نصائح لايمن حكيم .. للموسم القادم

[حمودي اليوفاوي]

مبروك لايمن حكيم المباراة التاسعة الو مع الوحدة بل اي فوز ولو لمرة واحدة
مبروك لايمن حكيم تطبيق خطتو اللي فلج الجمهور فيها ..
وهي سجل هدف وارجع كل الفريق دفاع الــ 11 لاعب بلا استثناء ..
ومفكر انو المباراة بس يتقدم الوحدة بتنتهي .. وهيك ضاع الفوز منا بمباراة الحرية وحطين والجيش .. منسجل هدف ومنرجع دفاع
وحرام بعد اداء الشوط الاول نطلع خسرانين .. بس السبب النظرة الثاقبة لحكيم بالرجوع للدفاع بالشوط التاني

وهدول نصيحتين بفيدوا الحكيم الاسبوع الجاي والموسم القادم :
1- مباراتنا الجاي مع الكرامة .. الكرامة بقيادة المدرب ابو شاكر بهاجمو من اول دقيقة لاخر دقيقية فايزين او خسرانين او متعادلين
فمشان هيك الغي التدريبات هل الاسبوع .. ولاعب الفريق بخطتك الناجحة جدا جدا الدفاع من اول ثانية لاخر ثانية ..

على فكرة انا واثق من خسراتنا من الكرامة مو لقوة الكرامة ( فهاي المجد تعادل مع الكرامة وكانت الافضلية للمجد )
بس السبب ايمن حكيم بعرف شو تفكيرو .. رح يقول خلينا نطلع بنقطة بكون احسن من بلا .. فمشان هيك رح يلاعب الفريق كلو دفاع ولو بايدو بخلي ماهر السيد احتياط وبنزل لاعب لاعب دفاع اساسي ,, وهول بقول بنفسو بلكي يخسر الحرية بمباراة الفتوة وبلكي يخسر الوثبة على ارض الوثبة ..

مع انو انا احساسي بانو رح يصير العكس رح نخسر نحن ورح يفوز الحرية والوثبة , ورح نتصدر الترتيب من تحت وبكل جدارة واستحقاق


2- النصيحة التانية لايمن حكيم : السنة الجاي رح نكون بالمجموعة الجنوبية وفرق مجموعتنا : النضال وبردى وشهبا والكسوة وعمال القنيطرة ومعضمية الشام .. دير بالك من هالفرق .. بتخوف هجومها كاسح .. الحذر الدفاعي ثم الحذر الدفاعي . اهم الشي الدفاع برأيي ليش المغامرة .. تمسك بالدفاع ..


شباب برأيي خلص صرنا بالدرجة التانية بشكل رسمي
باقي 6 مباريات في تلاتة منها خسرانينها مع الكرامة بالشام والقرداحة والاتحاد برا الشام
واذا واذا واذا جبنا نقاط ممكن نجيب 7 نقاط من فوزين على القرداحة والشرطة بالشام وتعادل مع تشرين باللادئية
بس اهم الشي الحذر الدفاعي
يعني مجموعنا الاخير 24 نقطة .. وقارنوا مباريات الحرية والوثبة بمبارياتنا بتلاقوها نحن اول الهابطين
خصوصا مباريات الحرية والوثبة مباريات قابلة للتطبيق ..
وسويدان الندل متل ما اهدى الفوز للوثبة رح يهدي الفوز للحرية بمباراة الجيش والحرية كرمال هبوط الوحدة
والحرية اللي عرف يشتري مباراة حطين بجدارة ( وانفضحوا على قنوات العربية الجزيرة الرياضي وابو ظبي ودبي الرياضية والكاس القطرية )
ولسا جبان عامل حالو المحقق كونان ..

[wissam82]

لك أأأأأأأخ فعلا الحكيم كل يوم بيثبت انه لا يفقه شيئ بقيادة وتسيير المباريات ...

الحكيم ... :crdr :crdr :crdr

[حمودي اليوفاوي]

بس المشكلة طرد الحكيم هلأ ما عاد ينفع
بس حتى لو نزلنا للتانية .. ايمن حكيم لبرا

[wassim80]

يسلم تمك يا حمودة كل كلامك بوافئ عليه
بس بزيد كم كلمة

حبوباتي شكرآ على هلمسوائ
حكيم شكرآ على تكتيكك الاوروبي
للاعبين بدون استسناء ( الله يعينكم مدرب فطحل + رئيس نادي محترف + نفسيات إدارة خيلة + إتحاد كرة بيستاهل علامة عشرة ععشرة+ مسؤولية واضحة من الكل + جبر خواطر جمهوركم يلي عشئ الوحدة بصدئ )
:fw :fb :( :( :( :( :( :cry :cry :cry :cry :cry :cry :fw :fb :s_real

[الرومانسي الحزين]

مع الحكيم وبدونو نحنا بالتانية هي اخرت مشاكل السيد خالد ط............
مع ابن السيد الكبير مشان الانتخابات دمروووووووووو النادي الله لا يوفقهون ويلي بيعرف بالانتخابات وقصصها بايدني ويلي ما بيعرف يسال شو صاير

[wissam82]

بس المشكلة طرد الحكيم هلأ ما عاد ينفع

ممكن ينفع ,, يعني شو بده يصير فينا أكتر من هيك

بالعكس بمكن اذا اجانى مدرب جديد يقدر يرزع روح جديدة بالفريق واللاعبين بكل الأحوال عم يعبوا حاليا باجتهادهم الشخصي ...

انا هاد الكلام ئلته من الأسبوع الماضي ولازم الإدارة يلي هي سبب المصايب سابقا وهي السبب بيلي وصلناله تجازف بهل شغلة ...

[حمودي اليوفاوي]

بس على فكرة باحد التدريبات هل الاسبوع علقت بين ايمن حكيم من جهة
وبين ( عمر خليل وعلي خليل )
عمر خليل مدايق من المدرب لانو ما عم يلاعبو .. والمدرب عم يكذب ع الاعلام
وعم يقول انو عمر مصاب
وعلي خليل لانو المدرب خلاه معظم مباراة الفتوة احتياط

بس طبعا ما علقوا بالايدي .. انما مشادات كلامية
قبل ما غسان معتوق يتدخل وتتحلل المشكلة وقتها كان ماهر بتدريبات المنتخب
وانا مسؤول عن كلامي
وايمن حكيم :: اوعى تلاعب عمر خليل ها .. لانز بينهز بدنك
مونتيل احسن بكتير شو بدك بالحكي

مين جاب سيرتو لمحقق كونان :m( :m( :m( :m( :m( :m(

[wassim80]

ياشباب حدى عندو طريئة أو فكرة ( احتجاج - رسالة من الوحداوية للإدارة - أو للاعبين - أو اي شي ممكن يطمنا شو يلي عميصير بالمزرعة شو عمينحاك للشام ومن وين أنا شامم ريحة مؤامرة منظمة من الكل ( مدرب- لاعبين- إدارة- إتحاد ) مابعرف بس عندي إحساس أنو في شي كبير لكسر الوحدة وإزلالو بس فشروا
مين بيتزكر لأي ساعة مع نيناد سهرنا بالمزرعة يوم أخدنا الدوري
مين بيتزكر الشب يلي كسر بللور سيارتو المرسيدس السعودية من فرحتو
مين نام بهداك اليوم مين بيتزكر الإدارة يلي جابت كأس أديش حاربوا
مين بيتزكر الخبرات الشامية يلي صارت برا( قوطرش- محروس- الخ.....
مين بيتزكر سلة الشام ؟؟؟
مين بيتزكر ومين ومين ومين آآآآآآآآه ياوحدة آآآآآآآآآآآآه ياشام :fw :fw :fb :cry :cry

[alamjad]

أخي أنا متفئ معك بكل شي عدا أنو المجد ئدر يعمل شي ادام الكرامة و الله لو لعيبة الكرامة مرتاحين لمدري اديش كانو سفئو المجد خسارة . الله يعطيهم و عنا ما يتخلى

[الشامي الاصيل]

وين يا نينادوووو يحطو هيثم الشرييف احسن من الحكيم يا ناس
انا فكرت الجماهير الجمعة الجاية لح تزداد طلع العكس يعني اكلنا مقلب حلو هالسنة
8___3 للجيش كتير حلوووووووو
حكيم حكيم ما بدي احكي خلي كلامي للللللصيف وعد
حكيم برا برا برا برا برا برا برا برا برا برا بر ابرا برا برا برا برا برا :crdr :crdr :crdr :crdr :crdr :crdr :crdr :crdr :crdr :crdr :crdr
المحترفين رزاق والتاني برا برا برا برابرا برا برا برا برا بر ا برا :crdr :crdr :crdr :crdr :crdr :crdr :crdr :crdr :crdr :crdr :crdr

[wassim80]

والله هيسم الشريف أو اي حدى
بس ياجماعة يلي بيعرف طابة ويلي ما بيعرف التماس من الركنية بيعرف أديش نكمينا بالحكيم والله مابنسى كلمات نينادلما حملو بأوتوستراد المزة وهوة عميأول (أد ما حاربني الحكيم وأد ما ساندو لعيبة من الفريئ ححارب لآخر سانية ) يا جماعة أنا ماتعودت أحكي كلام برا الطريئ لأني جامعي ومتعلم بس كلمة وحدة حاسسها رح تطلع من صدري وتشئو شئ

حكيم + حبوباتي = سبب لعب فريئ الوحدة بحرستا بعد كم شهر ( حلو عن سمانا بئا )

آآآآآآآآآآآه يا وحدة , آآآآآآآآآآآآآه يا شام

:fw :fb :fl :cry :cry :cry :cry :cry :cry :cry :cry

[الرومانسي الحزين]

آآآآآآآآآآآه يا وحدة , آآآآآآآآآآآآآه يا شام

حجي هاد هو الكلاااااااااااااام

[M o H a M e D]

خلص ياحكيم فرقنا بريحة طيبة يستر عرضك ... عني أخد فرصتو وعطا يلي عندو الله يعطيه العافية ..

واليوم الخسارة بيتحملها هو بخططو وتبديلاتو يلي دبحتنا دبح ...

أول شي عمر خليل شو عمتساوي فيه ع الاحتياط ... :?: :!: وبعدين بينزلي عمر عاقل يلي مامعو يمشي :evil:

بعدين اسمحولي ياشباب ... يعني صحيح نحنا مسكنا الشوط الأول كلو .. بس لأنو لعيبة الجيش ماكانوا عميلعبوا ...
وحتى بالشوط الأول رغم السيطرة الوحداوية عطوني هجمة منظمة نفذها الفريق ... لك حتى الغول أجا بعد دربكة قدام المرمى شطاها اياد بالغول ...

يعني الفريق عميلعب ع البركة وعلى حماسة اللاعبين ...

بقا مشان الله ريحونا من الحكيم ... والله مارضينا اليوم نذمه باللعبة .. بس هو يحس على حالو و يستقيل والله يعطيه العافية ...

وهلأ نسبة أملنا بالبقاء مابتتجاوز ال10 بالمية ... الله يستر .. لأنو ماحدا منا متقبل فكرة أنو يشوف الوحدة بالتانية .. :cry: :cry: :cry: :cry:

[دلبيرو الوحدة]

لك لسا بيقولولك الحكيم والحكيم

وكل ما نحكي على الحكيم بيعملولك ياه زاغالو

عطوني انجاز عملوا الحكيم باي فريق

لك شفناه مع تشرين شو صار فيه ولو فيو خير ما كان كبو الطير

اجا على المنتدى ما جاوب ولا جواب منطقي كلها اجوبة دبلوماسية


هلا اكيد الحكيم مالو مسول عن كل شي بيصير بلنادي لانو المشاكل اكبر من انو يكون الكيم سببها

بس يا اخي ما عم يطلع معك شي وبعدين يعني
اخرتها شو بدك يصير

بدك تضل بلفريق وتنزل معو على التانية

اذا من اسبوعين اجاك عرض من تشرين ام حكيت بفكر بالامر

لكن بكرا بس نصير بلتانية مارح تعد ولا لعبة مع الفريق

بعدين يا حبوباتي مافي غير ايمن حكيم ابن النادي يدرب

من شو بيشكي هيثم الشريف
بشار شريف
محمد قادري
من شو بيشكو هدول

ولا بس بدك الحكيم يستلم التدريب

[wassim80]

أبو حميد ان شاء الله حنضل بالأولى غصبن عنون ( الإدارة - الإتحاد- اللاعبين يلي يلي مابيهمون ) لأنو مأمنين يلعبو وين ما كان في كتير ما بيهمو الوحدة بس بيهمو شو بيحصل من الوحدة
نحنا حبيناه لأننا شوام ولأننا منتزكر تحت الدرج بتشرين ولأننا منتزكر عساف ومحروس وينال ونيناد وقوطرش وعبد الحي
حبيناه لأنو دمنا بلون البرتقالة الشامية
حبيناه لأنو لحأناه عحلب وحمص والدير وياما وياما وياما
حبيناه لأنو ياما نهزينا وفرحنا وعصبنا

( عميأتلوك وعميدمروك عالبطيئ بس كبير يا وحدة وأكبر من أي إدارة أو لاعب وإزا في حدى أكبر منك فهوة رب العالمين وبس

آآآآآآآآآآآآآآآآآآآآآآآآآآآه ياوحدة آآآآآآآآآآآآآآآآآآآآآآآآآه ياشام :fb :fb :fw :fw :cry :cry :cry

[del piero 10]

والله عم تحكي عين العقل :s_juvantus :fw :fw :fw :fw :fw

[Ammar Alfarawati]

والله محمد عصام قادري بيشتغل من قلب ورب

وكان مساعد نيناد كمان

استلم لفترة تدريب الفئات ونجح معو اول الموسم بس رجعوا حطوا مساعد مدرب لخليل ابراهيم ...

بعدين يلي عم يسال ليش ماعم يلعب عمر خليل ...يسالوا مين يلي جابوا يمكن يعرفوا ليش ...


انا بعرف مين :m(

[abou malek]

:evil: :evil: :evil: :evil: :evil: :evil: :evil: :evil: :evil: :evil:

ال حط غول مفكر حاله انه طلع ربحان قلت لحالي لعيبتنا رح ترد خمس غوال تبع الذهاب طلعوا اضرب من لعبة الذهاب و كلون بلشوا بالحيونة

و اللي بحك 10 دفاع و قدروا يفوتوا غولين