اقتراح بشأن النقل التلفزيوني

[Romanci_alsham]

السلام عليكم ورحمه الله وبركاته ..

أما بعد ...
عندي اقتراح وبدي اطرحو عليكم منشان النقل التلفزيوني ..

انو كلنا نبعت رسائل لموقع قناة الجزيرة الرياضية ..

info@aljazeerasport.net


وكمان لقناة الدنيا
kbm@addounia.tv

وبظن ما رح يخيبولنا املنا ..

بس لازم يكون العدد كبير ..

وشكرا

[Romanci_alsham]

شو منشان ما عجبكون الاقتراح

[tarek9]

اقتراح حلو بس هلأ الجزيرة بدا تنقل الدوري السوري الى جانب الدوريات الاوربية

[maxteero]

اقتراحك حلو وان شاء الله بتوافئ الجزيرة عالنقل


بس بعتقد لازم يكونو عاملين عقد من بداية الموسم

وان شاء الله خير

[أبو خالد الوحداوي]

بالعكس اقتراح مهم الله يسلم ايديك على الأقتراح

[Romanci_alsham]

انا متفائل خير .. بس لازم كلنا نبعت رسايل .. مالح يردو على واحد ولا تنين ..

وقتا بتعرف انو الناس طاش حجرا ..

[فهد قيطاز]

فكرة حلوة وانا معك ما بنخصر شي

[الوحدة عشقي]

الفكرة حلوة بس ما بظن انو تنقل مع انو الوقت يلي بتصير فيه مباريات الدوري السوري مناسبة بالنسبة للقناة

[ابو وسام]

ان شاء الله بيتحقق اللي بدنا ياه

[أب عمر العرقسوسي]

مشكورررر ياورد
وانا مابظن انو الجزيرة توافق
بس بظن انو قناة الدنيا بتوافق

[SH@@MI]

ما رح تنقله الجزيرة
عالأغلب لح تستغني عنو
بس انشالله الدنيا تشتريه
مشان تصير حلقات الكرة بملعبك أحلى وأحلى

[الكتلوني]

اقتراح حلو لحنا منعمل لي علينا والبائي على الله بس حسبي الله علي كان السبب

[أبو جورج الوحداوي]

رح نرسل ايميلات مو مشكلة

لازم ينهوا المشاكل العالقة بين
التلفزيون السوري
و شركة الرياضية
و ال art
و بعدها بيحكوا بموضوع وين رح تنتقل المباريات

[DIABO MAN]

اقتراح حلو بس هلأ الجزيرة بدا تنقل الدوري السوري الى جانب الدوريات الاوربية
:mrgreen::mrgreen::mrgreen:
فعلا صعب والموضوع مو طلب وبس الموضوع في دفع ملايين يا معلم

[nemr]

اقتراح حلو
بس الجزيرة مابظن انو تهتم بالدوريات العربية لانو العالم عم تشترك بالجزيرة بالوريات العربية وبلاهون
يعني كلفة عالفاضي

[W@SEEM]

تم الإرسال :iron:

[bmekhaled]

يا زلمة الدنيا تقارير عن المباريات ما عاد حطت مشان قصة حقوق النقل
ما بدها تنحل بالأول لحتى يرجع النقل

[Romanci_alsham]

أيا مشاكل نقل وأيا حقوق .. لك أي مو معقول صرلا الشغلة 8 اسابيع وما كانت تنحل ..

بدي اعتزل الدوري السوري احسن شي ..

[kashi]

والله عيب انو مباريات الدوري ما نقدر نشوفها

[f.torres]

بتوقع الدنيا توافق ولو على الاقل من بداية مرحلة الاياب

[محمد سكر]

بس شو بدو يقول الواحد غير ياعيب الشوم ؟؟؟؟؟؟؟؟؟

[مالك]

شباب على فكره الاقتراح حلو ومعقول وانا وصلت صوتي بشكل مباشر
واليوم بالصدفه كنت مع احد العاملين المهمين بالجزيرة الرياضية
وحكينا بالموضوع واكد لي بأن الجزيرة ستقوم بنقل الدوري السوري وعلى الأغلب بعد راس السنة
عندهم مشكلتان الأولى ان الضغط عليهم كبير لكثر البطولات التي ستنقلها الجزيرة وثانيها أنهم يبحثون عن طاقم جيد لنقل الدوري السوري
فاستبشروا خيرا انشاء الله
عفكرة معلقنا السوري الجديد بالجزيرة مضر اليوسف
يسير بخطى جيدة واليوم سيشارك بنقل احدى مباريات دوري الأبطال الأوروبي
بالتوفيق لكم وللوحدة وللدوري السوري وللكابتن مضر

[Romanci_alsham]

ان شاء الله خير ..
بس انا أقصد بما ان مبارة الجيش والوحدة مهمة .. وفيها جمهور .. ولو تم النقل وصار فيا احداث درامية حلوة هد الشي بيسهل حل مشكلة النقل بين الطرفين ..

المهم تزبط القصة .. انا ما بدي غير هلمبارة ..

[ابوالعبد الوحداوي]

لما سألوه لمصطفى الاغا ليش ما عمتحط تقارير عن الدوري السوري ... ئال مو لينئلو التلفزيون السوري بالاول ....

[Romanci_alsham]

ههههه .. من وين جايبينو هد مصطفى الاغا ..
لك بشرفي مصطفى الاغا عندو كل الاخبار يلي بحبا البكون

[Radwan]

لن تنقل قناة الجزيرة الرياضية الدوري السوري غالبا" والسبب أنها تعمل بشكل إحترافي وهذا غير متوفر في سوريا

الجزيرة تنقل جميع مباريات الدوري وتعرضها تباعا" وهذا غير ممكن وغير مجدي تجاريا" بالنسبة للجزيرة الرياضية

ولايمكن أن يكون للدوري السوري نظام نقل مختلف عن باقي الدوريات التي تنقلها الجزرة الرياضية

الحل هو أن تشتري حقوق النقل قناة أخرى ويتم النقل حسب المستوى والإمكانات المتوفرة لدينا (على قدنا )

[الاسطورة الشامية]

اقتراح حلو بس هلأ الجزيرة بدا تنقل الدوري السوري الى جانب الدوريات الاوربية