دعوة من الفرقة الموسيقية

[القيصرالشامي]

اولا مبروك الفوز الكبير لفريقنا الغالي وجمهورنا العظيم بصراحة أنا تفاجئت كتير من من تصريحاتكم علينا ........ برجع وبئول نحنا مامنجي كرمال المادة نحنا وحداوية الاصل والدم بغض النظر عن باقي اعضاء الفرقة ولو في مراقب مالي من النادي لكنتو عرفتو اديش مناخد من النادي واديش مندفع للعازفين يللي معنا يعني مافي داعي نحكي انو كل مباراة عم منكمل حساب الشباب من جيبتنا واكيد ماالنا فضل على حدا لأن هاد بيتنا مونادينا ......... وشكرا كتير لأرائكم الصريحة 2_ بحب ادعي جمهورنا الكبير لتنظيم مسيرات احتفالية بكل فوز انشالله وكل مرة بشارع شكل ونخلي الشام تشعل وتعرف انو نادي الوحدة مازال نبض قلب الشام ونرجع نحيي قلوب الدمشقيين بطعم البرتقال الشامي ............. مع تمنياتي لنادينا بالاستقرار والنصر المستمر ....... الفرقةالموسيقيةفخرالصناعة الدمشقية(غيث سعدالدين)

[SH@@MI]

الله يعطيكم ألف عافية

[فهد الناجي]

تحياتي لك اخ غيث
نحن ماحدا عم يشكك فيكون انكون وحداوية واصيلين كما ن
انتو عم تاخدو حقكون وعم تتعبو مع الرابطة ممكن انت ما تاخود اجرتك او ابو كاسم بس ممكن باقي الشباب تكون هي شغلتهون يلي بيسترزقو منها
وحسب مافهمت وقت لعبة النواعير انو واحد من الشباب يلي معكون بالفرقه حلبي واستلمتو انت طول اللعبة هههههههههههههه

الجمهور عم يطالبنا كرابطة مشجعين انو انجيب فرقة تانية لتحت الصورة وبصراحه وانت اكيد بترعف وع النادي ووضعنا كرابطة ما منقدر انجيب فرقة تانية ويا دوب عم انمشي حالنا بمصريف الاعلام والفرقة والأمور الكرنفالية
وبالنسبة للمسيرات الاحتفالية ان شاء الله
انا معك وهالشي لازم يصير بطريقة منظمه لان في كتير شباب عم اتبالغ بالأحتفال وهاد الي عم يأثر على سمعت جمهور الوحدة بشكل عام
والله يعطيك الف عافية يارب

[القيصرالشامي]

اخي فهد أولا انا اسف لاني نسيت اشكرك على تعليقاتك يللي على طول بتخلينا نتفائل وكلامك الحلو والصريح أخي فهد أنا ماعندي مشكلة مستعد ادفع مني نصف اجرة الفرقة التانية يللي عم يطالبو فيها الجمهور لتحت الصورة وهاد اقل من واجب وبالنسبة للشب الحلبي يللي معنا هاد طالب عندي بمركز تدريب الفرقة ومنجيبو لتفريغ طاقتنا بالحلبيةهههههههههه بس عن جد انا مابختار اعضاء الفرقة الا من نخبة العازفين ادب واحترام وعزف وانشالله بتضل فرقة نادي الوحدة الفرقة الرائدة على صعيد الرياضة السورية

[الكتلوني]

انشا لله بيصير خير مشكور

[فهد قيطاز]

مشكورين عمي غياث وماحدا بيشك بحبكم للبرتقالي
والله يعطيكم العافية ماعم تقصرو

[بشـار الوحداوي]

الله يعطيكم العافية يا رب ومتل ما قال الاح فهد يعني الجمهور عم يزودها بالمسبات والكلام البذيئ والله انا كنت اطلع على القصاع بس كنت استحي كتير من عيون العالم من الكلام الي عم ينحكا

[wissam82]

الله يعطيكم العافية يا رب

وأنتو عنجد ما عم تقصروا بالعكس عم تعملوا
يلي عليكم وزيادة ..

وإن شاء الله مباريات الوحدة بتكون كلها كرنفالات أفراح ..

[يامن الوحداوي]

انا بس حابب اشكرك اخ غيث عل المسيرة يلي طلعت بلعبة النواعير والله يعطيك العافية بالرغم من الشرطة يلي كانت انت تابعة عزف وكملت المسيرة وإنشالله كل مباراة هيك والله يعطيك العافية

[نستول]

حلوة السيرات والاحتفالات بس يلي مو حلو الشي يلي عم يصير من البعض لكن مرة كبيرة لابسة اوعي الصلاة وطالعة عالبرندة عم تصفق للجمهور بيخبطوها بتفاحة بتجي براسها اي والله عيب

[وحداوي موت]

الله يعطيكن ألف عافية
انتوا شباب بتحبوا النادي ووحداوية أصيلين
ان شاء الله بتتحسن الامور المالية بلنادي وبتكونوا بألف خير

واحلى أبو كاسم وأحلى فرقة موسيقية

[وحداوي كاتالوني]

كلنا فداء للوحدة

[حسان الحسيني]

ما حدى بيشكك بانتمائكم بس لاتقول انو المادة مالعا علاقة بالمرة
الكل بيعرف وضع النادي واحيانا بترفضوا تنزلو الا لتكون مسوكرين المصاري بجيبتكم
الرابطة هي لحد الان من وقت ما استلمت ماقصرت معكم ولا باي مباراة كانت تعطيكم ع كل مباراة 3500
و1500 من الدين القديم منتمنى منكم شي مرة تجوا بشكل مجاني وهو بين الانتماء للنادي ولا للمادة
وفي شغلة تانية وانت بالذات شريك وخدها مني عتب محب
لما الجمهور بيبلش مسبات بتشتغل بالطبل احيانا ع نغمة المسبة

[حسان الحسيني]

يعني حكم الوحدة 4 مباريات تقريبا خلال 15 يوم بالشام
والنتيجة الفرقة الموسيقية قبضت كاش 20 الف ليرة عدا ونقدا

[الوحدة عشقي]

الله يعطيكم العافية يا رب وانتو باذن الله ما بتقصروا والكل بيعرف هالشي

[علي1991]

ممكن تغير بعض اعضاء الفرقة وتعلم عالم وحداوية بيشتغلو ببلاش

[abouabdoo]

الله يعطيكون العافية أخي غيث

بس إلي عليكون عتب بسيط

لما حدا يشجع بطريقة لا أخلاقية لا تنساقوا معه بالعزف

وحاولوا قدر الامكان أنو تشغلوا الجمهور بأي شي ثاني

[هنو]

غيث بيك كيفك

الكل بيعرف انو هي باب رزق الاغلبية يلي بالفرقة

لذلك لا كلام لي بهذا الخصوص

أما بالنسبة لوضع فرقة ع الشمسات فأنا طلبت بأول اجتماع بالرابطة هي النفطة و ركزت عليها

و حضل مركز

و السبب

انو جمهورالمنصة دايماُ بيكون حدو الفرقة و هالشي بيساعد الجمهور بالاهازيج

و عدد الجموهر بالمنصة اد نص يلي بالشمسات

بقا كيف اذا كان في فرقة او ع الاقل عازفين اتنين فقط لاغير

برأي الجميع ما ح يكون صوت الجمور احلى و اكبر و اكتر و اقوى ؟؟؟؟

[محمد سكر]

يعطيكم ألف عافية ومشكورة جهودكم

[nemr]

الله محيي اصلك
ويعوض عليكون كل قرش دفعتوا من جيبتكون بألف

[f.torres]

أهم شي أخ غياث تتفاهمو مع الشرطة منشان مايصير متل ماصار بعد مباراة النواعير
والله يعطيكون الف عافية

[أب عمر العرقسوسي]

مشكورررررررررررررررررررر غياث بيك

[AMIROV]

الله محيي كل وحداوي اصيل

[DIABO MAN]

والله انتوا وحداويين ومافي حدا ممكن يشك بهالشي والله بيكفي وقفتكم والتشجيع
يعني اذا انتم مو وحداوية مين بقى الوحداوي