حاجة نتضحك على حالنا

[طلال عباس]

عم بقرا كتير بمنتدانا الغالي كلام كتير عن فجر ابراهيم وانو هو يلي حقق انجاز باقل الامكانيات يعني انا ما بعرف مدرب لا تاريخ له ولا خطة ولا بصمة ولا شي مدرب كان النادي رافض حتى يسلموا فريق الشباب فجأة صار مدرب المنتخب السوري وعم نحكي عالانجازات هل التعادل مع فيتنام بارضنا انجاز هل وهل 00000يعني مباراة فيتنام علق عليها مضر اليوسف صديقي ولح قلكون شو صار دقلو مضر لفجر قبل المباراة قلو شو رأيك بالمباراةقلو مباراة صعبة كتير وانشالله الله يوفقنا وبعد المباراة قلو الحمد لله حققنا التعادل هل التعادل اصبح المطلوب منا يعني انا برجو من كل الوحداوية ما ينجروا ورا العواطف ويحكوا الحقيقة هادا منتخب الوطن والسؤال هنا لنا كجمهور وللقيادة الرياضية هل فجر هو الشخص المناسب لقيادة المنتخب السوري هل في سوريا لا يوجد مدرب جدير بان يقود المنتخب السوري هل المنتخب اصبح مقبرة للمدربين

[&&ledخالدkha&&]

ليش مين حكا على فجر
نحن لسنا مع فجر
ولكن عيب علينا ان لا نقول مجرد مبروك لمنتخبنا وليش لفجر
عيب علينا ان نطالب فجر بترك المنتخب قبل ان نقول له شكراً
عيب علينا ان ننتقد المنتخب قبل ان ننتقد الاتحاد الفاشل
ماذا تريدون
من هو الذي يستحق ان يدرب المنتخب
القويض
اقوالها بكل صراحة مدرب فاشل مع المنتخب وهاذا الكلامله حقائق وادلة
مدرب اجنبي اوكي كلامكم يوجه للاتحاد وليس لفجر
شو ذنبو فجر
شو عطيتو لفجر حتى بدكم منو منتخب قوي بس قنوعوني
وقت استلم ابو شاكر المنتخب اتوقف الدور كلو ومباريات ودية ويل بدو ياه
وبعدين لك حتى اداء متل العالم ما شفنا واكبر دليل مبارة سوري والكويت هون بالشام ما حدا منا بينساا
لازم على الاقل قبل اي كلمة نقول شكرا لمنتخبنا ولفجر على الشي يلي ساوه

[وحداوي كتلوني]

ليش مين حكا على فجر

نحن لسنا مع فجر
ولكن عيب علينا ان لا نقول مجرد مبروك لمنتخبنا وليش لفجر
عيب علينا ان نطالب فجر بترك المنتخب قبل ان نقول له شكراً
عيب علينا ان ننتقد المنتخب قبل ان ننتقد الاتحاد الفاشل
ماذا تريدون
من هو الذي يستحق ان يدرب المنتخب
القويض
اقوالها بكل صراحة مدرب فاشل مع المنتخب وهاذا الكلامله حقائق وادلة
مدرب اجنبي اوكي كلامكم يوجه للاتحاد وليس لفجر
شو ذنبو فجر
شو عطيتو لفجر حتى بدكم منو منتخب قوي بس قنوعوني
وقت استلم ابو شاكر المنتخب اتوقف الدور كلو ومباريات ودية ويل بدو ياه
وبعدين لك حتى اداء متل العالم ما شفنا واكبر دليل مبارة سوري والكويت هون بالشام ما حدا منا بينساا

لازم على الاقل قبل اي كلمة نقول شكرا لمنتخبنا ولفجر على الشي يلي ساوه





ما بقدر ضيف على كلامك غير أنو عيب هالتهجم على فجر ابراهيم

[الأدعشري]

حبيبي يا حبيبي ليش غارديويلا اللي حقق سداسية مع برشلونة شو تاريخو قبل ما يستلم برشلونا بس يا قلبي ويا شاطر قبل ما تنتقد انت وغيرك جيب ادلة انمو منتخبنا قبل ما تعادل مع فيتنام كان على زمان المدربين اتلسابقين يربح على ايران وكوريا و غيرون فالله يرضى عليك و على اخواتك قبل ما تطالبو بعزل فجر طالب بأتحاد كرة محترف و طالب بحجز فندقي للاعبين المنتخب ..

[طلال عباس]

يا سيد ادعشري فجر مدرب فاشل بكل المقاييس شئنا ام ابينا اما اتحادنا فأفشل واسوأ ولكن ان نقول ان فجر المدرب المظلوم فهذا الخطأ بعينه لا يوجد بتاريخ المنتخب السوري مدرب درب المنتخب مدة متل فجر بس قولولي شو ضاف شو حسن شو غير انا معك انو فجر رجل صابر ومكافح ولكن فنيا فاشل فاشل فاشل وهادا رأي ولو كان مدرب مهم وله تاريخ لماذا لما كان بنادينا لم يعطى مهمة تدريبية لاي من فرق النادي ولما سرت اشاعة انه سيستلم نادي الوحدة قامت الدنيا والجميع في هذا المنتدى هدد وطالب ونادى بان لا يستلم فجر التدريب هل النادي اهم من المنتخب مع العلم ان لي علاقة مع فجر منذ خمسة عشر عاما وهو رجل خلوق ومهذب والمشكلة انا براي المتواضع لازم تتدخل القيادة السياسية وتحل مشكلة الرياضة السورية كلها وترفع من مستواها وتوفق السرقات والرشاوي المسفحلة باتحاداتنا

[نستول]

يازلمة فجر وغيرو من يلي عم يقبلو يشتغلو بهيك ظروف هنن من اكتر الناس يلي عم يغلطو بحق الوطن

[الأدعشري]

اخي طلال انا لم ادعي ان فجر براهيم هو اقوى مدرب و افضل مدرب لكن بين يدينا انجاز وهو التأهل لنهائيات كأس اسيا ولازم نحترمو ونقلو شكرا كتر خيرك ما قصرت مو نستهزء ونسب و نقيم ونحط بدكن تجيبو مدرب جديد جيبو بس اكيد ما رح يكون لا ابو شاكر ولا المحروس اعذروني لانو اي مدرب محلي ما رح يكون مع المنتخب احسن من فجر لكن وقت جابت الشركة ما بتذكر اسمها مدرب ايطالي اسمو كابريني على ما اعتقد قامت الدنية ولم تقعد بالمكتب التنفيذي واتحاد الكرة و ما بعرف ليش مصلحة هالجهتين هي ابقاء منتخبنا ورا الناس
بالمحصلة الكرة بملعب القيادة الرياضية والسياسية وهية بتشوف اهمية هالبطولة و اذا بدها تجيب مدرب لازم يكون على طراز رفيع مو يروحو على صربيا ودول شرق روسيا ويسترخصو بالسعر!!!

[طلال عباس]

لذلك يا سيد ادعشري من حرقة قلب بقول انا مقاطع المنتخبات كلها واه لما بتذكر النتخب السوري ايام نزار والكردغلي وايام ما كنا نلعب لنفوز بس هلا يا حرام عم بيلعبوا بمشاعر 22مليون واخر شي شي بيضرب التاني بصباط وشي بيروح بدو يشتكي على قيادتو لبرا حتى يحرموا سوريا من المشاركات(اول احسن)والمتضرر الوحيد المنتخبات الوطنية والجمهور السوري يا حرام000000

[&&ledخالدkha&&]

يا سيد ادعشري فجر مدرب فاشل بكل المقاييس شئنا ام ابينا اما اتحادنا فأفشل واسوأ ولكن ان نقول ان فجر المدرب المظلوم فهذا الخطأ بعينه لا يوجد بتاريخ المنتخب السوري مدرب درب المنتخب مدة متل فجر بس قولولي شو ضاف شو حسن شو غير انا معك انو فجر رجل صابر ومكافح ولكن فنيا فاشل فاشل فاشل وهادا رأي ولو كان مدرب مهم وله تاريخ لماذا لما كان بنادينا لم يعطى مهمة تدريبية لاي من فرق النادي ولما سرت اشاعة انه سيستلم نادي الوحدة قامت الدنيا والجميع في هذا المنتدى هدد وطالب ونادى بان لا يستلم فجر التدريب هل النادي اهم من المنتخب مع العلم ان لي علاقة مع فجر منذ خمسة عشر عاما وهو رجل خلوق ومهذب والمشكلة انا براي المتواضع لازم تتدخل القيادة السياسية وتحل مشكلة الرياضة السورية كلها وترفع من مستواها وتوفق السرقات والرشاوي المسفحلة باتحاداتنا

يا حبيبي ويا قلبي ويا عيوني
اي فجر مظلوم
اول عطي فجر متل يلي عطوه لابو شاكر
ثانيا المباريات الودية يلي صارت لابو شاكر ما صارت لفجر
ثالثا فترة التحضير يلي اخدها ابو شاكر ما اخدها فجر مع المنتخب
رابع السفر والفندق وهل الشغلات هي كلها ما صارت مع ابو شاكر لما كان مدرب
وعلى فكرة لو صارت ما كان استلم المنتخب من اساسو
كل هل الشغلات هي وما انظلم بقى كيف بدك ياه يكون مظلوم يعني فسرلي مشان الله
الشغلة التانية الفنيات والتكتيك
كل سوريا وانا عم قول كل سوريا بشهادت الجميع
لما لعبت سوريا ضد ايران في طهران بتصفيات كأس العالم
كل اعالم اثنت على منخبنا وعلى ادائه وكان يستحق الفوز وعلى الارض الايرانية
وبشهادات غير سوريا على كل الاقنية العربية بذالك الوقت
وكان المدرب وقتها فجر ابراهيم واعالم اكدت انو سوريا لو تمت تلعب بنفس الطريقة لتأهلنا لدور الثاني على الاقل
الاتحاد الرياضي وقتها غير فجر وحط ابو شاكر شو ساواه انت قلي

[ابو وسام]

ما بعرف كيف عقلية الناس وكيف عم تقيم المدرب وعلى اي اساس
يعني دخلك انت يلي عم تحكي علىة فجر انو فاشل ومالو تاريخ اتفضل افحمني بالامكانيات اللي عطو ياها ..والاحلى من هيك ناس بتقلك مين ضربو على ايدو يدرب ؟؟ انا بجاوبك قبل يدرب لانو بيحب وطنه صعي ماعندو هالخبرة هي بس برضو قبل لانو الاتحاد الفاشل اللي عنا ما عم يدور على منتخب بلدو واذا كل واحد بدو يفكر متلون يعطيك العافية على سمعة بلدنا .. بقى حاجة تتحججو بالمدرب مشان اللي خلقكم وروحو حاسبو المسؤولين على المنتخب

[محمد سكر]

بالنسبة لمدرب المنتخب أنا مع المدرب الأجنبي قولاً واحداً ويكون على مستوى جيد ولوكان راتبو عالي أكيد وقت نقصد مندبر حالنا .....

[عمار عبار]

نعم فجر مدرب ناجح ما دام يحقق النتائج المرجوة وبظل الظروف المحيطة
وهو الانسب والافضل حاليا لقيادة دفة المنتخب
الا اذا كان البديل مدرب من شريحة الكبار بالعالم

[KiNg82]

حبيبي يا حبيبي ليش غارديويلا اللي حقق سداسية مع برشلونة شو تاريخو قبل ما يستلم برشلونا بس يا قلبي ويا شاطر قبل ما تنتقد انت وغيرك جيب ادلة انمو منتخبنا قبل ما تعادل مع فيتنام كان على زمان المدربين اتلسابقين يربح على ايران وكوريا و غيرون فالله يرضى عليك و على اخواتك قبل ما تطالبو بعزل فجر طالب بأتحاد كرة محترف و طالب بحجز فندقي للاعبين المنتخب ..


كلااام سليم برأي

[عدنان شيخاني]

فجر منيح بس حلو عنو شوي خلوه يعرف يشتغل

[SH@@MI]

النتائج والآرقام تتكلم
بقيادة فجر ابراهيم
لعب منتخبنا الوطني 34 مباراة
فاز في 20
تعادل في 10
خسر في 4 فقط
متى كانت هذه الأرقام لمنتخبنا

تقولون فاز على منتخبات سهلة (بالرغم انو ضمنها الصين)
ولكن من ايمتى كنا نفوز على استراليا واليابان لك وحتى ايران

بتقولوا صللوا خمس سنين مع المنتخب ما عمل شي
شو المطلوب منو يعملو بهالخمس سنين
تصفيات آسيا 2007 ما كان من بداية التصفيات استلم بعدين بعد خسارة من كوريا بسوريا (حلب)
وعمل نتايج جيدة نوعاً ما تعادل مع كوريا ومع ايران وما بعرف شو كمان بس وقتها تأهلت كوريا وايران

بتصفيات كأس العالم ترك التدريب من نص التصفيات وسلم مقعده للقويض (يلي عم يطالبوا فيه كتير جماعتكن) وقدمله للقويض نتايج حلوة كمان القويض هو يلي كش من البطولة (ومليون ةاحد صار يدافع عنه وعن المنتخب وقتها لأنو بفرق هدف بس كشينا)
بتصفيات آسيا 2011 لحد الآن ما خسرنا ولا لعبة
مجموعتنا نوعاً ما سهلة بس نحنا المتصدرين يعني لو أصعب بشوي كان ممكن نكون تاني
بس تأهلنا لآسيا بعد 15 سنة غياب
ومشان لعبة فييتنام كان بكفينا التعادل للتأهل وكان فييتنام بدهن اللعبة مشان يضل عندهن أمل

والله يلي بيسمعكن بقول منتخبنا كان ممتاز ويعمل العمايل والو انجازات كبيرة بآسيا
ما بقول انو كنا نتأهل بالزور وبآخر لعبة عم ننتظر لنشوف غير مباراة بتخدمنا نتيجتها منتأهل

يكفي انجرار وراء المطبلين
طبعا ما حكيت عن العم اللي كان للمنتخب وخصوصي بأيام أبو شاكر واختفى الآن
وعالمرمطة اللي عم تصير لمنتخبنا
بتمنى يصير انتخاب اتحاد كرة بأسرع وقت ليرجع الدعم
فجر ابراهيم ألف مبروك واستمر كلنا معك

[abouabdoo]

أرجو من أذناب نديم الجابي أن لا يوصلوا لنا أفكاره

لأن أفكاره المسمومة باتت معروفة للجميع

ودوافعه مفضوحة كالنقطة السوداء في صفحة بيضاء


أعزائي ذيول الجابي

خبروه أنو يحكي هالكلام بمنتدانا بشخصه

وبكون عندو جرأة يواجهنا

ولا يرسل حدا من مسيحة الجوخ شياتو


والسلام

[الكتلوني]

هلأ لي عم ينتفد فجر انا معكون بكلامكون بس بشرط تجيبو مدرب اجنبي وبشتغل الشغل لي عم يشتغلو فجر غير التدريب أكيد بيئبل ما لذلك حاج والله عيب لعما صرلي يومين مسموم بدني من هاد نديم الجابي والفصعون لي طلع اليوم لي كانو عم ينتقدو بس لمجرد الأنتقاد الفاضي ودافع كرهون لغجر

[clever]

يا أخي فجر مو أحسن مدرب بسوريا بس مين في غيروبزمتك ممكن يكون أجنبي أبو 2000 دولار أحسن منو
لا ما بدنا مدرب من أوربا الشرقية مو معروف قرعة أبو من وين بيجيبو ليسكتونا ويضحكو ع الجمهور
فجر ابراهيم اأفضل الموجودين إلا إذا بترشح العفش أو الشماس

شكراً فجر أبراهيم شكراً يا رجال سوريا تأهلنا بأقل الأمكانات وبالنسبة للأداء كان بالأمكان أفضل مما كان

[وحداوي كتلوني]

أصبحت على قناعة بأن من يهاجم فجر ابراهيم مدفوع من أشخاص معينة أو ماشي مع التيار ومو عرفان الله وين حاطو

[Abu Waseem]

ومين قال انو نادينا مقياس يا أخي مانحن أصلاً عنا مشاكل بلاوي بعقليتنا بقى مالقيتلي غير هي مقياس انو ماحدا رضي يستلم؟ ليش مين جمهورنا بيقبل انو يدربو وما ينط متل حمصة الكي؟
فاشل وأهلنا وغيرو ما عمل هالشي طيب كيف هي ظبطت؟
الفشل بمعناه اللغوي بيكون عكس النجاح بتصور ولكن الكابتن فجر قدر ينجح بالمهمة يلي بين ايديه وبالمعطيات يلي الكل بيعرفها فوين الفشل؟

[اسد العراق]

شكراا على الموضوع الجميل