تكريم رموز النادي

[نستول]

بسم الله الرحمن الرحيم
هلق لما الاخ هنو ذكر بموضوعو المحملجي واديش هاللاعب مخلص خطرت ببالي فكرة هي انو ليش مامنعمل هون بالمنتدى تكريم شهري لرمز من زموز النادي وتكون بداية التكريم للمحملجي والفكرة على الشكل التالي انو يتطوع 20 شب من المنتدى ويدفع مبلغ 500 ليرة سورية ونجيب فيهن هدية رمزية للرمز يلي بيوع عليه الاختيار ويقومو بتكريمه ادارة المنتدى مشكورين ويعملو معو لقاء يحكي فيه عن شعورو تجاه هالمبادرة وعن احلى ايامو بالنادي وشو عندو افكار للادارة الحالية بتفيد بتطوير النادي وبهيك منكون عم نرد دين لحدا خدم النادي كتير ولو بشي رمزي ومنكسب موضوع شهري بيلاقي اقبال من الاعضاء وممكن مع الوقت نلاقي سبونسر اعلاني حابب يرعى هالفقرة الشهرية وانا اول المساهمين بهل الفكرة وبتمنى منكون تاخدو الموضوع بشكل جدي وتعملو على تفعيلو والختام سلام

[SH@@MI]

الفكرة حلوة

[علي1991]

فكرة ناقصها التنفيذ فقط

[فهد الناجي]

فكرة حلوة كتير
وانا من فترة اقترحت بأجتماع للرابطة تكريم رموز النادي بأرض الملعب وخلال مباريات فريق الرجال بالعباسيين
وأن شاء الله ستتم هذه الخطةو بمرحلة الأياب

[الدمشقي]

فكرة أكثر من رائعة
الله يعطيك العافية
وبرأيي كونك صاحب الفكرة تبلش فيها والأعضاء يلي بحبو يساهمو يراسلوك برسائل خاصة
وفيك تنزل موضوع تكريم بعد هيك وابدأ بالرمز محمود محملجي
طبعاً من بعد اذن ادارة المنتدى

[نستول]

والله انا جاهز للمباشرة بالفكرة وهون بالمنتدى من بعد اذن ادارتو طبعا مع اني بتمنى انو حدا من ادارة المنتدى هو يتبنى الفكرة لانو معرفتون بالاعضاء بتضل اكتر مني

[Nassib kabbani]

انا مستعد شارك وادفع 5000 ليرة

[نستول]

ياسيدي اهلا وسهلا فيك وانا يلي عم احكي فيه 500 مو اكتر بس برجع بوجه نداء لادارة المنتدى اننون هنن يتبنو الموضوع وانا بكل الاحوال جاهز

[wissam82]

فعلا الموضوع كفكرة كتير رائع أخي الكريم
بس كتنفيذ رح يختلف شوي الوضع ,, لان وبكل صراحة
نحنا مجربين كتير هيك أمور (( لما تدخل أمور مادية )) ..

يعني منجي لما ننزل موضوع الكل بيقول انه نحنا جاهزين
وفكرة حلوة ومن هالكلام ,, ولما يجد الجد منلاقي للأسف
إنه ما في استجابة بالشكل المطلوب غير من عدد محدود جداً ..
وطبعا نحنا ما منلوم حدا ,, لأن لكل شخص ظروف وأحوال رب العالمين الأعلم فيها ..

لهيك نحنا كان عنا فكرة قريبة من هالشي
بس تنفيذها مختلف ,, يعني :

كان عنا بالمنتدى فقرة شهرية تقريبا اسمها (( لمسة وفا ))
فيها مقابلات ومواضيع بتنزل كل فترة مع رموز النادي القدماء

وصاحب الفكرة ويلي ينفذ هالمقابلات كان أخونا أحمد بيرقدار
ويكون صلة الوصل بالأسئلة والسلامات بينا وبينهم ..

هلئ هي الفنرة انشغل هو شوي ببعض الأمور
وإن شاء الله رح ترجع هالفقرة بمقابلات جديدة قريباً ..

وطبعا هلئ الفكرة يلي تفضلت فيها رح تكون قيد الدراسة أكيد لانها فكرة كتير حلوة
وإذا كان في استجابة حقيقية من عدد منيح ممكن نطبقها إن شاء الله ..

[الدمشقي]

انا مستعد شارك وادفع 5000 ليرة

وهي أول المتبرعين
بس مافي داعي لل5000
خمسمية ليرة من عشرين عضو شهرياً
بجيبو هدية رمزية

[أسامة]

أنا جاهز بميتين دولار فورآوقت بدكن

[الوحدة يا عشق كل دمشقي]

الفكرة حلوة كتير

[نستول]

هي صرنا تلاتة مستعدين للدفع انا واسامة ونسيب قباني بقى في تشجيع لنكمل ؟