أهداف المنتدى ... وآمالنا

[wassim80]

بداية ....

بعد التحية البرتقالية للجميع

تعو فكرو معي بشوية شغلات....

المنتديات كما الفكرة السائدة لدى الكثير هي مكان للحديث والنقاش
واحيانآ إن لم نقل غالبآ يكون حديث خارج أسوار الأدب المعمول به
والمعروف عنا كدمشقيين عراقتنا من عراقة مدينتنا الأقدم تاريخيآ
الكثير يقول أدخل وأرمي كم حرف وطلاع وخلصت الأصة؟؟؟؟
النتديات يا شباب تحمل رسالة كبيرة في طياتها
هي تطور تكنولجيا لم يعرفها آبائنا وعشناها نحن
هي نواة لعائلة واحدة من جميع أرجاء المعمورة
ومن المفترض كون منتدانا يحمل إسم غال على قلوبنا
( الوحداوية ) أن يكون قمة بكل شيئ

وأنا إذ سمعت عن تطور المنتديات العربية والأجنبية بشكل
كبير لذا أقترح.....

**إنشاء فريق كرة قدم وسلة خاص بالمنتدى



**استصدار يونيفورم خاص بالمنتدى ويحمل إسمه الغالي



**تنظيم الجلسات والرحلات واللقائات بين الأعضاء والمشرفين
واستقبال الوحداويين المسافرين خلال فترة اجازتهم بدمشق والاحتفاء بهم
كما يجب لأنهم رجال حقيقين


**المساهمة برفع عدد البنات وحثهم على الانتساب للمنتدى



( بس لا تأولو شو هلنسونجي لأني خاطب وعوش جواز)



** إنشاء رابطة محبي الوحدة من منتدانا تعمل على الكثير من الأمور
ويقع على عاتقها مهام حقيقية بسبيل تقدم النادي


وبالنهاية السلام.....

[wissam82]

اقتراحات جميلة

وفي البعض منها هو قيد التنفيذ حالياً ...


مشكور أخ وسيم على غيرتك على الموقع ...

[مالك]

كتير حلو أخ وسيم موضوع قيم كتير اذا تحقق نص اللي كتبتو منكون تميزنا بمنتدانا

[الرومانسي الحزين]

لا حياااااااااااااااااااااااااااااة لمن تناااااادي جربنا كتير حبيبي الوحدة وعلى راسي وبدمي بس عند البعض ع الجيبة لا تقرب وعند البعض مالي فاضي وعند البعض فخار يكسر بعضو

[YAMAM]

اقتراحات حلوة
وكمان لازم يكون في لجنة مكونة تشرف على هالشغلات ويصير في مثل التبرعات لدعم الفريق عالأقل بالجمهور بالمباريات اللي برا الشام (يعني متل ماعمل أخونا عامر مشكوراً بس تكون المشاركة جماعية ومن كل مستطيع)

وأنا معكم بالتنفيذ ان شاء الله :f)

[همام]

**إنشاء فريق كرة قدم وسلة خاص بالمنتدى


في بالمنتدى 20 واحد بيلعبوا سلة بينهم 10 على مستوى عالي جدا ... يعني الفريق موجود ... بس مين بدنا نباري ؟ :mrgreen:
و بالنسبة للقدم ففي 30-35 واحد بيطلع بينهم 15 راكزين


**استصدار يونيفورم خاص بالمنتدى ويحمل إسمه الغالي


هي ان شاء الله قريبا حتكون منفذة ... يعني بعد لعبة القرداحة اذا الله راد

**تنظيم الجلسات والرحلات واللقائات بين الأعضاء والمشرفين
واستقبال الوحداويين المسافرين خلال فترة اجازتهم بدمشق والاحتفاء بهم
كما يجب لأنهم رجال حقيقين

هي بصراحة نحنا ما عم نقصر فيها ... و فيك تسألك ل الشباب يللي اجو من السفر
أما الشباب يللي بالشام فكل مين بدو يتعرف علينا ... بتلاقيه هلأ عم يفوت و يطلع معنا


**المساهمة برفع عدد البنات وحثهم على الانتساب للمنتدى



( بس لا تأولو شو هلنسونجي لأني خاطب وعوش جواز)


هي بصراحة ما فيني ساوي فيها شي ... لأنه بصراحة مستوى الحكي يللي بالمنتدى ما بيسمح لبنت انها تفوت تشارك
هاد أولا
تانيا البنات بشكل عام ما بيعرفوا شو هاد الوحدة ... و نادرا ما تلاقي هيك بنت " في حال كان أخوها وحداوي أو حدا من أهلها "




** إنشاء رابطة محبي الوحدة من منتدانا تعمل على الكثير من الأمور
ويقع على عاتقها مهام حقيقية بسبيل تقدم النادي


و هي بدها تتنفذ مع فكرة الكنزات ان شاء الله
شكرا كتير وسيمو لهالاقتراحات ... و ان شاء الله منناقشها بالاجتماع :))

[Totti-Wahda]

كلام جميل حبذا لو يتطبق وخصوصي أنو كنت من أشد ممارسي كرة القدم
وبتمنى لائي شباب طيبة متلكم ارجع مارس معهم هوايتي المفضلة بس ياريت تبعتوا رسالة وقت تقرروا انشاء فريق كرة القدم وألف شكر

[WASSEEM]

افكار ممتازة بحاجة لدراسة و لآلية تنفيذ
الموضوع مو سهل أبدا
من حيث المبدأ و بشكل نظري الموضوع كتير حلو و سهل
بس التنفيذ شوي صعب
على كل حال مامنخسر شي اذا حاولنا ننفذ أي فكرة جديدة بالموقع

سيكون هناك اجتماع للمشرفين قريبا و سنتناقش مع الشباب بالموضوع


شكرا لك حبيبنا اقتراحاتك ممتازة

[وحداوي موت]

**المساهمة برفع عدد البنات وحثهم على الانتساب للمنتدى




هدا الموضوع مهم جدا جدا ولازم نشتغل كلنا عليه

ضروري كتير

[wissam82]

**المساهمة برفع عدد البنات وحثهم على الانتساب للمنتدى




هدا الموضوع مهم جدا جدا ولازم نشتغل كلنا عليه

ضروري كتير

ايه شي أكيد ...... :mrgreen:

[mfa]

أفكار كتير حلوة وبتمنى تنفيذها وأنا مع الوحدة حتى الموت

[EIHAB]

**إنشاء فريق كرة قدم وسلة خاص بالمنتدى

:lol: :lol: :lol: :lol: :lol: :lol:

هي حكينا فيها كتير...وعنا فريقي سلة وقدم بيهزموا اعتى الفرق...


**استصدار يونيفورم خاص بالمنتدى ويحمل إسمه الغالي

هي اعتبرها صارت..


**تنظيم الجلسات والرحلات واللقائات بين الأعضاء والمشرفين
واستقبال الوحداويين المسافرين خلال فترة اجازتهم بدمشق والاحتفاء بهم
كما يجب لأنهم رجال حقيقين

هي اكتر شغلة عم نساويها مالنا شغلة غيرها..
الأعدات الطاهرة بين المشرفين والشباب شغالة صيفا شتاء
وكل المغتربين يلي اجو عالشام اعدنا معون وسهرنا وانبسطتنا..


**المساهمة برفع عدد البنات وحثهم على الانتساب للمنتدى

وينك يا وائل وينك..


اقتراحات رائعة اخ وسيم...
وان شاء الله كلها لح تتناقش

[M o H a M e D]

صرلي أكتر من سنتين بالموقع ....
و كل مانطرح فكرة بيكون الجواب ياأما مندرسها ياأما قيد النتفيذ هي اذا كان في جواب ...

نحنا جاهزين و ماعمننظر ومستعدين لأي شي ان شاء الله منقدر عليه ..


إنشاء رابطة محبي الوحدة من منتدانا تعمل على الكثير من الأمور
ويقع على عاتقها مهام حقيقية بسبيل تقدم النادي

بظن هي أهم شغلة ... ومابعرف ليش ماعمتتنفذ ..؟؟


**المساهمة برفع عدد البنات وحثهم على الانتساب للمنتدى

بس لتصير الرياضة عنا رياضة ... و تختلف نظرة الناس عنها ... وقتها حيتغير جمهورنا وممكن يصير في اهتمام للسيدات بالرياضة ...

بظن هي بعدية كتير عن المدى المنظور ...

[EIHAB]

صرلي أكتر من سنتين بالموقع ....
و كل مانطرح فكرة بيكون الجواب ياأما مندرسها ياأما قيد النتفيذ هي اذا كان في جواب ...


هالمرة غير ان شاء الله

وسيتم يتم درسة جميع الافكار بالاجتماع القادم

[الأدعشري]

افكار رائعة ..

**المساهمة برفع عدد البنات وحثهم على الانتساب للمنتدى

بتلاقي الشباب متل الدببير ما بخلو البنت تحكي..وتاخد راحتها بالمنتدى ..
أنا بقترح نعمل منتدى خاص بالجنس اللطيف و تحطوني مشرف عليه.. :mrgreen: :oops: :oops: :oops: :oops: :oops:

[Abu Waseem]

أهلين أب فهد والله اشتقنالك يا ادعشري

بس منتدى الحريم مابتقعد عليه غير حريمة هاه :m(

[الأدعشري]

أهلين أب فهد والله اشتقنالك يا ادعشري

تشتقلك مكة يا عمي أبو وسيم..وينك مو مبين :f)

[abou malek]

بقترح تفصيل عبايات برتقالية لاعضاء المنتدى :m(

[الرومانسي الحزين]

بقترح تفصيل عبايات برتقالية لاعضاء المنتدى

انا بقترح شطبك من المنتدى تضرب انت ولبو زفتة

[wassim80]

عبايات برتقالية



عوايني لك أبمالك :tong