اتذكرون معي تلك المبارة

[علي1991]

السلام عليكم

اتذكرون تلك المبارة التي جمعت


الوحدة والكرامة

اجمل مبارة للوحدة
واجمل اهداف في الدوري السوري
عندها كان ان سجل الكرامة هدف الدعادل (طار عقل مسجل ذاك الهدف)
ليس مثل الان ان سجلو علينا كانهم لم يسجلو
اعرفتم تلك المبارة انها مبارة
3 1
للوحدة للكرامة انس الخوجة

ماهر السيد
موسى تراوري
نبيل الشحمة

اجمل مبارة شاهتها للوحدة






سؤال هل احد يملك فيديو للاهداف
واذا في تسجيل لتلك المبارة كلها بكون احسن

والسلام على الجميع

[f.torres]

والله كانت مباراة رائعة سنة 2006 على زمن الراحل نيناد
أحلى هدف كان دبلكيك موسى تراوري
أخ على هداك اليوم

[amoryvip]

الكرامة وأتها كانت لابسة أزرق وأحمر متل فرنسا مباراة لا تنسى

[وحداوي كاتالوني]

مباراة لا تنسى

[<IBRAHIM>]

بتذكر تراروي سجل غول دبلتيك بهديك المباراة
يالله اديش صرلنا مو فايزين عالكرامة او الجيش او المجد او الاتحاد

[fahmi]

مباراة مابتنسى بس حسب مابتذكر انو العمير يلي حط جول الكرامة

[ميدوالشامي]

الله يرحم نيناد وايااااااااااامه
بس نشالله أيامه حترجع على ايدين المحروس
ربي يرحم نيناد ربي يرحمه

[الطير]

رحمة الله عليك يانيناد

[علي1991]

كول دبلكيك وبس
كول دبلكيك وقبلو كان في تكتكة
ما في متل هل كول بدوري السوري

[SH@@MI]

كانوا الكرامة ما يحلموا يفوزوا علينا

انشالله لح ترجع هديك الأيام قريباً جداً

[wassim80]

كااااااااااااااااااان فريق حلو والله , حضرت سيرة الراحل الكبير الله يرحم ترابه...
وان شاء الله بترجع هديك الأيام الحلوة وبالفعل أخي عامر كان تحلم فرق الجيش والاتحاد والكرامة بالفوز على البرتقالي....

[فهد قيطاز]

مباراة لا تنسى ذكرى حلوة كتير اسمعو ولله العظيم شو صار معي فيها
أول شي كنت عسكري بوقتها وكنت متحدي عالم عليها 2من حمص واحد
من الشام بيشجع الكرامة ولما قرب موعد المباراة طلب مني العقيد قائد
الكتيبة انو انزل رقيب طعام استلم التموين الشهري من اللؤاء كان بيبعد ساعتين
بالسيارة لانو رقيب الطعام نازل على البيت ومافي حدا بالكتيبة خرج
يستلم التموين الشهري والعقيد بيعرف انو كان عندي كتير رفقات بالؤاء
لان كنت اخدم هنيك ولابحلال ولا بحرم كان يقتنع انو يخلي غيري يروح
ومحسوبكم اذا ماشاف المباراة بجن وبلشت اعمل واسطات لوصلت للمقدم
ضابط الامن وكانت علاقتي معو كتير منيحة لأن كنت استفقده بكتير شغلات :mrgreen:
وقال لي ليش مابدك تروح مع انك ماكنت تعارض من قبل قالت له بصراحة في مباراة
للوحدة واذا مابشوفها بموت يا بشكل فرار سألني مع مين المباراة ماشي مابخليك تروح
جاوبته مع الكرامة وهون القصة لأن المقدم حمصي قال لي فهد شوف انا مارح خليك تروح بس اذا بتخسرو
بتجي لعندي وبتجيب مقص لحالك مشان شيل هالشعرات الحلوين شو وانا وافقت رفقاتي
كلهم يامجنون المقدم عبد الحكيم مامعه مزح قلتلهم ماعليكم ورحت الغرفة جهزة الشاي
والبزر وجلست وكانت نصف الكتيبة عندهم علم بالتحدي لان في حلوان للكتيبة كلها
ويومها طلبت من الرقيب قبل الاجتماع يفرأها بالنشرة الصباحية من باب المزح
وأول كول للوحدة أجى نظرة لشباب بابتسامة صغيرة بذكر كان في شي عشر شباب بالغرفة
وبعد شوي جابو كول التعادل بهدف جميل كان مقص من منتصف منطقة الجزاء متل
مابتذكر وماشفتلكم غير 3 فزو واجو لعندي وعم يصرخو هاد كول مو متل كولكم سل
وبالفعل كول الوحدة الاول سل سل انا اكلتها بجنابي بس من جوا عم اغلي وبعد شوي
اجي الهدف التاني عن طريق موسى تراوري دبلتيك وهون نطيت من التخت على التلفزيون
وبوقتها كانو حاطين فرحة موسى تراوري يالهدف وبست شاشة التلفزيون واندرت عليهم بدي
أكلهم ياشيخ حطينا الكول الاول ماحكيتهم بس جابو التعادل جنو ومحسوبكم بلش فيهم وماخليت
ستر مغطى والاحلى هدف الشحمة 3 كان قاتل وخلصت المباراة وانا عم ارقص اخدت مقص
ورحت لعند المقدم ومتل الاتفاق جلسة جاسين وعطيته المقص قلي فهد بدي عد لا 3 اذا بشوفك
هون ولله لاحلقلك لان كان عم يشوف المباراة وانا عم اضحك كان احلى يوم بحياتي ولهلق بذكرهم
كل ماكلمهم لعيت قلبكم انا بعرف بس ذكرى حلوة حبيت اشرحها بالتفاصيل ويعطيك العافية كاتب الموضوع
ذكرتنا بمباراة اكتر من رائعة والمرة الجاية بحكيلكم عن هدف المئة للبوشي مابدي ادعي عليه هلئ

[SH@@MI]

شو هالقصة الحلوة فهدو

[نستول]

تنذكر وتنعاد هديك اللعبة

[S@MER]

عنجد قصة حلوة هههههههه

[محمد ايهاب البوارشي]

انا تأخرت شوي بالشغل وتحججت انو السياره خربانه
ههههههههههههه

[شنكل]

مابنسى هديك المباراة بحياتي والله وقتها سجلنا عليهم كول ام احمد العمير جاب تعادل واجا لعند منصة الوحدة وصار يحتفل وبعدها شقيناهم بتاني وبتالت

[بشـار الوحداوي]

مباراة بكيت فيها من شدة الفرح وبالنسبة للجول تبع الكرامة الي سجل هو احمد العمير
ووقتا نيناد سحب تراوري ونبيل يعني الي حطو الجوال (كانو عم يقلو للخانكان هي الي حطولي الجوال سحبتلك ياهون ) بفوز من دونهم

[الكتلوني]

الله يرحمك يا نيناد فخر المدربين الأجانب بلدوري السوري واحسن واحد درب عنا الفاتحة عروحو شباب

[علي1991]

يمكن يكون احمد العمير
بس كان غلط دفاعي
بس كان لح يموت من الفرحة