هل هم اسباب تخلفنا الرياضي؟؟أم انهم قدر علينا؟؟..

[الأدعشري]

بكل بساطة نحن نعاني منذ اكثر من خمسة عشر عاما من الفشل الكروي ودائما نعيش تفاصيل حرب ضروس ما بين المكتب التنفيذي واتحاد الكرة و عند كل انتخاب للجهتين خلال الاعوام العشرين الماضية نجد انه من كان رئيس اتحاد كرة اصبح رئيسا للمكتب التنفيذي و من كان رئيسا للمكتب التنفيذي اصبح رئيسا لإلتحاد الكرة و السؤال الساذج الذي يطرح نفسه الا يوجد اسماء جديدة غير (أحمد جبان-فاروق بوظو-د.مروان عرفات(مع كامل الاحترام والتقدير)-فاروق سرية)؟؟
إن نظرتم للإتحادات المتعاقبة نجد ان الدائرة تدور على هذه الاسماء فقط ما بين الاتحاد الرياضي والمكتب التنفيسي ..
تريدون تغيير فجر بارهيم و المشكلة بفجر لا والله المشكلة موجودة وقت كان فجر بصف الاول والتاني نجيب مدرب عالمي او محترف كلنا منطالب بمدرب محترفللمنتخب وكلنا بنحلم بمنتخب سوري نطلع عالشوارع ونفرح بانتصاره لكن والله اذا بيجي فيركسون و بيجي غارديولا و بيجي وبيجي وبيجي ما رح نتغير ولا رح نتطور ولا رح نفرح حتى يتم اعادة هيكلة كاملة لرياضتنا من راسها لأساسها و غير هيك يا قلبي لا تتعب قلبك و لا حدا يحلم بأي نتيجة أو تطور بأي رياضة كانت إلا طفرات صارت متل غادة شعاع ورأفت اكراد و غيرهن من الرياضيين اللي كانو شماعة فشل للاتحادات الرياضية في سورية على مختلف الأصعدة..إذن ما الحل؟؟
أكيد مو بتسمية الدوري السوري بالدوري الممتاز!!:mrgreen:

[wassim80]

لعبة مبارح تبع العسكر والكرامي كانت أكبر مثل واضح لتغيير تسمية الدوري (لدوري الهواة) مو الممتاز
فضحونا الله يفضحهم؟

أنا معك أبو حميد أن جميع الاسماء المطروحة مستهلكة وصار لازم نشوف شباب مثقف حابب يغير شي بإتحاد الفاكسات المتعفن؟؟؟ وأهم شي تطير أوبة السرحان والعمري وكل هالشلة يلي عمتنخر نخر برياضتنا من سنين؟؟؟؟؟؟؟

وأحسن شي سمعوا أغنية الصبر طيب ؟؟؟.. للكبير أبو وديع

[ابو ناصر الوحداوي]

والله يا ادعشري انت دائما بتحط ايدك عالوجع بالفعل هالاسماء استهلكت و ما عملت شي و صار لازم الاسماء الشابة تاخد فرصتهاو التغيير مطلوب و من يومين عجبني راي الفنان سيف سبيعي لما قال لو استلمت اتحاد كرة القدم بقلعوني بالفعل الي بشستغل صح هدا مصيره على ما يبدو

[bashardo الوحداوي]

كل كلامك صحيح وبمحلو
بس للاسف الواقع غير

[الكتلوني]

كلامك مظبوط وأنا برأي يكون عنا بلبلد في وزارة رياضة ونخلص من هيك قرف حاج مسخرة حاج

[SH@@MI]

وزارة رياضة

[عمار عبار]

العلة فينا ابو فهد
قالوله مين فرعنك يا فرعون
قلهم ما لقيت حدا يردني

[Abu Waseem]

الموضوع كبير ولله يا ادعشروف
المشكلة أكبر من كونها أسماء وألقاب
نحن عنا تشبيه وكلمتين حابب اقتبسهم من رجل وحداوي لما يأذنلي بقول اسمه...
التشبيه لشي صار معنا كان قصة نادي الجلاء وانسحابه من غر ب آسيا و شبيهها أيضاً قصة المنتخب وماحدا بيعرف كيف كان لازم نتأهل لكأس العالم..
المشكلة عنا هو التدخل من القيادة السياسية وقت المشكلة فقط وهاد يلي بيفرق بينا وبين الدول المجاورة عالقليل فنحن منطلب الدعم ومنشتغل من تحت الطاولة ومنترجى بالوقت يلي الدولة بشخصها الكامل بتدخل وبتستنفر كرمال أي شي لبلدها لانه بالنهاية هاد اسم الوطن مو لعبة ومو ترجي بيكون الحل اله

اقتباسي بهي السيرة من الشخص الوحداوي هو رأيه بأنه اذا ما صارت الرياضة من اهتمامات الدولة ولو بمركز ٣ أو رابع وماتكون مهمشة هيك ونضل نناحر ببعض وندور بحلقة مفرغة مارح يصير أي شي منيح ورح نبقى أما نراوح أو نرجع لورا بسرعة خيالية وخلينا نشوف كيف خسر فريقنا الوحداوي بالسلة من منتخب الامارات يلي لما نكون سيئين كنا نكسحهم كسح
طبعاً هالشي مو صعب والدليل فيه وما يشبهه هو دعم مطلق للدراما السورية ، فأيمت كنا نحلم بمنافسة ومقارعة الدراما المصرية؟ وهلأ سبقناها بأشواط، عدا عن أنه متل مهرجان دمشق السينمائي بتوصل الميزانية لملايين ولو اندفع نصفها عالرياضة ببلدنا لكنا بألف خير

ما الفرق بين اتحاد رياضي تابع لمنظمة ووزارة رياضة؟
كثرت الماطلبات والنداءات بوزارة رياضة مستقلة تلبي وجع وآمال جماهير الوطن المحبة للرياضة
ومابين هيك وهيك، كان هنا كمن يقول انها رح تختلف المسميات ويكون الوضع ذاته
لكن لا أعتقد هالشي ورح يبقى عالقليل الرمد أفضل من العمى .. يعني وزارة مستقلة بادارتها وقراراتها وتبعيتها ومنهجية عملها وميزانية جيدة بتصوري رح تغير كتير من معالم رياضة فاسدة سيئة ببلدنا

بخصوص الأسماء...
نعم منلف ومندور والأسماء ذاتها
يعني فاروق بوظو شو عمل لسورية لما كان بالاتحاد الآسيوي وكنا على بعد هدف من مونديال المكسيك ٨٦ ولم نستفد شئ
ودارت الأيام والأسماء تكررت مابين صالح وطالح وعلى قولة نفس الشخص لو كانو هالأسماد بطيارة ووقعت فيهم منصفى بدون رياضة ببلدنا؟؟؟
وحتى وجود فقط أسماء شابة غير جيد فالاتحادات بتحتاج لخبرة ولقيادية بالعمل وماعادت القصة شوربة فالعمل صار أكاديمي ومنحتاج أناس أكاديمين يقدرو يقودو الرياضة ببلدنا وبين خليط من شباب ومن أكاديمين ومن خبراء يمكن نوصل لحل وسط طالما الوضع نفسه رح يبقى

[العثماني]

بدنا إدارة محترفة للإتحاد الكروي و ليس مدرب أجنبي أرجو جلب لجنة إستشارية أجنبية لإدارة كرتنا أحسن من مدرب أجنبي فمشكلتنا غباء إداري و ليس فني

و سلام أبو فهد

[عدنان شيخاني]

اي والله كلامك صح وبالصميم

[نستول]

وزارة رياضة
من تحت الدلف لتحت المزراب الاسماء المرش لح تكون سويدان الزيبق البصري سرية بوظو جبان ......... الخ مع الفارق صلاحيات اوسع بأيدهون بفى خلونا على ...... العرجة وماشي الحال