الى كل الوحداوية [الأرشيف] - منتدى الوحداوية

هنو

11-22-2009, 03:06 PM

السلام عليكم فرداً فراً

مبارح كنت باجتماع الرابطة

و حكينا كتير شغلات بس انا حابب انو كل اعضائنا الكرام يشاركونا نحن الرابطة بالمقترحات

فيلي عندو مقترح مفيد يفيد بالنواحي التالية يذكرها

1 - اعادة الجمهور

2 - كرنفالات جميلة و جديدة

الدمشقي

11-22-2009, 03:29 PM

أول شي مشكور هنو وبالتوفيق الك ولجميع أعضاء الرابطة والله يئدركون انو تقدمو شي جديد للنادي وللجمهور
بس بالنسبة لاعادة الجمهور للملعب هاد الشي بيتوقف عالنتائج يلي رح يقدمها الفريق خلينا نكون واقعيين يعني
ويمكن توزع اعضاء الرابطة بين الجماهير على المدرجات وبكافة انحاء الملعب لزيادة الحماس بتزيد روح التشجيع عند الجمهور
وتوزيع الاعلام البرتقالية عند مداخل الملعب .
وبالتوفيق الكم وان شاء الله ماكون خرجت عن موضوعك

الاسطورة الشامية

11-22-2009, 03:46 PM

مبروك لرابطة الجديدة في شغلة صغيرة هي الجمهور يتعامل باحترام بالفوتة والطلعة بيصير الو نفس يرجع

وحداوي موت

11-22-2009, 03:47 PM

هنو أهم شي يروح وفد من الرابطة ويحكي مع الضابط المسؤول عن الشوايا
لانو نص جمهورنا بطل فوته الملعب من افا قلة أدب الشوايا والطريقة الهمجية يلي بيعاملوا الناس فيها

هنو

11-22-2009, 03:57 PM

أول شي مشكور هنو وبالتوفيق الك ولجميع أعضاء الرابطة والله يئدركون انو تقدمو شي جديد للنادي وللجمهور

بس بالنسبة لاعادة الجمهور للملعب هاد الشي بيتوقف عالنتائج يلي رح يقدمها الفريق خلينا نكون واقعيين يعني
ويمكن توزع اعضاء الرابطة بين الجماهير على المدرجات وبكافة انحاء الملعب لزيادة الحماس بتزيد روح التشجيع عند الجمهور
وتوزيع الاعلام البرتقالية عند مداخل الملعب .
وبالتوفيق الكم وان شاء الله ماكون خرجت عن موضوعك

طبعا اعضاء الرابطة ح يكونو متوزعين بكل الملعب

و ممكن جداً انو يكون في فرقة تانية تحت صورة السيد الرئيس

هنو

11-22-2009, 03:58 PM

مبروك لرابطة الجديدة في شغلة صغيرة هي الجمهور يتعامل باحترام بالفوتة والطلعة بيصير الو نفس يرجع

كمان ح يكون في النا حكي مع عناصر حفظ النظام

هنو

11-22-2009, 03:59 PM

هنو أهم شي يروح وفد من الرابطة ويحكي مع الضابط المسؤول عن الشوايا
لانو نص جمهورنا بطل فوته الملعب من افا قلة أدب الشوايا والطريقة الهمجية يلي بيعاملوا الناس فيها

امرك ابو عميررررررررررررررررررررررررررر

THE DARK MAN

11-22-2009, 04:27 PM

مبروك للرابطة الجديدة والله يوفقكم وانشالله على ايدكم بيرجع الجمهور انتو ادرى بيلي رح تعملوه
انا برايي بعد فترة وان شاء الله بيكون النادي استقر مادياً انو تعملو سحب جوائز لكم واحد بالجمهور انو يربح شي ولو بسيط هيك بيكون في حافز اكبر انو الناس تجي وتنبسط بالملعب ما بعرف انا هيك رايي
وتقبلوا مروري

سعدي

11-22-2009, 04:34 PM

أهم نقطة بما يخص اعادة الجمهور للملعب (طبعا غير الامور الفنية الخاصة بالفريق)
- هو الحرص على احترام الجمهور بالفوتة و الطلعة و هالشي ممكن يكون بالتنسيق مع عناصر حفظ النظام .. (و لو انها مو مهمة سهلة بنوب انو نقدر نتعامل معهن)
- لازم يكون في حركة من الرابطة باكتر من جهة بالملعب ويكون في لجنة تنظيم منتشرين بكل الملاعب ليساعدو الرابطة بتحريك الاجواء في الملعب و يكون في اغاني برتقالية جميلة أرقى بشوي من كلمة (قشر موز . .. الخ ) .
- محاولة ايقاف اي مشكلة ممكن ان تتم بين الجمهور قبل تدخل حفظ النظام
- اعلام كبيرة خاصة بالمنصة عليها شعارات و صور برتقالية و ممكن برات المنصة كمان .. .
طبعا شباب الرابطة معروفين و أكيد بيعرفوا هالامور منيح و حاطينها ببالهن اكيد
بس نحنا منحب نذكر و بس . .
و يعطيكم ألف عافية

maherdamas

11-22-2009, 04:51 PM

أنا برأي أنو أهم شي مشان رجعة الجمهور هي الاهتمام اكتر بالجمهور وخلق الجو المناسب من حيث
التشجيع وذلك بتوزيع كمية كبيرة من الاعلام في مختلف ارجاء الملعب وتي شيرت الوحدة كمان ومحاولة التسويق للمباريات ضمن شوارع العاصمة لانو اغلب العالم ماعم تعرف موعد المباريات ومحاولة بالبداية عمل شي كم مباراة مجانا مشان يكون شحن للفريق وهيك الفريق بشد الهمة والجمهور بيتشجع ع الرجعة بعد النتائج الجيدة والف مبروك ياهنو بالمهمة الجديدة وتقبلو تحياتي

وحداوي موت

11-22-2009, 04:56 PM

هلا انا مقدر شغل السيد سليم وأبراهيم واكيد عندن خبرة كبيرة
هلا بلنسبة لأمور الاعلام واللافتات هل شغلة بدها دعم مالي كبير
بس ان شاء الله رح تنحل هل قصة

ضروري كتير قبل كل لعبة توزيع منشورات للجماهير
واكيد جماعة الرابطة بيعرفوا شو يكتبوا فيها
بخصوص التشجيع والترحيب بلفريق التاني وعدم شتم الجمهور الثاني او لاعبين الفريق الثاني

وان شاء الله بيكون الجمهور بأحلا صورة

f.torres

11-22-2009, 05:46 PM

أنا براهن كل أعضاء الرابطة الجديدة أنو لو مباراة الشرطة بتكون الساعة 8 بالليل رح يكون بالعباسيين على الاقل 18 ألف وحداوي , وهي أحدى أهم طرق أعادة الجماهير للملعب , بس أنا كمان بعرف أنو هل شغلة مو سهلة أبدا و الله يوفقكم و يوفق نادينا.

الوحدة يا عشق كل دمشقي

11-22-2009, 05:57 PM

اولا الله يعطيك العافية أخي هنو وكل شباب الرابطة الجديدة
..
من أجل أعادة الجمهور ..اهم نقطة هي أعادة مباريات الوحدة يوم الجمعة
..
الاعلانات عن المبارة بكل مناطق دمشق وريفها قبل بأيام من المبارة
..
توزيع منشورات عن أحوال الفريق والاصابات على الجمهور
..
تواجد أعلام كبيرة في المنصة خاصة بعد ما صارت المنصة متلها متل كل الملعب مافيها علم أو علمين .
..
عندما يكون في توزيع للاعلام
يكون التوزيع من شباب الرابطة عند مدخل الملعب
مو متل الطرق الهمجية السابقة يلي لحوش وخود
..
التنسيق مع قوات حفظ النظام من أجل مسيرات الفرح على القصاع بعد الفوز
..
الطلب من الجماهير بأن ترتدي كنزات برتقالية
..
أعادة عملية بيع لحشات الوحدة كانت حلوة كتير

عمل الرابطة على امتصاص فورات الغضب من الجمهور في حال النتائج السيئة لا سمح الله واستمرار التشجيع حتى الثواني الاخيرة
..
وأخير رد بقول بأسمي وبأسم كل الوحداوية يعطيكن العافية والله لا يضوعلكن تعب وانتو أد المسؤؤلية

ابو الفتح الوحداوي

11-22-2009, 06:19 PM

قولوا يارب بالتوفيق للجميع وللنادي

مـهـنـد

11-22-2009, 06:22 PM

هنو ...بزمناتكم بلعبة إعتزال محمود محملجي عملتو لافتة شغلة
http://www.up-00.com/h1files/AVZ17125.jpg (http://www.up-00.com/)

المهم متل هيك لافتات بتنحط برا(بسوق الحميدية -جسر الرئيس) بتجيب 30ألف على العباسين

وكمان في شغلة تانية الفرقة الموسيقية لازم تتعلم ألحان جديدة وحماسية أكتر .......والله يوفقك أنت وشباب الرابطة

wassim80

11-22-2009, 08:25 PM

يافطات بلشوارع المعروفة والحيوية بدمشق (للمباريات قبل وقت جيد من المباراة)
تنظيم المدرجاااااااااااااااااااااااات - تنظيم الدخول - محاولة فتح أكثر من باب للملعب

الله يعطيكون العافية هنو وشباب الرابطة ...

ali-orange

11-22-2009, 08:37 PM

مبروك لرابطة الجديدة في شغلة صغيرة هي الجمهور يتعامل باحترام بالفوتة والطلعة بيصير الو نفس يرجع

مشكور كتيرهدا أهم شي وكمان من شي 4مواسم كان يوزعوا كنزات برتقالية ياريت تصير أذا أمكان ويمكن هيك يكون سبب ليرجع الجمهور وبالتوفيق للرابطة الجديدة

حسان الحسيني

11-22-2009, 09:20 PM

SH@@MI

11-22-2009, 09:23 PM

حملة الخمسين ليرة قد تفيد

وأكيد اذا المباريات يوم الجمعة

بغير الجمعة لح يكون قليل الجمهور اجباري

علي1991

11-22-2009, 10:00 PM

اهم شي الاعلام البرتقالية تتوزع بكثرة على باب الملعب مجانا وانا خياط بساعدكن بخياطة الاعلام

علي1991

11-22-2009, 10:21 PM

http://www14.0zz0.com/2009/11/11/18/426374981.jpg

wissam82

11-22-2009, 10:24 PM

أول شي الله يعطيمن العافية
الشباب حكوا وكفوا ووفوا بالاقتراحات ..

وأكيد الشباب يلي استلموا الرابطة هلئ عندهم خبرة كبيرة بهل مجال
وإن شاء الله ما بيقصروا ..

وبرأيي من أهم الأمور يلي لازم الرابطة تركز عليها وتحاول تشتغلها
هي بث الحماس بالجمهور واللاعبين لأخر ثانية بالمباراة
يعني حتى لو كان فريقنا خسران لا سمح الله نضل عم نشجع لوقت صافرة النهاية ..

مشان يكون الجمهور عامل ايجابي ع الفريق مو سلبي ..

وكمان إذا بتحاولوا تأمنوا باصات لنقل الجمهور ع المباريات يلي خارج الشام
وبسعر رمزي متل ما كنتوا تعملوا سابقا ,, كمان فكرة حلوة كتيررر ..

وبالتوفيق ئكم بهل مهمة إن شاء الله ..

aguila

11-22-2009, 10:43 PM

نسيتوا الجنس اللطيف.....(نص المجتمع)
شو ممكن تعملوا مشان تستقطبوهن؟

أب عمر العرقسوسي

11-22-2009, 11:52 PM

الله يعطيكم العافية ومشكورين

DIABO MAN

11-23-2009, 04:32 AM

بدنا نرجع انشاء الله نفرح

وحداوي موت

11-23-2009, 06:19 AM

شباب بس نئطة صغيرة
تمويل الرابطة ذاتي ومافي شي من الادارة والكل عم يطلب بشغلات متل الكنزات وغيرها
بالوئت الحالي فوء الامكانية المتاحة
رح نحاول على الاقل نرجع اللون الاورانج للمدرجات بعدة طرق
بس لو كل واحد فينا بيجي بالكنزة الاورانج يلي عنده لكان منظر الجمهور بيطلع حلو بدون ماتوزع الرابطة
او ينطلب منها انها توزع كنزات

هي شغلة كتير مهمة حسون

يعني كم لافته بشوارع الشام
ينكتب عليها عبارات تخلي العالم كلها تلبس برتقالي

مثال

شجع الغالي ..بللون البرتقالي

او هيك شي انتوا ادرى بهل قصة وبتعرفوا اكتر مننا

هادي2

11-23-2009, 06:31 AM

هادي2

11-23-2009, 07:29 AM

http://www.wahdawia.net/vb/showthread.php?t=121
وكمان لازم ماننسى انو عزوف الجمهور عن حضور المباريات قديم وهاد الرابط ببين هالشي فلازم يكون في حلول مبتكرة وجديدة بالاضافة لتحسن الاداء الفني للفريق حتى يرجع جمهورنا وترجع برتقالتنا يفوح منها رائحة البرتقال الدمشقي الاصيل
مع تحياتي

بو علي

11-23-2009, 08:11 AM

انشاء الله بيرجع جمهورنا الغالي للملاعب وبترجع مدرجات ملاعبنا تتعبى
وبالتوفيق للرابطه والله يقويهااااااااااااااا

soltaan_alwehda

11-23-2009, 10:35 AM

عندي فكرة شو رايكون جبلكون سارية السواس ازا مابيتعبا الملعب عيبكون عليي هههههههههههههههه واحلى وحداوية على فكرة انا كنت احضر اجتماعات الرابطة السابقة كل يوم اثنين

مأمون النجار

11-23-2009, 03:50 PM

من اكثر الامور التي تعيد الجمهور طبعا احترام هذا الجمهور ولازم بصراحة اقامت دائما اجتماعات دورية والدخول من قبل الادارة في صلب ما يعانيه الجمهور ومنها النقاط المهمة اللي تفضلو فيها الشباب حسسو الجمهور انو اللو فايدة :))وعلى فكرة هذه الامور معمول فيها في اغلب اندية اوربا والسلام

أغيد الفرا

11-23-2009, 04:04 PM

أنا برأيي يتم تقسم الملعب لكذا قسم متل كل العالم و كل قسم ئلو بطاقة بسعر معين

1- قسم تبع المنصة و البطاقة حقها 100 ليرة
2- قسم تحت صورة الرئيس حقها 50 ليرة
3- قسم خلف المرميين حقها 25 ليرة

و بهالحالة أنا متأكد انو تبع الـ 25 ليرة رح يمتلوا .. إضافة للمنصة يلي دائما مليانة .. و تحت صورة الرئيس
هي احسن طريقة لنرجع الجمهور كبير عالملعب

ابو مأمون الوحداوي

11-23-2009, 11:50 PM

ولله العظيم يا أخي هنو مافي غير الشوايا يلي عم يطفشو الجمهور مشكور على هل الموضوع الهام

محمد حجون

11-24-2009, 12:59 AM

اهم اهم اهم شي
شباب مشان الله اهم شي الرابطة تكون صحيانة للمندسين بين الجمهور وعاملين حالهم وحداوية
ويلعبو باعصاب الجمهور ويبلشو يسبو ويعملو مشاكل لا نهم من غير شي مبعو...... من رجعت نزار
واكيد بدهم يعملو مشاكل ويترازلو مشان هيك الرابطة تكون صحيانة وما تتهون ما هيك عالم
بالعكس تمسكهم وتزتهم برات الملعب فورا

وبالتوفيق لكل الشباب

أبو جورج الوحداوي

11-24-2009, 05:59 AM

الله يوفقكون شباب

الرابطة عليها شغل كبيييييير

اهم شي برايي و انا دائما بطالب بهل الشي :
1 ) : هتافات رياضية تحفيزية لفريقنا
تكون جديدة
2 ) : ما نتعرض لشتم الفريق التاني و الحكم
و نضبط أعصابنا قد ما منقدر
3 ) : نحاول نمنع الفتيش و المفرقعات بكافة أنواعها قبل و خلال المباراة
4 ) : التعاون مع كتيبة حفظ كرمال أنو يحترموا العالم

طبعا ً هادا الشي
ما بيقلل من دور الجمهور نفسوا

و الله يوفقكون