الاستاذ احمد قوطرش يجتمع مع رابطة المشجعين

[هنو]

اقيم اليوم في مقر نادي الوحدة و بمكتب الاستاذ احمد شحصياً

اجتماع مع اعضاء الرابطة

و كان جل اهتمام الاعضاء و الاستاذ احمد منصب باستثمارات النادي

اذ شرح الاستاذ احمد كافة امور الاستثمارات

و تحدث عن الصعوبات الكبيرة و الكثيرة التي يواجهها النادي لحل مشاكله المالية

و لدى سؤاله : هل دخل الملل اليك ؟

أجاب : لا ابداً أنا اتيت للنادي لأني احبه و لانني من ابنائه

و لن امل من مساعدة النادي لانه نادينا

و في طور الحديث عن كرة الطائرة قال السيد الأحمد

ان بقيت الامور على ما هي عليه فان شطب اللعبة من نادينا امر وارد في ظل الوضع المالي الصعب

و قالما يحز في نفسي ان الفريق بطل الدوري و لكن ..................


المهم أن اكثر ما اشار اليه الاستاذ احمد هو الوضع المالي الصعب و الصعب جدا

الذي يرخي بظلاله على نادي الوحدة المحارب من جهات رياضية

و قال :

نادي الوحدة لن يسير على قدميه الا بالاستثمارات فقط لاغير

نحن نشكر كل من يساعد النادي مادياً

و لكن الى متى سيبقى النادي بلا مدخول ذاتي ؟؟؟؟

السؤال برسم الاستجابة للاستثمارات

فلننتظر

[wissam82]

أول شي مشكور الأستاذ أبو عبدو على هالاجتماعات يلي عم يعملها
مع رابطة الجمهور مشان يحطوا الجمهور كله بصورة وضع النادي
كل فترة ,, وهي خطوة كتير حلوة وكنا فاقدينها سابقاً ..

بس السؤال المهم كتيرررر ,, الأستاذ أبو عبدو حكى عن المشاكل
وهي المشاكل كلنا منعرفها ,, بس يا ترى ما حكى عن الحلول لهي
المشاكل ,, وشو الوسائل والخطوات يلي عم تعملها الإدارة لحل هالمشاكل
المالية الصعبة ..؟؟؟

نحنا هاد يلي بهمنا ,, إيجاد الحلول لهي المشاكل يلي كلنا منعرفها ..

[هنو]

الاستثمارات اول شي

و بعدها هماك خطط سيعمل بها

و لكن الاهم الاستثمارات

[wissam82]

طيب إذا المحافظ منطش وما عم يساعد بموضوع الاستثمارات
شو الحلول يلي عند الأستاذ أبو عبدو ..؟؟

هي كلمة الاستثمارات صرلنا عم نسمعها 10 سنين من أيام رئاسة
خالد حبوباتي الأولى ,, لما وعدنا يعمل مول ضخم بأرض النادي
ورجع حكى نفس هالكلام بفترة رئاسته التانية ..

ومع تبدل الإدارات كانوا الكل يحكوا نفس هالكلام
بس للأسف لحد الآن ما شفنا أي شي عملي فعلاً ..

أنا بعرف إنه الأستاذ أبو عبدو عم يشتغل ويسعى ليل نهار ليحل موضوع
الاستثمارات فعلا ,, بس المشكلة الروتين وطناش بعض المسؤولين بالمحافظة
هو العائق ,, فشو الحل بهل حالة ..؟؟؟

بدنا حلول نشوفها على أرض الواقع ..!!

[هنو]

في مين عم يحفر تحت النادي يا ابو انس

ما بدون نادي الوحدة كما كان

أو بالاحرى عم يحاولوا لانهاء النادي

[wissam82]

هاد شي معروف أبو كمال

بس بدي النتيجة أنا ,, يعني شو الحل ..؟؟؟؟

[وحداوي موت]

يا ألهي لو في بلشام متل المحافظ تبع حمص السيد محمد أياد غزال

هداك الزلمة داير بالو على الكرامة والوثبة متل كانوا بيوتو وعم يتدللو أخر دلال وشو بدن عم يساعدن ويوقف معهن

[هنو]

يا ألهي لو في بلشام متل المحافظ تبع حمص السيد محمد أياد غزال

هداك الزلمة داير بالو على الكرامة والوثبة متل كانوا بيوتو وعم يتدللو أخر دلال وشو بدن عم يساعدن ويوقف معهن


عمورة

السيد محافظ دمشق ما عم يقصر

و الله يعطيه العافية

كل حمص ما فيا غير هالناديين أما دمشق ؟؟؟

هي أولاً

تانياً جيب نتائح و تعا خود يلي بددك

وين كانوا داعمي الكرامة قبل البطولات ؟؟؟؟؟؟؟؟؟؟؟؟؟؟؟؟؟؟؟

[وحداوي موت]

شبنا هنو

اول شغلة الجيش والشرطة مو لازمهن اي شي من المحافظة
ما في غير نحنا والمجد


بعدين عم تحكي على النتائج

ليش شو نتائج الوثبة

!!!!!!!!

[wissam82]

ليش هنو نادينا شو عم يطلب من السيد المحافظ ..؟؟

نحنا ما بدنا دعم مادي ,, نحنا بدنا ييسر موضوع الاستثمارات
ويساعد النادي انه يقدر يستفيد من هالأراضي الموجودة فيه ..

يعني هلئ إذا جبنا مستثمر أو متعهد ليعمل شي مشروع بأرض النادي
كيف بدنا ناخد التراخيص والموافقات اللازمة ..؟؟

هون هي المشكلة مو بشي تاني ..

ودعم السيد المحافظ عم يروح بأغلبه لنادي المحافظة
ويلي بيروح وبيشوف منشأة وأحوال نادي المحافظة بيعرف هالكلام ..!!

[هنو]

مشكلتنا بالاستثمارات انو ارض النادي تندرج تحت الحزام الاخضر

و بتعرف شو سعني الحزام الاخضر ؟؟؟

يعني ممنوع تعمر عليها شي

و هون تكمن الصعوبة

[وحداوي موت]

كل يلي بدنا ياه انن يساعدو الأستاذ احمد ويقدمولو كل شي بيطلبوا من أوراق وأختام وموافقات
طبعا ضمن الشروط والأصول يلي متفق عليها بلدولة

ما بدنا أكتر من هيك شي أبدا

[وحداوي موت]

مشكلتنا بالاستثمارات انو ارض النادي تندرج تحت الحزام الاخضر

و بتعرف شو سعني الحزام الاخضر ؟؟؟

يعني ممنوع تعمر عليها شي

و هون تكمن الصعوبة


يا هاني ئي شو يعني الحزام الأخضر دستور يعني وما بيصير يتغير شي

هدا نادي وعشاقو بلألاف
لازم يوقفوا حدو ويساعدوه

ولا تنسى انو النادي الأول بلعاصمة جماهيريا

[omarjeroudi]

عن أي حزام أخضر عم يحكوا راحت الغوطة كلها وم احدا جاب سيرت الحزام الأخضر هلق شقفت الأرض يلي موضوع الاستثمار كلها ما فيها عرق أخضر .......عجبي والله يصلح الحال أحسن شي

[هنو]

يا هاني ئي شو يعني الحزام الأخضر دستور يعني وما بيصير يتغير شي

هدا نادي وعشاقو بلألاف
لازم يوقفوا حدو ويساعدوه

ولا تنسى انو النادي الأول بلعاصمة جماهيريا


ياريت يا عامر ياريت

و الله ما حدا ( من عشاق البرتقالي ) بيزعل