الحموي افضل لاعب في سوريا 2009 والرهيـب قصي حبيب ثانيا

[حمودي اليوفاوي]

حقق لاعب فريق الكرامة لكرة القدم محمد حيان الحموي أعلى نسبة تصويت خلال الاستطلاع الذي أعلنه موقع " سيريا أوول " حول من هو لاعبك الافضل لعام 2009 ونال الحموي نسبة 28.57% تلاه لاعب فريق الوحدة قصي حبيب بنسبة 21.43% ثم لاعب الجيش ماجد الحاج ثالثاً بنسبة 14.29% .

يذكر أن الحموي قد انتزع لقب هداف مسابقة كأس الاتحاد الآسيوي بعد أن سجل خمسة أهداف ، و وصل مع فريقه الكرامة إلى نهائي المسابقة . و شارك الحموي في انجازات الكرامة في دوري أبطال آسيا و بطولة الدوري المحلي في المواسم الأربعة الماضية .
الحموي موهبة كروية فذة و نجح أخيراً في تسجيل ( هاتريك ) في مرمى جبلة رافعاً رصيده في الدوري الحالي حتى الآن إلى سبعة أهداف من عشر مباريات.


المصدر : جريدة البعث

[حمودي اليوفاوي]

طبعا هدا كان مجرد استفتاء واليوم تم اعلان نتيجتو بجريدة البعث
بس هي غير الجائزة التي اعلنت عنها مجلة الرياضية حول افضل لاعب سوري ورشحت اسم 24 لاعب من ضمنون قصي


واذا بتلاحظو .. الحموي اخد الاول وفريقو ساعدو فاخد فريقو الدوري والكاس
ماجد اخد التالت وفريقو كان عم ينافس بقوة ع لقب الموسم الماضي وعم ينافس بقوة ع لقب الموسم الحالي

قصي بالمركز التاني بفارق ضئيل عن الحموي .. مع انو الوحدة بعيد كليا عن المنافسة !
لو الوحدة كان بين الاربعة الاوائل لكنت متأكد بأنو قصي افضل لاعب في سوريا 2009 !

انشالله الوحدة يحرز كأس الجمهورية لحتى يكون قصي الافضل بعام 2010

ويا ريت يتم تجديد عقد الرهيب لانو مافيني شوفو بكنزة غير الاورانج

[الدمشقي]

بيستاهل الحموي لأنو بالفعل هداف من الطراز الرفيع
وان شاء الله اللقب رايح باتجاه الرهيب بالموسم القادم

[wissam82]

قصي بالمركز التاني بفارق ضئيل عن الحموي .. مع انو الوحدة بعيد كليا عن المنافسة !
لو الوحدة كان بين الاربعة الاوائل لكنت متأكد بأنو قصي افضل لاعب في سوريا 2009 !

تمام هالكلام
يعني رغم كل مشاكل نادينا بالموسم الماضي
قصي حصد المركز التاني ,, معناها كم أنت متميز يا رهيب الله يحميك .. :f)

بتمنى فعلا متل كل الجمهور البرتقالي انه تنحل مشكلة قصي
ويتم تجديد عقده لعدة سنوات ووقتها رح يكون الوضع غيررر ..

[فتى الشام المدلل]

مبروك لقصي ولنادينا وانشا الله عقبال عند كل نجومنا دون استثناء

بس حدا بيعرفلي شو ترتيب المسيو

ابنو لسويدان

[ابو وسام]

بحسب ظروف نادي الكرامة وتالق الحموي شي طبيعي ياخد المركز الاول
طبعا ما مننسى الفتى الذهبي قصي حبيب التالق المميز مع فريقنا

[W@SEEM]

مبروك للرهيب قصي حبيب رغم كل ظروف نادي الوحدة

بس الغريب أن الثلاث لاعبين غير موجودين بالمنتخب الأول

طبعاً بإستثناء قصي يلي أستدعى مؤخراً ولم يشارك مع المنتخب

[fahmi]

مبروووووك للرهيب ولازم تنحل قصتوا ويجدد معنا

[جيرارد]

مبرووووووووووووووووووووووك للرهيب قصي الامير فعلا انه لاعب موهوب ومتميز يعني بكل ظروف هل النادي اخذ الترتيب الثاني
وفعلا بدنا حل كرمال مشكلة الرهيب يعني بدنا نشوفه دائما بكنزة البرتقالي

[محمد سكر]

قصي هو الأول بنظرنا لأنو بيستاهل

[&&ledخالدkha&&]

مبروك للرهيب
قصي

[f.torres]

نظريا الحموي الأفضل
بس عمليا قصي هو الأفضل
مبروك يا غالي

[أغيد الفرا]

و الله قصي من أحسن المواهب بسورية
و بتوقعلوا مستقبل متل فراس الخطيب و يمكن أحسن

ان شا الله يضل بالبرتقالي .. لأنو أفضل لاعب بفريقنا

[ابوالعبد الوحداوي]

مبروك لقصي والقادمات افضل انشالله
ونطاااااااااااااالب بالتجديد :wahdawia:

[<MoHaMeD DaBoUL>]

الله يحميك يا قصي
وبازن الله رح تصير الاول ع سوريا وع اسيا

[SH@@MI]

يا ريت تنحل مشكلة الرهيب بأقرب وقت

[الكتلوني]

مبروووووووووووك لقصي وماجد بلتوفيق للوحدة والسنة الجاية يشكلو ثنائي هو وماجد

[ali-orange]

قصي مشروع لاعب كبير بالتوفيق للرهيب

[MOH@MAD]

ان شاء الله عقبال قصي ياخد احسن لاعب مو بس بسورية

بالوطن العربي والعالم كمان

[nemr]

والله انا شايف انو الحموي اقل من عادي هاد رأيي طبعا
وقصي بيستاهل يكون احسن لاعب

[محمود حلبي]

الله يحميك يا قصي
وبازن الله رح تصير الاول ع سوريا وع اسيا وتكون أفضل لاعب اسياوي 2010


http://up4.m5zn.com/9bjndthcm6y53q1w0kvpz47xgs82rf/2010/1/4/05/sr8xw0z75.jpg (http://www.tobikat.com)

[مالك أنس]

الرهيب رهيب لو حطولو الف رقيب

[DIABO MAN]

الرهيب بيستاهل يكون احسن لاعب بأسيا كلها