لا حدا يزعل بس التانية احسن النا

[وحداوي موت]

[align=right:50be605329]مرحبا يا شباب
معلش طولوا بالكن
الهم يلي نازل على نادينا اكبر مننا كلنا ميشان هيك مالنا غير نطول بالنا


الموضوع وبلا مقدمات
صدقوني اذا مننزل على التانية احسن النا بكتير
يا شباب لا حدا يزعل اذا نزلنا على التانية لانو هيك احسن النا بكتير والاسباب كتيرة
اول سبب انو كل العواينية بتصير برا النادي لانو ماعد الهن شغل بلنادي
تاني شغلة اللعيبة يلي عم تلعب معنا هلا بيروح منن اللاعب الوسخ واكيد رح يبقى اللاعب يلي قلبو على الفريق
تالت شي كل مين داحش حالو بلنادي للبروظة والكولكة ماعد يصفى الو مكان بلنادي
رابع شغلة واهم شغلة انو وقت ننزل على التانية رح يرجع الجمهور الكبير
رح يرجع الجمهور الوفي لانو الجمهور الوفي بيضل مع فريقو حتى لو صار بلتانية
بس لو ضل الفريق بالاولى وضل الوسخين بلنادي مارح يرجع الجمهور
والله يا شباب الوحدة كبير وباذن الله بيضل كبير
وقت جمهورنا بيعرف انو طلعوا كل العواينية من النادي وطلعوا كل المسيين بلنادي رح يرجع يشجع الفريق حتى لو كنا درجة تانية
لانو جمهورنا جمهور لاعبين طيبين وبيخافوا على مصلحة النادي مو جمهور نتائج وبطولات
واكبر دليل الشي يلي صار معنا وقت نزلنا على التانية المرة الماضية
وثقوا تماما انو لو ضلينا بالاولى مارح يتغير حال نادينا
بلعكس رح نصير من سيئ للاسوء
يا شباب انا بحب الوحدة وبموت بلوحدة ووقت الجد بفدي الوحدة بعيوني وانا عم احكي هل كي
ورح جن من الشي يلي عم اسمعوا من العالم على فريقنا
وخصوصا من الصبح لهلا صرت متصل اكتر من عشر مرات بميشو وابو عبدو لحتى اعرف واتطمن شو عم يصير بلفريق
والله اذا نزلنا على التانية لكون انا اول واحد اعد بلملعب
لانو بهيك وقت وهيك زمان الدرجة التانية احسن النا من الدرجة الاولى بالف مرة
النادي صارت مشاكلو كبيرة والكل عم يتامر على النادي وكل الدنيا ضد النادي
لك حتى اللعيبة يلي عم تلعب ضد الفريق
بقا لا حدا يلوم الحكيم لانو الكيم ما رح يقدر يعمل شي
ولا دا يتفرج على النتاج ويحسب المباريات الباقية لانو ما رح يتغير شي
النزلة على الدرجة التانية احسن النا بكتير
وبكرا شوفوا شو رح يصير بلفريق اذا ضلينا بالاولى
وشوفوا شو رح يصير بلفريق اذا بينزل على التانية

معلش لا دا يزعل مني ولا حدا ياخد مني موقف على هل حكي بس هدا الشي يلي بدو يصير

وشكراى الكن كلكن وبشكر ابو عبدو وهادي وميشو ومحمد حامد على الشغل يلي اشتغلوه كرمال طلعتهن اليوم على اللاذقية [/align:50be605329]

[الصالحية]

حمودي الحبيب

كلامك عسل

بس لازم يحترق كل من تسبب بما وصلنا إليه حتى ما يتجرأ حدا ويرجع مرة تانية


والحكيم يتحمل جزء كبير من المسؤؤلية لأنه فترة تـعيينه طويلة وهو لم يقدم شي

[ضياء الدين]

معو أنو كلامك صحيح وفي روح
بس والله مالي متخيل الوحدة بالثانية
يعني مكتوب علينا كل عشر سنين نعمل محطة هنيك
بعدين شو بيضمن ما ننزل وتنزل المشاكل معنا
والله ما بعرف ما عدت فهمت شي

[سعدي]

عمورة
هالمرة ما رح يكون في جمهور كبير مع الفريق بالتانية .. مو متل ال97
و لا رح نشم ريحة العباسيين و لا حتى الفيحاء يمكن مو متل ال97
و لا رح يتخصص برنامج اسبوعي كرمال الوحدة لتغطية الدرجة التانية .
لك فريقنا هديك الايام حتى بالهبوط كان له عز .

[wissam82]

بعدين شو بيضمن ما ننزل وتنزل المشاكل معنا

ما هو هاد يلي خايف منه انا ...

وياخوفي ما نرجع بسنة وحدة على الأولى كمان ....

[همام]

الفكرة
انه اخر مباراة وقت هبطنا اتعبى فيها العباسيين عن اخره
وقت يصير هيك هالموسم ساعتها بضمنلك يجي الجمهور عالعبايين

[ابو عامر]

صدقوني يا جماعة اللي بيعيش للعبة القرداحة بيشوف الجمهور عندي شعور انو بدو ينفجر العباسيين وبوكرة منعيش ومنشوف الجمهور بيحب الفريق بس الله لا يوفقك يا حبوباتي وصلتنا لحال العدو بيزعل علينا بس شو بدو احكي

[عبيدة]

:fw :fw :fw :fw
والله العظيم ياشباب عندي احساس انوالوحده باقي بالاولى

[alamjad]

معك حق بكل كلامك أخي لأن فريقنا لا يستحق أن يبقى بالاولى

[Zizou]

والله معك حق إذا انزلنا بكون أحسن لأنو حترجع أقوى بكتير من إذا ما ضلينا بالأولى بس كمان يعني مو حلوة انشوف فريقنا بعيد عن الأضواء
نحنا مندعي نبقى بالأولى أنو كلشي خونة يأحطو عن نادينا من الحبوباتي وجرررررررررررر

[مالك محمود]

الوحدة بااااااااااااااااااااااقي بالاولى
انا كلي ثقه باللعيبه ع تجاوز القرداحة واسترجاع اللثقة
وساعتها لا الطليعة ولا الاتحاد ولا الشرطة لح يوقفوا

[الشامي الاصيل]

ما حدا بيجي

[salah]

أحلى عمورة حبيب ألبي كلامك كلو صحيح

بس والله شوف الوحدة بالتانية ماعم يستوعبا عقلي

ومن بطل دوري و لمنافس عدد من السنين للتانية
:evil: :evil: :evil: :evil: :evil: :evil: :evil: :evil: :evil:

[وحداوي موت]

ومن بطل دوري و لمنافس عدد من السنين للتانية



شو بدنا نعمل يا صلاح

هيك رب العالمين

بعدين حكم القوي على الضعيف

لا حول ولا قوة الا بالله العلي العظيم
لا حول ولا قوة الا بالله العلي العظيم

[الرومانسي الحزين]

عمووووووور حبيبي انسى انو ننزل عالتانية بدون مشاكل راح ننزل وكل مشاكلنا معنا والله يستر وما ينتهي شي اسمو الوحدة