن حسن شحاتة مو ضروي مدرب ممكن مشرف او مستشار او اي تسمية بدن ياها ومتل ما ألي الشاب المصري انو نحنى عرب واجب علينا نساعد بعضنا بغض النظر عن اي شي سياسي
بطلب من كل الشباب يدعمو هل الطلب بكل المنتديات الرياضية بسورية ونشكل حملة للمطالبة بحسن شحاتة مدرب لسورية بنهائيات اسيا
ومع الشكر للكل مهما كان ردون اخوكم بهاء الدين الطيان
wassim80
02-19-2010, 02:40 PM
ماقلك رفيقك المصري أنه راتب حسن شحاتة بمصر 150 ألف جنيه مصري × 9ورقات = 1350000 ورئة صافي هاد غير البدلات والسفريات والمكافآت والدعم وال وال وال وال وال !!!!!!!!!!!!!!!!!


شحاتة اليوم مستواه فرق مونديالية بدها تصير متل الخلق والعالم ...


مو فريق باصه بيتعطل واللعيبة بتنزل فزعة بتدفشه !! وبينامو بالمطارات منشان يوفروا اجار يوم بالاوتيل!! وبدلاتهم 2500 ورئة لما يسافروا برات البلد

لك نحنا بعمرنا ما منصير (ولسه بدك حسن شحاته!!!!!!!!!!!!!!!!!!!!!)
وحداوي موت
02-19-2010, 02:45 PM
الله وكليك

اذا حسن شحاته بينزل يوم واحد

وبيشوف اتحاد كرة القدم ولعيبة منتخبنا

وبيحضر تمرين واحد للمنتخب السوري




ليصير معو هستيريا ويعتزل التدريب


ما احلاه والله نازل ليدرب المنتخب

وبلاقي رشاشات المي شغالة وعم يسقوا الملعب

ههههههههههههههههههههه


لك حبيبي انت وين والمنتخب وين
انا دمي برتقالي
02-19-2010, 02:56 PM
مجرد ما قريت العنوان عجبتني الفكرة فورن...

بس حبيب...

عقليات عنا ما بتشتغل لهيك اقتراح...

بعدين وقت بدون يحلوا قصة المنتخب فعندك مدربين سوررين كبار...

متل المحروس مثلاً... بس المشكلة مو بالمدرب... والحملة الإعلانية الحالية ضد فجر ابراهيم أنا حاسس في وراها شي ومانها نضيفة...
لذلك وبرأيي الشخصي أنا مو شايف إنه منتخبنا ناقصه مدرب...

كل مدربين العالم بيتحاسبوا على نتائجون مع فرقهم... فليش فجر ابراهيم عم يشنوا عليه مع إنه هي أحسن نتائج بتاريخ سورية...؟

بيقلولي الفرق المنافسة كانت متواضعة.؟؟؟

طيب بالماضي لعبنا مع فرق متواضعة وتشرشحنا...

بعدين إذا فرق مجموعتنا كانت متواضعة منجي منشيل فجر ابراهيم؟؟؟؟


يعني غريبة هالحملة ضد المنتخب....!

مشكلتنا مو بالمدرب...

هنن يظبطوا شوية احترام واعتبار لهالمنتخب وصدقني رح تشوف سورية أحسن من هيك بهاللعيبة وبهالمدرب... بس المشكلة مو بعناصر المنتخب...

المشكلة إنه على ما يبدو في أشيا غامضة وحسابات نحنا ما منعرفها... والدليل شوف لجان التحقيق شو كترت بالفترة الأخيرة...


في قصص أكبر من قصة مدرب... في حاسابات ويبدو إنه فجر محسوب على حدى معين.

بس سبحانك يا ربي...

و لا اعتراض على حكمك...

إنته خلقت العوجى عوجى...

ونحنا منضل نحبها وناكلها...
عاشق البرتقلة بهاء الشام
02-19-2010, 03:21 PM
شباب انا ماعم اطلب يكون مدرب دائم بل بمشرف بس بوفت البطولة الاسوية
وانامالي ضد فجر او معو ولاضد اي مدرب سوري
ولالي عماحلم انا بس مواطن سوري بتمنا شوف اسم بلدي بلعالي وبحقلي هل شي
وشكراعلى مروركم
الموت القادم
02-19-2010, 04:07 PM
انشاء الله احسن من فجورة اللي رح يجيب اخرتنا
أبو عرب
02-19-2010, 04:36 PM
الشباب كفو ووفو
يعني اذا لح نجيب فيركسون هيه هيه
ف خلينا على فجر وعلى اد لحافنا منمد رجلينا
برتقالي للعظم
02-19-2010, 06:26 PM
أنا ضد هالفكرة بتاتا
المنتخب عم يتدرب مع فجر ابراهيم من أكتر من سنتين واللاعبين تأقلموا على هالجو ونتائجن منيحة بالتصفيات يعني بربكن قليلة تتعادل مع الصين على أرضها وبين جماهيرها ولا انك تفوز عليها بأرضك وتسجل بمرماها 3 أهداف
أنا يلي بذكروا ان آخر مباراة مع الصين كانت بنهائيات آسيا 1996 ويومها خسرنا 3-0 بزمن البيرقدار وعلي الشيخ ديب والعفش وبعض لعيبة شباب الـ 94 بقا حاجة تقولوا مدرب وحاجة تقولوا لعيبة

وللعلم اليوم تعادل منتخبنا مع الكويت بالمباراة الودية 1-1 وكان منتخبنا متقدم حتى الدقيقة 88 بنتيجة 1-0
ابو احمد
02-19-2010, 06:27 PM
من كل عقلك عمتحكي يازلمة
نستول
02-19-2010, 07:27 PM
ماعندك شي رفيق يوغسلافي بيعرف بوجيدار او حدا من رفقاتو بركي بجبلون ياه لاتحاد الفطبول هو او شي استاذ مدرسة من عندون مشان يتقاسموا معو المعاش هدول جماعتنا هيك بدون مابدون حسن شحاته اي كابريني من دون مايدفعولو من جيبتون ولاقرش طيروه اي خالصة طول ماالقشرة نفسها مافي نتيجة اذا حسن سويدانم بدو يرشح حالو لرئاسة الاتحاد الكروي
يعني لاتندهي مافي حدا لاتندهي
الكتلوني
02-20-2010, 12:57 AM
هلأ اكيد مارح يجي بهيك ظروف بتخزي بس لو عم اول لو امنولو كلشي بدون ياه وامنولو يلعب مع احسن فرق اوربا وامريكا الجنوبية اذا اجا هاد البطيخ رح بطل شجع سوريا كمان
SH@@MI
02-20-2010, 01:38 AM
مالي حابب زودها عليك

بس من باب المزح

يلي بيسمعك بفكر انو عاد الشب عضو اتحاد كرة بمصر أو بيقربو لحسن شحاتة :mrgreen:
محمد سردار
02-20-2010, 02:15 AM
والله اذا بتجيب لوكسمبورغ + سكولاري لمنتخبنا ليفشلوا فشل ذريع
هيك منتخب وهيك اتحاد كرة قدم زيادة عليه فجر ابراهيم .
جيرارد
02-20-2010, 02:14 PM
معلم انت اكيد عم تمزح بعرف انا بس مين بدك يدرب سوريا حسن شحاتة اي شو ناوي تفلجوه حرام تركووووووو فرحان بأنجازاتو
برتقالي للرواق
02-21-2010, 08:44 AM
يعني اذا حسن شحاته وفضى خزائن المنتخب من وين بدون يلطشو؟$$$فهمتو قصدي ساعتها بيعملو فوتت الملعب 200ليرة وساعتها بنروق كتـــــــــــــــــــــــــــــــــــــــــــير
عدنان شيخاني
02-28-2010, 09:08 PM
من شو بيشكي فجر شحاتة