mmrdem
10-16-2009, 11:05 AM
طبعا انا كنت مغنرب وبعرف شعور المغتربين وقت يكون في مباراة للوحدة بالعباسيين لهيك حبيت جاكركون شوي وخصوصي انو بيجوز بعدكم اسبوع ارجع اغترب مرة تانية ويمكن هي تكون اخر مباراة بقدر احضرها للوحدة بالشام
هلق بعد شوي رح طلع العلم البرتقالي من الخزانة وانزل اشتري كيلو فستق حلبي واخد تكسي وبوشي عالملعب طبعا الادرينالين رح يبلش اول مايصل التكسي عند سوق الهال واسمع الاصوات الجمهور والشباب الراكدة لتلحق تفوت اولشي رح دور على واحد عمبيبيع تذاكر واكيد رح اعطيه الخمسمية ويرجعلي ميات مشقشقة وعايفة حالها
طبعا عند الفوتة لابد ولازم ويجب انو اتخانق مع الشوايا ومع معلمون اللي بيكون واقف واكيد رح تنتهي الخناقة بمصالحة وبعدين رح فوت على العباسيين ركد لانو الجمهور كلو عمبيركد مابعرف ليش مع انو المباراة مارح تكون بلشت بس هيك متعودين واي محاولة للتفكير بالتوقف تعني بشكل اكيد انو رح تروح دعوسة صح نسبت قلكم انو فورا لاني حربوق رح حط الجزدان والموبايل باماكن امنة من النشل بالبنطلون وايدي عليهون طول الوقت بعد مااطلع على المدرجات لابد من نظرة عامة على الملعب ورح اتوجه تحت الصورة طبعا لقعد مع جماعة المنتدى وكمان بتفرج على جمهورالمنصة شو عمبيعملو طبعا رح شوف الشباب الطيبة واكيد رح يدبرولي محل بيناتون رغم اني تاخرت ليش لانون اكابر طبعا رح تبلش المباراة وتنقلب كل المعايير يعني رح انسى حالي وبلش بقى اهازيج وهتافات ومسبات ازا الحكم
خبص معنا وكمان تقريق على اداء فريقنا ازا خبصوا طبعا رح اختنق بروايح السيجارات ورح اتعبى قشر بزر اسود ورح يخيلني هاد الولد تبع الكولا عبردقان وهو رايح جايي بوشي ورح تخلص المباراة بفوز وحداوي عريض ورح لاقي حالي ماشي بالقصاع مع الشباب عمنحتفل واخيرا رح رح اوصل عالبيت ورح يتم تامين ممر امن من الباب للحمام لانو ريحتي دخان قاتل وبعدين رح اجي عالنت وشوف ردات الفعل وهيك رح ينتهي يوم الجمعة وقبل مانام رح اتزكر انو دفعت تلت الاف ليرة رسم اشتراك بمؤتمر طب الاسنان ومارحت اليوم كرمال الوحدة وقول كلو بيهون كرمال الوحدة
هلق بعد شوي رح طلع العلم البرتقالي من الخزانة وانزل اشتري كيلو فستق حلبي واخد تكسي وبوشي عالملعب طبعا الادرينالين رح يبلش اول مايصل التكسي عند سوق الهال واسمع الاصوات الجمهور والشباب الراكدة لتلحق تفوت اولشي رح دور على واحد عمبيبيع تذاكر واكيد رح اعطيه الخمسمية ويرجعلي ميات مشقشقة وعايفة حالها
طبعا عند الفوتة لابد ولازم ويجب انو اتخانق مع الشوايا ومع معلمون اللي بيكون واقف واكيد رح تنتهي الخناقة بمصالحة وبعدين رح فوت على العباسيين ركد لانو الجمهور كلو عمبيركد مابعرف ليش مع انو المباراة مارح تكون بلشت بس هيك متعودين واي محاولة للتفكير بالتوقف تعني بشكل اكيد انو رح تروح دعوسة صح نسبت قلكم انو فورا لاني حربوق رح حط الجزدان والموبايل باماكن امنة من النشل بالبنطلون وايدي عليهون طول الوقت بعد مااطلع على المدرجات لابد من نظرة عامة على الملعب ورح اتوجه تحت الصورة طبعا لقعد مع جماعة المنتدى وكمان بتفرج على جمهورالمنصة شو عمبيعملو طبعا رح شوف الشباب الطيبة واكيد رح يدبرولي محل بيناتون رغم اني تاخرت ليش لانون اكابر طبعا رح تبلش المباراة وتنقلب كل المعايير يعني رح انسى حالي وبلش بقى اهازيج وهتافات ومسبات ازا الحكم
خبص معنا وكمان تقريق على اداء فريقنا ازا خبصوا طبعا رح اختنق بروايح السيجارات ورح اتعبى قشر بزر اسود ورح يخيلني هاد الولد تبع الكولا عبردقان وهو رايح جايي بوشي ورح تخلص المباراة بفوز وحداوي عريض ورح لاقي حالي ماشي بالقصاع مع الشباب عمنحتفل واخيرا رح رح اوصل عالبيت ورح يتم تامين ممر امن من الباب للحمام لانو ريحتي دخان قاتل وبعدين رح اجي عالنت وشوف ردات الفعل وهيك رح ينتهي يوم الجمعة وقبل مانام رح اتزكر انو دفعت تلت الاف ليرة رسم اشتراك بمؤتمر طب الاسنان ومارحت اليوم كرمال الوحدة وقول كلو بيهون كرمال الوحدة