لماذا كل هذا النقد لفجر

[مأمون النجار]

انا متابع للحركة الرياضية عامة والقدم بشكل خاص في بلدنا الحبيب منذ عام /1980/ تقريبا لم يحظى اي مدرب لمنخباتنا الوطنية بهذا الكم الهائل من الانتقاد والغرابة بالموضوع انو المنتخب تأهل فالعم ينتقد شو بدو بدكون (جنات ونعيم) بليرة يا شباب انا ضد انتقاد فجر بهالطريقة الغير احترافية واللي ما بتمت للعرفان بالجميل بصلة نعم فجر معاشو بالمنتخب قد اللي بياخدو حامل الحقائب في منتخبات الخليج والشكر الو ولكل اللاعبين فردا فردا والسلام حلو الكلام:)):syr:syr:syr

[أبو عامر]

انا ضد فجورة

[طارق الغبرا]

فجر كان يدرب رياضة بمدرسة عباس الحامض بالبرامكة و كان مايلعب التلاميذ الا يد و سلة و يكره القدم و نحنا بنحبو كرمال أنو وحداوي بس ياشباب منتخب سوريا أكبر من فجر و لازم سمعة الوطن تكون مقدسة

[samer1]

بيضل فجر ابن نادي الوحدة وبيضل كابتن منتخب

[طلال عباس]

ليش بيرضى نادي الوحدة يكلفوا مدرب للشباب حتى

[WALID STAR]

لأنه مدرب سوري

لو كان منتخب سوريا متأهل لآسيا

والمدرب أجنبي ما كان الإنتقاد هاد

[أسامة]

والله ياشباب كانت مدرستي بالثانوية التجارية الأولى بجانب مدرسة الحامض وكان شباك صفي بيطل على باحة مدرستولفجر وكل يوم كنت صبح عليه لأنه كان محبوب الوحداوية هو وبشار شريف وخاصة من الأطراف وفعلآمتل رفعاتهم ماشفت بالوحدة مع أحترامي للجميع ,عالعموم أنا برأيي فجر لن يطول لأن الأنتقادات كثر عليه بغض النظر ان كان جيد أو لا

[ابو وسام]

انا مالي معو ولالي ضدو بس سبحان الله هالعالم هي مابقى بالدنيا غير فجر لك بربكون روحو عملو عضوات على اتحاد كرة القدم
بتفوت منتدى قال شو كورة السوري مابتشوف غير المواضيع عن فجر والشاطر اللي بدو يتفلسف وهو مو عرفان الله وين حاطو اي خلصنا بقى نحنا هيك طول عمرنا ما لح نفلح بشي

[الوحدة عشقي]

تاهلنا مظبوط بس مجموعتنا ضعيفة وتعثرنا ادام اضعف الفرق
بعدين فجر مو هو يلي عم يخلي المنتخب ايفوز اللعيبة ذهبيين
من جهاد وفراس وماهر وبلحوس ............
والفضل لألون مو لفجر يلي ماعاد عندو شي ايقدمو
بعدين في كتير اشارات استفهام يعني رجا مو احسن من حيان الحموي وفي لعيبة كتير احسن من يلي موجودين بالمنتخب
مثلا القاشوش احسن بمية مرة من العمير وعبد الفتاح
وشغلات كتير ولسه عم تقول ليش عم ننتقدو؟؟؟؟؟؟؟؟؟؟

[مالك]

مزمار الحي لايطرب

[ميدوالشامي]

مسكين هالزلمة وقعت كل مصايب الاتحادالرياضي لكرة القدم وكرة السلة وانطبشت براسه
كتررررررررررر خيره رغم كل شي ؟؟؟؟؟؟؟؟؟؟؟؟؟

[عمار عبار]

لانه وحداوي فقط

[مأمون النجار]

تاهلنا مظبوط بس مجموعتنا ضعيفة وتعثرنا ادام اضعف الفرق
بعدين فجر مو هو يلي عم يخلي المنتخب ايفوز اللعيبة ذهبيين
من جهاد وفراس وماهر وبلحوس ............
والفضل لألون مو لفجر يلي ماعاد عندو شي ايقدمو
بعدين في كتير اشارات استفهام يعني رجا مو احسن من حيان الحموي وفي لعيبة كتير احسن من يلي موجودين بالمنتخب
مثلا القاشوش احسن بمية مرة من العمير وعبد الفتاح
وشغلات كتير ولسه عم تقول ليش عم ننتقدو؟؟؟؟؟؟؟؟؟؟
انا مع البعض من كلامك ومو مع البعض الاخر مثلا صح لازم يوسع دائرة الاختيار بالنسبة للاعبي البلد بس حبيبي هي شغلتو ووقت بيفشل بحاسبو وبالنسبة للمجموعة لا حبيبي نحنا كنا نطلع طشي بمجموعات اقل من هي بكتير وشوف الارشيف وروح ناولو ربع اللي عم تهيئو للاجنبي اللي عم يشرشحنا ( بوجيدار...الخ) وبعدين حاسبو... مو حبيبي:))

[SH@@MI]

حملة منظمة ضد مدرب المنتخب الوطني واللي أهلنا لآسيا بعد غياب 15 سنة
وبعض العالم انجرت ورا هالحملة بدون قصدها
وبعض الناس هي منظمة لهالحملة

ومنتديات كورة وموقع الكرة السورية هنن أوائل مين نظموا هالحملة
بس المشكلة أنو ما بيطللهن يحكوا وعم يحكوا

والكوتش فجر قدم كتير للمنتخب وقدم تضحيات باسمه وسمع هالسخافات اللي عم تنحكى

بس ولا يهمك أبو علي
يا جبل ما يهزك ريح

برجع بعيد الاحصائيات مشان كل يلي عم ينتقد الكوتش فجر يحسب 100 حساب

لعبنا 34 مباراة رسمية
ربحنا ب 20 منها
تعادلنا ب10
خسرنا ب4

من ايمتى هيك كانت احصائيات منتخبنا
ولا صبيتوا كل غضبكن مشان تعادل مع فييتنام
طيب فزنا على فييتنام بأرضهن
لعبنا 5 مباريات لحد الآن ما خسرنا ولا لعبة
واللعبة الجاية كمان سهلة

المجموعة سهلة
طيب تصفيات النسخة قبل الماضية مين كان معنا بالمجموعة

يعني مين بدكن لحتى تكون المجموعة صعبة
بعدين لنفرض في منتخب تاني صعب شوي معنا
كنا طلعنا تاني بدال الأول
وعلى أي حال تأهلنا
ولا مفكرين أنو بيجمعوا كوريا واستراليا واليابان بمجموعة وحدة
هي الصين منتخب قوي
فزنا عليه وتعادلنا معه

بس فعلاً مزمار الحي لا يطرب
والمدرب الوطني مظلوم دائماً

ولو كان مدرب اجنبي وصلنالبطولة آسيا متصدرين بعد غياب 15 سنة كنتوا هللتوله وطبلتوله وزمرتوله ونزلتوه من السما

أخيراً

مبروك لمنتخبنا التأهل للنهائيات بالصدارة انشالله بعد لعبة لبنان
ولا عزاء للشامتين الحاقدين الكارهين لمنتخبهم

[الكتلوني]

انا مع فجر 100% لأنو ياحلوين لي عم ينتقدو خلي اتحادكون يأملو للزلمة امكانيات وبعدين بيتحاسب الزلمة وبتعلئو بلمرجة انا مو زعلان

[حنا عاشق الوحدة]

أنا حاليا مع فجر ومع أحترامي للجميع
خلونا نشوف بالنهائيات شو بيعمل وبعدين من حاسبو

[الكتلوني]

لك وين تعليقي علموضوع

[nemr]

فجر مو خرج منتخب وكل يوم عم يبين هالشي اكتر من اول
يعني بدي اعرف على انو اساس دعا احمد عمير عالمنتخب وبالكرامة ما عم سلعب اساسي

[عدنان شيخاني]

الله يحمل معو والله حاجتو حلو عنو

[DIABO MAN]

هو الموضوع شائك جدااااا وصار في ناس معه وناس ضده والمنتخب بالنص

[مالك]

أنا بستغرب من اللي بينقدوا فجر بموضوع انو ليش دعا فلان ومادعا علان للمنتخب
يعني فرضا رد عليكن وماتوفق بتتحملوا انتو مسؤولية الخسارة
وبعدين كل مين الو رأي بهالحاله لازم يدعي نص لاعبين سوريا للمنتخب

[مأمون النجار]

حملة منظمة ضد مدرب المنتخب الوطني واللي أهلنا لآسيا بعد غياب 15 سنة
وبعض العالم انجرت ورا هالحملة بدون قصدها
وبعض الناس هي منظمة لهالحملة

ومنتديات كورة وموقع الكرة السورية هنن أوائل مين نظموا هالحملة
بس المشكلة أنو ما بيطللهن يحكوا وعم يحكوا

والكوتش فجر قدم كتير للمنتخب وقدم تضحيات باسمه وسمع هالسخافات اللي عم تنحكى

بس ولا يهمك أبو علي
يا جبل ما يهزك ريح

برجع بعيد الاحصائيات مشان كل يلي عم ينتقد الكوتش فجر يحسب 100 حساب

لعبنا 34 مباراة رسمية
ربحنا ب 20 منها
تعادلنا ب10
خسرنا ب4

من ايمتى هيك كانت احصائيات منتخبنا
ولا صبيتوا كل غضبكن مشان تعادل مع فييتنام
طيب فزنا على فييتنام بأرضهن
لعبنا 5 مباريات لحد الآن ما خسرنا ولا لعبة
واللعبة الجاية كمان سهلة

المجموعة سهلة
طيب تصفيات النسخة قبل الماضية مين كان معنا بالمجموعة

يعني مين بدكن لحتى تكون المجموعة صعبة
بعدين لنفرض في منتخب تاني صعب شوي معنا
كنا طلعنا تاني بدال الأول
وعلى أي حال تأهلنا
ولا مفكرين أنو بيجمعوا كوريا واستراليا واليابان بمجموعة وحدة
هي الصين منتخب قوي
فزنا عليه وتعادلنا معه

بس فعلاً مزمار الحي لا يطرب
والمدرب الوطني مظلوم دائماً

ولو كان مدرب اجنبي وصلنالبطولة آسيا متصدرين بعد غياب 15 سنة كنتوا هللتوله وطبلتوله وزمرتوله ونزلتوه من السما

أخيراً

مبروك لمنتخبنا التأهل للنهائيات بالصدارة انشالله بعد لعبة لبنان
ولا عزاء للشامتين الحاقدين الكارهين لمنتخبهم
لك يأبرني اللي بيفهم علي:f)

[نستول]

احلى شي ماحدا عم ينتقد الاتحاد الرياضي والكروي وحاطين فجر ونازلين يلا يلا على اساس اذا اجا مورينو بهيك ظروف لح يتغير شي

[SH@@MI]

لك يأبرني اللي بيفهم علي:f)
تسلم يا غالي

على كلن يلي عم يقول أنو فجر كان بدروس رياضة ما يلعب غير يد وسلة
مو صحيح هاد الكلام
لأنو بزمانه كان فجر استاذي برياضة
وأنا بفتخر بهالشي
وكنا دائماً نلعب قدم

[الكتلوني]

لأ مع فجر انا 100%