المساعد الشخصي الرقمي

مشاهدة النسخة كاملة : الجمهور و المدرب . . هـــام

سعدي
10-23-2009, 06:01 PM
مر من عمر الدوري الكروي أربع مراحل (ربما هي الاسهل حيب مستوى باقي الفرق)
حققنا فيها 5 نقاط من فوز و تعادلين و خسارة . . .
الكثير منا تكلم عن المدرب
و عن التشكيلة التي يلعب فيها كل مباراة من المباريات
و عن غياب فلان على حساب فلان
و عن الاعتماد على فلان في الخط الفلاني . .
و أظهر الكثيرون منا الاستياء من طريقة لعب المدرب و هذا الأمر الآن ليس خافيا على أحد
من حق كل انسان أن يعجب او لا يعجب بخطة المدرب و طريقة لعبه
البعض قدر ظروف المدرب و الفريق قبل الدوري و يرى أن الوقت كان ضيقا
البعض لم يعذر المدرب و حمّله المسؤولية الكاملة ..
البعض يريد تبديل المدرب !!!! ..
و البعض ينتقد و لكن همه تصحيح الاخطاء للمباريات القادمة و ليس تبديل المدرب ..

الآن و بعد كل هذه المقدمة أريد أن أصل الى زبدة الحديث ..

في نادينا ادارة منتخبة و اجمع عليها أغلبنا ان لم يكن كلنا
و هذه الادارة تحوي ما تحوي من خبرات ادارية و رياضية . .
و هذه الادارة الآن في صورة اعداد الفريق و في صورة الظروف التي رافقت الفريق قبل و بعد بداية لدوري
لذلك أرى أن نترك هذه الامور للادارة التي انتخبناها فان وجدت ان المدرب محق فهي ستصبر على النتائج و تنتظر التحسن .
و ان كانت ترى ان المسؤولية تقع على عاتق المدرب فلها القرار و التصرف في ذلك . .
اما كثرة الكلام عن موضوع المدرب فهو يتحول احيانا الى محاولة تفشيل و ليس مجرد نقد
و هذا ما يرفضه الجميع ..
ان كان القصد من الكلام هو النقد البناء فالنقد وصل خلال المراحل السابقة و الادارة موجودة و تستطيع تحديد وضع الفريق و المدرب .
و ان كان القصد هو محاولة التفشيل فليتذكر من يقوم بهذه المحاولة أن التفشيل هنا يعود على النادي بالفشل ايضا و ليس فقط على المدرب .. . عندما يخسر المدرب يعني أن النادي خسر و بالتالي لا أتوقع أن بيننا من يريد الخسارة للنادي (و لا انا غلطان ؟؟ ) . .
لذلك طلبي من الجميع تخفيف حدة الكلام و الاكتفاء بابداء الرأي و الابتعاد عن المبالغة مما يحوّل الموضوع الى تفشيل و ليس نقد بناء . .


أما عن رأيي الشخصي ..
أرى أن للمدرب أخطاء في التشكيلة خلال المراحل السابقة و لكني لا استطيع تحميله كامل المسؤولية في تراجع النتائج و بنفس الوقت لن تكون نظرتي أقوى من نظرة الخبرات في الادارة فهي الأقدر على الموازنة بين الظروف المحيطة و النتائج المحققة من قبل المدرب .
و في نهاية كلامي أريد تنبيه الجميع أنه سيتم تعديل او حذف اي مشاركة فيها كلام قاسي او تجريح بحق المدرب و ذلك دفاعا عن نادينا و عن قرار ادارته و ليس دفاعا عن شخص المدرب
فراس لطفي
10-23-2009, 06:11 PM
كلامك حلو و رائع و ممنوع التجريح او التشهير بالمدرب
و المدرب بشر و بيغلط و لازم يتعلم من أخطائه
فرق الدوري السوري فرق عادية و بشوية حنكة و ذكاء من المدرب نستطيع الفوز عليها
Maen Abdallah
10-23-2009, 06:12 PM
مشكور اخي سعدي
هذا الكلام المختصر الذي يفيد نادينا ويعين الإدارة الجديدة على تجديد المحبة والتآلف بين جميع محبي النادي الحقيقيين الذين هدفهم الأول المصلحة العليا لنادي الوحدة الغالي دون اللجوء إلى تجريح أي شخص وإنما بالنقد البناء والنقد الذاتي أيضاً .
سعدي
10-23-2009, 06:16 PM
يعني مختصر الكلام يا جماعة
اذا الادارة كملت مع هالمدرب اكيد رح يتم تنبيهه الاخطاء للي نحنا شايفينها و حكينا عنها و اللي اكيد شايفتها الادارة معنا
و اكيد رح يعطي رايو و وجهة نظرو و بناء عليه نوصل للحلول ان شاء الله
و اذا الادارة قررت ما تكمل مع هالمدرب بيكون قرار الادارة و بتكون عرفانة أنها قادرة على التعاقد مع مدرب أفضل .
لذلك مافي داعي لكتر الكلام لأنو رح ينقلب على نادينا . . .
endless_lionheart
10-23-2009, 06:16 PM
هاد الكلام الصح أخ سعدي ويسلم هالتم
وأنا ذكرت بأحد المواضيع اليوم أنه الي عم يشتم المدرب أو الإدارة الوحداوية فهو عم يسيئ للنادي ككل وهاد الشي مابيجيب إلا المشاكل
وتطويل اللسان على البعض مابيجيب نتيجة ولابيحل المشكلة بل يزيدها تعقيداَ والمشاكل مابيحلها إلا الإدارة باللي بتشوفو هي وحدها أنه الأنسب
<IBRAHIM>
10-23-2009, 06:20 PM
يسلم تمك يا ابو سعود فعلا وضعت النقاط على الحروف
لانو الوضع صار لا يحتمل من ناحية تصرفات البعض
ويعطيكن العافية
عمار عبار
10-23-2009, 06:27 PM
سعدي انا ما عم طالب بتغيير المدرب ولا عم اتمنى فشله بس المشكلة انو اذا الواحد حكى وجهة نظره
بتقوم قيامة البعض عليه وكانه ارتكب جناية الخيانة العظمى


(وهي مو اول مرة يشكك بانتمائي وسورييتي بسبب الكرة -فتبا لكرة قدم ستنشب العداوة بيننا وتجعل البعض يتطاول علي)

والاحترام مفقود بين بعض الاعضاء وخاصة من يظن انه افهم الموجودين بدون ذكر اسمه
لا يحترم احد ويطالب البقية باحترامه مما يتطرني في بعض الاحيان للرد بقسوة بسبب استفزازات البعض
على كل حال لح ابقى كما كنت سابقا متصفح للعشاق بدون ردود لنشوف اخرتها
الوحدة يا عشق كل دمشقي
10-23-2009, 06:38 PM
كلام أكثر من رائع أخي سعدي وفعلنا ما خاب ظنا فيكن كأدارة منتدى راقي ..وانشالله الجاية أحسن للنادي أن كان مع فاروق ولا غيرو
Nassib kabbani
10-23-2009, 07:18 PM
كلامك حلو و رائع و ممنوع التجريح او التشهير بالمدرب
و المدرب بشر و بيغلط و لازم يتعلم من أخطائه
فرق الدوري السوري فرق عادية و بشوية حنكة و ذكاء من المدرب نستطيع الفوز عليها
انت اكتر واحد ناشر عرضو للمدرب والله انك غريب
SH@@MI
10-23-2009, 07:27 PM
يعطيك العافية أبو السعود
كلامك مختصر ومفيد
وهاد الشي الصحيح

وأنا من يلي انتقدوا شوي المدرب بس كمان قلت أنو لح أجل حكيي لبعد لعبة جبلة
ولعبة اليوم حسب شهادة يلي شافوها
أنو اللعب حلو وأرضية سيئة والنتيجة طبعاً مو سيئة
بس المشكلة أنو لسا في شوية أخطاء

بتمنى تتصحح
وما بتمنى أي شخص يستلم التدريب

بالعكس أنا مع ثبات المدرب
SH@@MI
10-23-2009, 07:28 PM
المشاركة الأصلية كتبت بواسطة فراس لطفي http://www.wahdawia.net/vb/images/orangeblack/buttons/viewpost.gif (http://www.wahdawia.net/vb/showthread.php?p=446178#post446178)
كلامك حلو و رائع و ممنوع التجريح او التشهير بالمدرب
و المدرب بشر و بيغلط و لازم يتعلم من أخطائه
فرق الدوري السوري فرق عادية و بشوية حنكة و ذكاء من المدرب نستطيع الفوز عليها


شو مشاااااان

صرعتنا اليوم
وتسكرلك موضوع
وانت عم تتمئلس عالمدرب
f.torres
10-23-2009, 07:40 PM
وأخيرا شفت حدى عم بدافع عن المدرب , من زمان كان نضع حد للحكي ضد المدرب لأنو بنفس الوقت عم بكون ضد النادي كمان.
أيهم القاضي
10-23-2009, 07:42 PM
كتير ضروري نتذكر أنو الفريق تجمع بمدة قياسية وما التئم شمله كاملاً مع المدرب إلا مدة أسبوعين قبل الدوري وتغيير المراكز بين اللعيبة كان طبيعي لأنو المدرب ما بيعرف مستوى كل لاعب مية بالمية .

وبعدين في فكرة أنو لعيبتنا أغلبهم عاديين و أنا بتوقع أنو ترتيبنا بنهاية الدوري حيكون الخامس أو السادس لأنو المدرب مالو ساحر ليصنع منهم نجوم ونحنا هدفنا بالدرجة الأولى بس نقدر نكسب مركز متوسط بهي المجموعة من اللعيبة

وأنا من رأيي مو المهم نكون فريق يغلب كل فرق الدوري وناخد البطولة وبعدين نتراجع متل ما صار بفريق 2004 والمفروض التركيز على الفئات العمرية حتى نشوف بالسنين الجاية فريق رجال نقدر نقول عنو فريق الوحدة الدمشقي ويكون معظم عناصرو من أبناء الوحدة المتميزين وكرمال هالشي لازم نتحمل فريق رجال أداؤه عادي ومركزو متوسط
ولذلك نداء للإدارة الموقرة برفع شعار الناشئين والشباب أولاً ودعمهم هو ومدربيهم مادياً ومعنوياً حتى ننهي مهزلة الفئات العمرية المستمرة في نادينا من أكتر من عشر سنين
SH@@MI
10-23-2009, 07:59 PM
وأنا بتمنى من الإدارة التركيز عالفئات العمرية
محمد ايهاب البوارشي
10-23-2009, 08:03 PM
الله يوفق الفريق (نادينا الوحداوي الشامي) وبس
ومشكور على الموضوع اخ سعدي
الوحدة يا عشق كل دمشقي
10-23-2009, 10:24 PM
فعلا لازم الاهتمام بالقواعد حتى نحسن ننافس ..مو بموسم واحد عن طريق تجميع لعيبة ..بل عن طريق الناشئيين والقواعد يلي رح نبقى نحصد هل الشي سنين طويلة
سعدي
10-23-2009, 10:27 PM
كلامي لا يمس كل من انتقد المدرب . .
فأنا شخصيا لدي بعض الانتقادات على المدرب
الكلام هنا فقط على من يبالغ في ذلك و يتحول موضوعه الى محاولة تفشيل بدل نقد بناء . .
و انا بعرف انو كتار انتقدوا بقصد النقد البناء
سامي78
10-23-2009, 10:54 PM
بكير الحكم على المدرب
سامي78
10-23-2009, 11:17 PM
برابو سعدي (( التدخل في الوقت المناسب )) لانو كان لح يصير شرخ بين الاعضاء وحساسيات بلا طعمة
أبو جورج الوحداوي
10-24-2009, 12:19 AM
انا مازلت مصر على أنو المدرب عم يغلط بتأخير اشراك قصي
و أخرها اليوم بجبلة لعب بالدقيقة 75 أو 77
ليش ما بعر ف
بس
هي شغل المدرب

بطلب من الكل أنو نتحمل مع بعض المدرب فاروق مؤقتا على الأقل و وقت منشوف أنو أخذ فرصتوا و ما قدم شي رح كون أول مين بطالب بتغير المدرب لو أني ضد تغير المدرب ألا للحاجة القصوى
القيصرالشامي
10-24-2009, 01:00 AM
انا حكيت من اول الدوري انو المدرب منيح بس خططو عم تكون فاشلة واللـــــــــــــــــــــــــــــه يرحم نيناد
W@SEEM
10-24-2009, 01:32 AM
كلام رائع من أبو السعود

كتير من مدربي كرة القدم ببلشو مع فرقهم ببطء شديد أو حتى ضعف بالفريق

فنحن لازم نصبر على المدرب وما نحمله كامل المسؤولية

على الأقل في المراحل السابقة

وبالنهاية الإدارة هي من سيقرر بقاء أو خروج المدرب من الفريق

والله يقدم يلي فيه الخير لنادينا الغالي الوحدة
MHDFA
10-24-2009, 02:38 AM
الله يعطيك العافيه ابو السعود والله معك حق والشغلة زادت عن حدها
يعني من اول اسبوع بالدوري ونحن عمنقرى مواضيع عالمدرب
شي بيقول فهمان شي بيقول مالو علاقة
هلئ انا ما بفهم شي بالتدريب بس بقول لكل الوحداوية المزعوجين وانا منهم وهادا
حقنا من خوفنا على فريقنا خلينا نصبر عليه شوي ونخليه يعرف يشتغل عالفريق
وبعد فترة اكيد الادارة الجديدة اذا شافت شي غلط ما حتسكت عليه
خلينا نشجع فريقنا بهالوقت ونوقف معه لانو ا بامس الحاجة النا
ونترك التقييم لناسوا وشكرا
بالتوفيق للوحدة
wissam82
10-24-2009, 06:29 AM
النقد بهدف تصحيح الأخطاء عادة صحية

بالنسبة ئلي الهدف من نقد المدرب ببعض الأمور هو على أمل
أن يتم تصحيح الأخطاء ..

المهم يكون طرح الرأي بدون تجريح كرمال النادي
وطبعا هالشي منطبق على أي شخص بالنادي سواء فني أو إداري أو لاعب ..
ابوالعبدالشامي
10-24-2009, 07:50 AM
لاحول ولا قوة الا بالله
تعودنا على النق وماعاد فينا نعود من غير مشاكل
والله يفرج
wassim80
10-24-2009, 09:22 AM
ماحدى ضد المدرب ونحن أول من طالب بالأجنبي
أخطاء التشكيلات أو تكتيك اللعبة (أو مانعتبرها بمفهومنا الضيق جدآ أنها أخطاء ) اشرنا إليها بوضوح فثااااار البعض وجرحنا البعض واتهمنا البعض بالتفشيل والإندساس ومحاولة جلب المحروس ....

ياعالم ياااااااااااااهو .... 200محروس هلئ ماحيفيدونا الاستقرار هو أهم شي بالنسبة إلنا

ومجمل كلامي باختصرو بما يلي
(( لانريد من الأدارة أن تترك المدرب بهذه المرحلة يخطط ويرسم من مخه وبدوري عمره ماشافه ولاعنده خبرة فيه مافي مشكلة يساعدوه ويعطوه أضاءات عن الفرق واميز اللاعبين وطرق اللعب وأرضيات الملاعب وجماهير الفرق الأخرى ووووووووو الخ.... وهذا ليس تدخل بعمل المدرب بل توجيه للأفضل ولما يصير يلعبها صح ويعرف الطبخة تركوه يعيش حياته متل الله يرحمه - نيناد))
talbe
10-24-2009, 12:02 PM
كلام جميل من شخص منطقي
زهير العرقسوسي
10-24-2009, 07:17 PM
ياجماعةالخيرطولوبالكم عالفريق والمدرب انشاءالله بفرحوكم
زهير العرقسوسي
10-24-2009, 07:19 PM
الصبرطييييييييييييييييييب
noel
10-24-2009, 07:33 PM
شو رأيكن نطالب الادارة بتشكيل لجنة تقييم من ابناء النادي بالخبرة الكروية((المحروس-الشومان-عساف-فجر -طالب- و غيرهن من خبراتنا))
يجتمعو كل اسبوع لساعة وحدة و يقيمو الاداء و الأخطاء ((مو المدرب)) بغرض تصحيح الاخطاء و اعطاء الارشادات الدورية بشكل مستمر ع مراحل الدوري
يعني باوروبا ما في مدرب بيشتغل لحالو في فريق عمل و كوادر جمع معلومات و غيره
بتمنى من الادارة طرح هل اقتراح ازا نال الرضا
محمد قطاش
10-25-2009, 03:24 PM
كلام سليم 100%
bashardo الوحداوي
10-25-2009, 03:40 PM
و هذا ما يرفضه الجميع ..
ان كان القصد من الكلام هو النقد البناء فالنقد وصل خلال المراحل السابقة و الادارة موجودة و تستطيع تحديد وضع الفريق و المدرب .
و ان كان القصد هو محاولة التفشيل فليتذكر من يقوم بهذه المحاولة أن التفشيل هنا يعود على النادي بالفشل ايضا و ليس فقط على المدرب .. . عندما يخسر المدرب يعني أن النادي خسر و بالتالي لا أتوقع أن بيننا من يريد الخسارة للنادي (و لا انا غلطان ؟؟ )
لا مو غلطان اخ سعدي والله يسلم تمك على الموضوع يلي اجا بوقته والصبر طيب ومهمتنا فقط التشجيع
السوري الدمشقي
10-25-2009, 03:40 PM
عداك العيب بهالحكي

جبت المفيد .. لا مانع من ابداء الراي بالشكل المناسب والبناء فقط لاغير
MAHER 1
10-27-2009, 06:13 PM
لما حدا فينا بينقد المدرب بعد المباراة حصراُ بقساوة شوي فهي بتكون ردة فعل طبيعية
لأنو كلنا منتمنى أنو فريقنا يكون الرابح لأنو بيستاهل طبعاُ أما من وجهة نظرنا الطبيعية للموضوع فأي مدرب
ممكن يجي بهاد الوقت ماحيقدر يقدم شي للفريق لأنو حتكون حجتو عدم وجود الوقت واللياقة الكافية فنحنا حاليا متل
ما تفضلت أخ سعدي بكلامك مع الإدارة ومع خياراتها لأنها الأعرف بهيك موضوع وإنشاء الله بتكون عندها الخبرة الكافية لإعادة أمجاد البرتقالي والله ولي الأمر والتدبير .