لاعبين اتمنى رؤيتهم يلبسون البرتقالي الموسم القادم

[الغزال الاسطوري]

لاعبين كانوا ومازالوا يعشقون الكرة البرتقالية لكن تم الاستغناء عنهم بظروف كلنا نعرفها على ايام الادارة السابقة
لذلك نتمنى من ادارة النادي الحالية مفاوضتهم منذ الان لتقوية الفريق وخصوصا انهم كانو يلعبون معنا واعمارهم صغيرة ويمكن ان يفيدونا للمستقبل البعيد

محمد اسطنبلي لاعب مدافع ممتاز يمتاز يطول القامة والتركيز الدفاعي وعمره 23 سنة
كنان نعمة يمتاز باللعب على الجناحين والسرعة وقدمه قوية عمره 21 سنة
كنان ديب لاعب مهاجم او يلعب خلف المهاجمين يمتاز بمهارة وثقة داخل المربع وعمره 23 سنة
احمد الخالد مسدد من الطراز النادر وسرعة فائقة وكان معشوق الجماهير والان يلعب مع الجيش وموتوا على الخط لكن الاعب يعشق البرتقالي ويتمنى العودة وممكن من الكوتش نزار يرجعوا لمستواه وفريقنا يعاني من الجهة اليمنى وممكن الخالد ان يسد تلك الثغرة وعمره 22 سنة
ماجد الحاج لاعب فنان وسريع ومهاري ويعشق جمهور الوحدة لم يلعب معنا لكنه في اكثر من تصريح يقول اتمنى اللعب لفريق الاول بالعاصمة فاني اعشق جمهوره وعمره 25 سنة
بالاضافة للاعبين موجودين معنا هذا الموسم الرهيب قصي لازم ما نتخلى عنه ابا وتوامه عبد الناصر لاعب جوكر ويلعب في اكتر من مركز و باسل الشعار ولاعبين النادي الشباب ابناء نادي الوحدة الزبيدي والعكرمة بالاضامة لبعض اسماء المخضرمة والخبرة غسان معتوق ورافت محمد و ينال اباظة ولا ننسى ذياد شعبو يلي مستواه عم يطور من مبارة لمبارة ومهند خراط بديل ناجح والاعب الفنان عمر خليل بالضافة الى الاعبين الذين ترفعوا حديثا للفريق كاخربين والاومري وغيرهم ولا ننسى الحارس الامين رضوان الازهر

وهذا الفريق سيخدم النادي لاكثر من عشر سنوات قادمة ولكم التحية لكل من قال انا وحداوي يا نيالي
اخوكم الصغير شادي
__________________

[wassim80]

اسطنبلي والنعمة وديب (بالفعل لعبوا مع الفريق سابقآ؟؟)
ماجد الحاج أنا معك 100% لأنه مكسب مهم مع الشعبو لو ضل .. بيصير عندك هجوم متجانس بيفهم على بعضه كتير منيح...

الازهر حارس محترم وممتاز ومكسب للفريق يعني بصراحة لما الواحد بيشوف أبو الروض بن التلت خشبات بيطمن على مرماه كتير...

الخالد معقول


ينال ورأفت وغسان بصراحة أسماء كبيرة لكن العمر أله حقه ....!!!!!!!!!!!!!!

وبالنهاية الأسماء لي طرحتها أخي الكريم بتكلف كعقود ورواتب لايقل عن 15مليون وإزا بتفتح خزنة النادي هلئ بيحن قلبك عليها وبتحط يلي بجيبتك فيها :oops:

[ابو احمد]

سامر عوض وبشارقدور كمان ممكن يفيدونا

[الغزال الاسطوري]

شكرا على المرور

[الغزال الاسطوري]

عم نحكي على السنة القادمة واكيد من هلق للسنة القادمة رح يكون في شركات راعية واستثمارات كبيرة بالنادي بوجود المحبين والداعمين لانو الاندية التانية يلي جابت شركات راعية مو احسن من نادينا منوب

[ابو وسام]

الاسماء اللي ذكرتها كويسة بس لسا بدنا لاعبين على مستوى اعلى
ومتل كل مرة المشكلة الرئيسية هي المادة اااااااخ بس

[bmekhaled]

العين بصيرة و الايد قصيرة

[وحداوي كاتالوني]

بالتوفيق للوحدة

[الدمشقي]

كلك نظر.............

[محمد سكر]

أنا معك مع معظم الأسماء يلي ذكرتها بس عندي استثناء منهم رأفت محمد وغسان معتوق ومهند خراط طبعاً بيبقوا أبناء النادي مامنختلف وسابقاً رأفت وغسان كانوا جيدين بس بالموسمين الأخيرين كانوا ؟؟؟؟؟ أما بالنسبة لمهند فهو وبصراحة مهاجم عادي ونادي الوحدة بحاجة للاعبين على مستوى عالي لأن البرتقالي كبير ...

[<IBRAHIM>]

اللاعبين يلي ذكرتن كلهن معقولين
بس عندك خطأ بالاعمار الاسطنبلي عمرو شي 28 سنة وبرأي هو احسن لاعب من يلي ذكرتن
الديب والخالد الاول عمرو 24 والتاني شي 26 والتنين لاعبين جيدين وباسوء الاحوال بينفعو احتياط
ماجد الحاج ممتاز بس مابتوقع نقدر نجيبو
النعمة متل ماقلت سابقا هو عراقي وبالتالي لح ياخود مكان لاعب محترف

[حنا عاشق الوحدة]

اللاعبين يلي ذكرتن كلهن معقولين
بس عندك خطأ بالاعمار الاسطنبلي عمرو شي 28 سنة وبرأي هو احسن لاعب من يلي ذكرتن
الديب والخالد الاول عمرو 24 والتاني شي 26 والتنين لاعبين جيدين وباسوء الاحوال بينفعو احتياط
ماجد الحاج ممتاز بس مابتوقع نقدر نجيبو
النعمة متل ماقلت سابقا هو عراقي وبالتالي لح ياخود مكان لاعب محترف



كلامك مزبوط معلم

[f.torres]

انا بتمنى لو رجا رافع يكون معنا

[ابوالعبد الوحداوي]

ماجد الحاج او رجا رافع بظن لازم الادارة تشتغل لتجيب واحد فيون خصوصا رجا رافع اللي صرح انو مل من اللعب بنادي المجد وصار في حساسيات بينو وبين الفقير وحرموه بالذهاب من مكافأة فوز باحد المباريات ووصفو الفقير بالمستهتر.. ووالله معو حق قلب هجوم الفريق السوري بيلعب بنادي ما بيحضر لعبتو الفين متفرج ..... يا اخي شوبدنا بالحكي نحنا الجمهور النا لاعبين متل مو اللعبين الون جمهور ......
وتحياتي لشادي وماعليك زود حبيبنا ويسلمو ايديك ...

[mmrdem]

عواض مانفكر بمين بدنا نجيب السنة الجايي انا بشوف انو لازم نفكر بمين بدنا نخلي للسنة الجايي بالفريق لانو شايف الادارة مو سائلة على حدى يعني بفريق السلة اللي هو اختصاصون استغنو عن لاعبين مهمين كتير بالفريق وياخوفي بكرة يستغنو عن قصي حبيب والازهر ولو ماكان الاستاذ صفوان بالادارة ياترى شو كانت حالتنا هلق

[f.torres]

لا ان شاء الله السيد احمد قوطرش رح يكون عند حسن الظن ورح يسمع رأي الجمهور ويحاول يساوي يلي بيقدر عليه

[SH@@MI]

انشالله ماجد الحاج بالوحدة

الباقي مو كتير سعبين متل كنان نعمة والخالد
وكمان لا ننسى ضروري أبو الروض نوقع معو
وتنحل مشلكة الرهيب

[الكتلوني]

هدول كلهون مناح بس معتصم علايا شو منشانو ولا كبيتو حضرتك :roll::roll::roll::roll:

[nemr]

الاسماء اللي طرحتا كتير منيحة مع تحفظ على البعض
بس بالنسبة لكنان نعمة هو من اصل عراقي يعني بدو يجي على اساس انو محترف اجنبي
وبرأيي الشخصي انو لازم يكونوا المحترفين الاجانب على مستوى عالي
وماننسى المشكلة المالية اللي واقع فيها النادي
الله يفرج احسن شي

[الكتلوني]

فيهون وجهة نظر هدول بس شو منشان وينو معتصم علايا ولا كبيتو برا

[هنو]

ماجد - رجا - عادل - كيلوني

[ابو كريم]

بس هدول هنو بدك ياهن؟؟!! بعرضي بعرضي مالك سئلة..
أنا على فكرة مع جلب لاعبين مغمورين لا صيت لهم مع لاعب أو لاعبان من النوع الممتاز وقتها نستطيع
أن نقول لدينا فريق قادر على المنافسة أو تقديم وجبة كروية (بتشهي ) لشي أربع خمس سنين..

[ملك الظلام]

والله يا صاحبي كلامك رائع بس أهم لاعب لازم نرجعه هو احمد الخالد والله لازم كتير

[wassim80]

ماجد - رجا - عادل - كيلوني

عبد الرزاق الحسين يعني هاللاعب خيلة وفنان وبتمناه من كل قلبي وحداوي:f)

[Radwan]

المهم هو أن يقوم الجهاز الفني بالتركيز على خط الوسط واللياقة العالية للفريق وسنحصد نتائج جيدة والأسماء تأتي بعد خلق التجانس وأنا مع فكرة اللعب بفريق وليس بنجم يخدمه الفريق .

[هنو]

بس هدول هنو بدك ياهن؟؟!! بعرضي بعرضي مالك سئلة..






بعرف ... :mrgreen:

[الغزال الاسطوري]

فيهون وجهة نظر هدول بس شو منشان وينو معتصم علايا ولا كبيتو برا

بالعكس انا من اكتر الناس المعجبة بمعتصم وبعرف انو ما رح يترك النادي وبعدين اسمه سقط سهوا

[أميرالشام]

اي والله وحاجتنا لاعبين اجانب ومافي مستوى واللاعبين اللي طلعت ريحتن وماعاد استفاد منن النادي بشي
بتمنى كلامك يوصل للادارة وكلك نظر يا غزال