عاجل جدا أرجو التثبت من المشرفين إذا كان نادينا يهمهم

[nart]

نظرا للأوضاع السيئة التي اوصلت النادي للهاوية
أعلن الان بترتيب مظاهرة سلمية تتجمع امام مقر النادي
وتطالب خالد حبوباتي بترك النادي وهذه المحاولة تأتي بعد فشل كل المحاولات
وصدقوني هذه المحاولة ستكون ذات تأثير كبير في الشارع الرياضي بسوريا بشكل عام
أرجو من الجميع الموافقة لأنو الوضع مابيسر ويلي بدو غير هيك حل بدي قلوا
لا تعزب حالك ما حينفع أي حل (طبعا بسبب تمسك حبوباتي برئاسة النادي )
وحل المظاهرة السلمية برأي ممتاز
أنا حددت وقت مناسب ومو ضروري يكون هاد الوقت خلينا نتفق على التوقيت معا
بس خلي اليوم يكون الخميس أحسن
والساعة منحددها مع بعض بس أنا بقترح الساعة الرابعة

[M-AL MN@GED]

أنا معك وموافق

[kashi]

شباب بعتقادي انو الوقت الان لايسمح لهذا الشيئ الان لازم نطلب الادارة في الوقوف جنب الفريق وبعدين منحاسبهم لانو الامور سوف تخرب زيادة :cry

[EIHAB]

هلأ لحنا لازم نعومل شي لنوقف هالمسخرة يلي عم تصير بالنادي..

بس بدنا حل منطقي..وقابل لتنفيذ..

ومشان المظاهرة حبيب لاقيلك شغلة تانية لأنو المظاهرات والتجمعات ممنوعة..

طيب اقتراح....

ليش ما بتحكوا يلي بدكون تقولوه بالمظاهرة بالملعب بأول لعبة بيلعبها النادي بالشام

[ابو عامر]

انا برأيي كل هالحكي ما بينفع لا مظاهرات ولا علاك الشغلة بدها قرار من فوق نحن مامنقدر غير انو نشتم ونعصب ونغضب بسسس

[فراس الوحداوي]

لك وضع النادي ما بيسمح بتغيير الإدارة هلاء

لازم نضل ورا فريقنا بالعب الجاية

والله ولي التوفيق


:fw :fw :fw

[deyaa]

طيب بغض النظر عن التظاهرات والتجمعات
أنا سمعت انو الإدارة بدها تقبض الرواتب يوم السبت
حدا من اللعيبة شم ريحة المصاري مبارح؟
يعني هادا الشي إذا صار ممكن يحسن كتير بنفسية اللعيبة

[An@s]

أعزائي المظاهرات ولو كانت سلمية ولعدد محدود من الأشخاص بدها موافقات وقصة طويلة عريضة
أنا برأيي موهاد الوقت المناسب لهيك حركة
هلأ الكل لازم يكون يد واحدة لإنقاذ ما يمكن إنقاذه

[<MoHaMeD DaBoUL>]

طيب يعني بدي اسال سؤال يعني اذا ترك حبوباتي النادي مين بدو يتفع الرواتب ومين بدو يستلم النادي محلو يعني لازم نفكر لقدام
واذا في حدا محلو حدا يئلي
:cry

[دلبيرو الوحدة]

والله احسن الشي المظاهرة بالملعب

[M o H a M e D]

طبعا هو أفضل حل .. بس المشكلة ياعزيزي أنو ممنوع عنا بالبلد ..

فكروا بحلول تانية مجدية أكتر ... ومتل ماقال ايهاب أضعف الايمان يكون في هتافات موحدة ضد الادارة بلعبة الجمعة :fw

[<MoHaMeD DaBoUL>]

والله احسن الشي المظاهرة بالملعب
المظاهرة ما رح تنفع لانو حبوباتي تمسح جسموا ما عاد بحس يعني ما رح تستفاد شي خلينا نتوكل على الله ونخلي مسيووووووووووووووووووو حبوباتي

[henry]

انا برايي مانعمل مظاهرة
انا بقترح على الغيورين على نادي الوحدة الموجودين بالمنتدى توحيد التوقيع
كلو يحط توقيع موحد يكون موجه ومدروس من شان بوفالو وقت يشوفو يروح ويقلو عليه لمعلمو
بعدين اذا بدكون كل واحد يحط لافتة قماشية صغيرة على بيتو او سيارتو ويكتب فيها عبارة موجهة الى المعنين وهيك بيصير ضجة كبيرة واحسن من المظاهرة


:)) :)) :)) :)) :)) :)) :)) :))

[HasSsaN]

لا مظاهرة ولاغيرو بتعمل شي

لأنو القاضي راضي هههههههههههههههههههه

المسخرة برياضتنا كلها وفهمكم كفاية

و ياشباب تجمع متل هاد يعني نتيجة حتمية انو رح ننام ببيت خالتنا حفيظة الله يحفظها :mrgreen: :mrgreen: :mrgreen:

[Zizou]

شو مظاهرة ما مظاهرة والله سيارة دورية وحدة بتخلينا انصير ببيوتنا بدقيقتين
خلص خلونا نجتمع بشي لعبة ونعمل موشحات وقدود حلبية للبيك الحبوباتي يكونو من طينة موشحات أبو عباية حبيب أبو مالك

[abou malek]

خلص خلونا نجتمع بشي لعبة ونعمل موشحات وقدود حلبية للبيك الحبوباتي يكونو من طينة موشحات أبو عباية حبيب أبو مالك


:m( :m( :m( :m( :m( :m( :m(

[nemr]

يا شباب هلأ مو وقتا وما فينا نعمل شي بهالوقت غير انو نستنا فرج رب العالمين علينا

[الشامي الاصيل]

انا برايي مانعمل مظاهرة

ايه منستنى الفريق لينزل عالدرجة التانية بعدين منعمل مظاهرة معك حق
انا من زمان حكيت بس ما حدا بدو الكل تعبان وخايف نامو نامو احسنلكم
بالملعب وخلصنا حتى الملعب فضي