لماذا لا اريد الكابتن نزار محروس

[mmrdem]

بصراحة الايام الماضية كانت حافلة بالخناق بين مؤيدي نزار محروس ومعارضينو بهالمنتدى وللاسف شفنا كلام مامنتمناه بين الاخوة لهيك حبيت حط هاد الموضوع باسمي واسم كل مين بيعارض عودة الكابتن نزار للوحدة نشرح فيها موقفنا وليش مابدنا الكابتن نزار لانو البعض عمبيعتبر اننا خونة ومابدنا مصلحة الوحدة لهيك بتمنى من كل مين مابدو المحروس يقول هون ليش مابدو المحروس وشو ملاحظاتو عليه بكل ادب واحترام لشخص الكابتن نزار محروس يلي هو بيستحق كل الاحترام والتقدير واكيد بتمنى من الطرف التاني تقبل ملاحظاتنا برحابة صدر ومناقشتنا لانو بالنهاية بدنا الوحدة يفوز ويجيب البطولات حتى لو كان المدرب مين ماكان
انا اعتراضي على المحروس بنقط معينة اولها انو طلباتو كتيرة بيعجز نادينا عن تحقيقها وهاد الواقع اللي لازم نعترف فيه
تانيا انو الكابتن نزار كمحلل فني فهو مبدع وهو الافضل بس بارض الملعب منلاحظ انو بيموت اللعب وبيعتمد على الدفاع عسى ولعل يتم اقتناص هدف من شي هجمة مرتدة او خطا من الفريق المنافس وطبعا هالخطة لازمها مهاجمين من طراز عالي يستغلو انصاف الفرص وهالشي مو موجود عنا
اما محاسن الكابتن نزار هي قوة شخصيتو وقربو من اللاعبين وتاثيرو الابوي عليهم وكمان متل مافهمت من احد اللاعبين انو بيطبق خطط بسيطة جدا على قد تفكير لاعبنا السوري يلي بينسى كل الخطط الي بيحطها المدرب بعد خمس دقايق من نزولو
وبرجع باكد انو ازا استلم الكابتن نزار كلنا رح نكون معو بس كمان النا الحق بانتقادو ازا اخطئ لانو كبار المدربين بيتقبلو النقد وبيستفيدو منو

[أغيد الفرا]

باللهي العظيم
طلع معك انو نزار ما بيصلح يكون مدرب

إي ساوا فريق شباب الأردن من أقوى أندية الأردن .. و هو كان ولا شي

بعدين طلباتو مو تعجيزية أبداْ .. مالو عم يطلب لجيبتو مصاري .. يعني بدك ياه يستلم فريق لاعبينو مابدون يلعبوا لأنو مافي رواتب .. و يروح يشحد من الإدارة مشان الله عطوهون رواتب و مدري شو
و بالاخير بتجوا بتقولوا ليش ما نافسنا عالدوري

الكابتن نزار عملو احترافي .. أمنلو يلي بدو ياه .. بعدين تعا حاسبو

[وحداوي موت]

أغيد روق وطول بالك خلينا نشوف شباب المعارضة على جية نزار شو عندن

وبعدين منرد
المهم نحترم ارائن وخلينا نجمعها وبعدين منرد عليها

[wissam82]

أنا بدي جاوب بس على نقطتين ذكرتهم أنت بموضوعك

أول شي انه عم تقول انه طلبات الكابتن نزار كبيرة على نادينا ..!!
بس بدي وضح انه الكابتن نزار بعمره ما طلب أي شي شخصي ئله
وكانت طلباته فقط بتتعلق بأمور اللاعبين خاصة المادية منها ..

فإذا الكابتن نزار طلب انه ما تتأخر رواتب اللاعبين بتكون طلبات كبيرة ..؟؟
يعني هو بده يعرف يشتغل ويحاسب اللاعبين اذا قصروا بالتمرين أو المباريات
لذلك ما بده يكون للاعبين حجج مادية أو غيرها ..

وطبعا أي مدرب بيحترم حاله رح يطلب هيك طلبات كحد أدنى ..

وبرأيي النادي يلي ما بيقدر يأمن متطلبات اللاعبين المادية الأفضل ئله
ما ينحسب نادي بدوري محترفين أو على الأقل يلعب بفريق من الشباب من أبناء النادي ..!!

والنقطة الأهم يلي كتير عم ينحكى عنها هي انه عم يقولوا الناس انه الكابتن نزار
بيلعب بأسلوب دفاعي ..
والله الموسم الماضي المباريات يلي على أرضنا كلها كانت هجومية وبأحلى أسلوب
رغم انه كان عنا غيابات للاساسيين بسبب اصابات وغيره .
ومثلا لعبة الذهاب مع الاتحاد يلي خسرناها 1/0 السيطرة كانت كاملة لفريقنا
ولعب الفريق وقتها أحلى لعبة ولعيبتنا كبت فرص بالجملة .
ولعبة الشرطة يلي ربحناها كمان كان الأسلوب هجومي بحت وساحق ..
ولعبة أمية يلي خسرناها بسبب تخبيص الحكم كمان سيطرة ولعب هجومي بحت
ولعبتنا مع حطين ومع الوثبة وحتى مع الطليعة يلي بالشام كلهم كانوا بأسلوب هجومي رغم انه اللاعبين
يلي كانوا الموسم الماضي بأغلبهم خاصة المحترفين كانوا أضعف من هالسنة ..

والمباريات يلي كانت بأسلوب دفاعي كانت خارج الأرض غالبا
ورغم هيك كنا نحقق فيها نتائج ايجابية كتير مع النواعير وتشرين والفتوة وكلهم
خارج الأرض ..

يعني الكابتن أبو حامد بيعتمد لكل لعبة أسلوب لعب حسب المباراة وان كانت على أرضنا
أو خارج أرضنا أو حسب الفريق المنافس

وأكيد هاد الشي بيدل على احترافية المدرب وذكائه ..

وانا بتوقع انه هالموسم رح يكون كمان أسلوب ونتائج الفريق أفضل بإذن الله بقيادته
لان عنا لاعبين أكثر احترافية وقوة من الموسم الماضي
سواء بالمحترفين سي الشيخ ومارك أو بالمهاجم يلي هو الشعبو ويلي بيتحرك وعنده خبرة
كبيرة بأرض الملعب وبإذن الله مع أبو حامد رح يكونوا غيررررر ..

وبالنهاية بتمنى يضل النقاش محترم من الطرفين ويتم تبادل الأراء والنقاش
بطريقة محترمة بين بعضنا وأكيد كلنا منحب الوحدة
واختلاف الأراء بتمنى ما يفسد للود قضية ..

[SH@@MI]

أكيد لح نحترم الآراء

(بس في عالم عنا ما بتحترم الرأي الآخر)

وبتمنى مبق يبقى أي تخوين أو إساءة للأصحاب الرأي الآخر

[سعدي]

اول شي أخي منير انا عدلت حرف بعنوان الموضوع لأنو وقت حدا يقرا( لماذا لا نريد) بيعتبر انو في شي 40 الف واحد لا يريد
لهيك عملتها مبدئيا لماذا لا اريد حتى تكون مبدئيا عالاقل عم تعبر عن رأيك
و اللي بيحب يناقش بيدخل و بيقرا الموضوع و بيناقش
و هيك منكون وفرنا شوية حكي على اللي بيردوا حسب عنوان الموضوع دون قراءتو
و لساتني مو ضامن يجي مين يرد عالعنوان دون قراءة الموضوع
....
تاني شي انا رح رد على الشغلات السلبية اللي حكيتها
اول شي موضوع طلباتو : وقت بدك تحاسب حدا على نتيجة لازم تأمنلو الحد الادنى من المتطلبات
الكابتن نزار ما طالب الا رواتب اللعيبة و حقوقهم تكون مأمنة حتى ما يشغل فكرو كيف تأمين الرواتب لأنو مهمتو فنية و ليست تحصيل مصاري . . و هاد من حقو و حق اي مدرب
بس اذا في غيرو بيرضى يشتغل بظروف غير هيك هي مو مشكلتو . .
موضوع الدفاع : لكل مدرب طريقة قراء للملعب . و هالشي حسب ظروف كل مباراة و ظروف التشكيلة اللي بين ايدين المدرب .
ضمن التشكيلة الحالية عنا ضعف في الدفاع و قوة في الوسط و عدم تركيز بالهجوم
طيب اذا اشتغل الكابتن نزار عالدفاع + قوة الوسط حافظنا عليها منتأمل انو يزيد تركيز خط الهجوم و نجيب نتائج مقبولة
يعني هي قصة الدفاع ما في غير مساكينها و ماشيين فيها . .مع انو يعني مو لهادرجة يعني الكابتن نزار خطتو دفاعية . .
لو عنا دفاع كنا تبهدلنا 4 مع الوثبة ؟؟؟
كنا خسرنا بهدفين سخيفن مع المجد ؟؟

طبعا في نواحي ايجابية ذكرتها و هي شخصية نزار و احترام اللاعبين له و معرفة تعاملها مع اللاعبين (هي اللي سميتها انو بيعطي خطة عى عقولهن)
اكيد هالشي ما عليه خلاف

انا بشوف انو الافضل هالمرحلة هو الكابتن نزار
قريب من الفريق
متابع للموسم من اوله
جزء منيح من التشكيلة كان معو السنة الماضية
يعني هو الاقدر على التكيف مع وضع الفريق . .

[SH@@MI]

أما ليش بدي نزار
فأهم سبب
أنو لح يرجع الانضباط لفريقنا

ورح نخلص من كل شي تسيب
هاد أهم سبب
وطبعاً في أسباب تانية

[mmrdem]

اكيد هاد الراي الصحيح انا ماعمقول انو بدو ياخد شي لجيبتو بالعكس انا بتصور الكابتن نزار عندو نقطة ضعف هي نادي الوحدة والا ماكان فضلو على نادي الاتحاد الكامل والجاهز ماديا وفنيا وعندو احسن اللاعبين وبيقدر معو يحقق البطولات بس انا عمقول انو الكابتن نزار طلباتو للفريق متل تامين مبلغ مالي او وجود مساعدين او غيرها طلبات مشروعة وبتهدف لرفع الوحدة بس ادارتنا الحالية امكاناتها المادية مابتسمحلها تامن شروط الكابتن نزار
تاني نقطة موضوع نجاح الكابتن نزار مع شباب الاردن الحقيقية ياشباب انو الكابتن نزار اض تجارب كتير خارجية برة ومانجح غير مع شباب الاردن وكانت حالة معينة يمكن تامنلو كل مقومات النجاح لحتى قدر ينجح مع شباب الاردن
بس هالشي ماشفناه معنا السنة الماضية وبدي جبلكون مثال الكابتن نيناد درب عنا ونجح بعدين راح عالكويت وموفرلو كلشي امكانات لاعبين محترفين وفشل يعني احيانا بيصير شغلة توفيق بس نحنا لازم ناخد المجمل العام ونحكم عليه

[وحداوي موت]

أنا بلنسبة ألي اصغر بكتير بكتير من أني قيم شخص متل الكابتن نزار

انا برائيي انو الكابتن نزار هو المدرب السوري الوحيد بلأضافة لابو شاكر يلي عرفانين شو بدن
هدول الشخصين الوحيدين يلي بيحترمو المهنة الكبيرة يلي بيشتغلوا فيها

وقت يجي كابتن يقول انا بدي كل هل طلبات بس لازم تتوفر للاعبين مو لشخصو هدا الأنسان لازم نحترمو

الكابتن نزار كل شي طلبوا كان للاعبين وبيعود بلفائدة للنادي
بس الأدارة وشركة تعيمر ما قدروا يعملوا نص يلي طلبوا
مع انو مالو طالب شي مستيحل
أبو شاكر طلب لاعب بخمس ملايين الكرامة ما جابوه ترك الجمل بمن حمل وراح درب غير فريق
أبو حامد طالب مقدمات ورواتب اللاعبين تصل بوقتها ما طلب غير هيك


اما أنك تقلي أنو الكابتن بيلعب بلدفاع
أنا ما بظن هيك

وبرائيي عنك الكوتش كل لعبة ألها حساباتها
وقت لعبنا مع الأتحاد السنة الماضية ولعبة الشرطة ولعبة جبلة ولعبة الطليعة
كان الفريق كيتر حلو
وربحنا الشرطة بالاربعة وربحنا الطليعة وربحنا كتير مباريات بلشام
وبرا أرضنا التعادل بلدير بهدفين برائيك هدا فريق عم يلعب دفاع

اللهم لعبة تشرين هي اللعبة الوحيدة يلي فريقنا ما كان منيح فيها
بس باقي المباريات كانت رائعة

على الأقل خسرنا مع الكرامة بغياب تسع لاعبين أساسية تنين صفر

هدا برائيك شي مو منيح

أخي مينر انت الحكي يلي عم تحكيه انا بحترمو كتير

بس مو صحيح

ووقت يجي نادي متل الكرامة بطل دوري وعندو بطولة أسيوية
وبيجي فهر كالو بيقول انا راصد للمحروس 100 مليون ليرة
بس يجي يستلم النادي

انت برائيك عطوه هل شي كلو مشان يلعب دفاع
هي شغلة الدفاع كل شخص ما بيحب الكوتش بيقول بيلعب دفاع


وقت يجي نادي متل الأتحاد بيقول بدنا أبو حامد

معقول كل هل عالم ما بتفهم بلفتبول


أخي منير الكابتن من أحسن مدربين سوريا وبيكفينا فخر أنو المحروس أبن النادي وأبن الوحدة

هيك شخص منرفع راسنا فيه لانو أبن أصول

هي عم احكيك عن الكابتن بس بلرياضة

اما شخصيا الكابتن أخلاق عالية كتير كتير
فيني اوصفو متل الملاك بأفعالو وعقلو وتفكيرو وقلبو الطيب ومحبتو وأحترامو للكبير قبل الصغير

[mmrdem]

اخي سعدي على حسابك عدل وغير مين قدك انا قصدت بكلمة لانريد انو مجموعة المعارضين ههههههههههه متل ماسميتونا على فكرة عجبتني هي التسمية بس عادي مافي مشكلة المهم تصل الفكرة اهم من العنوان وبرد بكرر انو ادارتنا امكاناتها المادية ضعيفة ومارح تقدر تامن الناحية المادية وهاد الشي لازم نعترف فيه لانو موجود وازا مااعترفنا فيه منكون عمنضحك على حالنا يعني رح يصير في عجز بالنادي ياترى شو راي الكابتن نزار وقتها حيتركنا ويمشي متل المرة الماضية ولا حيغامر باسمو وتاريخو وصورتو قدام اللاعبين ؟؟؟؟

[وحداوي موت]

اخي سعدي على حسابك عدل وغير مين قدك انا قصدت بكلمة لانريد انو مجموعة المعارضين ههههههههههه متل ماسميتونا على فكرة عجبتني هي التسمية بس عادي مافي مشكلة المهم تصل الفكرة اهم من العنوان وبرد بكرر انو ادارتنا امكاناتها المادية ضعيفة ومارح تقدر تامن الناحية المادية وهاد الشي لازم نعترف فيه لانو موجود وازا مااعترفنا فيه منكون عمنضحك على حالنا يعني رح يصير في عجز بالنادي ياترى شو راي الكابتن نزار وقتها حيتركنا ويمشي متل المرة الماضية ولا حيغامر باسمو وتاريخو وصورتو قدام اللاعبين ؟؟؟؟


أخي منير الله يخليك عريف شو عم تحكي

انت عم تقول الكابتن خاف على أسمو وتاريخو وترك النادي


صرت للمرة الألف كاتب انا هل قصة بلمنتدى

الكابتن أجتمع بللاعبين

وقلن انا معكن اذا بتنسوا موضع المصاري موقتا

قلن الادارة هلا ما فيها تأمن المصاري
اذا انتوا بدكن تنزلو على التمرين وتفكروا بلمصاري مارح ننجح

اذا بتنتظروا الفرج انا معكن

قام اللاعبين قالوا لا بدنا مصاري


هون الكابتن خلص عرف انو مارح ينجح ولا النادي رح ينجح حمل حالو وترك

وأي مدرب بيحترم حالو رح يعمل متل ماعمل الكابتن

[SH@@MI]

المشاركة الأصلية كتبت بواسطة mmrdem http://www.wahdawia.net/vb/images/orangeblack/buttons/viewpost.gif (http://www.wahdawia.net/vb/showthread.php?p=455267#post455267)
وبرد بكرر انو ادارتنا امكاناتها المادية ضعيفة ومارح تقدر تامن الناحية المادية وهاد الشي لازم نعترف فيه لانو موجود وازا مااعترفنا فيه منكون عمنضحك على حالنا يعني رح يصير في عجز بالنادي ياترى شو راي الكابتن نزار وقتها حيتركنا ويمشي متل المرة الماضية ولا حيغامر باسمو وتاريخو وصورتو قدام اللاعبين ؟؟؟؟

بلاه هالغمز مشان الله

[khaled666]

انا مع نزار قلبا وقالبا ... وقبل هيك وبعد هيك مع الوحدة داثما
بس اللي خايف منو ... انو الكابتن نزار مع كل مشكلة بيقدم استقالتو وبيترك الفريق
هو بسرعة بيستقيل ... وانا ماعم احكي عن السنة الماضية .. مع احكي سابقا شو كان يساوي
انا بتمنى نزار يضل مع الفريق شو ما صار ... ونحنا ( وبقصد كل الجمهور دون استثناء ) نوقف معو
حتى مهما صار هالسنة يقدر يعد فريقنا للسنة الجاية من اولها
وحاجتنا بقا خلافات .... مين نحنا ( مع احترامي للكل ) حتى نقيم هاد المدرب او هداك
لسا كل واحد عاملي حالو فهمان بعلم التدريب والتكتيك والتكنيك والتحليل ....
خلو المدربين تشتغل ... والادارة تشتغل
ونحنا شغلتنا ندعم ونساعد ونشجع ...

[mmrdem]

طيب اخي العزيز بدي اسالك هالموقف مارح يتكرر هالموسم ؟؟؟؟؟ازا بتقلي انو مارح يتكرر ببصملك بالعشرة على الكابتن نزار اما ازا رح يتكرر فهون الخوف يعني مشكلة قصي لهلق ماانحلت في مستحقات للاعبين كتيرة ولسة مابلش الصرف على السلة يعني بتوقع انو الكابتن نزار متردد مشان جدية الادارة بتامين حاجات الفريق والا هو مابيتباطئ بتلبية نداء الوحدة وفي نقطة حابب قولها انو الكابتن نزار لما يستلم الكرامة او الاتحاد فانا متاكد انو رح يجيب نتائج كبيرة لانن فرق كبيرة بلاعبينها وعندون خبرة وبيقدرو يفهمو على المدرب الجيد وينفذو تعليماتو لهيك منشوف انو الكرامة بالشوط التاني شكل تاني لانو بيطبقو تعليمات القويض اما فريقنا بالشوط التاني بيفرط وبيخلص كازو وكل مين بيغني على ليلو لانو نوعية اللاعبين عنا بتختلف

[EIHAB]

بتوقع يا حكيم انك تاخرت بالموضوع شوي .. يعني كنت نزله قبل يومين كانت الادارة قرأته ولغت التعاقد مع نزار ..

الموضوع صار منتهي بنسبة 99 % وحتى اسماء الكادر التدريبي تحددت ..

بقا يا صديقي لازم نخلص من مرحلة بدنا وما بدنا لانو سبق السيف ..

وبانتظار المؤتمر الصحفي لاحمد قوطرش ..

[الوحدة يا عشق كل دمشقي]

يعطيك العافية ..فعلا لازم هيك موضوع منشان الشباب يلي معارضة عودة الكابتن نزار ..تعطي اسبابها ..ونناقش برواء ..
..
أي نادي بالعالم لما بيختار مدرب ..بشوف ورقة عمل هل المدرب بالاندية السابقة يلي دربها ..
وطبعا هل الورقة عند الكابتن نزار كمدرب ..جيدة مع الاندية يلي دربها ..مع تحفظي على انجاز شباب الاردن ..خاصة أني شخص أردني ومن أربد معقل نادي شباب الاردن حتى من مشجعيه ..النجاح يلي حققه الكابتن نزار مع شباب الاردن ما أتى بعمل مدرب فقط ..الفريق كان صاعد من الدرجة التانية ..وكان بدعم خاص من الامير علي ..لكسر احتكار الوحدات والفيصلي على بطولة الدوري ..وأعطائها صفة منافسة متجددة ..وكان الدعم لا محدود للاعبين والمدرب والمبالغ والمكافأت يلي كانت تنصرف للاعبين خيالية بعد كل فوز ..وكانت أي شغلة للكابتن نزار ..فرض صلاة لازم تتنفز..يعني كان الفريق عايش على كفوف الراحة ..وهاد يلي خلا الكابتن نزار ..يتأنى لما بدو يدرب أي فريق تاني خاصة بعد الاستقرار اللا محدود يلي عاشه مع شباب الاردن ..بقى انا ما بعتبر نقطة الاستقرار ..ممكن نختلف فيها حتى لو كان أبن النادي ..مو لازم يتحمل مشاكله..هوة ألان مدرب ولما بيطلب هل المطالب هيه أكيد لمصلحة ناديه الام ..من جهتي ما عندي اعتراض ابدا عن اي طلب عادي او تعجيزي ممكن يطلبه الكابتن نزار ..بالعكس هوة حق مشروع ..
..
من جهة أخرى لا يعني نجاحه مع نادي شباب الاردن كافي لاعتباره المنقذ برأي أغلبية الشباب عنا ..الكابتن نزار هوة اهم الحلول ..لكن ليس المنقذ..مسيرته كمدرب أن كانت في لبنان أو السعودية أو سوريا أو الاردن ..فهي مقبولة ..نجح في نصفها ..والنصف الاخر لم يكن التوفيق حليفه ..
..
يعني ممكن أنه ينجح انشالله ..أو يفشل لا سمح الله ..فهذه النقطة التي اعترض فيها مع مؤيدين نزار حتى الموت ..أنكم سلمتم أنه لا يوجد سوى الكابتن هوة الشخص الخارق يلي رح ينشل الفريق ..طيب لا سمح الله لو فشل ..بماذا سوف تردون ..بعد هذا التطبيل والتزمير ..بمجرد استلام الكابتن نزار أنه خلص حققنا الدوري والكأس وشاركنا بالاسيوية ..الكلام عن الموسم القادم وليس هذا الموسم ..أي انكم انتم بأندفاعكم اللا محدود قد جعلتونا نضع اعتراضات على عودة الكابتن نزار ..
..
أما عن اعتراضي عنه كمدرب ..طريقة اللعب يلي بيلعب فيها دفاعية بحتة ..أي انها ممللة بصراحة وأكبر دليل طريقة لعب الكرامة ..الكلام يلي عمأحكي بناء على ما شاهدته الموسم الماضي ..لعبة المجد كنا متقدمين 2 وتعادلنا ..بسبب الدفاع اللا مبرر ..وتبديل خاطئ من الكابتن بأخر اللحظات ..لعبة الاتحاد خسرناها ..ولولا اندافاع لاعبينا واللعبة بأرضنا ما كنا هجمنا ..لعبة الكرامة ..يعني بصراحة طريقة لعبه تجاريه ..عكس ما كان عليه وهوة لاعب ..اذا كان عندي اعتراض على قدوم الكابتن نزار كمدرب فهي بنسبة عشرة بالمية ..واعتراضي على المؤيدين عن الكابتن نزار فهي مية بالية ..ويبقى مجرد رائي خاص

[وحداوي موت]

طيب اخي العزيز بدي اسالك هالموقف مارح يتكرر هالموسم ؟؟؟؟؟ازا بتقلي انو مارح يتكرر ببصملك بالعشرة على الكابتن نزار اما ازا رح يتكرر فهون الخوف يعني مشكلة قصي لهلق ماانحلت في مستحقات للاعبين كتيرة ولسة مابلش الصرف على السلة يعني بتوقع انو الكابتن نزار متردد مشان جدية الادارة بتامين حاجات الفريق والا هو مابيتباطئ بتلبية نداء الوحدة وفي نقطة حابب قولها انو الكابتن نزار لما يستلم الكرامة او الاتحاد فانا متاكد انو رح يجيب نتائج كبيرة لانن فرق كبيرة بلاعبينها وعندون خبرة وبيقدرو يفهمو على المدرب الجيد وينفذو تعليماتو لهيك منشوف انو الكرامة بالشوط التاني شكل تاني لانو بيطبقو تعليمات القويض اما فريقنا بالشوط التاني بيفرط وبيخلص كازو وكل مين بيغني على ليلو لانو نوعية اللاعبين عنا بتختلف



شبنا دكتور
قبل ما تكتب الموضع ما فكرت بشو بدك تكتب

اول رد ما بدك نزار لانو بيلعب دفاع وبيموت اللعب ولعلى وعسى بياخد كول لانو طريقتو دفاع وبتموت


تاني رد بتقول انت ما بدك ياه لانو الادارة مارح تأمن طلباتو وخايف ما يترك


وتالت رد صار الكابتن نزار منيح وبينجح بتدريب الأتحاد والكرامة .. وصار الكابتن نزار منيح



شو عم يصير معك
!!!!!!!!!!!!!

[ali-orange]

المشكلةليست بتعين أبوحامد ولا غيروا المشكلة انو نحنا جمهور الوحدة اصبحنا احزاب مابيعجبنا العجب مين بتحب يكون المدرب بهل الوقت العصيب حقوق الاعبين صارت طلبات كتير يا أخي الكريم شفنا شوصار الموسم السابق من الاعبين بسبب عدم دفع المستحقات المالية وتمردون على العب أبو حامد الحل المناسب للبرتقالي وكافة المشاكل بعدها بتنحل بس الأهم انو نكون صف واحد وأكيد النادي لح يكون بخير

[mmrdem]

والله ماعمبيصير معي شي بالعكس حكيي مترابط لانو انا قلت شغلة اولشي انو خطة الكابتن نزار بدها مهاجمين من طراز عالي يقتنصو انصاف الفرص وهالشي مو موجود عنا طبعا خطة الكابتن نزار مو هو مخترعها يعني موجودة وفي مدارس كروية عالمية بتعتمدها وعمتنجح فيها لانو عندها مقوماتها اما فريقنا ماعندو هالشي وبالكرامة والاتحاد في مهاجمين هنن الافضل بسورية وبيقدرو يجيبولو اهداف من اشباه الفرص والمرتدات لهيك توقعت نجاحو بتمنى يكون وصل رايي

[EIHAB]

الادارة تعهدت مبارح بتامين جميع رواتب اللاعبين بالفترة الممتدة بين 1 و10 شهر يعني اطمن هالشي مالح يتكرر ..

تاني شي يلي عك يحكي عن المصاري نزار له في ذمة النادي 300 الف من الموسم الماضي وسامح النادي فيهم ..

بقا يلي بدو يحكي يا يحكي ويكون عرفان .. يااما لا يحكي ..

[وحداوي موت]

وصل يا دكتـــــــــور
على راسي انت ورائيك
حبيبنا انت

[mmrdem]

على راسي ياغالي وصدقني اني بحب الكابتن نزار كشخص ولما بشوف حكي مشجعين باقي الاندية عنو بشعر بالفخر انو هالشخص وحداوي بس انا بتمناه يكون مدرب فريق عندو مقومات النجاح لحتى يقدر يعمل شي لانو صدقني ازا فشل الكابتن نزار معنا لاسمح الله هالمرة فانا متاكد انو ماعاد يعيدها وياريت تحبني قد نص محبتك للكابتن نزار يلي بيستاهل كل حب وتقدير وشكرا لاسلوبك الراقي بتفهم الراي الاخر

[وحداوي موت]

على راسي ياغالي وصدقني اني بحب الكابتن نزار كشخص ولما بشوف حكي مشجعين باقي الاندية عنو بشعر بالفخر انو هالشخص وحداوي بس انا بتمناه يكون مدرب فريق عندو مقومات النجاح لحتى يقدر يعمل شي لانو صدقني ازا فشل الكابتن نزار معنا لاسمح الله هالمرة فانا متاكد انو ماعاد يعيدها وياريت تحبني قد نص محبتك للكابتن نزار يلي بيستاهل كل حب وتقدير وشكرا لاسلوبك الراقي بتفهم الراي الاخر


دكتور انت على عيني وراسي
ومتل ما الكل بيعرف وقت يكون عندك جوهرة ثمينة لازم تأمنلها الأمان مشان ما حدا ياخدها منك
وديما بتشوف حالك فيها وبترفع راسك فيها

نحنا الوحداوية عنا المحروس ثروة وجوهرة كبيرة
ولازم نأمنلو كل طلبات النجاح لينهض النادي ويرجع متل اول

وعين على كلامي
اذا ربحنا الشرطة والأتحاد

رح تلاقي 30 ألف وحداوي بلملعب وانا واثق من كلامي
وهدا الشي رح يعود بلفائدة على النادي

العالم يا دكتور ملة من الوحدة ومشاكل الوحدة
صار بدها أستقرار لترجع على المدرجات

المعادلة بسطية وبنفس الوقت صعبة
أمن للمحروس كل شي بدو ياه شوف الملعب كيف رح يصير
الأستقرار والأموال أهم شي
كأدارة ثقتنا كبيرة بأبو عبدو وان شاء الله ينجح
وكدعم مادي بوجود شخص متل الأستاذ صفوان ومتل السيد غياث
الأمور رح تكون عال العالم

وبهدا الوقت تحديدا لازم كلنا نقف مع المحروس
لانو ملينا مشاكل وأنشقاقات وتفريق
لازم نكون أيد وحدة حد أبو حامد تينجح

[سامي78]

وبهدا الوقت تحديدا لازم كلنا نقف مع المحروس
لانو ملينا مشاكل وأنشقاقات وتفريق
لازم نكون أيد وحدة حد أبو حامد تينجح[/quote]
يسلم تمك هادا الكلام الاصلي ...
واذا بدنا نحكي بالديمقراطية (الراي والراي الاخر) لازم نتفق على شغلة انو لما يفوز مرشح جماعة ...الطرف التاني بباركلو وبتنتهي المهاترات والحرب الكلامية وبيشتغل الكل لمصلحة الكل-حسب رؤية الفائز-
اذا خلونا نشتغل كلنا ايد وحدة لمصلحة نادينا..حسب رؤية ابو حامد

[Ammar Alfarawati]

بقا يلي بدو يحكي يا يحكي ويكون عرفان .. يااما لا يحكي ..

ايهاب المنتدى وانت من رواده الدائميــــن وبتعرف انه ماله موقع اخباري بينزل خبر وبس .. هو للنقاش .. مو مشان بس يلي بيعرفوا يحكوا والباقي يسكتوا !!

[أبو شام]

بصراحة..النقطة الوحيدة يلي يمكن البعض يشتكي منها بالنسب للكابتن نزار ..موضوع اللعب الدفاعي..وهادحق..لانو ما عشقنا الوحدة الا للعبو الممتع ..بس بالمقابل ما ننسى انو فريقنا السنة مستقر اكتر بكتير من السنين الماضيي..وبالتالي ..ابو حامد مالو مضطر يتحفظ السنة بالموضوع الهجومي ..لأانو خياراتو الهجومية اكبر بهاد الموسم..من الخبير شعبو ..للفنان سي لشيخ..للبركاوي يلي لسا عندو كتير. بدون ما ننسى البشو يلي وءت بدو بيكون مرعب..

[Khaled Nayseh]

المفروض أنو نادينا نادي العاصمة
وبالأحرى نادي الشام
فإذا ما راح نكون قادرين نأمن المستلزمات المادية لرفع النادي حرام علينا نكون موجودين بالدوري أصلا
لعمى والله عيبة بحقنا يكون في عنا عجز أصلا
وين راجو تجار الشام ؟؟؟؟؟
ونزار ولا غيرو لما بيطلب عم يطلب شي يمكن المدربين الأجانب اللي مرو عالوحدة طلبو أكتر منو
أنا برأيي موضوع المادةالحمد لله نحل
ونزار الأنسب للنادي
وفي ما سبق ما استمر لمشكلة الرواتبأولا وتانيا كان في ناس عم تعرقل شغلو يمكن
بس هلأ مع الإدارة الجديدة يا ريت يرجع أبو حامد
ونشالله راح يورجينا العجب
أبو شاكر مالو أحسن من نزار
ومتل ما رفع الكرامة بغض النظر عن لعيبتو
نزار بيرفع الوحدة بعون الله
والدليل لما أبو شاكر ترك الكرامة النادي انتكس هالي كلو نجوم
معناتا العملية عملية مدرب بالأساس
بعدين بيجي دور اللعيبة بالمرتبة التانية

[HasSsaN]

اخي سعدي على حسابك عدل وغير مين قدك انا قصدت بكلمة لانريد انو مجموعة المعارضين ههههههههههه متل ماسميتونا على فكرة عجبتني هي التسمية بس عادي مافي مشكلة المهم تصل الفكرة اهم من العنوان وبرد بكرر انو ادارتنا امكاناتها المادية ضعيفة ومارح تقدر تامن الناحية المادية وهاد الشي لازم نعترف فيه لانو موجود وازا مااعترفنا فيه منكون عمنضحك على حالنا يعني رح يصير في عجز بالنادي ياترى شو راي الكابتن نزار وقتها حيتركنا ويمشي متل المرة الماضية ولا حيغامر باسمو وتاريخو وصورتو قدام اللاعبين ؟؟؟؟

اخي منير انا معك بموضوعك و انت نقرت عالوجع مع احترامي لأراء البقية وانا لست ضد عودة نزار بشكل عام انما انا ضد الأسلوب و القالب الذي ان تم سيعود به نزار وربما تكون مغامرة غير محسوبة

[وحداوي موت]

وقت تكونوا قريبين من اللاعبين وعنكن أتصالات مع اللاعبين
رح تعرفوا انو نزار أحسن مدرب رح يكون للنادي

هي من الأخر

[wassim80]

ياجماعة اتطلعو على الموضوع بشفافية
بالفعل مجيئ ابوحامد رائع (لكن السؤال الهام هل بأمكان إدارتنا تلبية ما سيطلبه الرجل من امور أساسية؟؟؟؟؟)
أم أن مجيئ نزار سيكون للأسف كم مباراة وبعدها يبلش نئ وحرد اللاعبين ويمشي متل السنة الماضية.....

[DIABO MAN]

انا بدي يكون الوحدة من الثلاثة المنافسين بالدوري
بنزار محروس ولا بغيره مو مهم عندي
المهم الوحدة

[Abu Waseem]

المنتدى خلق للنقاش والا خلينا نسكرو ونقول اجا نزار وراح نزار واجا فاروق وخلص ومنعمل صفحة رئيسية وبلا هالوجع القلب كلو

النقاش يطول بصراحة

يمكن يكون يلي انقال صحيح أو خاطئ .. أنا مع عدم مجيء الكابتن نزار بسبب الطريقة يلي عم يجي فيها هالسنة ويلي مرتبلها من قبل الانتخابات وللأسف اذا مين بيجي ليقيم هالفكرة من راسي مارح توح من بالي كيف تم التعامل مع طريقة مجيئه وبصراحة كانت مكشوفة وفاشلة تنظيمياً بس ملعوبة ولما هيك بشوف بقول ياخسارة على نادي الوحدة
لأنه يلي عم يقول بمجيء الكابتن نزار بتحس رح يتغير كل رياضة سورية مو بس نادي الوحدة ومارح تتكرر مشاكل وقصص سنين مضت ووضع الرياضة الحالي بالبلد أسوء من أول
بس باتمنى اذا ماكان الكابتن نزار صار بكرا وكان مدرب للفريق ومعه ادارة وصلت وهية معه كفكر وتنسيق وعم احكي بالمشرمحي عن القوطرش وصحبته الأخيرة مع الكابتن نزار فأمنيتي الاستمرار مهما كانت الظروف مع بعض والاستقرار لمواسم مهما كانت النتائج ولازم الكل يعرف أنه متل ما تمت النقاش ونقد أي مدرب مر فالكابتن نزار رح يتم التعامل معه بنفس الطريقة مع كامل الاحترام لشخصه وشخص الكادر يلي رح يكون معه

[ابو حميد]

انا اعتراضي على المحروس بنقط معينة اولها انو طلباتو كتيرة بيعجز نادينا عن تحقيقها وهاد الواقع اللي لازم نعترف فيه
بتمنى منك اخي توضحلنا هي الفكرة من شان نكون واقعيين وموضوعيين وحياديين
يعني مثلا عطيني طلب واحد طلبو نزار وعجز فيه الادارة والنادي او اللاعبين؟
او قارن بين طلبات الكابتن نزار وطلبات اي مدرب بدالو يا ترى بتلائي نزار طلب شي مستحيل او تعجيزي علىحد قولك؟؟؟؟
بتمنى منك توضحلي من شان ما اظلمك لاني من هاد الكلام فهمت انك محسوب على فئة معينة كانت قاعدة على صدورنا وكلفتنا كتير حتى قلعنا الضرس
مع كل حبي

[omarjeroudi]

هلق الحكي ما بقا يفيد و قعت الفاس بالراس حكينا و قت كان لازم نحكي بس في شي مخطط واضح كتير يالله سيدي الله يوفق النادي و نقدر ناخد بطولات بطريقة لعب حلوة و الله الموفق

[أبو الياس]

إي ساوا فريق شباب الأردن من أقوى أندية الأردن .. و هو كان ولا شي

بعدين طلباتو مو تعجيزية أبداْ .. مالو عم يطلب لجيبتو مصاري .. يعني بدك ياه يستلم فريق لاعبينو مابدون يلعبوا لأنو مافي رواتب .. و يروح يشحد من الإدارة مشان الله عطوهون رواتب و مدري شو
و بالاخير بتجوا بتقولوا ليش ما نافسنا عالدوري

الكابتن نزار عملو احترافي .. أمنلو يلي بدو ياه .. بعدين تعا حاسبو

ليش بتنظر للاستثناء الوحيد وما بتنظر للمعدل العام؟
شو مركز شباب الأردن حاليا؟ يعني بدك تقلي أنو المدرب فقط يلي صنع فريق؟ غلط

[طلال عباس]

انا يا شباب برايي انو الادارة اخطات بفسخ عقد فاروق وتكليف نزار مع العلم بانني من اكثر الناس حبا لنزار اللاعب ولكن كمدرب مع احترامي الشديد ليس كما كان لاعبا ولكن بالنهاية ان اخطات الادارة او اصابت يجب ان نقف وراءها ونقف وراء نزار الملك ليرجع امجاد الوحدة رغم انو انا شايف انو فاروق احسن بكتير بس هي كانت مؤامرة لتفشيلوامن قبل اللاعبين ونجحت المؤامرة وانشاالله يكون هيك احسن

[وحداوي موت]

اوكي
شكرا

[soltaan_alwehda]

انا يا شباب برايي انو الادارة اخطات بفسخ عقد فاروق وتكليف نزار مع العلم بانني من اكثر الناس حبا لنزار اللاعب ولكن كمدرب مع احترامي الشديد ليس كما كان لاعبا ولكن بالنهاية ان اخطات الادارة او اصابت يجب ان نقف وراءها ونقف وراء نزار الملك ليرجع امجاد الوحدة رغم انو انا شايف انو فاروق احسن بكتير بس هي كانت مؤامرة لتفشيلوامن قبل اللاعبين ونجحت المؤامرة وانشاالله يكون هيك احسن
شوبدنا نساوي معلم حكينا من قبل ماستفدنا شي مابنقول غير بالتوفيق للبرتقالي

[samersabsoub]

لاحولة ولاقوة الابالله احسن شي ؟؟؟؟؟؟؟؟؟؟

[M o H a M e D]

بالنسبة إلي ما كنت بتمنى يستلم أبو حامد حاليا ..

أول شي بسبب هالمسرحية يلي تم فيها تسليمه الفريق ويلي كان مخططلها من أول الدوري من قبل ما تستلم الادارة .. و الفريق كان بخط تصاعدي و عميتطور مع فاروق .. ولهيك كانت الحبكة الأخرانية مع خسارة مذلة ظريفة كتير ..

و تاني شي لأنو بصراحة ما اقتنعت بأسلوب الكابتن أبو حامد الموسم الماضي .. إن كان باللعب العقيم الدفاعي .. او حتى بالتشكيلات و التبديلات ..
و طول الذهاب ما بتذكر فريقنا كان يعرف يبني هجمة صح متل العالم و الناس ...

و تالت شي لأني عندي قناعة أنو نادينا ما بيمشي معو غير المدرب الأجنبي ..

و رابع شي .. بصراحة أنا بحترمو لأبو حامد كشخص لأبعد الحدود و ما بتمنى شوفه فشل مع أي فريق فكيف مع نادينا و ناديه الأم ..!

[أبو عامر]

لك شو كل واحد بيعرف يكتب كم كلمة صار بدو يشبعنا نظريات مين بدو يفشلو لفاروق بعدين فاروق منيح ساوي فريق وخلي يدرب فريقك شو رأيك مو احسن من نظريات بهيك وقت مالها طعمة ابدا بعدين الادارة أخطأت والله الادارة ماعد عرفت ترضي الجمهور مطالبة كبيرة من الجمهور بنزار لانو فعلا الحل بنزار وبس مو بفاروق يا كبير ياللي فشلو اللعيبة على حد قولك والله كلام مسخرة ومرفوض

[Nassib kabbani]

يا شباب الادارة اخدت قرارها ولازم نكون كلنا معها ومع الفريق بغض النظر عن اسم المدرب

[أبو عامر]

كل واحد بدو يشور عالادارة كان يرشح حالو للعضوية مو احسن هيك بيقرر لانو احسنلو بكتير

[عاشق البرتقلة بهاء الشام]

بتمنى من الكل يساندو الادارة لنكون ايد وحدة
وكل هل الحكي مشي حالو وماعاد ينفع
كلنا لازم نكون سوى ادارة ولاعبين وجمهور مشان نشوف الوحدة احسن نادي بسورية

[سمير الوحداوي]

المكتوب مبين من عنوانو والسلطة للجمهور واللاعبين وعيش يا وحدة لينبتلك حشيش

[أبو عامر]

تمنيت شي مرة حدا يطلب منطق ليش نزار شي مرة طلب شي لجيبتو الخاصة يعني ماطلباتو كلها ليتوفر جو منيح لينجح الفريق والزلمة مالو مجبور يشتغل اولا بجو فاسد تانيا بجو شحادة تالتا يقعد يلم للاعبين رواتبهم كل شهر كأنو هو الدادا تبعهم هو جاية يدرب وبس مشان ينجح عرفت مقومات النجاح يا كاتب الموضوع بعدين كلامك في تناقض طلع معك انو نزار محلل مبدع بس بأرض الملعب بيموت اللعب ما المحلل المبدع بيلعب وفقا للظروف اللي بينحط فيها عرفت حبيب

[محمد ربيع]

بسم الله الرحمن الرحيم
اول شي تحيه لكل الشباب الوحداويه
تاني شي بأذن الله كلنا وحداويه واكيد مابدنا يصير فينا معارضه وموالاه
كلنا مع المدرب وكلنا وحداويه وانشالله الكابتن ابو حامد مارح يقصر مع النادي
وبتمنى نكون داخل المربع الذهبي
وكل التوفيق لحبيبنا وحبيب الوحداويه نزاروو

[طلال عباس]

يا سيد ابو عامر ليش معصب بعدين الخلاف بالراي لايفسد للود قضيةاذا كان هالمنتدى براي واحد منشان نعرف وبعدين انا قلت انو الوحدة اكبر من الكل لذلك ان اصابت او اخطات فنحن وراءها لاننا انتخبناها اما بالنسبة للمؤامرة فانا عند ادلة ومعلومات بان لاعب مهم في الفريق قاد هالمؤامرة والادارة تعرف ذلك لاعادة نزار ولكن ماحصل قد حصل

[محمد ربيع]

لا مو اول غلط للاداره
فاروق قال بعد المرحله الخامسه بيزبط الفريق ونتظرنا
شو النتيجه طلعت بعدا خسارتنا مع الوثبه 4-0
بئا بشو غلطت الاداره برئيك تستنى لعبة الكرامه ولا الجيش ولا الاتحاد بعدين بتاخد قرارها
منكون نحنا خسرنا وتشرشحنا بنتائج
واخيرا وليس أخرا بتوفيق للكابتن ابو حامد ولنادينا الغالي الوحده الدمشقي

[soltaan_alwehda]

يا سيد ابو عامر ليش معصب بعدين الخلاف بالراي لايفسد للود قضيةاذا كان هالمنتدى براي واحد منشان نعرف وبعدين انا قلت انو الوحدة اكبر من الكل لذلك ان اصابت او اخطات فنحن وراءها لاننا انتخبناها اما بالنسبة للمؤامرة فانا عند ادلة ومعلومات بان لاعب مهم في الفريق قاد هالمؤامرة والادارة تعرف ذلك لاعادة نزار ولكن ماحصل قد حصل
طول بالك سيد طلال بدي منك طلب بدي منشفتك شوي لك نسيت بشكيري بالبيت :neutral: انا حبيت شغلة بفاروق نفسو الطيبة يعني شفتو شلون بس يفوز بروح بحيي الجمهور ونفسو الطيبة هية يلي دمرتو وشكرا

[Abu Waseem]

أبو عامر آخر مرة بقلك لو سمحت اذا مو حاب تناقش بهدوء وبدون مسخرة ياريت ماتزعج نفسك وتفوت عالموضوع من أساسو
الموضوع رح يتم قائم للنقاش سواء ييل صار صار ول اماصار لانه هي هية الحالة الصحية بيناتنا عالقليل والمنتدى موجود لنتناقش ونسمع بعض وبدون مسخرة وتعليقات وتخوين
لو سمحتو

[أبو عامر]

أبو عامر آخر مرة بقلك لو سمحت اذا مو حاب تناقش بهدوء وبدون مسخرة ياريت ماتزعج نفسك وتفوت عالموضوع من أساسو
الموضوع رح يتم قائم للنقاش سواء ييل صار صار ول اماصار لانه هي هية الحالة الصحية بيناتنا عالقليل والمنتدى موجود لنتناقش ونسمع بعض وبدون مسخرة وتعليقات وتخوين
لو سمحتو
أبووسيم انت حبيب قلبي وتاج راسي وعلى راسي من فوق انشالله بس رجاع لبعض المواضيع نفس الاشخاص اللي هاجمو نزار من كم يوم لك هلق نفسهم عميمدحو ونفس الاشخاص اللي طالبو فيه هلق صارو يحكو انو مو منيح ابدا وفاروق لازم نصبر عليه نحن مناقش بحالة وحدة لما الانسان بيحكي كلمة تكون صادقة مو كل ساعة كلمة وكل دقيقة كلمة يعني تخيل الاخ طلال عباس عمبيقول انو عندو دلائل ومعلومات انو احد اللاعبين فشل فاروق هاد كلام فتنة ما حدا بيرضى فيه طيب يورجينا ولا منزت كلامنا ومنهرب لا حول ولا قوة الا بالله لشو رمي الفتن هو عميتهم لاعب وقال لاعب معروف يقللنا عليه لانو اللي فشل فاروق بيفشل غيرو صح كلامي يا عمي ابووسيم ولا لاء انا مشان هيك تمسخرت ولا انا مالي لا ناقة ولا جمل مع الزلمة والمنتدى هون للنقاش وبس صح

[noel]

انا مع يلي بيستلم التدريبب مين ما كان
بس نقطة وحدة ع القدير نزار احيانا بيكون لعبو تجاري يعني مشان النقط بيموت لعب
بس ما فييي احكم عليه لأنو السنة الماضية ما كان عندو لاعبين متل هل سنة

بالنهاية بحب اشكر فاروق لأنو هو مدرب لياقة ممتاز و ان شا لله ع ايام المحروس بنشوف فريق بهيبة و ما يبهدل الشام متل ما صارو يقولو الوثباوية

[علي1991]

حبيبي انا بتمنى يجي نزار لانو بتحبو اللعيبة بس ما بدي يجي لانو بدو خمسين مليون وما في حدى بيحسن يعطي هل مبلغ وما عاد بدي احكي على الكابتن لانو العين حمرت منا وبنهاية بجوز كون غلطان او صحيح بس الاهم انو مانطل عم نحكي حكي بدنا نعرف اذا بدها الادارة نزار اومابدها ياه

[برتقالي للعظم]

ياشباب انو الكابتن نزار اض تجارب كتير خارجية برة ومانجح غير مع شباب الاردن وكانت حالة معينة يمكن تامنلو كل مقومات النجاح لحتى قدر ينجح مع شباب الاردن



لمعلوماتك يا صديقي ، الكابتن درب كمان بلبنان الصفاء والعهد ، وحقق مع الصفاء مركز متوسط مع انه كان من الفرق الصاعدة النازلة بالدوري اللبناني ، كما حقق مع العهد مركز منافس وهو كان من فرق الوسط

[f.torres]

لازم الكل يكون أيد وحدة و مانختلف بالرأي و م
ين ماكان المدرب المهم الوحدة....الوحدة.

[clever]

المهم أخيراً أستلم الكابتن نزار دفة البرتقالي ولن نطلب منه المستحيل هذا الموسم فقط لا نريد التنافس على الهروب

ياجماعة لما نجح نيناد كان بسبب الأستقرار المالي والأداري يعني هاد يلي عم يطلبو الكوتش نزار الأستقرار
والأهم أنو هو صار مدرب الوحدة ولازم الكل يلتف حوليه
لأنو الوحدة مو نزار أو السيد أو أي شخص الوحدة هو رووووووح الشام وحب الشام وراجعة أيامك ياوحدة

[محمد حجون]

بلااااااااااااااااااااا شناااااااااااااااااااااااااااااااااااااااااااااااا اااااااااااااااااااااااااااا


شو ياجماعة تفائلو بالخير بقاااااااااااااااااااااااااااااااااااا
هي ابوحامد اجا وما خلاصناااااااااااااااا
والله رجعت ابو حامد كانت حلم