إذا كـانـت هـيـك اللـئـلـئـة ... فـ نـعـم أنـا لـئـلـوء وبـكـل فـخـر ..!!

[wissam82]

- إذا كان شكري لشخص عم يقدم الغالي والرخيص ويدفع الملايين كرمال النادي
وإسعاد جماهيره ,, يسمى لئلئة فـ نعم أنا لئلوء ..

- وإذا كان مدحي لشخص أفضاله وأعماله رجعت الأمل والبسمة لوجوه كل جمهور البرتقالي
بعد ما سودت الدنيا بوشنا وبعد ما ابتعدوا وهربوا كل الداعمين والمحبين للنادي وبقي
هالشخص وحيد ولحاله عم يدعم ويشتغل لنهوض النادي ,,
إذا كان مدحي ئله يسمى لئلئة فـ نعم أنا لئلوء ..

- وإذا كان امتناني لشخص عم يتابع ويساعد النادي رغم سفره الدائم ورغم مشاغله
الكتيرة والكبيرة جداً ,, يسمى لئلئة فـ نعم أنا لئلوء ..

- وإذا كان حبي وعشقي لشخص ما عم يوفر أي جهد كرمال يأمن متطلبات النجاح لفريقنا
ويتابع أمور اللاعبين ويدعمهم مادياً ومعنوياً ,, يسمى لئلئة فـ نعم أنا لئلوء ..

- وإذا كان احترامي لهل شخص يلي عم يقدم كل هالشي ويعمل كل هالأعمال الجبارة للنادي
بدون ما يكون عم يدور على أي منفعة أو مصلحة شخصية ,, بالعكس كل هالشي عم يعمله
وعم يدفع من جيبته عشرات الملايين فقط لانه عاشق للبرتقالي وفي سبيل إسعاد
الجمهور وإعادة النادي لوضعه السليم ,,
اذا كان احترامي ئله يسمى لئلئة فـ نعم أنا لئلوء ..

- إذا كانت كلمات هالشكر والمدح والامتنان والحب والعشق والاحترام
يلي عم نحكيها بالمنتدى وبرات المنتدى لهل شخص الكبير والأصيل
يلي هو الأستاذ صفوان نظام الدين
يلي رجعلنا الأمل والفرح والتفائل بالمستقبل ..

إذا كانت هي الكلمات هي لئلئة واتهام ئلنا انه نحنا لئليئ لهل شخص
فــ نعم أنا لئلوء وبكل فخر ...


كتبت هالموضوع بعد ما وصلنا حكي انه في ناس عم يتهموني أنا وعامر آل رشي وهنو
وبعض يلي عم يتشكروا الأستاذ أبو عمر على أفضاله وأعماله العظيمة انه نحنا لئليئ ..!!


فإذا كانت هي تهمتنا وإذا كانت هي هية اللئلئة فــ نعم نحنا لئليئ وبكل فخر
و أنا رح كون دائماً لئلوء (( بمنظور هالناس )) لأني رح وقف دائما وأشكر وأمدح
كل شخص بيوقف مع النادي وبيدعمه وبيساعده ..

وأساساً يا ريت منقدر نقدم لهل أشخاص أكتر من كلمة شكر وامتنان وحب
لأن هالأشخاص يلي بيدعموا النادي هالدعم اللامحدود متل يلي عم يقدمه الأستاذ أبو عمر
بيستاهلوا منا أكتر من كلمة شكر بكتيررررررررر ,,
وأكيد هنن ما عم يستنوا منا شي وكل يلي عم يقدموه هو فقط حبا بالنادي
بس واجب علينا نقدملهم كلمة شكر وحب وامتنان على الأقل ..


وهلئ يلي بيلاقي حاله لئلوء متلنا و بنفس هالتهم
يحط اسمه هون كمان ولنشوف كم لئلوء في عنا بالمنتدى .. :mrgreen:

ملاحظة: هالموضوع موجه لأشخاص من خارج منتدانا بيعرفوا حالهم منيح ..!!



تحياتي
أبو أنس الوحداوي

[SH@@MI]

أنا أول لئلوء

[هنو]

إذا هيك سجل لكن
هنو = أكبر لئلوء

[أبو عامر]

أنا أكبر لئلوء

[وحداوي موت]

أنا بلنسبة ألي بفتخر بهيك شي

لو لا تدخل هل شخص بلنادي بهل فترة لكان على النادي السلام
رغم تدخلو ورغم عطائو الكبير لفريق القدم ولسا النادي ناقصو كتير

بس الحمد لله امور فريق القدم صارة منيحة ويلي جاية رح يخلي الفريق كتير منيح

سؤال لكل شخص لو ما تدخل الأستاذ صفوان كيف كان وضع فريقنا هلا
مين كان رح يساعد النادي
مين كان رح يجيب اللاعبين بعد ما أغلب لاعبين الدوري السوري فقدوا الثقة بنادي الوحدة
لانو ما في لاعب وقع معنا من أربع سنين لهلا واخد كامل حقوقو (طبعا غير ماهر ورأفت لانو هدول التنين على كفالة الأستاذ صفوان)
مين كا رن يجيب محترفين
مين كان رح يعطي لقصي وعبد الحقوق يلي صرلها سنة بلنادي ولهلا لولا الأستاذ صفوان ما كانوا أخدوها

الحمد لله اكبر نعمة انو كلمة الأستاذ صفوان لاي لاعب بيتصل فيه كان اللاعب أخد حقو


اذا انا بشكر هيك شخص وبحب هيك شخص وبساند وبوقف مع هيك شخص
بيسموها لئلئة
فنعــــــــــــــم أنا أكبر لئلوء اذا هيك هنن شايفين


نحنا همنا الأول والأخير النادي
بغض النظر عن الأسم أي شخص بيدعم النادي وأي شخص بيوقف مع النادي وأي شخص بيحب النادي متل ما الأستاذ صفوان بيعمل

فبرحب فيه وبساعدو وبوقف معو وبشجعو مين ما كان يكون


اما اذا كان الشخص عم يشتغل بلنادي وعم يخرب على المدربين من سنتين لهلا ويلي رح يضل يخرب طول مالو موجود بلنادي
فمارح نرحمو أبدا سواء انا ولا أي وحداوي


لانو النادي كبير وبدو عالم كبار
بس المشكلة من سنتين لهلا كل يلي فاتوا على النادي صغار وصغار كتير
بس واثقين من حالن ومفكرين حالن انو النادي رح يمشي على كيفن


وبالأخير لا يصح الا الصحيح
والأنتخابات قربت
ان شاء الله منشوف ناس أمثال السيد صفوان وأمثال كل واحد بيحب النادي
مو متل يلي موجودين هلا يلي همن الوحيد مصالحن الشخصية والبروظة بلمناصب

[SH@@MI]

هدول أعداء النجاح وأعداء النادي
ما بدهن النادي يصير
بدهن يبلشوا بالمشاكل من هلأ
عم يحكوا هيك

بس فشروا

[عمران]

اذا كانت هيك مواصفات اللئلوء
فالواحد ألو الفخر يكون لئلوء

[محمد ربيع]

وانا وانا شو نسيتوني انا محمد لئلوء على مستوا هههههههههههه

[لقمان]

انا أستاذ لئلئة :mrgreen:

لئلوء نخب اول :neutral:

[أسد الوحدة]

اذا خلينا نسميه منتدى الـ اللائاليئ !!
بس مين ...؟؟؟؟؟؟ يلي صافف او بيفكر يصف ضدابوعمر ؟؟

[WAEL -AL BRNE]

شو الترتيب شوفي ليش هيك الوضع بنادي كل مابدنا نتحرك شوي بيبلشو العواينة بتخريب
وياريت عم يعمل شي او يتحركو لمصلحة النادي
بس قد ماحكو وقد ماعملو بضلو صغااار
وجمهور الوحدة ئلو الشرف يكون لئلو لا اي شخص عم يخدم النادي بدون اي مصلحة
ومين هل الشخص ابو عمر الوحداوي الاصيل يلي رجع الثقة لنادي وجمهور النادي
ولازم كل واحد بحب الوحدة يتعلم شوي من ابو عمر الغالي ولاخوف على الوحدة بوجود ابو عمر

[SH@@MI]

عشر لأاليئ لحد الآن

[الغزال الاسطوري]

وانا كمان لئلوء مو بس انتو

[drakola]

ياعالم معقول في ناس فاضيين لهدرجة
همن الوحيد يخربوا الفرحة
ياجماعة... حاجة بكفي حرام
يسلملي رب الئلئة إذا هيك

أنا لءلءوووووووووووووووووووء

[maherdamas]

ولاتنسونا ياجماعة اللئليئ ضمونا معكم لاني لئلوء للعظم

[mmrdem]

اجا كان شكر شخص دفع اربع ملايين ليرة بعز الازمة لانقاذ نادي دمشق من الانهيار بينما كان الكل عمبيتفرج لئلئة فنحنا نفتخر ونعتز انو نكون لئاليئ احسن النا اربع ملايين مرة من انو نكون من جماعة التدمير بالنادي

[noel]

انا لقلوق :ban كمان

[fahmi]

سيدي سماع وسطح كلام ناس مابيفهموا شي

[برتقالي للعظم]

حطّوا اسمي بالقائمة
مع انه قليل كتييييير على أبو عمر الغالي

[ابو وسام]

انا وانت وكل اللي متلنا منقبل نكون لئليئ احسن ما نكون عواينية

[عمار عبار]

ابو انس سلامتكم انتي والشباب
صرمايتكم احسن من هيك عالم
شو ساوا للنادي وشو شتغلو
موهنن شركاء بالخراب
ولا لانوا صفيوا برة صرنا بنظرهم لئاليئ
شو ساوا قبل ما يطلعوا طرد من النادي
كانو عم يلعبوا على الحبلين
بس باعتبار انو انتوا كاشفينهم
واكيد خبرهم عند ابو عمر فبيعرفوا انو مالهم مكان
والشجرة المثمرة هي التي تضرب بالحجارة

[<IBRAHIM>]

لك يفضح عينك لك وسامو مابدك تبطل عادة اللئلئة :mrgreen:












اكيد كل وحداوي بيحب ناديه ولو شوي لح يكون لئلوء لشخص متل الاستاذ صفوان يلي ماعم يبخل لا بوقتو ولا بمصاريه عن النادي رغم انو بعيد عنو وياريت نادينا يصير كلو لقاليق لصفوانو:))

[Gazwan]

الأستاذ صفوان بيستاهل كل خير و كلمة لئلوء لا نحنا منقبلها و لا هو حبنا لهذا الشخص له أسبابه و لن ننسى أنه الشخص الوحيد الذي وقف و دعم النادي بالوقت الذي هرب فيه معظم الداعمين و المحبين

و يلي بدو يحكي غير هالحكي بيكون هو اللئلوء و المستفيد و الحرامي

[أغيد الفرا]

لك لو ما تدخل أبو عمر بالنادي .. كان النادي إلى الهاوية

فبرأيي يخرس كل مين عم يحكي على أبو عمر

و شكرا و ألف شكرا لأبو عمر

[michaelko]

أبو عمر الحبيب وحداوي أصيل وأشرف مليون مرة من المرتزقة يلي عم يحكوا عليه

[ayham mardini]

و انا سجلي اسمي
دي جي لئلوء .... حلو الاسم طالع :mrgreen:

[علي1991]

لئلوءلئلوء من تحت لفوء:ban

[هشام المنجد]

معكن سيدي معكن اللئلئة للصبح

[فهد الناجي]

والله اذا هيك اللئلئه :box:
ياهيك اللئلئه يا بلا
دحشوني معكون :mrgreen:

[ميمو الرايق]

يعني مين هالعالم البايخة اللي عم تحكي هيك.....
شو الظاهر كان عاجبها الوضع ال*** اللي كان حالل بالنادي
و لك يا جماعة أنا لئلووووووووووووووووووووووووووووووووء

[أبو جورج الوحداوي]

لاء يا شباب

روئوا شوي


ما بصير هالحكي أبدا ً



كلنا منحب أبو عمر

و ما حدا بينكر يلي قدموا ابو عمر



بس كلمة لئلوء

مو حلوة بحقنا كوحداوية


و لابحق النادي

و لا حلوة بحق ابو عمر

احنا أكبر من بعض الأختلافات الصغيرة

بتمنى نكتفي بهل القدر من المزح

و لهون بس

..................................

[رامي الوحداوي]

أنا لئلوء
درجة ممتازة

[W@SEEM]

ماحدا لئلوء والكل على سلامتو وأنت أولهن أبو أنس

أبو عمر ألو فضل كبير على النادي وما حدا بينكر هاد الفضل

سواء هاد الموسم أو الموسم الماضي ... ومازال مستمر

على كلاً بالتوفيق لفريقنا وإن شاء الله الوحدة بيكون بين كبار الفرق السورية تحت قيادة أبو عمر

إن شاء الله


روقو يا جماعة الخير !!!!!!!!!!!!!!!!!!!!!!!!!!!!!!!!!!!!

[@الشامي@]

ولو بدها سؤال وحياتك هنن اللئليئ

[wissam82]

غيره مين ئال أنا .. :mrgreen:

[bashardo الوحداوي]

اذا هيك اللئلئة فنعم اللئلؤ انتم وانا

[samer1]

اذا شغلة وئفت على لئلوء انا بشرفني كون لئلوء لا نادينا الغالي نادي الوحدة

[ابوالعبدالشامي]

شباب شباب في مجال سجل بدفتر الشرف :mrgreen:
سجلو لقلكون :roll:
لئلوء وشاطة ريالتي خريج جامعة السوربون باللئلة وتمسيح الجوخ زميل الكلية الملكية الرابطة اللائلاليئ :?

[يامن الوحداوي]

سجلوني معكون بقائمة الئليئ وخلونا نسمي القائمة لئليئ بلا حدود :mrgreen:

[khaled rihawi]

كلنا خلف الكابتن ابو عمر و ليلقبونا بما شاؤوا و يبقى الوحدة في القلوب ( لالوؤ)

[محمد سكر]

وأنا كمان معكم
لك دخيل ربو للاستاذ صفوان والله مافي منو

[الدمشقي]

لك وأنا
اللئلـــــــوء

رقم
1000

[الشـــ ابن ــام]

ااذا هل شي اسمه لئلا فانا لئلوء دمشقي وافتخر

[أبو الياس]

عدم المؤاخذة ممكن نعرف مين عم بيحكي عليكم أو على محبي الاستاذ أبو عمر ب اللقلوق؟؟؟
يا ريت تخبرونا وتنشرو أسميهم لهدول الأشخاص يلي مو عاجبهم التفاف الواحداويين حولين أبو عمر

[الوحداوي الاول]

دج دج دج لقلوق سجل عندك ابو انس

[wissam82]

الله حيووو الرجال كلهم
ردودكم أكبر رد على خفافيش الظلام ...

غيره مين ئال أنا ... :mrgreen:

[Khaled Nayseh]

سجل عندك اسمي

[غيفارا الشام]

لك يا شباب ببساطة كل واحد بيشتغل بأصلو ...
وبيقول المتل : أشتغل عدل (بشكل معدّل) بيحتار فيك عدوك
طالما أنو تصرفاتكم صحيحة وما عم تأذوا حدا فلا يهمكم
:grin: يا لئليئ أنتو ....

لك كل المنتدى لئليئ لك مو عيب عليكم ؟؟؟ :bs)
وبما أني عضو بهالمنتدى الغالي من أربع سنين رح كون لئلوء معتق ...
بدي قول ولا يهمكم لأنو يلي عم يقول عنكم هيك حكي هو لئلوء سلبي
مو متلكم لئليئ أيجابيين

آه يا لئليئ

[MOH@MAD]

اسع هيك اسع هيك

وصل اللئلوء محمد :mrgreen:

ياسيدي مو بس لئلوء انا ومسيح جوخ انا كرمال عيون ابو عمر :ban

[wassim80]

لئلئوني بطريقكم ؟؟ سجلي لئلوئة صغيرة

سيدي شو يعني لئلئة ؟ شو جاييه الزلمة من لئلئتنا . بصراحة كلمات الشكر والعرفان للكبير أبو عمر لو أسمها لئلئة فهي أنبل وأروع وأغلى لئلئة بالدنية لأنها ما بترد شي للشي يلي عميقدموا هالرجل للنادي

[mouhanad]

انا لئلوء لكل واحد بيعشق الوحدة و بكل فخر

[MAHER 1]

كتبت هالموضوع بعد ما وصلنا حكي انه في ناس عم يتهموني أنا وعامر آل رشي وهنو
وبعض يلي عم يتشكروا الأستاذ أبو عمر على أفضاله وأعماله العظيمة انه نحنا لئليئ ..!!
يلي بيحكي هاد الكلام بيكون مافي أصل لأنو اللئلئة وقت بتكون لواحد مالو عم يقدم شي أما لما بتكون لواحدعم يبذل الغالي والرخيص وبدون مقابل
فهاد أسمو شكروإمتنان لازم ما ننسى أنو فاقد الشيئ لايعطيه لهيك ممكن يبرز على الساحة أشخاص تغار من الأستاذ صفوان على محبة جمهور الوحدة الكبير يلي ماحينسى يليقدمو
منقذ نادي الوحدة والوحداوي الأول صفوان نظام الدين,
بالوقت يلي كتير من محبي النادي تخلوا عنووماقدروا يقدمولوا شي.

[بهاء 2]

مين قال لئلوء يا ترى؟
أنا لئلوء كمان معكن

[راعي التيريوس]

أنا أكبر لئلوء وبفخر

[amoryvip]

لئلوء أصيل شو ما صار يصير:ban:mrgreen:

[kashi]

اذا هيك بيكون الئلوء انا كمان اكبر لئلوء وبفتخر انو كون لئلوء

[أنس العرقسوسي]

الله حيووو الرجال كلهم
ردودكم أكبر رد على خفافيش الظلام ...

غيره مين ئال أنا ... :mrgreen:
أنا أنا أنا أنا .....................:?:?:?

[أب عمر العرقسوسي]

والله حاشاكم من اللئلئة وانتو احسن ناس والله يوفقكم ويسر امر هل النادي
وأنا كمان ((لئلوء)) :mrgreen::mrgreen::mrgreen::mrgreen:

[النمس و أم جوزيف]

كلنا مع الوحدة