الجبان: لا تأجيل لمباريات الكرامة في الدوري ...

[wissam82]

رفض رئيس اتحاد كرة القدم السوري أحمد جبّان الحديث عن تأجيل أي مباراة للكرامة في الدوري السوري بكرة القدم .


وكان موقع الكرة السورية ذكر في وقت سابق أن مشرف الكرة في فريق الكرامة عبد النافع حموية

طلب تأجيل مباراة الكرامة مع القرداحة في الدوري المقررة السبت لأنه على حد تعبير حموية من غير المعقول

أن يخوض الفريق ثلاث مباريات متتالية خارج أرضه أولها الأربعاء مع النجف العراقي في الكويت ، وثانيها السبت مع القرداحة ومن ثم الثلاثاء مع الاتحاد في حلب .

وأضاف جبّان في اتصال مع سيريانيوز بأن تأجيل أي مباراة في الدوري سيؤثر على روزنامة الاتحاد خصوصا بأن

المنتخب الأولمبي سيسافر في الحادي عشر من شهر ايار القادم الى ماليزيا للقاء منتخبها في التصفيات الأولمبية

بالاضافة الى منافسات الدور 16 من مسابقة كأس الجمهورية بكرة القدم .

ورأى جبّان بأن اللاعب السوري يجب أن يتمتع بلياقة بدنية لمواجهة ضغط المباريات ،

مشيرا الى أن الأندية الأوروبية تخوض أكثر من مسابقة في وقت واحد ..

:b( :b( :b( :b( :b(


العمى على المسخرة ,, فعلا ان لم تستحي فصرح بما شئت يا جبان ...



المصــدر (http://www.syria-news.com/readnews.php?sy_seq=52870)

[سعدي]

هلأ تصريحه فيو تخبيص لأنو عم يقارن بأوروبا
بس اذا بدك الصراحة صعب انو تتأجل اللعبة ..
لأنو الطرف التاني من المباراة القرداحة منافس عالهبوط .. من الممكن اذا تأجلت اللعبة يكون هبط رسميا و بالتالي يقدر المباراة هدية للكرامة و فيها ضرر للاتحاد .
و من الممكن لو تم التأجيل يكون الكرامة ضمن الدوري بدون هاللعبة فيقدمها للقرداحة و بالتالي فيها ضرر لجميع المنافسين عالهبوط
يعني تعقيد المنافسة بيخلي اتحاد الكرة ما يقدر يأجل شي الا مرحلة كاملة .. اما مباراة من مرحلة مستحييييل

[وحداوي موت]

لك والله معهن حق جماعة الكرامة

يعني مو طبيعي يلعبوا هل لعب بهل مدة هي

خصوصا انو عم ينافسوا على الدوري
وعلى بطولة اسيوية

[M-AL MN@GED]

أول شي عم يقارن حالو بأوربا هون خبص
تاني شي أنا مع سعدي إنو ماتتأجل لعبة القرداحة لأنو ممكن النتائج
التانية تأثر على لعب القرداحة أو لعب الكرامة

[maher alzoubi]

أول قرار سليم بس لازم إذا بدو يأجر لعبة الكرامة مع الأتحاد مقول و هي المبارة ما بتأثر لأنو التنين عم يتنافسو و أحلامهم مشتركة :syr :syr :syr :syr :syr :syr :syr :syr

[YAMAM]

هلق صار اتحاد كرة القدم عنا بيلتزم بروزنامة معينة
من يوم يومنا عايشين بدون هالروزنامة العظيمة
فالج لا تعالج

[samer_sa]

أنا من رأي سعدي أنو تعقيد المنافسة على الهبوط والصدارة هو اللي دفع اتحاد الكرة ما يأجل ولا مباراة ..

[<MoHaMeD DaBoUL>]

والله حرام الكرامة يتحمل كل هالعبئ
:syr :syr :syr :syr

[<IBRAHIM>]

اكيد الحل ما بيكون بتأجيل مباراة الشرطة الحل بيكون بتأجيل لعبة الاتحاد والكرامة يلي بالاصل توقيتها كلو غلط بغلط ومن مصلحة الاتحاد 100% بس يبدو الوسايط الفوقانية بلشت شغلها :syr

[أبو صخر]

الجبان في هذا التعليق معه حق بصراحة
بس كان فيه يأجل لعبة الكرامة والجيش أو الاتحاد أكتر
لأنه ما رح يؤثر على شي

[abou malek]

بأن تأجيل أي مباراة في الدوري سيؤثر على روزنامة الاتحاد



روزنامة

اي رونامة يا متخاف يا فاشل

رونامة الفشل الدائم و الخسارات المستمرة :evil: :evil: :evil: :evil:

[wissam82]

انا قصدي من هالموضوع هو كلامه انه بتتأثر الروزنامة ,, على أساس معروفة روزنامة الفهم تبعه .... :b( :b( :b(

وكمان المقارنة بالدوري الأوربي ..... :b( :b( :b(