حمــــــــــلة الجماهير البرتقالية لأسقاط (الأدارة الفاشلة )

[وحداوي موت]

بــــــــــــــــسم اللــــــــــــــــــه الــــــــــــــــرحمن الــــــــــــــــرحيم

بعد ما الكل عرف اليوم شو صار بلأجتماع الجماهيري
وكلام الحمصي يلي كان رافض تماما وجود المحروس مدرب للبرتقالي ورافض تماما دعم السيد صفوان نظام الدين للنادي بصفته خارج الادارة
وبعد المشــــــــــــاجرة يلي حصلت بين الكابتن حسام السيد والحمصي

وبعد أول تحرك جماهيري برتقالي صار هل اجتماع اليوم


من اجل ذلك أخوتي أعضاء منتدى الوحداوية الكـــــــــــــــرام
أنتم على موعد لأجتماع جماهيري لأسقاط الادارة الفاشلة والصغيرة جدا جدا


من يومين ذهب أحد الأشخاص الوحداوية لمكتب الدكتور ممتاز ملص لنقل رغبة الجماهيري للدكتور ممتاز
وطالبوا بتدخل القيادة الرياضية العليا بحل ادارة النادي ودخول أشخاص قادرين على اعادة الفرح للجمهور الدمشقي

وأبدى الدكتور ممتاز ملص انزعاجه من الأدارة وطالب بتقديم عريضة موقعة من جماهير البرتقالي لرفعها الى مكتب العميد فاروق بوظو رئيس الاتحاد الرياضي العام

أخوتي الوحداوية بعد فشل كل المحاولات
وبعد الضغط من الننفيذية لجعل نادي المجد رمز دمشق والنادي الأول بدمشق
وهل شي مرفوض تماما لانو رمز دمشق والنادي ألأول بدمشق
هو
نـــــــــــــــــادي الوحـــــــــــــــــدة الدمشــــــــــــــــــــــــــــــــقي
ورح يبقى النادي الأول لكل جماهير دمشق رغم انف الحاقدين

مارح نستفيد شي ألا لحتى الجمهور يحرك حالو


ساعتين زمان مو خسارة بنادي كبير
الرجاء الرجاء من كل وحداوي أصيل الذهاب الى نادي الوحدة والتوقيع على العريضة التي سوف يتم رفعها ألى القيادة الرياضية



الوقت والتاريخ رح نخبركن عليه بأسرع وقت
شباب اذا بتريدو
يلي بدو ينزل على النادي بيقدر يرد على الموضوع
اما يلي مو حابب ينزل او يلي مو قادر ينزل يا ريت ما يرد بلموضوع


والف شكر ألكن

بس بحب خبركن انو البرتقالي بهل وقت بحاجتكن وما حدا بيقدر يرجع البسمة والفرحة للنادي غيرنا
نحنا جمهور البرتقالي نحنا جمهور نادي الوحدة

النادي بحاجتنا هلا واذا الله راد بتمشي الأمور متل ما خططنا

وقول الله يا وحــــــــــــــــــــــــــــدة

طبعا هل مرة الأجتماع الجماهيري رح يكون منسق وألامور كلها رح تكون مرتبه والأهم من هيك أخدين موافقة الدكتور ممتاز والشغلة هلا بأيدنا
فلرجاء ما حدا يتخلا عن هل أجتماع والرجاء من الجميع الحضـــــــــــــــــــــور


(ملاحظة أي رد خارج عن مغزى الموضوع سيشطب فورا الا للمغتربين )

[wissam82]

يا شباب الموضوع ما عاد في لعب أو مزح أبدا أبدا

المخربين وأعداء النجاح انكشفوا تماما وما عاد في أي شي مخبى

عبد الرزاق الحمصي (( رأس الفتنة والتخريب )) والشومان لازم يطلعوا برات النادي فوراً

لانه الدمار يلي عم يعملوه بالنادي أكبر بكتيررر من إنه يتصلح بسنة أو سنتين أو خمسة حتى ..

لذلك الوقت مو بصالحنا أبدا ونحنا كجمهور لازم نعمل شي ..

وهون بهل اجتماع بيبين الوحداوي الأصيل من الوحداوي يلي شاطر بالحكي وبس ..

الموعد رح نخبركم عنه بأقرب وقت ممكن وهو رح يكون بعد أيام قليلة كتير أكيد

لذلك هلئ صار وقت الأفعال ومو وقت الأقوال ...

النادي بحاجة جماهيروا ,, ومنطلب من كل وحداوي أصيل يلبي النداء

ويحضر الاجتماع ويوقع على عريضة اسقاط الإدارة الحالية ...

[khaled rihawi]

نحن جاهزين حددوا الموعد و انشاء الله منكون هنيك

[THE DARK MAN]

ياريتني بالشام
اخخخخخخ بس
الله ييسرلكم يا شباب ولله قلبي معكم وانشالله هالادارة ما رح تزبط الا على ادين الجمهور الوفي
والله كريم
وتقبلوا مروري

[محمد ربيع]

ياريتني بشام الله يوفئكون ياجماهير نادي الوحدة

[ابو جواد المناع]

لو بالشام راسي بسبئ رجلي
والله الروح بترخص للوحده
لو صوتنا بوصل لنكون اول الناس
بتمنى من كل البي كون بهيك لحظات يلي ماكنا نتخيل
تصل لهون
فداك الروح والمال ياوحده
ونشالله ولادك مارح يغزوك ولا يجلو معك
ولاد الشام معروفين بفزعتون

[يامن الوحداوي]

لك تكرم عيونكون وانا جاهز مو لبس فضي حالي ساعتين انا بفضي حالي كل عمري كرمال الوحدة

[ابو الهيث الميداني]

انشالله ربي ييسرلونك ويختار يللي فيو الخير
والله انا مالي بالشام وما لي نازل على سورية لشهر 12 فاعذروني
بس يا شباب كرمال النبي يللي بالشام ينزل يصوت بالنادي

[SAD LoOoVER]

هالشغاة أمورها منتهية .. حددوا الوقت و نحن جاهزين ..

[سامح-ف]

نحن جاهزين حددوا الموعد و انشاء الله منكون هنيك

[سعد الدين]

كرمال الشام ....... واهل الشام

وجماهير الشام ..... ونادي الشام
.
.
.


الروح بترخص




ونحن اهل الراية
:fb:fb:fb

[ali-orange]

حددوا الوقت وأن شاء الله جاهزين لنقول كلمتنا

[michaelko]

أنا بتصور متل العادة عدد قليل من الشباب ليل رح يحضرو ورمضان والمسلسلات تبرير جاهز...أنا براالبلد بس راجع خلال 10 ايام وانا جاهز لكل شي وانشالله خير....

الشباب كل الشباب لازم ينتسبوا للنادي يكون إلهن رقم اتحادي وبغير الإنتساب ما حدا إلو صوت بالانتخابات ورئيس النادي يلي بيرفض يوقّع عطلب الإنتساب لازم يعرف حجمو وما يكبر راس كتير وحسابو حيكون عسير...


من كتر ما حكينا ملينا بس أنا الحساب عندي بأول لعبة بالدوري وعلموا على كلامي.........

[ابو سامر]

جاهزين باذن الله
الشام شامك ياوحدة لو الزمن ضانك لعيون الشام ولعيون الوحدة

[يامن الوحداوي]

ياشباب الشغلة مابدها وقفة حددوا الوقت بأسرع مايمكن

[فهد الناجي]

حددو الزمان والمكان
وانا جاهز

[ميمو الرايق]

انا جاهز بإذن الله و ناطر الموعد من المشرفين الأعزاء

[احن الى الوحدة]

يلا يا شباب قولو الله ويلي ما رح يقف جنب النادي بها الظرف بكون زلمة خاين

[WAEL -AL BRNE]

شايف يلي برات البلد ردو على الموضوع ويلي بشام مارد غير عدد قليل

هاد يلي خايف منو انو بس الحكي بدون فعل

بس ان شاء الله تزبط هل المرة ويكون قول وفعل

[احن الى الوحدة]

وهي ويلا ادارة تطلع برا

[أبو كاسم الصالحاني]

نحنا أكيد جاهزين بس الإجتماع أكيد مو بنادي الوحدة لأنو يمكن الحمصي يعمللنا مشاكل....بس ياريت لو توضحولنا شو رأي رئيس النادي رياض المصري بالذي صار

[وحداوي لبكرا الصبح]

لك الشغلة مابدها تفكير بتمنى انو الكل يجي وانشالله رح كون اول واحد بس ياريت تقولو ايمتى وانا جاهز وبتمنى من الكل يأجل مسلسلات رمضان وباب الحارة بس هاليوم لانو نادي الوحدة اهم من كل شي

[أبو كاسم الصالحاني]

طيب ليش ما يساعدنا الدكتور ممتاز بتسريع موعد الإنتخابات بنادي الوحدة....في شي عائق يمنع ذلك

[محمد سفاف]

يا شباب الوحدة عم يناديكم فلبو النداء

[محمد سفاف]

ياشباب نادي الوحدة عم ينادي لينزع جلدو الوسخ <الحمصي....الشومان

[W@SEEM]

الله يقويكن يا رب وإن شاء الله الدكتور ممتاز يفيدنا لهاد الموضوع يارب

[بشـار الوحداوي]

بالتوفيق يا شباب لازم نعمل شي

[أغيد الفرا]

طبعا جاهزين 100%

بس ياريت يكون في تنسيق لهالموضوع مشان يكون في فائدة للنادي

و أكيد أنا جاهز ان شاء الله

[سامي حرح]

قولوا الله وانشا الله انا بجيب عالم كتير...بس ياريت يكون الوقت مناسب للجميع والاعلان عن الاجتماع قبل بفترة...ويد الله مع الجماعة...

[كتالوحدة]

:wahdawia::wahdawia::wahdawia:لك والله عا الموت كرمال الوحدة

[عاشق البرتقلة بهاء الشام]

الله وايدكم امتا ما بدكن نحنا جاهزين

[kashi]

اخي عامر ادارة فاشلة والغريب المؤسف ان القيادة الرياضية لاتحرك ساكن والله العظيم مسخرة كانهم يريدون تدمير النادي او مسحه عن خارطة الرياضة السورية بس لازم الكل يعرف اننا تحت سقف بلد يوجد فيه قانون ويجب يعاقب كل شخص وراء هذه المسخرة النادي ملك لكل الجمهور وليس لاشخاص يريدون منفعة مادية ونحن كاجمهور لن نسكت عن هذه المسخرة وسوف نفضح كل حركة ضد هذا النادي الذي يحمل اسم العاصمة وجمهور العاصمة خلص طفح الكيل ولم نسكت على اللعب في مشاعرنا

[Nassib kabbani]

هي يالله ادارة تطلع برا
والله لو كنت بالشام كنت اول واحد معكم بس البركة بالشباب يلي بالشام

[فراس لطفي]

اتا معكم
ناطرين الموعد

[SH@@MI]

عراسي عمورة

بانتظار تحديد الموعد
وأكيد منتواجد
إن شاء الله
خصوصي اذا لموعد كان المسا

[عمار عبار]

بانتظار الموعد

[بيبرس]

خلصونا امتى الموعد
بس والله ما راح يردو علينا لانهم مخططين وحاكمين الدائرة مظبوط
صلاح رمضان ودنبو عبد الرزاق الحمصي صرلون سنين عم يخططو ليوصلو لهي المرحلة
وحتى ينقلو الجمهور لنادي المجد ويعملو النادي الاول بدمشق
والله يا شباب انا كتير مقرب من اجواء هدول الاشخاص وبعرف قديش هن حاقدين على نادينا وقديش حابين يشوفو بالدرجة التالتة
بس يلي قاهرني مو صلاح رمضان ولا الجبان لانهم ولاد نادي المجد بالنهاية بس يلي قاهرني الوغد عبد الرزاق الحمصي يلي لحم كتافو من خير نادي الوحدة
على كل الاحوال نحن جاهزين لاي شي بتشوفو ومنفدي نادينا مو بس بوقتنا نحن منفديه بروحنا

[أبو جورج الوحداوي]

يا جماعة يا جماعة يا جماعة

للمرة المليون رح نعيدها

و بتمنى الكل يساوي متلي و متل غيري

لازم و من الضروري تكونوا منتسبين للنادي

الموضوع عبارة عن دفع 500 أو 1000 ليرة رسم أنتساب سنوي


و يمكن تدفعها كل سنة و يمكن لاء

هاي العريضة لو وقعها مليون وحداوي ممكن تنرفض ألا أذا فيها تواقيع ل شي 100 منتسب للنادي

لذلك رجاء و خصوصا للمقيمين بالشام أنتسبوا للنادي

برجع بكر انتسبوووووووووووووووووووووووا للنادي

لحتى تقدروا تشاركوا بالانتخابات

و يكون للجمهور الصوت الأقوى مو للاعبين و المنتفعين فقط

[MAHER 1]

طيب ليش ما يساعدنا الدكتور ممتاز بتسريع موعد الإنتخابات بنادي الوحدة....في شي عائق يمنع ذلك
تسريع الإنتخابات هوالحل
هاد هو الكلام المفيد لأنو لو راحت الإدارة الحالية يلي وجودها وبلاه واحد بدون مصاري طبعاُ رح يضل النادي ينتظر الإنتخابات ويصير بدون إدارة وممكن تنجاب إدارة تسيير أمور متل العادة ومنكون ماستفدنا شي
على كل حال الله يقدم يلي فيه الخير للنادي وتصير الإنتخابات بأسرع وقت لأنو هاد هو الحل الأنسب والأصح .

[Gazwan]

أنا معكم شباب
المشكلة بالأساس هي وجود إدارة فاشلة أيضا ً تعمير الشام هدتنا بوعودها الكاذبة
نحن نريد أسماء جديدة بالنادي و الله يقدم يلي فيه الخير

[وحداوي_موت]

لك نحنا للوحدة للموووووووووت اي لك مو بس ساعتين منفضي حالنا كرمال البرتقالة الدمشقية انا بفضي حالي سنتين من أجل نادينا نادي الوحدة لك ئولو الله يا رجاااااال

[أبو عامر]

جاهز انشالله

[محمد شبعانيه]

و انا من عندي جاهز

ان شاء الله

بركي منخلص من هيك ادارة فاشلة

[محمد شبعانيه]

بس في شغلة ليش ما منشر الموضوع خارج المنتدى كمان

من شان يكون اكبر عدد من الجمهور يعني منعمل نشرات و منوزعها

طبعا هي على اقل تقدير

[oleed]

تكرم عيونكون وانا جاهز