المفاجأه هي.........

[طريف رجب]

بدكون تعرفوا ماهي المفاجأه: هي السيد صفوان نظام الدين قريبا" في الشام ورئيسا" لنادي
القائمة هي:
رئيس نادي الوحدة السيد صفوان نظام الدين
أعضاء الادارة : غياث دباس _الدكتور عمار الخطيب_أنور عبد الحي _عبد الرزاق الحمصي_وائل زحلان_حسام السيد_بسام صباغ _بلال بكورا

_تم الاتفاق بين السيد صفوان نظام الدين مع اللاعبين التالية أسماهم
1-الزينو
2-علي دياب
3-حمزه ايتوني
4-فراس اسماعيل
وكلهم وافقوا وانشاء الله بعد عودتهم من الهند سوف يوقعوا لنادي الوحدة
_كما طلب السيد صفوان نظام الدين من الحارس الكركر ويحيى الراشد ضمهم الى نادي الوحدة والمباحثات جاريه

_كما تم الاتصال بين السيد صفوان ومعتصم علايا لعودته الى نادي الوحدة وطلب كشفه ووعده خيرا"

_ ملاحظات هامة :

-ع فكرة بلنسبة للسيد صفوان نظام الدين ليس لديه اي مشكلة بان يكون أو لا يكون رئيسا" لنادي الوحدة فهو كل سنه يكون من اول الداعمين لنادي الوحدة
-بحب خبركون في الايام القادمة اذا جاء الزينو ام وقع الحارس ام لم ياتي لاعب فهذا ليس ذنبي هذا الموجود الان ولكن لانعلم غدا" ماذا يخبىء لنا ولكننا نسعى بان يكون نادينا نادي الوحدة كما نتمناه نحن المحبين بدون مصالح

_ملاحظة هامة جدا " بانه يوجد بلمنتدى بعض الاعضاء يعرفون هذا الكلام ومن بينهم عامر آلرشي وحداوي موت وهاني ووسام

[وحداوي موت]

كلام اخي طريف صحيح مية بلمية
وموضيع طريف يلي صرلها اكتر من شهر نازلة
رح وضحلكن شغلة
طريف نزل الموضيع وفي عالم فهمة المغزى وطريف تحمل مشاكل كتيرة كرمال هل كلام
بس كان همو الوحيد يرجع العالم على المنتدى ويخلي شوية تفائل عند الجمهور ويخلي الحركة شغالة بلمنتدى
وخصوصا جماهير الوحدة


هدا الحكي يلي حكاه طريف صحيح مية بلمية
وانا كنت من الموجودين وقت حكينا مع الايتوني وعلي دياب وصرلها الاتصاالت اكتر من شهرين
وتاكيد على كلام اخي طريف
اللاعبين يلي ذكر اسمائن لهلا ما وقعوا لاي نادي لانو عاطين كلمة للأستاذ صفوان نظام الدين

[وحداوي موت]

وبلسنبة للاعبين تبع المنتخب المفاوضات كانت معن على فترتين
الاولى وقت لعبة المنتخب بالامارات والمرة التانية وقت كان المنتخب بكندا



الاستاذ صفوان صحي كان برا البلد
بس حامل عشقو ومحبتو للنادي والجمهور بكل مكان بيكون متواجد فيه

بلمرة الاولى كان المنتخب بدبي والاستاذ صفوان ترك كل شي واجا على دبي لانو لقاها فرصة مناسبة جدا للتحدث مع اللاعبين وبنفس الوقت كان الاستاذ صفوان متواجد مشان يحكي مع ماهر ( لانو يوميتها ماهر كان زعلان لانو النادي ما خلاه يروح على السعودية )

والمرة التانية كانت بمعسكر المنتخب بكندا وكان الاستاذ صفوان متواجد بمونتريال بنفس المكان يلي كان فيه المنتخب

[&&ledخالدkha&&]

يارب
ما منقول غير يا رب
وعلى فكرة المهم هو يكون
رئيس النادي السيد صفوان نظام الدين
وبعدين لكل حاديث حديث

[wissam82]

الله يوفق نادينا ويتمم الأمور على خير يا رب

والأخبار يلي حكاها الأخ طريف صحيحة إن شاء الله
وعنا علم فيها ومن أصحاب الشأن ..

بإذن الله السيد صفوان نظام الدين رح يكون رئيس نادينا القادم
وبهمة أبو عمر وبهمة كل المخلصين رح يرجع الوحدة لوضعه الطبيعي
نادينا بحاجة ماسة فعلا لأبو عمر ,, لانه هالشخص بيعشق نادي الوحدة
بدون ما يدور على أي فائدة من هالشي ..
بالعكس هو دائما بيقدم وبيعطي للنادي كتير وبحط من جيبته وكله كرمال عيون
عشقه نادي الوحدة ..
الأستاذ ابو عمر هو الشخص الوحيد يلي دعم النادي بشكل دائم ومستمر
وبوجود كل الإدارات بغض النظر عن الأسماء ..

وبانتظارك يا أبو عمر على أحر من الجمر ..


وبدي وضح للشباب إنه
أحيانا لما عم تتضارب بعض الأخبار هاد ما بيعني انه أخبار طريف غير صحيحة
وانما هالشي عم يصير لان فعلا عم يصير تغييرات مفاجأة وكتير بين يوم وليلة بالنادي ..

بكل الأحوال الله يتمم على خير يا رب
وبإذن الله الوحدة عائد مع المخلصين ..


وشكرا ئلك أخي طريف .. :f)

[SH@@MI]

يعطيك العافية طريفو

أخبر كتير حلوة
وبتمنى تظبط كلياتها

وانشالله خير

أسماء القائمة حلوة كتير
وأسماء اللاعبين كمان حلوين

[أبو الياس]

يبقى مجرد كلام حتى نراه على أرض الواقع

أنا ما عاد صدق ولا خبر
وهي اللعبية عم بيسلحبو الواحد ورا التاني ...وأنا ما بلوم ولا واحد منهم لأنو الحكي ما بيطعمي خبز
بدي أسأل شغلة
إذا لا قدر الله وما زبطتت الأمور يلي عم بيشتغلها صفوان نظام الدين والقائمة تبعو .. اللعيبة يلي عطت كلمتها وين رح بتروح؟ إيمتى بتتسكر باب التعاقدات مع اللعيبة.؟؟؟ إيمتى الانتخابات؟
ببساطة اللاعب يلي عم بيتعييش من ورا هل اللعبة ما لازم يحسب حساب الأسوء - يلي هو مثلا عدم نجاح قائمة صفوان نظام الدين.
أنا ببصم أنو نظام الدين رجل عند كلمتو بس بقية الأعضاء ما بصدق ولا واحد فيهم
بعدين عم نسمع فقط عن قائمة انتخابية وحدة فقط - يعني ما في حدا بدو يرشح حالو كمان بقائمة تانية؟؟؟

مرة ثانية
ما ورد يبقى مجرد كلام - وسوف يتحول إلى نصف فعل لما منشوف البدايات الفعلية..

تحياتي للجميع

[هشام المنجد]

الله كريم لنشوف لوين حنوصل
بس بعد كل هالتفاؤل بيلعبوا بالانتخابات و بيخرسور الشباب و بيضيع كلشي

[وحداوي لصاجة]

والله ابو عمر انسان وفي للنادي ونشاالله تربح هي القائمة واكيد مافي قائمة احسن منها لأنو هي أقوى شي
وهي الحل لانو الحل هو الأستاذ صفوان نظام الدين ومشان الكركر مستحيل يجي على الوحدة لانو وفي لنادي تبعو
مو متل مااهر <الله يسااامحك > ياااماهر والله انت كنت رمز للنادي بس النادي بهل الفترة بدو المخلصين فقط

[احن الى الوحدة]

بالتوفيق لابو عمر عاشق البرتقالي ويلي ما بيبخل على النادي بشي والاخبار باذن الله كلها صحيحة ويارب يرجع البرتقالي يسعد الشام كلها بس بدي من ابو عمر طلب اذا صار رئيس للنادي

انو ما يجيب هالخاين وناكر االمعروف معتصم علايا :crdr يلي حرام يلبس قميص البرتقالي

منشان الله ما بدنا ياك يا معتصم انت حل من عنا ونحنا بالف خير

[fahmi]

لتوضيح بالنسبة لزينو قال هو انو اذا ماحترف بالخارج بدو يستقر بمدينته ويلعب مع نادي الاتحاد

[kashi]

اخي طريف كلام سليم وانا عم يزيد اعجابي بك لانك متفهم ومتابع لواقع النادي بشكل كبير واتمنى التوفيق للنادي في الايام القادمة وانشاء الله خير

[لقمان]

مبروووووووووووووووك و آخيراً انحلت :lol:

[محمد رجب]

ان شاء الله خير

[أسد الوحدة]

من تمك لباب السما
مشكووووور
عزبناك معنا

[Nassib kabbani]

انشالله خير وشكرا طريف والله يعطيك العافية

[ali-orange]

_ ملاحظات هامة :

-ع فكرة بلنسبة للسيد صفوان نظام الدين ليس لديه اي مشكلة بان يكون أو لا يكون رئيسا" لنادي الوحدة فهو كل سنه يكون من اول الداعمين لنادي الوحدة
-بحب خبركون في الايام القادمة اذا جاء الزينو ام وقع الحارس ام لم ياتي لاعب فهذا ليس ذنبي هذا الموجود الان ولكن لانعلم غدا" ماذا يخبىء لنا ولكننا نسعى بان يكون نادينا نادي الوحدة كما نتمناه نحن المحبين بدون مصالح
وبلنسبة لموضوع ماهر السيد(عسى ان تكرهوا شيئا" وهو خيرون لكم )

لا تعليق

[فهد الناجي]

الله يكملها معنا على خير
ومايجي حدا يخرب هالقصص مو ناقصين يلي فينا مكفينا

[W@SEEM]

هلق أهم شي هو وصول الأستاذ أبو عمر إلى الإدارة وإن شاء الله جميع اللاعبين في حال توصل إلى إتفاق معهم ح يفيدو النادي بإذن الله

بس السؤال المطروح بالنسبة لماهر السيد .. يعني معقول ماكان عندو علم أن الأستاذ أبو عمر راجع ليترأس قائمة أنتخابية كبيرة بإذن الله ؟؟؟

يعني هو عزاء خروجو من النادي .. أن الإدارة الحالية لا تعمل جيداً

طيب إن شاء الله في حال أتت إدارة جيدة .. شو وضعك من الإعراب ؟؟؟؟؟؟؟؟

وبالتوفيق إن شاء الله للأورنجي لحتى يكون من أفضل أندية سورية بإذن الله تعالى

[أغيد الفرا]

ان شا الله كل الاخبار تصير عنجد .. إلا انو يجي الخاين معتصم علايا
خلي المجد ينفعو.. يضرب منو للمجد

[khaled rihawi]

احلى ابو عمر و احلى رئيس نادي و احلى لاعبين و احلى وحده انشاء الله بيتحقق هالشي
3 داعمين ممتازين السيد الخطيب و دباس و نظام الدين و احلى ابو النور

[الوحداوي الاول]

بس كان همو الوحيد يرجع العالم على المنتدى ويخلي شوية تفائل عند الجمهور ويخلي الحركة شغالة بلمنتدى
-----------------------------------------------------------
اي رجعت العالم هي كل واحد عم يحط موضوع لانتقال شي لاعب

[الوحداوي الاول]

و تستمر الدراما

[ابو الهيث الميداني]

رح وضحلكن شغلة
طريف نزل الموضيع وفي عالم فهمة المغزى وطريف تحمل مشاكل كتيرة كرمال هل كلام
بس كان همو الوحيد يرجع العالم على المنتدى ويخلي شوية تفائل عند الجمهور ويخلي الحركة شغالة بلمنتدى
وخصوصا جماهير الوحدة




شو معلم؟ شو مفكرنا ولاد حتى ترجعنا بها الطريقة؟ عنجد عيب هيك تفكروا وعيب هيك تعلقو؟

على العموم لسعتني على رأيي: كل هالحكي ما بيسوى فرنك لحتى يصير حقيقة
وشفنا شو صار مع الكابتن ماهر

[الوحداوي الاول]

لك اخي لا حدا يجيب اخبار خنفشارية بس ليصير الحدث لك حادث حديث
استنو بس لجي الاستاذ صفوان عالبلد
و يرشح حالو
اما كل ماورد سابقا و كلام في الهوا كلام فاضي
يمكن الاستاذ ما عندو خبر بشي

[وحداوي كتلوني]

الله يسرها يارب

ومجرد وصول أبو عمر لرئاسة النادي معناتا الأمور بخير بغض النظر عن أسماء اللعيبة


بس بدون معتصم الخاين دخيل رجليك يا أبو عمر



نفسي شوف الخاين أبو خالص بس يشوف ملعب العباسيين عالطفة وعم يصرخ

لئلوء الشام ماهر وبس

[M-AL MN@GED]

إذا بيرجع أبو عمر الغالي للنادي ..

تأكدو تماماً إنو النادي رح ينافس ورح يرجع لمحلوا الطبيعي ...

[وحداوي موت]

حبيبي عيب على يلي بيعمل العيب

نحنا خليناكن تعرفوا شو عم نعمل ليصير شوية أمل عند العالم
قوم تفضل حضرتك نزيل على النادي واتصل بللاعبين وارجينا حالك كيف رح تقدر تخدم النادي
التكتم عن الاخبار كان لمصلحة النادي قبل كل شي
انا بلنسبة الي بما اني مشرف بلمنتدى فاكيد الافضل الي اني نزل الاخبار بلمنتدى اول باول وخلي كل العالم تفوت وتشوف الاخبار من منتدانا

الشاطر يلي بيحط مصلحة النادي فوق كل شي
لعلمك المفاوضات مع اللاعبين صرلها اكتر من 3 أشهر
بس المشكلة عندك ناديين بلشام التنين أوسخ من بعض المجد والجيش
مشان هيك فضلنا السكوت عن الكلام











احلى شي انك ابن يومين بلمنتدى وجايي تفهمنا العيب والاصول

[وحداوي موت]

احلى شي انك كاتبلي مفكرنا ولاد لنرجع

ئي ما صرلك عشرين يوم مسجل بلمنتدى شو بدي رجع فيك

لحقت تصير عضو لحتى رجعك

[ابو كريم]

شو معلم؟ شو مفكرنا ولاد حتى ترجعنا بها الطريقة؟ عنجد عيب هيك تفكروا وعيب هيك تعلقو؟

على العموم لسعتني على رأيي: كل هالحكي ما بيسوى فرنك لحتى يصير حقيقة
وشفنا شو صار مع الكابتن ماهر

لأ أستاذ أبو الهيث .. ما فيني علق أكتر ما حكى أخي عامر
الحكي معروف من 3 شهور بالنسبة لقلنا
يعني لو قلنا من زمان وفقست هالتعاقدات شو بيطلع معنا
كلنا بما فيهم انا مزعوج من انتقال ماهر
بس وقت حسام السيد يصرح انو هو بذاتو تفاجىء
ففيك تعرف انو في شي تمام
بعدين الأمر بيرجع لقلك بتحب تصدق أهلا وسهلأ
واذا ما بتحب كمان أهلا وسهلا
نحنا ما مننشر شي غير متأكدين منو
وتأكد أو تذكر انو كل لعيبة بلدك مع عندن شرف للكلمة يلي بقلولوها وماهر السيد أولهن

[علاء عاطف]

اخبار حلوة
لو بتمنى كنت يعتمدوا اكتر على ابناء النادي بس مو مشكلة الان
البرتقالي كبير

[wassim80]

الله يعطيكون العافية

بس ياشباب صدقوني يلي منرفزين من الاعضاء معهم حق بكتير من يلي قالوه
(عدى التجريح طبعآ) وبطلب من الاشراف يطولو بالون عليهن لأنو اللعيبة يلي طلعت من النادي والله بتكسر الضهر وركائز فريق ( عدى العلايا ) ...

ويعني خسارتنا االكبيرة يلي برأيي صعب تتعوض بسرعة كانت بالأزهر وماهر وباسل هدول أعمدة فريق حقيقيين .....
ومتفائلين ان شاء الله بعودة اروع من ترأس الدفة البرتقالية صفوان الكبير رجل الأفعال لا الخطابات الرنانة والتنظير .؟؟؟؟