المساعد الشخصي الرقمي

مشاهدة النسخة كاملة : قصي لاعب شاب و ليس لاعب خبرة يا كوتش

هنو
10-19-2009, 03:18 PM
السلام عليكم

بالمباراة السابقة أخطأ المدرب و الجميع شاهد و علم

و لكن يا كوتش فاروق لك الحق بتبديل قصي بآخر نص ساعة

و لكن ليس الآن

هذا التبديل تجريه عندما يكون قصي لاعب بالتلاتين من عمره كي يحافظ لك على رتم المباراة

و ليس لاعب شاب بقمة عطائه

اليس من المفروض و بعد الاداء اللافت لقصي أم يكون اساسياً ؟؟؟

و خاصة اننا لا نملك بمركزه لاعب بموهبته

فهل يعقل يا كوتش ؟؟؟؟؟؟



اعيد و اكرر انا لست ضده بل انا ضد احضاره قبل الدوري بوقت قصير
endless_lionheart
10-19-2009, 03:22 PM
كلامك صحيح...ولازم العناصر القوية والمتحركة بالفريق تنزل من أول المباراة مو بس لنستنى الشوط التاني أول لناكل كول
اللاعب القوي والشاب لازم يكون موجود من البداية ويصنع ويسجل أهداف لنفوز مو لننقذ الفريق من التعادل أو الخسارة
عاشق سنحاريب ملكي
10-19-2009, 03:26 PM
و اللهي مزبوط كلامك مو بس قصي حبيب لازم يكون أساسي و الرحال قدم لعبة كبيرة مع عفرين و ما نزلوا
أبو عامر
10-19-2009, 03:27 PM
الغريب بالموضوع وبهالمدرب استخدام قصي ورقة رابحة باخر ربع ساعة وقصي بينزل بيصير بيركض ما يلحق شو هالمسخرة هي مدرب فراطة وبوكرة منذكر بعضنا شباب المدرب عميحرق كم لاعب برا لازم يكونو اساسيين وكم لاعب عمينزلو لك حرام يشمو ارض الملعب وتعادل اليوم مسخرة بمسخرة عيب ما نربح على فريق تعبان متل امية منصبر على راسنا بس ما منصبر على مهازل لا حول ولا قوة الا بالله
<MoHaMeD DaBoUL>
10-19-2009, 03:42 PM
المدرب غلط
كان لازم ينزل قصي من اول المباراة
ويترك الشعبو للشوط التاني
لأن الشعبو بالشوط التاني ما كان حسنان يتحرك
الله بعين احسن شي
f.torres
10-19-2009, 03:48 PM
تركتو الدنية كلها و أجيتو على المدرب ؟؟؟؟؟؟؟؟؟
فهد قيطاز
10-19-2009, 03:55 PM
ولله لنندم اسماء بتخوف قصي حبيب سي الشيخ مهاراة مافي متلها بسوريا هدافين الشعبو والمحترف المغربي وسطنا منيح كتير خط دفاع عنا اسماء منيحة شو ناقصنا لنكون ابطال الدوري كل ماواحد عبر عن رأيه بيصير جيشاوي ومندس خلينا ساكتين بس ياخوفي السنة الجاية تكون اصعب من هي السنة المحترفين على العين قصي خلص عقدو والشعبو والشعار وعبد الناصر نفس الشي ونركد لنوقع مع لاعبين ونرجع لنفس الدوامة
والجماهير متل العادة خلينا نعطي فرصة يا عمي المكتوب مبين من عنوانه
نادي الوحدة حقل تجارب ومأوى عجزة الله وكيلكم بخلو الواحد يطلع عن دينه
wassim80
10-19-2009, 04:16 PM
مافينا مانشير للأخطاء ونقول رأينا بصراحة ..

تبديلات المدرب منيحة وبمحلها اليوم والتشكيلة كانت حلوة يلي بلش فيها
معك أنو نقطة قصي لازم ينعطى ال90 دقيقة كاملين بكل ماتش (لأنو بيستاهل)

يعني والله لو ظابطة الامور مع الشعبو اليوم كانت 3طابات مرتاحين بمرمى أمية وكان تصدر الهدافين كمان
المدرب لايزال عليه اشارات استفهام (((( لكن برأيي اليوم كل شي كان عال عال ماعدى عدم اشراك الحبيب اساسي)))
جيرارد
10-19-2009, 04:26 PM
انا ماشفت اللعبة بس بأيد الشباب
soltaan_alwehda
10-19-2009, 05:14 PM
مظبوط كلامك سيد هنو يمكن عم يخليه لشوط الثاني لحتى تفرط لياقة الفريق الخصم وبينزلو ازا عم يفكر هيك بقى تفكيرو غلط بغلط لاعب متل قصي لازم ينزل اساسي
عمار عبار
10-19-2009, 07:12 PM
شبنا ابو الهن:f)

هيدا الرهيب الورقة الرابحة بايد المدرب العبقري والخارق
معلي شباب لحدا يحكي على فاروق
حيجيبلنا الدوري والكاس
مدرب تكتيكي وفلتة زمانه
بحط بيب وفرغسون بجيبته الصغيرة

بعدين ليش لننتقده لح نطول بالنا شي 12 لعبة بعدين منبدي راينا مو هيك يا شباب كان رايكم من يومين فقط؟؟؟؟؟؟؟؟؟؟؟؟؟؟

مجنون يحكي وعاقل يسمع
:ban:ban:ban
wissam82
10-19-2009, 07:24 PM
مو بدك مدرب يفهم يا أبو كمال ..!!
SH@@MI
10-19-2009, 07:25 PM
لح أجل التعليق لبعد لعبة جبلة
أبو ميار الوحداوي
10-20-2009, 11:31 AM
والله حرام نتعادل مع هيك فريق كان لازم ياكوتش قصي يكون اساسي لانو ماعنا لاعب بفنياتو وحركتو بلمعب وبلتوفيق في المباراة القادمة يابرتقالي:ban
nemr
10-20-2009, 12:00 PM
أكبر غلط انو ما يكون قصي اساسي
وللأسف هاد الشي بيوضح قلة خبرة مدربنا
drakola
10-20-2009, 01:05 PM
جمهور مو راضي عن مدربو
يعني مو راضي عن أداء فريقو
لازم نصبر شوي وبعدين لكل حادث حديث
أبو الياس
10-20-2009, 01:39 PM
مجنون يحكي وعاقل يسمع
:ban:ban:ban


وأنت قلتها
وهي شحني عم بسمع الآراء الفذة
وانا برأي كمان كل واحد يمسك هل الطربوش شي أسبوع زمان
عمار عبار
10-24-2009, 02:08 PM
وأنت قلتها
وهي شحني عم بسمع الآراء الفذة
وانا برأي كمان كل واحد يمسك هل الطربوش شي أسبوع زمان
حضرتك فهمتها غلط
لاني عم اوصف يلي دافعو عنه باول مباراة والتالته هاجموه بغير هالموضوع
و مو غلط عطونا الطربوش لنجرب حظنا مكلوا عم يجرب شو المانع انا نجرب