المساعد الشخصي الرقمي

مشاهدة النسخة كاملة : خواطر وحداوية... السيد .. و فريقنا و الشعبو ...

Ahmedinho
12-12-2009, 08:50 PM
بسم الله الرحمن الرحيم

بعد هدوء الغضب و السيطرة على الاعصاب و كاسة شاي ساخنة...

في كم نقطة من مباراتنا مع التحويشة حابب احكي فيهون....

# اول شي لما وصلنا الاستاد تفاجئنا انو في ما حدا عم يوزع تذاكر براة الملعب و لما وصلنا باب المنصة كانت امة لا اله الا الله كلن عم يستنوا التذاكر... و النهفة انو بس شباك واحد عم يوزع تذاكر... و الزحمة عند مدخل جمهور الوحدة غير شكل.. و باب واحد مفتوح بس... مبينة المؤامرة على الوحدة و جمهورو و ما فينا نقول غير حسبي الله و نعم الوكيل...

# في سيناريو عم يتكرر من مباراة الطليعة لحتى اليوم مع الجيش و هي الكرات و الهجمات السهلة الضايعة بالشوط الاول ع الاقل كان فينا نطلع بكولين...

# الجمهور كان هادي بس من لما السيد وقف ورا الطابة لحتى يشوط الفاول بلشوا بالمسبات اللي ما بترضي اي انسان و ما حدا بيقبلا بس شي ما في حدا بيقدر يسيطر عليه.. الصراحة انا زعلت على جمهورنا...

# الصراحة السيد نزل من عيني من بعد الفرحة الهستيرية بالجول الاول و ما توقعتا بتطلع منو... و بالجول الثاني اكتر من لاعب جيشاوي وقف لحتى يشوط ضربة الجزاء بس السيد هو اللي تكفل فيها و بدو يصير هداف ع حسابنا

# كل من شاف السيد مع الجيش اليوم كان لاعب مختلف خالص... عم يركض و يقاتل على كل طابة و هو بنفسو يوزع لعب و يتفنن و ايام الوحدة كان غير كان عم يستنى الطابة لحتى تجيلو...

# في ضربة جزاء للوحدة الاعمى بيشوفا خطا على احمد عزام بس على عينك يا تاجر المؤامرة شغالة ضدنا

# اعطاء شارة الكابتن للسيد عواض احمد جبان كانت مقصودة...

# اااااااه من الزبداني من الشوط الاول كان ادائو تحت الصفر.. و ما بعرف ليش نزار غير مكان رافت يلي هو انشط منو بكتير..

# مارك اليوم كان نقطة ضعف بالفريق لاعب اقل من عادي و في احسن منو بالدرجة التانية...

# افتقدنا اليوم عمر خليل وهو كان نشيط بالوسط يسلم و يستلم طابات...

# الشعبو هو اللاعب الوحيد يلي لعب من قلب ورب... الشعبو بالاساس مركزو قلب هجوم بس شفنا اليوم انو كان بيرجع للوسط لحتى يستلم و يلعب دور الجناح... و يظل يقاتل لاخر دقيقة...

# انا بتمنى من ابو حامد يتابع شي مرة مباراة للفريق من فوق المدرجات لحتى يشوف الوسط كيف ميــــــــــت... لجيشاوية كانو عم يخترقوا الوسط بكل سهولة...

# كتير عم نفتقد للتسديدات من خارج المنطقة... بكل مباراة ع الاقل وحدة تكون راكزة...

# معليش شباب بدون زعل من وجهة نظري بهيك فريق رح ننافس ع الرابع و الاقل منون.... و بتمنى من ابو حامد يحضر فريق للموسم الجاي و انا ما بلومو بالظروف اللي اشتغل فيها...

# بتمنى من الادارة انو تتحرك لحتى يحنوا عينا و يحطونا مباراة بيوم الجمعة

# 90 دقيقة ظلينا واقفين ع اجرينا بسبب المطر
=================================

بالبرد.... بالتلج.... بالمطر..... بالحر.... بالعواصف.... رح نحضر و كرمالك كلشي يهون يا وحدة


بالنسبة للدوري بمعية الاتحاد السوري و الواسطات و المصاري و الحكام ( الدوري بين الجيش و الكرامة ):iron:
محمد ايهاب البوارشي
12-12-2009, 09:15 PM
هي تاني تقرير مفهوم اليوم بعد تقرير ابو كمال
مشكور معلم والله يوفقهم اللعبه الجايه
بشـار الوحداوي
12-12-2009, 10:13 PM
مشكور بس ضربة الجزاء الي عم انطالب فيها مو صحيحية
سيمو
12-12-2009, 10:26 PM
الفريق كان كلو سيء وبيستاهل الخسارة

يااخي كرة القدم اهداف

لاتقولوا ياحرام ضيعنا الفرصة الفلانية وسيطرنا وماسجلنا هاد الكلام ماعليه علامات

وبالنسبة لحالة العزام اللي عم نقول عليها جزاء شفتها عالتلفزيون لاجزاء ولاشي ولاعب الجيش مالمسو اصلا والدليل انو حتى احمد عزام قام وتابع الكرة ورجعها للمحترف الطبل

وعلى فكرة في ضربة جزاء تانية للجيش لانو الفطحل رأفت محمد صار يلعب بأيديه
MOH@MAD
12-12-2009, 10:33 PM
الله يعطيك العافية,
باينة الشغلة من عمرها هيك وبعمرنا
مالح يصير عنا كرة قدم ومالح نتطور بهيك اتحاد كرة فاشل وفريق جيش ......
ماهر الوحداوي
12-12-2009, 10:48 PM
لك والله الي صار بلملعب عيب يا جماعة شو دخل أمو أوأختوا أو مرتوا لماهر السيد لسيد راح ألله يسروا وهوا متلوا مت أي لعب راح أبلوا ولله اللي صار بلملعب عيب ولله عيب شي بسود الوجه لك عيب يا شباب هلا أيتو لما ترك برشلون وراح عل الانتر ولعبت البرشا والانتر سبوا شي الجمهور طيب ليشسبيتوا لماهر يا أخي بدوا يلعب حقوا ل لا تؤلوا عم بالغ بس والله لرياضة روح ريا ضية وأخلاء جمهور ولعيبة لله الودة لعب بس بمستواه لك يعني انت بتحمل خمسين كيلوا لطابيء السادس وغيرك بيادر يحمل الطابق العاشر يعني هيك مستواهوالله يأم الي فيه الخير
nemr
12-12-2009, 11:04 PM
الله يعطيك العافية على هالتقرير اللي بينرفع فيه الراس
أب عمر العرقسوسي
12-12-2009, 11:21 PM
الفريق كان كلو سيء وبيستاهل الخسارة

يااخي كرة القدم اهداف

لاتقولوا ياحرام ضيعنا الفرصة الفلانية وسيطرنا وماسجلنا هاد الكلام ماعليه علامات

وبالنسبة لحالة العزام اللي عم نقول عليها جزاء شفتها عالتلفزيون لاجزاء ولاشي ولاعب الجيش مالمسو اصلا والدليل انو حتى احمد عزام قام وتابع الكرة ورجعها للمحترف الطبل

وعلى فكرة في ضربة جزاء تانية للجيش لانو الفطحل رأفت محمد صار يلعب بأيديه
والله كل كلامك اصول ومعدل كمان
حنا عاشق الوحدة
12-12-2009, 11:27 PM
والله انو الشيء الي عملو ماهر عيب بس العيب الاكبر بأداء الفريق

شي بسود الوجه

ولكن هاردلك للوحدة
الكتلوني
12-12-2009, 11:34 PM
الله يعطيك العافية بلنسبة لللأخ ماهر الوحداوي لي عم يدافع عماهر بدي أعرف عشو واذا انت ئصدك انو جمهور برشلونة ماسبو لأيتو هاد لأنو كان مستوا أقل من لي لعب في هاد البطيخ ومنشان انو ليش العالم سبتون لواحد مو منشان انو جاب غول فينا بس بدي اسألك بدا كل هلفرحة شو أول مرة بيلعب ويجيب غول لو جاب غول بلشرطة أو المجد ماحدا بيزعل بس انو هاد فريئك وأكتر واحد تدلل عنا هاد بيكون جزات المعروف منشان الله ايمو عواطفكون كنا بلملعب وشفنا كلشي ان كان منو لهاد او من طريقة لي فتنا فيا علملعب