قرارات اتحاد كرة القدم بعد نتائج التحقيقات

[wahdawia.net]

اذاً وكما ذُكر تم شطب ناديي جبلة والنواعير من أسرة الاتحاد االسوري لكرة القدم
تحرير كشوف لاعبي الفريقين

إيقاف اللاعبين حسين قيشاني من جبلة وحسان ابراهيم من الشرطة و فاتح العمر حارس الفتوة مدى الحياة

إيقاف واقتراح شطب رفعت الشمالي والحكم محمد عتال لمدة عام

بقاء حطين والفتوة في مصاف الدرجة الأولى

فصل المدربين خالد حوايني وصفوان الحسين من أسرة الاتحاد السوري

رفع شكوى للقيادة الرياضية العليا بالتحقيق مع فاروق سرية بتهمة إخفاء أوراق هامة

وسنكون في تفاصيل لأحداث المؤتمر النارية

[حمودي اليوفاوي]

بس ما تم رسميا تأكيد بقاء الفتوة وحطين بالاولى
هيك سمعت .. يعني تأجل هالقرار لموعد لاحق

بس اكيد النية تتجه لبقاءهم بالاولى .. بعد شطب النواعير وجبلة

[W@SEEM]

رفع شكوى للقيادة الرياضية العليا بالتحقيق مع فاروق سرية بتهمة إخفاء أوراق هامة



من الطبيعي

قبل الإنتخابات :crdr

[wissam82]

والله قرارات قوية

والقيشاني من لما كان عنا بالمواسم السابقة
كان عليه اشارات استفهام كتير انه بيبيع لعب
وفي عدة لعب الموسم الماضي كان بايعهم

لذلك الله لا يرده لا هو ولا أي لاعب ببيع ضميره ..

[Khaled Nayseh]

من الطبيعي

قبل الإنتخابات :crdr
ما شاء الله تاريخو حافل
الحمد لله ما دخلنا

[kashi]

خير انشاء الله خير بس الخوف ما يكون في محسوبيات

[مالك]

الحمد لله إنو الوحدة برات هالقصة
عفكره جبله صار مسويها عدة مواسم من زمان كان لازم يهبط
بس بصراحة قرارات جريئة ... تحسب للجنة التحقيق

[nemr]

يا لطيف الطف فينا

[صقر قريش]

الحمد لله على سلامة رأسنا
وأجمل التبريكات لناديي جبلة والنواعير
والله يسمعنا الاخبار الطيبة
بس انو يخلوا الفتوة بالاولى هي يلي ما حبيتها منوب
العمى ما سدأت انو حل عالتانية

[ضياء الدين]

الحمد لله يلي طلعنا من هل القصة بخير وسلامة
وبالفعل قرارات قوية من لجنة التحقيق
بانتظار التفاصيل

[Abu Waseem]

طبعاً أنا برأيي وبعيداً عن يلي صار ورغم أهمية قوة أي قرار ورغم صراحة أملي كان الدائم بهبوط جبلة بسبب الانحياز الوضح لهالنادي لعدة مواسم ولكن كقرار شطب هاد بيتم فيه معاقبة مدينة كاملة وجمهورها سواء جبلة أوحماة ولو تمت مثلاً هبوط الناديين للدرجة ال3 أو حرمانهم لمواسم منالمشاركة كان أفضل

[أغيد الفرا]

الحمد لله ما طلع ئلنا دخل

[محمد سكر]

لهلأ ماعم صدق شو هل القرارات النارية بس ياترى بكرا بتتغير ولا لأ هذا السؤال ؟؟؟

[fadi al whdawi]

والله هالمرة الجبان شاديد و انشاء الله يطلع النضال و الحرية بدل ما يضل الفتوة و حطين

[samer_sa]

طيب إذا النواعير وجلة تعاقبوا لأنهم باعوا مباريات أو اشتروا يا ترى ليش ما تعاقب معهم اللي اشترى منهم أو باع مبارياتو ؟؟؟!!!! يعني النواعير باع لمين ؟؟؟ جبلة اشترى من مين ...؟؟؟

[محمد قطاش]

شومنشان تركي العويد ومبروك لوليد مهيدي

[SH@@MI]

فعلا قرارات جريئة

ومنيح ما حدا قرب عالوحدة


بسس كنت متمني يبقى الفتوة بالدرجة التانية
لأنو معروفة كل سنة في النا لعبة هنيك بدنا نخسرها
وفي لعبة هون بلا جمهور

[Abu Waseem]

أخ سامر هي الفكرة بالبيع والشرا على ما أعتقد انه الناديين اشتغلو سماسرة بالبيع والشراء
يعني لما أمنو مراكزهم وخصوصاً النواعير اشتغلو بالسمسرة ولصالح عدة فرق
على كل في عدة نقط لازم يوضحها اتحاد الكرة وهي الأطراف المعنية بالبيع وكتير قصص

[حمودي اليوفاوي]

طبعاً أنا برأيي وبعيداً عن يلي صار ورغم أهمية قوة أي قرار ورغم صراحة أملي كان الدائم بهبوط جبلة بسبب الانحياز الوضح لهالنادي لعدة مواسم ولكن كقرار شطب هاد بيتم فيه معاقبة مدينة كاملة وجمهورها سواء جبلة أوحماة ولو تمت مثلاً هبوط الناديين للدرجة ال3 أو حرمانهم لمواسم منالمشاركة كان أفضل


ابو وسيم .. جبلة والنواعير رح يتعاقبوا بعقوبة الغاء الانتساب .. واللي بتعني
رح ينحرموا من ممارسة كرة القدم سنتين
وبعدين بيرجعوا ينتسبوا لاتحاد كرة القدم .. بس لما يرجعوا بعد هالسنتين .. بيرجعوا من الدرجة التالتة

يعني راحت على الجبلاوية والنواعيرية شي 5 سنين ليرجعوا ع الاولى .. هي اقل شي

[Abu Waseem]

أة صح كلامك حمودي وبالفعل اذا ان شاء الله ماطلع عفو على هالقصة بتكون عقوبة قوية كتير ورادعة وسابقة بتاريخ الكرة السورية يعني 5 سنين على الأقل هي عقوبة كتير ممتازة ليلي بتسول نفسه بالبيع والشراء وخيانة الرياضة والروح الرياضية

[tarek9]

قرارات قوية ما كان حدا متوقع هل الشي

[عمار عبار]

فخاريكسربعضه
المهم انوا نادينا بخير

[lion]

الحمد لله على سلامة