موضوع للجميع يرجى الدخول [الأرشيف]

مشاهدة النسخة كاملة : موضوع للجميع يرجى الدخول

حسام الوحدة

11-14-2009, 10:52 PM

يسعد اوقاتك يمكن مو كتار الل بيعرفوني موهاد المهم
المهم انو انا خالي بيكون الفنان بسام كريدي وهو عنده صوت حسب الأراء اللي منسمعها حلو
وصورنا كليب لأغنية أسمها بتمك كلمة عم يطلع عالميوزك بلاس كل ساعة وهو من بطولتي
مالكم بول السيرة انا وبسام من مشجعي الوحدة للموت وحابين نعمل أغنية بصوت بسام لنادينا
والمشكلة انو مافي عنا الكلمات
وحبينا نحط هالموضوع لنشوف الشباب اللي عندهم موهبة الشعر لنختار كلام يكون حلو لنادينا
ونحنا رح نقوم بتسجيل الأغنية وبالمستقبل رح صور الأغنية كليب ورح تكون من اخراجي

طبعاً انا حكيت انا وكتير من شباب المنتدى وقالو انو حط الموضوع عالمنتدى لنشوف شوبدنا نعمل ؟
ناطر الكلام او الشعر وناطر ردكم ورأيكم بالموضوع

Maen Abdallah

11-14-2009, 11:01 PM

مشكور اخ حسام على الفكرة
وبدنا حدا من الشباب يلو عندو إمكانية شعرية حتى يقدمها

SH@@MI

11-14-2009, 11:13 PM

حسامو
وين ما عم نشوفك بالمنتدى

مبارح شفتك بالمعرض من بعيد
بس بعد شوي مبق لقيتك
ما لحقت حاكيك

SH@@MI

11-14-2009, 11:14 PM

نسيت قلك أنو الفكرة حلوة

وبظن من فترة تقدمت كذا قصيدة لتتغنى

على كلن عند المشرفين الخبر اليقين

wissam82

11-14-2009, 11:22 PM

يعطيك العافية أخي حسام

هي الفكرة نحنا نفذناها وعملناها بالمنتدى من سنة وشوي تقريباً
يعني عملنا مسابقة شعرية لأغنية للوحدة ,, ويلي اخترنا كلماته
أخد جائزة نقدية رمزية ..

وفعلا تم تلحين الأغنية و توزيعها و تسجيلها بصوت السيد حسان الحريري
يلي هو تكفل بالجائزة وبهي الأمور كلها ..

والمفروض كنا ننزل الغنية ونطرحها للجمهور من عدة شهور

بس بسبب مرض السيد حسان وإجرائه عملية ناجحة (( الحمد لله ))
تأخرنا بطرح الأغنية ,, بس هي جاهزة وقريباً جداً رح ننزلها إن شاء الله ..

طبعا نحنا مو ضد انه يكون في أكتر من غنية للوحدة
بالعكس هاد شي كتير حلو ..

فأنا مع فكرتك قلبا وقالبا
وإن شاء الله نحنا جاهزين نساعدك بأي شي منقدر عليه ..

وطبعا هالفكرة بدها شوية ترتيبات منها انه الكلمات تنبعت برسائل خاصة
ئلك مثلا
يعني منعاً للطش أو غيره ..

وفي عدة أمور منساعد فيها نحنا بإذن الله ..

أنت بس تكون مرتب أمورك تماماً تواصل معنا
وإن شاء الله منرتب هالموضوع على المزبوط ..

القيصرالشامي

11-14-2009, 11:29 PM

يعطيك الف عافية اخ بسام ومشكور على جهودك انا عندي بفرقتي (الفرقة الموسيقية)أنا وأبوكاسم كذا موهبة شعرية وبالأخص عن الشام وانشالله بيير خير خلال فترة وجيزة*

أبو جورج الوحداوي

11-15-2009, 12:03 AM

ان شاء الله منسمع هالسنة أغاني جدية و هتافات جديدة

يتكون محفز كبير للجمهور و لكل فرق النادي

الله يعطيكون الف عافية

بشـار الوحداوي

11-15-2009, 02:41 AM

لازم تشتغلو على هالفكرة
وشو هالحلو يا حسام طالع شخصية بهالفيديو كليب وهالسيجار والمية دولار عم تزبط امورك :))

DIABO MAN

11-15-2009, 05:28 AM

هو بصراحه صار لازم يكون للوحدة اغنية متل الخلق بقى
فكرة رائعة

احن الى الوحدة

11-15-2009, 05:53 AM

مشكور على هالاقتراح يا غالي ونشاء يا رب يصير قي اكتر من اغنية لناديناااااا

Abu Waseem

11-15-2009, 07:03 AM

شكراً أبو أنس يلي رد عالموضوع
وشكراً الك أخونا حسام وان شاء الله بعد ترتيبك لأمورك منساعد بكل شي

W@SEEM

11-15-2009, 10:43 AM

الله يقويك أخ حسام ويعطيك العافية على الفكرة

وإن شاء الله بيصيرو أغنيتين منك ومن الأخ أبو فراس (حسان)

حسام الوحدة

11-17-2009, 09:51 PM

شكراً لكل الشباب اللي شاركو بالموضوع وبإذن الله رح نعمل اغنية
أهداء لجمهور الوحدة ولأهل الشام ولنادينا القلعة الكبيرة
ومشكور اخي عمر نصري الشعر وصل وبتمنى الكل يبعتلي
لأنو بدي أعمل الأغنية بأسرع وقت وبتمنى من المشرفين يبعتولي الكلمات اللي
شاركت بالمسابقة القديمة اذا متوفرة بالأرشيف وشكراً لجهودكم
وانا اسف أنو مش عم ادخل كتير عالمنتدى بس انشالله رح ارجع متل الأول