الحكيم باقٍ ووعود برتقالية بانتشال الأزمة

[طريف رجب]

الحكيم باقٍ ووعود برتقالية بانتشال الأزمة


نظراً لتردي نتائج الوحدة وسعياً لحل أزمته اجتمع أمس فرع دمشق للاتحاد الرياضي العام مع إدارة النادي ولاعبي الفريق (باستثناء الكادر التدريبي) وفيه تم سؤال اللاعبين عن أسباب تراجع نتائج الفريق فتعددت الآراء بينما أجمع كل اللاعبين على بقاء أيمن الحكيم معتبرين أن العلاقة بينهم وبين الجهاز التدريبي جيدة جداً ولا تشوبها شائبة وأن الحكيم لا علاقة له بالمشكلة..
وقد وعد الجميع بالتكاتف والتعاون لتجاوز المحنة بينما تم تعيين هيثم شريف مساعداً للمدرب وقد وعد رئيس النادي خالد حبوباتي بمزيد من المكافآت في حال حقق الفريق نتائج إيجابية بالإضافة إلى دفع كافة مقدمات العقود.
وقد أبدت الإدارة تفاؤلها الشديد معتبرة أن الأمل بالبقاء مازال كبيراً وأن الفريق سيحقق المراد وسيبقى بين الكبار.







الوطن
2007-04-03 00:00:00

[salah]

أبرة بنج جديدة كي تبقي الجمهور الوحداوي هاديء
حتى نهاية الرحلة وليصحى بعدها و يفرك عيناه
فقد فاتته السفرة و أتته الفكرة ولم يعد ينغعه ذكرى
ذكرى جميلة عاش معها وبها عدد من السنين
حتى أتى النكير و طلب التعكير وفعل الكثير
رفس هذا و نطح هذا وعض هذا و قال
هل رأيتم مثلي في الخراب و الدمار
أنا بعبع الزمان و بهلول المكان
عديم الحس و الوجدان
لكم عندي شيئان
قعر البير
و................................................. .................................................. ...............؟

[M anas sheekh aly]

من اول الموسم و الوعود من البيك شغاله
لك العما على هالصرعه لك و الله عندي شعور انو اليهود لح يوفو بوعودهون للفلسطينيين
و الكلاب الامريكان لح يطلعو من العراق و ابو سيجار ما لح يوفي بوعوده
ما بقول غير من قلب محرووووووووووووووووووووووووووووووووووووووووووووووو وووق
الله لايوجهلو الخير كيف ما دار وجهو
الله لا يوجهلو الخير كيف ما دار وجهو
الله لا يوجهلو الخير كيف ما دار و جهو
لا هو و لا اللي واقف معو و ساندو

[<IBRAHIM>]

خلص بهل القرار الفظيع انكتبت نهايتو للوحدة عأيدين الحكيم نراكم بعد خمسطعشر سنة بالدرجة الاولى اذا الله عطانا عمر واللعيبة لا الله يكتر خيركون مبسوطين من الحكيم ومافي شائبة بينكون وبينو لكن ليش هيك النتائج يا ولادين ال.... من وين ما بدكون تكونو مبسوطين رواتب واخدتو والحكيم مسيبلكون الحبل وتمارين متل قلتها منصور رأسن فشلتوه لانو تمارينو قاسية لكن بدكن تلعبو وتتسلو وما تتعبو واخر شي تاخدو مصاري الله يعدمني هيك اشكال وهيك اشباه لعيبة

[an_irfan]

هيك انحلت يعني، شو هالضحك عالدقون يا.
بزمانو نزلونا على الدرجة التانية بالـ 97 و نحنا فرحانين بآخر مباراة مع الشرطة.
ضحكوا علينا مشان ما يصير شغب.
اليوم بدو من بكير المسرحية التخديرية مشان يمتصو غضب العالم اول بأول.

الله لا يوفق كل من له يد بالمؤامرة البشعة على الوحدة.

:fl :fb :fw :fb :fl

[wissam82]

حكي جرايد لا بيقدم ولا بيأخر والواقع غيررررررررررررررر ....

[ابو مالك]

هيك انحلت يعني، شو هالضحك عالدقون يا.
بزمانو نزلونا على الدرجة التانية بالـ 97 و نحنا فرحانين بآخر مباراة مع الشرطة.
ضحكوا علينا مشان ما يصير شغب.
اليوم بدو من بكير المسرحية التخديرية مشان يمتصو غضب العالم اول بأول.

الله لا يوفق كل من له يد بالمؤامرة البشعة على الوحدة.

:fl :fb :fw :fb :fl

[سعدي]

لك روح ان شاء الله يا بيك بينقطع السيكار بالبلد و بتصير تقاقي ما تلاقي ..
بركي بتتزكر النادي شوي وقتها

[munsad]

صارت النزلة عالتانية لا تشوبها شائبة شو هالفريق هاد ما عرفنا منين العطل يمكن من الجمهور ما عم يعرف يلعب ليضل بالأولى أو ما عم يعرف يحط خطة للعب كتير لابق علينا الاحتراف هاد انحراف باتجاه الجيوب مو احتراف

[وحداوي موت]

نظراً لتردي نتائج الوحدة




لا لو شو هل حكي هدا
يلي بيسمعك بيفكر انو كنا متصدرين الذهاب
ما من اول الدوري والبهدلة شغالة من كل الفرق






وقد وعد الجميع بالتكاتف والتعاون لتجاوز المحنة



خير انشاء الله

[kashi]

انشاء الله خير :fl

[abou malek]

وقد وعد رئيس النادي خالد حبوباتي بمزيد من المكافآت في حال حقق الفريق نتائج إيجابية بالإضافة إلى دفع كافة مقدمات العقود.


يا سيدي لولا الموقع ما بكون عليه مسؤولية من ورا كلامي لكنت حكتبت غير هالحكي :evil: :evil: :evil: :evil: :evil: :evil:

[<MoHaMeD DaBoUL>]

لا والله رح نبئى بالدرجة الاولى اذا بقى الحكيم :cry :cry :cry :cry

[khaled rihawi]

الله يستر نادينا هالسنة و لا يوفق يلي كان السبب!!!

[MW@04]

أبرة بنج جديدة


الله لا يوفقون
قرفنا عمرنا :evil:

[الرومانسي الحزين]

لو مافي توقيف عضوية لقلتكل يلي بقلبي ويلي حابب يسمع رايي يجي ماسنجر سيدي

[وحداوي موت]

لو مافي توقيف عضوية لقلتكل يلي بقلبي ويلي حابب يسمع رايي يجي ماسنجر سيدي



دخيل عينك يا هادي

فتنا على الماسنجر وسمنا

لاحول ولا قوة الا بالله على هل نادي

[inzaghi 9]

لو مافي توقيف عضوية لقلتكل يلي بقلبي ويلي حابب يسمع رايي يجي ماسنجر سيدي

ليش الماسنجر فضفض هون هادي عادي عم نسمعك :| :mrgreen:

أنا بتبرعلك ب100 نقطة بس تندك بالقاووش :mrgreen:

[nation]

شو شايفينا هنود ولا صينيون

[abouabdoo]

نو كومينت

[المحروسي]

الحكيم باقٍ ووعود برتقالية بانتشال الأزمة


نظراً لتردي نتائج الوحدة وسعياً لحل أزمته اجتمع أمس فرع دمشق للاتحاد الرياضي العام مع إدارة النادي ولاعبي الفريق (باستثناء الكادر التدريبي) وفيه تم سؤال اللاعبين عن أسباب تراجع نتائج الفريق فتعددت الآراء بينما أجمع كل اللاعبين على بقاء أيمن الحكيم معتبرين أن العلاقة بينهم وبين الجهاز التدريبي جيدة جداً ولا تشوبها شائبة وأن الحكيم لا علاقة له بالمشكلة..
وقد وعد الجميع بالتكاتف والتعاون لتجاوز المحنة بينما تم تعيين هيثم شريف مساعداً للمدرب وقد وعد رئيس النادي خالد حبوباتي بمزيد من المكافآت في حال حقق الفريق نتائج إيجابية بالإضافة إلى دفع كافة مقدمات العقود.
وقد أبدت الإدارة تفاؤلها الشديد معتبرة أن الأمل بالبقاء مازال كبيراً وأن الفريق سيحقق المراد وسيبقى بين الكبار.



عالوعد ياكمون



الوطن
2007-04-03 00:00:00