الى المشرفين وميشيل

[mmrdem]

مرحبا
بصراحة استغربت هالهجوم عليي من قبل شباب الاشراف يعني بصراحة لو يهودي موهيك
على كل بس رح رد على كلامون يلي صدر بحقي بس لحتى بين الحقيقة
اولشي انا اليوم وبكرا بعتبر المشرفين مقصرين لانو هاد الموسم ماشفنا اي مبادرة جماعية
قام فيها المنتدى يعني كنا كلياتنا مستنفرين لاقصى الدرجات ومستعدين ندفع مصاري او نشارك بحضور
كرمال الوحدة يعني كنا منتمنى نشوف لافتات باسم منتدانا نشارك فيها بجماعية وموضروري تحمل مسبات
كنا منتمنى اعلان باسم المنتدى بالجرايد لحضور مباراة الوحدة المصيرية كنا منتمنى كتير شغلات
اكيد نحنا مو مع خروج مظاهرة لانو هالشي مخالف للقوانين وعقوبة اللي بيتبنى الدعوة للتظاهر مهما كان السبب
اكبر بكتير ومتل مابتعرفوا المشرفين كلون ولاد عالم واكابر ومو خرج الشرشحة تاني شي لاتنسوا انو الحبوباتي بيملك سلاح المال
وبيقدر يخرب حياة اي شب بسلطة المال كنت بتمنى شوف دعوة من المنتدى لاعضائه للنزول عالتمرين وتحميس اللاعبين
تاني شي في بعض الشباب اتهموني قاعد عمبحكي انو نزلوا عالتمرين وبحياتي ماشميت التمرين
بس حابب قول انو لما انزل لحالي مارخ اقدر اثر باللاعبين متل مانكون مجموعة وانا عندي ارتباطات كتيرة ومهمة
بس مستعد الغيها كلها لما حس انو في تحرك جماعي ممكن يفيد الفريق
وانتو جربوني وشوفوا بجي ولا لاء؟
تالت شي في شب استغرب التناقض انو انا قلت انو بمسح الارض بالقيشاني لو حكى هيك قدامي
وبعدين قلت انو ضرب الحبوباتي مابيصير لانو مالنا همج بس بحب وضح
انو لما يحكي القيشاني ويسب الجمهور وانا كون واقف يعني عمبيوجهلي
اهانة شخصية وانا مابسكت على اي اهانة وفورا باخد حقي ويمكن انتوا مابتعرفوني
لهيك مارح تعرفوا ردات فعلي وبمباراة الاتحاد الاخيرة كان في ضابط
عمبيضرب الجمهور الداخل بكعب البارودة تبع الغاز المسيل للدموع وماقدرت اتحمل الاهانة واتضاربت معو
اما بحالة الحبوباتي فهو ماعمبيوجه الي اهانة شحصية ومهما عمل بيضل
اختلافي معو بوجهات النظر وبيجوز الزلمة عمبيعمل شغلات انا مابعرفها وبيجوز يكون مو منيح
لهيك اقصى شي ممكن اعملوا هو فضح اخطاؤوا والمطالبة باقالتوا
لانو انا على خلاف مع الحبوباتي كرئيس نادي مو مع الحبوباتي كشخص والضرب شي شخصي لهيك انا ضد هالشغلة
بس هيك حبيت وضح هالنقط وبصراحة كتير زعلت من الردود لانو انا بعتبر الكل اخوتي وبضل بمدخ فيون
بس كمان لازم تتحملوا الانتقاد وماتعتبروه كره او عداوة ونحنا منضل اخوة
وانا مستحيل اقدر اعمل واحد بالمية من اللي عمبيعملوه المشرفين
كجهد وكمصروف وكوقت
كنت مقرر انو اعلن انسحابي من الموقع بس لما شفت مشاركة ميشيل
غيرت رايي لانو هيك منكون عمندمر منتدانا بايدينا وبطلب من ميشيل يرجع يشارك
لانو ازا انسحبنا انا وياه رح يفقد المنتدى اكتر تنين فهمانين
بالمنتدى ومارح يقدروا يعيشوا بدوننا لهيك بطلب منك ترجع بس كرمال الملايين من محبينا والسسسسسسسسسسلام

[Ammar Alfarawati]

اختلاف الراي اخي وصديق دراستي منير لايفسد للود قضية

المهم الاختلاف مايوصل للفراق .... لان هيك منكون ماعم نفيد النادي وعم نشتغل ببعض

على كل بتمنى من الجميع تفهم الاخر والابتعاد عن التشنج لان هالشي مابفيد نادينا وخصوصا بهالوقت الحالي الصعب

ويلي هو اصعب زمن مر على صفحات تاريخ النادي .

[ayham mardini]

اخي الكريم ...نحنا كلياتنا عبنحكي و نتناقش بمواضيع بتهم النادي وكل انسان
عندو وجهة نظرو .. وكتير بيصير بين الاصحاب اختلاف بوجهات النظر ... بس ما لازم نوصل
لمرحلة انو بدنا ننسحب من المنتدى و نكبر مشكلة ..مع احترامي... مالا موجودة اصلا
الضغط و الاوقات العصيبة عبتصير علينا كلنا و منعرف انو ماحدا متحمل فينا نكشة ليضوج
و ينفجر .. بس الشغلة بدا شوية رواء .... روء يا معلم ..روء.....اخوك.. :f)

[M o H a M e D]

لانو ازا انسحبنا انا وياه رح يفقد المنتدى اكتر تنين فهمانين
بالمنتدى ومارح يقدروا يعيشوا بدوننا

أخي العزيز ... أنا باحترمك كتير وباحترم كتاباتك بالموقع ..

بس عندك شغلة أنو أنت دائما بتتعامل مع الناس على أنه كلهم غلط وأنت وحدك الصح و لازم كلهم يمشوا معك ...

وعلى كل حال نحنا هون بمنتدى ... و كل مين عندو وجهة نظر بيقدر يطرحها و المفروض تحترم ...

[EmadAsfour]

ح بيبي منير

انبحاتك هذا غلينا ان دل يدل على حبك لنا وللبرتقالي
اخي الكريم نحن وبفضل الله لم ولا نطلب من احد الدعم المادي

من يريد الدعم المادي يكون من طوعان نفسه ونحن لم نجبر احد على هذه الامور

ولكن منذ بداية الدوري ومنذ بدء الخلافات ومنتدانا لم يقصر الا بعض امور انتم عرفتموها جيدا


يوجد اعضاء كثيريين قدموا ما هو جديد للمنتدى

من محمد حامد الى ميشيل وهادي و ابو عبده.............................. الى اسماء ظلمت جدا معنا

شعار منتدانا

يدا بيدا نحو تشجيع افضل

اما النقاط التي تكلمت عنها (فهي امور تعنينا جميعا ولا احد يقبل الاهانة)

اما انت وميشيل اكثر اثنيين فهمانيين امرك وحقك :mrgreen:


بس انت رضيان انت وميشيل تتركوا المنتدى

من دونكم
بتنقص نكهتنا بالمنتدى يا غوالي

والله يديم المحبة بيناتنا

[M-AL MN@GED]

على راسي منيرو والله المنتدى ماحلوا بدونك إنت وميشيل
ومعلش نحنا الكل بنضل إخوات ويمكن يكون في حدا غلط بحئك
إنت أو ميشيل بس أكيد مالوقاصد الأهانة بشكل مباشر
على كلن انا بطلب منك إنت وميشيل إنو تروئو شوي
من أخ لأخواتوا انشاء الله

أكيد كلنا متشنجين من الوضع يلي عم فيه نادينا ومالنا متحملين
نفخة لنطق يعني أنا إذا حدا عم يجيب سيرة النادي
بشماتة من يلي بعرفون عم إتئاتل أنا وياه مع إنو مابيكون أصد
شي يعني مزح
بقا روء شوي وانشاء الله الوضع بيتحسن من كل النواحي

[وحداوي موت]

روق منير روق كل شي بيصير
بس طول بالك وكل شي بيتصلح

[wissam82]

لانو ازا انسحبنا انا وياه رح يفقد المنتدى اكتر تنين فهمانين

طيب اذا بدك تترك وما عاد تدخل الموقع شو بيهمك اذا تركوا أكتر تنين فهمانين ولا لأ ....؟؟؟!!!؟؟ :mrgreen:


عم أمزح .... :mrgreen:

كمان .........

مين هاجمك يا سيد منير ,, ما حدا قرب عليك بس سعدي حكى كلمتين عاديات بعد ما أنت هاجمت جميع المشرفين بالموقع

وما حدا رد عليك غير سعدي وكلامه مافيه أي هجوم ......



المهم هون أخ منير كلنا اخوة وعتابنا بين بعض مو يعني انه ما منحب بعض

ومو معقول أي شخص يختلف مع التاني بوجهة نظر يقرر حدا فيهم الانسحاب ...

وكمان يا شباب مو معقول نخلي انقسامات ومشاكل النادي تنتقل لبينا ..... :)) :fl

[<MoHaMeD DaBoUL>]

روئو شباب شبكون طولو بالكون

[mmrdem]

والله ياجماعة حاسس الكل متشنج بتمنى نتجاوز هالمرحلة الصعبة وبتمنى من الكل يتفهم الاخر لانو كلنا اخوة وهدفنا واحد

[<IBRAHIM>]

شو صاير بغيابي :bd)

[الرومانسي الحزين]

دكتور منير اول شي بشكر عماد يلي انا مقصر بحقو على شهادتو فيني وبالشباب وبقلك روق لانو كلنا اخوة وبرايي نهدي شوي اعصابنا ونتحاور بهدوء لانو حل مشكلتنا مو بالعصبية ولا بانو نترك المنتدى بهالوقت