اتصال مع السيد صلاح رمضان

[هنو]

في اتصال هاتفي مع السيد صلاح رمضان

تم الاستفسار عن سبب تكليف السيد رياض المصري برئاسة النادي و هل برأيه الاستاذ رياض هو الشخص الكفؤ لقيادة

نادي بحجم الوحدة ؟؟

فكان الجواب : نعم فهو عضو باللجنة و ابن النادي

فقلت له و لكننا كعشاق للنادي لم نفرح بتعيينه لاننا كنا نتمنى ابناء النادي الآخرون مثل الكابتن حسام و السيد احمد قوطرش

فقال : سألنا الشخصين و لكنهما رفضا لانهما اعتبرا انها محرقة بهذا الوقت كون النادي لا حول له و لا قوة

و عند سؤاله عن وقت الانتاخابات فأجاب السيد صلاح رمضان :

لا علم لنا فالامر لم يصلنا بعد من المكتب التنفبذي و لكن يمكن بعد شهري او شهر و نص






و كل عام و انت بخير

[سعدي]

لا حول و لا قوة الا بالله . .
شو بدو تحديد موعد الانتخابات ؟ ؟
يعني شو هالقرار الفظيع اللي بدو شهور ؟ ؟
نادي بلا ادارة
و شوي تانية بيصفى بلا لاعبين . .
و لسا بدهم يأخروا الانتخابات ؟؟
و بيقولولك ما في مؤامرة ضد النادي . .

[البوابة الدمشقية]

ياسيدي إذا بدو يكون حسام السيد رئيس للنادي فوقتها سيتأكد تماما نهاية نادي الوحدة فهو اليوم عضومجلس إدارة ولم تنتهي مصائب النادي التي جلبها معه من خلال خصومه الكثر فكيف لو صار رئيس للنادي

يستر عرضك هنو رشح زياد قبش لرئاسة النادي لأن هيك أسماء بدها شخصية متل زياد

[هنو]

زياد قبش

مين هاد ؟؟؟؟؟

[سعدي]

زياد قبش

مين هاد ؟؟؟؟؟



له يا ابو الهن
ما بتعرفو ؟؟
قصدو زياد اللقلوق:mrgreen:

[هنو]

اي اي اي

ع راسي ابو سعوووووووووووووووووووود :mrgreen:


بس انا راح كخي لابعد من هيك

[البوابة الدمشقية]

له يا ابو الهن
ما بتعرفو ؟؟

قصدو زياد اللقلوق:mrgreen:



مناسب تماما لهيك عالم تحكم النادي وكأنهم ورثوا النادي عن أجدادهم

[سعدي]

يعني و الله العظيم ما بعرف شو حلتها مع هالنادي
قالو احتراف قلنا منجيب لاعب اجنبي بعيد عن اي انتماءات
قالو مدرب قلنا مو مشكلة اذا ما عاد لقينا حدا بيجي مدرب اجنبي بعيد عن اي انتماءات . .
بس و الله مو معقولة كمان نجيب رئيس نادي اجنبي :mrgreen:
يا ريت في احتراف ادارات . .

[البوابة الدمشقية]

الحل واضح وصريح أبو سعود أساس المشكلة عام 1993 حسام السيد وأيمن حكيم والثنين تحالفوا ضد نزار محروس وباقي اللاعبين وهؤلاء كان ورائهم اعضاء مجلس الشعب والتجار وحسام والحكيم كان وراهم القوطرش والحبوباتي

واليوم وبرحيل اللاعبين ونزار وأعضاء مجلس الشعب والتجار بقيت الساحة للأسماء الأخرى تتصارع للسيطرة وحرق كل من يتسلم زمام الأمور من غير جماعاتهم


فلكل واحد فيهم اليوم جماعة وأعتقد أن أحمد قوطرش هو الأبعد اليوم عن هذه الصراعات


لذلك الحل وحيد إما أن يتصالح حسام السيد مع كل الأطراف التي أخطأ بحقها ويسامحوه وإما أن يبتعد تماما عن هذا النادي

ويلي مفكر أنو في غير هيك بالنادي بيكون مخطئ تماما قصة حسام معروفة للجميع و هو مربط الفرس فأذا لم نتفهم

هذه الحقيقة ونعمل على حلها سيبقى الحال على ما هو عليه ولو اتى شارون للنادي لن يستطيع حل هذه المشكلة

[وحداوي موت]

ئي شو هل اختراع
يعني هلا الانتخابات ماعم يعرفوا ئيمتا يزبطوها

والله العظيم الرياضة كلها صفيانة عنا
فساد وسرقة ومصالح

[أبو عامر]

الله لايوفق هالرياضة طيب هالنادي بيمثل العاصمة شو تاريخو رياض المصري ليستلم نادي الوحدة كأنو قصدا بدهم ينهو يستحو بقا تشكيل ادارة فورية خلق للكرامة وبس شو هالرياضة المسخرة هي إذا وصيف اسيا بيصير اللي بدهم ياه بشرفي قمة المسخرة ورياضة ماعنا عنا كل شي الا الرياضة لك نادي الوحدة يستلمو رياض المصري لك شو بدنا نسب بس

[سامي حرح]

كل شي الا حساااااااااااااااام...

[أبو كاسم الصالحاني]

معليش الخيار ممتاز فالسيد رياض المصري زلمة نظيف و يعشق نادي الوحدة ولا مشكلة في إستلامه لنادي الوحدة

[عمار عبار]

لا تاكلوا هم
الامورمحلولة وقريبا سيتم تحديد موعد الانتخابات
لان مجلس الامن ادرج القضية على جدول اعماله
وسيقرر موعد الانتخابات في جلسته القادمة لحساسية القضية وتاثيرها على المناخ السياسي العام في الوطن العربي
وربما يقوم بارسال بعثة تقصي للحقائق لمعرفة الاسباب والدوافع وراء اقامة الانتخابات وهل هناك يد للمقاومة فيها

[محمد سكر]

مو رايحة الا على النادي

[wissam82]

والله العظيم مسخرة
يعني ليش ما يحلوا مجلس الإدارة ويعملوا انتخابات مبكرة ..؟؟!!

ومشان مشاكل النادي هي مو مرتبطة ومتعلقة بشخص واحد
المسؤولية بيتحملها كتير ناس وأسماء ومستحيل يكون كل
هالفوضى والخراب بالنادي بسبب شخص واحد ..

يعني الشغلة بالعقل ,, شو هالشخصية الوحيدة يلي رح تقدر
تعمل كل هالخراب بالنادي مهما كان شأنها كبير ..؟؟

المسؤولية بيتحملها الكل بدون استثناء ..

[Abu Waseem]

طيب ليش اعتذار السيد والقوطرش؟
وهنن من أبناء النادي...
غريب
انا ماشفت تفسير غير وحيد وهو ليقدرو يترشحو للانتخابات القادمة يلي عم يخططو لدخولها (طبعاً مالي ضد هالشي)
بس انو مايقبلو يترشحو حالياً ينقذو النادي ويضحو بفرضة الترشيح هاد بيزعل كتير

[هنو]

خليها لربك يا ابو وسيم

ماحد رضي ام اختاروا عضو بالاجنة بس ابن النادي

و بصراحة السيد صلاح عمل يلي عليه





بس ما حا لحا

ما حا بيحب حا

[سعدي]

بس ما حا لحا

ما حا بيحب حا

هاد المختصر المفيد هنو:))

[Abu Waseem]

السيد رياض المصري كان مشرف الفريق أيام الكابتن أبو حامد

[bashardo الوحداوي]

لا فرع دمشق ولا المكتب التنفيذي بدهم نادينا يرجع للواجهة ويشفى من امراضه

[SH@@MI]

ما حا لحا

ما حا بيحب حا


لا حول ولا قوة إلا بالله

راحت علينا

[بو علي]

والله انا يلي بعرفو انو الكابتن رياض المصري زلمه خلوق وابن حلال وشبعان
والله يقدم يلي فيه الخير