الحقيقة من منظور كل وحداوي ...بقلم الأدعشري

[الأدعشري]

نحن في أيام أعياد تجمع الأسلام و الاخوة المسيحية و حيث أننا أصبحنا على اعتاب ال2007
أي على اعتاب دورة جديدة للمجلس النيابي و كترو لمحبين كالعادة وكتر التمثيل وكتر الوعد وكتر الكلام
وكتر ..وكتر ..وكتر ...
مرت سنتان عجاف على اكبر نادي في سوريا و صاحب أكبر جماهيرية في هذا الوطن الكبير و تخلى الممثلون البارعون عن الفريق في أحلك لياليه وفي أصعب ظروفه وعادو
اليوم مع بدأ العام الجديد و رسمو مؤتمر النادي مثلما يريدون وأكثر ...
..وقرأنا بالصحف وعود رنانة أطلقوها كعاتدهم ..
كلمة واحدة أقولها لهؤلاء جمهورنا لم يعد ساذجا ولن يؤخذ بالكلمات..و الشعارات نحن مع الذي يدفع ويدعم النادي بالعمل واللمال وليس بالكلام فقط..
ودمتم بخير...

[وحداوي موت]

الله حييك ادعشري يستلم تمك
بس الله وكيلك بالاخر كلن مصلحجية مافي غير الجمهور بس وفي وهو الوحيد يلي بضل والباقي كلو مصلحة وكراسي

[الأدعشري]

والباقي كلو مصلحة وكراسي

و هذه الكراسي تأتي من الجمهور :))

[سعدي]

في شغلة انطرحت بالفترة الاخيرة بالمؤتمر عنجد خلتنا كتير نفكر ..
انو شو قدم (؟؟؟) للنادي ؟؟ بس منتزكره وقت الانتخابات .. بس ما عم بتزكر انو شي مرة تكفل بعقد شي لاعب او معسكر تدريبي او اي شي .
يا اخي بيحب النادي ؟؟ انا مصدقه و معترفله بهالشي .. بس ما يسمي حاله داعم للنادي .. لأني ما بتزكر شفت دعم منه ..
الا ان كان و لا بد في دعم .. بس انا ما بعرفه .. و يا ريت تنورونا يا شباب .. لأنو عنجد مافكرت بهالشغلة من قبل .

[الأدعشري]

انو شو قدم (؟؟؟) للنادي ؟؟ بس منتزكره وقت الانتخابات .. بس ما عم بتزكر انو شي مرة تكفل بعقد شي لاعب او معسكر تدريبي او اي شي .
يا اخي بيحب النادي ؟؟ انا مصدقه و معترفله بهالشي .. بس ما يسمي حاله داعم للنادي .. لأني ما بتزكر شفت دعم منه ..
الا ان كان و لا بد في دعم .. بس انا ما بعرفه .. و يا ريت تنورونا يا شباب .. لأنو عنجد مافكرت بهالشغلة من قبل .

أكرر السؤال للجميع ولا أحد يخاف من الأجابة

[وحداوي مكسور]

يسلم تمك يا ادعشري......بس منتمنى شي معجزة الهيه على النادي......ونرجع متل الأول...لك هادالوحدة ياجماعة......بتعرفوا شويعني الوحدة,,,فريق الشام هااااااااد.....للشووووم وبسسس.......يارب يرجع

[wissam82]

لعبة الوعود الخلبية باتت مكشوفة مِن ,, مَن يطلقونها لجذب الأصوات ....

أقول لكم كلمة يا من تدعون بحبكم ودعمكم للنادي:
ابحثوا عن مكان أخر تجنون منه الأصوات ,,, واتركوا لنا نادينا ولو أصبح ركاماً ,,

فبناء نادينا بأيدي المخلصين ولو خطوة خطوة وحجر بحجر ,,, أهون علينا من عمار يومٍ ودمار دهور .....



مشكور أبو حميد على الطرح ...... :f)

[EmadAsfour]

سوف ننتظر لمباراة الطليعة
وان لم تنفز الوعود
ترقب بحرب وطيسة يا ابن الحبوباتي عليك من قبل هذا الجمهور العظيم

[الأدعشري]

مشكور أبو حميد على الطرح ......

على راسي كل وحداوي جريء و أحلى أبو السيم
يسلم تمك يا ادعشري

الله يسلمك حبيب قلبي

[YAMAM]

بالفعل كلام يستحق الوقوف والتفكير
يعني ماهر السيد ماغلط بالحكي اللي حكاه بالمؤتمر
أنا برأيي أنو السيد (ن.د.)هو عبارة عن ظل للحبوباتي لا يقدم ولا يؤخر
وهو عبارة عن صوت مضمون للحبوباتي في الادارة(اذا كان السيد خالد ديمقراطي في قراراته)
واذا بتستمر الادارة على النهج السابق فلا أعتقد أنو في وحداوي أصيل رح يفكر يصوت للمسيو خالد بالانتخابات

[kashi]

والله ياشباب نتمنى هذه الوعود تتحقق وكلامك اخي محمد صحيح بس ما منقدر الى الدعوات ونشاء الله خير :fw :fb :fl

[الأدعشري]

ترقب بحرب وطيسة يا ابن الحبوباتي عليك من قبل هذا الجمهور العظيم

ب فهد حكينا كتير وما بدنا لا حرب ولا شي بس ياكلو كم مرتب بالأنتخابات

[Ammar Alfarawati]

يعني قاعدين عم تحكوا عليه للزلمة قال يعني بالالغاز احكوا ليش خايفين

الزلمة عضو بمجلس الشعب من سنة الـ94 قبل مايدخل النادي واخد الاول على سوريا بالاصوات

هلا دعم مادي انا مابعرف اذا في

بس يلي بعرفوا داعم للنادي من زمان والدعم موبس بيكون مادي احيانا العلاقات كتير بتفيد.

وذكر الحبوباتي انه في دعم مادي بس اديش مابعرف. الله اعلم.

[Abu Waseem]

يا سيدي وأنا مسؤول عن كلامي كل هالشي من العب للجيبة هي واحد تنين منشان السيد نبيل شخصياً مابعرف اذا دعمو معارف أو معارفو صارت من الرياضة زو شو الرابط بين معارفو والرياضة ؟ عن جد شي عجيب وغريب ياسيدي على هالحالة خلي صبحي جود ولو تشريني أو أي شخصية مهمة عندها معارف تصير الها مهمة كبيرة بالنادي

[abou malek]

ليش عم تحطوا كلمة ن . د

نعم سيدي نبيل داوود بالمؤتمر سالوا ماهر السيد قلوا شو قدمت انت للنادي ام احمر واخضر واصفر و على شوي كان بالمجتهد

[سعدي]

هلا دعم مادي انا مابعرف اذا في

بس يلي بعرفوا داعم للنادي من زمان والدعم موبس بيكون مادي احيانا العلاقات كتير بتفيد.


دعم مادي مافي .. آمنا
العلاقات كيف يعني ؟
قصي حبيب ما قدرنا نجيبه لأنو الجيش معند
الاسطنبلي و الاتاسي ما انحلت مشكلتهم لنص الدوري و ناموا بالسجن .
و الله يا جماعة انا مو ضد و لا مع حدا
بس احيانا الواحد بيحب يعرف الداعمين للنادي ..
يا ريت تخبرونا نوعية الدعم اللوجستي و المعنوي اللي عم يقدمه كل شخص لهالنادي .
ما منسمع غير انو الداعمين كتار
وقت الحزة و اللزة ما بتشوف حدا ..
اعطونا اسماء واضحة للداعمين و دور كل واحد ..
شو عيب يعني ؟

[Ammar Alfarawati]

لا موعيب سعدي

بس مابعرف قبل كان الكل عالحبوباتي وهلا عالداوود

وموقفي معروف من زمان مالي مع حدا ولا ضد حدا

يلي بيشتغل للوحدة اهلا وسهلا ويلي مالو قادر مع السلامة يعني اي شخص بالادارة هلا مالو قادر يدعم او حتى يشتغل للوحدة مابدنا يا قبل وهلا وبالمستقبل.

بس توقيت الهجوم عالاشخاص مابعرف ليش هلا تذكرتوا للزلمة بعد كلمة ماهر ولا هلا صار الزلمة مو منيح .

وبعد شوي بيطلع حدا بيحكي على شخص تاني من الادراة وبتبلشو فيه يعني صايرين عالموسم انتو ...

بعرف في ناس موقفها ثابت من زمان وبعرف في ناس بتهجم لغايات ...


انا مابعرف كل شي عن الشخص بس بحب قول الحق

ماديا مابعرف شو قدم بس بسمع عنو من 15سنة داعم للوحدة وحتى ماديا بس بكم مابعرف

اما العلاقات يلي حكيت عنها مثلا وقت سفرة تونس ماكان في حجوزات بالسورية ابدا الزلمة بعلاقتو امن تذاكر السفر للفريق هي مثلا.

وعلى كل يلي بالادارة هنن ادرى شوقدم الشخص وهنن يلي لازم يحكوا انا يلي بعرفوا حكيتو .

[سعدي]

بس توقيت الهجوم عالاشخاص مابعرف ليش هلا تذكرتوا للزلمة بعد كلمة ماهر ولا هلا صار الزلمة مو منيح .


كيف يعني الهجوم عالزلمة ؟
انا ما كنت كتير مفكر بالمضوع
بس فعلا بعد ما حكاها ماهر فكرت فيها و لاقيت انو يمكن معو حق و يمكن لأ (لأني ما بعرف بالضبط شو طبيعة الدعم اللي بيقدمه)
انا بس عم بسأل .. شو طبيعة الدعم هاد كل شي .
لا هو هجوم و لا شي و ما بتوقع انو في حدا طرح هالموضوع مؤخرا غير الكابتن ماهر و هون بهالموضوع .. هاد صار اسمو هجوم ؟

[Ammar Alfarawati]

هاد صار اسمو هجوم ؟



دفاع هجومي :m(

[الأدعشري]

أخي عمار نحن نرحب بالرأي والرأي الأخر بس لما تكون متأكد من شي بتحكيه لكن لما شغلة ماعندك فكرة فيها لا تكذب غيرك و تحكي هجوم وما هجوم ومن هالكلام هاد اولا تانيا عم تقول أنو توقت للموضوع :أنا يلي طرحت هاد الموضوع وثق تماما أنت وجميع اعضاء المنتدى وقرائه أنني لم أسمع ولم أعرف ما قاله السيد أثناء المؤتمر إلا عندما قرأت رد الأخ أب مالك
ثالثا معلش خلينا نحكي من فوق الطاولة بشكل علني شو قدم نبيل داوود للفريق من وقت ماكان موجود بالأدارة؟؟
دعم مادي أو معنوي؟؟
هوة ذات نفسو صرح سابقا أنه لا يدعم ماديا وهو دائما مع الحبوباتي !!!!و أذا بدك رجاع لارشف جريدة الرياضية وتأكد بنفسك..
ثالثا وقت الأزمة لكبيرة بالفريق وين كان؟؟السنة الماضية صالا أزمة كبيرة حيث قام محمد حمشو بدفع الملايين من جيبه و سير باصات ببلاش للجمهور في لعبة الوحدة و الأتحاد بحلب وحجز المنصة للجمهور .زأنا لا أقول دفاعا عن الحمشو وغيره لكن الجمهور يعرف من يأخذ ومن يعطي وشبعنا وعود وكلام و تمثيل..

[الأدعشري]

أخي عمار نحن نرحب بالرأي والرأي الأخر بس لما تكون متأكد من شي بتحكيه لكن لما شغلة ماعندك فكرة فيها لا تكذب غيرك و تحكي هجوم وما هجوم ومن هالكلام هاد اولا تانيا عم تقول أنو توقت للموضوع :أنا يلي طرحت هاد الموضوع وثق تماما أنت وجميع اعضاء المنتدى وقرائه أنني لم أسمع ولم أعرف ما قاله السيد أثناء المؤتمر إلا عندما قرأت رد الأخ أب مالك
ثالثا معلش خلينا نحكي من فوق الطاولة بشكل علني شو قدم نبيل داوود للفريق من وقت ماكان موجود بالأدارة؟؟
دعم مادي أو معنوي؟؟
هوة ذات نفسو صرح سابقا أنه لا يدعم ماديا وهو دائما مع الحبوباتي !!!!و أذا بدك رجاع لارشف جريدة الرياضية وتأكد بنفسك..
ثالثا وقت الأزمة لكبيرة بالفريق وين كان؟؟السنة الماضية صالا أزمة كبيرة حيث قام محمد حمشو بدفع الملايين من جيبه و سير باصات ببلاش للجمهور في لعبة الوحدة و الأتحاد بحلب وحجز المنصة للجمهور .أنا لا أقول دفاعا عن الحمشو وغيره لكن الجمهور يعرف من يأخذ ومن يعطي وشبعنا وعود وكلام و تمثيل..

[Ammar Alfarawati]

اخي محمد ماكذبت حدا انا

انا قلت يلي بعرفوا عن الزلمة من باب التوضيح

حتى قلت انو يلي مالو قادر يشتغل الله معو فوين المشكلة معك مابعرف

لمت طريقة الطرح والوقت انو الشباب يعني كل فترة بتستلم واحد عالموضة ليش مايكون التقييم اجمالي للكل.
انا مالي ضدكم اذا مارح يفيد الوحدة فمالنا بحاجتو ومع احترامنا لجهوده السابقة

بس مابدنا ننكر جهود اي شخص مو اكتر نقطة انتهى.

اخ محمد انت معصب شوي ياريت تراجع ردودي.


وعلى كل يلي بالادارة هنن ادرى شوقدم الشخص وهنن يلي لازم يحكوا انا يلي بعرفوا حكيتو .


ي بيشتغل للوحدة اهلا وسهلا ويلي مالو قادر مع السلامة يعني اي شخص بالادارة هلا مالو قادر يدعم او حتى يشتغل للوحدة مابدنا يا قبل وهلا وبالمستقبل.

[الأدعشري]

أخي عمار كللك ذوق و أنا باعتذر أذا كلامي كان فيه شي زعلك :f)

[Ammar Alfarawati]

على راسي حارتك :))

[M o H a M e D]

نبيل داوود ... هو ارتضى لنفسه أن يكون ظل للحبوباتي لا أكتر ولا أقل ...

وأنا باعتبرو صفر ع الشمال بالنادي ... مع احترامي له شخصيا :idea:

[Zizou]

ليش هل وقفت على نبيل داود من أربع سنين أربع رجال أعمال بحياتنا مو سمعانين اسمهم بالرياضة رشحوا حالهم لمجلس الشعب ونزلو عالمباريات واشترو تعهيدها و خللوا الجمهور يدخل مجانا أولهم حمشو و وواحد من بيت حبوش و الباقيين مالي متذكرهم و بعد ما نجحوا ماعاد شفنا منهم شي للنادي إلا حمشو يعني كسر القاعدة مرة أو مرتين
بس هالسنة الحمد لله جمهورنا وعي لهالقصة و ما بظن أنو لسا في حدا ممكمن يطلع على اكتاف جمهورنا إلا غذا كان فعلا بيستاهل يصل للمجلس
و أنا بما أني هي أول سنة بحق لي الأنتخاب فيها فما رح انتخب إلا الناس المقطنع فيهم بغض النظر عن اي شي تاني