ملف الوحدة : لقاء مع تعمير الشام .

[هنو]

http://yagoal.com/uploads/13-06_wehdaa99.jpg


اتفقت جميع أطراف البرتقالي على تحميل شركة تعمير الشام مسؤولية ما وصل إليه نادي الوحدة، وهي بالفعل من الحالات النادرة التي يتفق فيها البرتقاليون!
الدكتور فؤاد محفوظ أعلنها صراحةً بأن الشركة هي من تسببت في مشاكل النادي، وأكد الباقي أن مشكلة النادي مادية بحتة.
سمعنا لمرات كثيرة وجهات النظر البرتقالية، لكننا الآن نوجه أسئلتنا لشركة تعمير الشام التي جاءت أجوبتها على لسان مدير الاستثمارات الرياضية بالشركة خلال السطور القادمة: '

غبن واضح
أكد عمرو الهاشمي مدير الاستثمارات أن الشركة تعرضت لغبن واضح، لأن العقد كان قاب قوسين أو أدنى من التوقيع بمبلغ 25 مليون ليرة سورية، لكن الدكتور فؤاد محفوظ (كان عضواً في الإدارة) تدخل ووعد بإعطائنا الأرض الخالية لاستثمارها مقابل رفع قيمة العقد إلى 45 مليون ليرة وهو أكبر عقد بتاريخ الأندية السورية.


لجنة تحكيم
وأضاف الهاشمي: تملصت إدارة النادي من تنفيذ مذكرة التفاهم التي تقضي باستثمار الأرض، والتزمت الإدارة بالعقد المبرم (45 مليون) وتقبلت تحمل الغبن.
لكن المشكلة ( يكمل) أن إدارة النادي لم تنفذ حتى الآن مذكرة التفاهم وهي تتهرب باستمرار، الأمر الذي دعانا إلى طلب لجنة تحكيم تقضي بتخفيض العقد أو فسخه بشكل نهائي وفسح المجال لشركات أخرى لترعى النادي.
وأشار الهاشمي إلى أن الشركة تريد فسخ العقد لسبب واحد فقط؛ هو عدم تنفيذ مذكرة التفاهم، ولم يعد النادي بالمذكرة لكنا انتهينا الآن من قيمة العقد عن ثلاث سنوات لأن النادي قبض من الشركة حوالي 56 مليون ليرة وهو مبلغ أقل بقليل من قيمة العقد.


مزاد علني
ورداً على سؤال أجاب الهاشمي: لماذا لا يقول الدكتور فؤاد أن مذكرة التفاهم هي التي خرّبت النادي وليس شركتنا؟ وإننا نقترح عليه إقامة مزاد علني بدون وعود من تحت الطاولة، ولنرى الرقم الذي سيصل إليه المزاد، والكل يعلم أن رعاية فريق السلة ذهبت بمليون ليرة فقط، وأترك لكم ملاحظة الفرق، وعلى ذمة الدكتور فؤاد فإن شركة غاردن سيتي دفعت 500 ألف فقط حتى الآن!
وقال الهاشمي: المشكلة ستحل إذا التزم النادي بالمذكرة، ولو أنهم نفذوا وعودهم لدخل إلى النادي مئتي مليون كل سنة، ونحن نؤكد وقوفنا مع النادي ضمن الحدود الطبيعة، فقد دفعنا 65 – 70 مليون خلال سنة ونصف، وهنالك أشخاص دفعوا 150 ألف ليرة ووعدوا النادي بأشياء لم تنفذ.

لم نخذل المحروس
ونفى الهاشمي أن تكون شركة تعمير الشام قد خذلت الكابتن نزار محروس وقال: اقترحت الشركة على النادي رعاية فريق الكرة بمبلغ 25 مليون ليرة لكن رفض النادي حال دون تنفيذ الرعاية.

رسالة قصيرة
وبالنهاية وجه عمرو الهاشمي رسالته إلى جماهير نادي الوحدة قال فيها: جمهور نادي الوحدة هو العزيز و الغالي على قلوبنا و أرجو بعد هذا اللقاء أن يكون عند الجمهور علم بحقيقة الغبن الذي لحق بالشركة و نحن نؤكد لجمهور النادي العريق أننا نقف معه و مع النادي إن استمرينا أو خرجنا فالجمهور الكبير لنادي الوحدة هو هدفنا.

وائل العدس




منقول من yagoal.com

http://yagoal.com/article.jsp?smcache=true&id=834&subCategoryViewId=43265

[Khaled Nayseh]

شرف بقى
والله احترنا وين الغلط
هلأ بكرا السيد محفوظ بيرد على التعمير
وعيش يا ......... لينبت الحشيش
يا سيدي الله يجيرنا من يلي مخبى

[هنو]

انو شو نحن شاطة ريالتنا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


روحوا يا تعمير انتو بالاصل مو اد هالفوتة

و فايتين طمعة بالارض

[Ammar Alfarawati]

الفرق بين الـ25 مليون والـ 45 مليون هو عشرين مليون !!!

بهالعشرين مليون بدكم الارض !! يلي بتسوى بلاوي زرقا ...

بعدين الارض مالها على روح اموات ولاد النادي لحتى تروح هيك بدون مزاد ... وحبية ...!!

الشركة الراعية هي يلي استفادت من النادي ولو دفعت 200 مليون ... دعاية ببلاش وزيادة منتسبين ..

[البوابة الدمشقية]

يا سيدي انا لا مع تعمير الشام ولا مع الأدارة

هؤلاء الفاشلون المدعومون ممن يريد خراب هذا النادي بطريقة أو بأخرى هم من أتى بتعمير الشام وبين حانا ومانا ضاع الوحدة

الدكتور محفوظ وحسام السيد وعلى لسانهم بكل وسائل الأعلام

نسبوا هذا العقد لأنفسهم وتفاخروا حتى عبر الفضائيات بأنهم حققوا لنادي الوحدة ما عجز عن تحقيقه أي شخص أخر

واليوم حسام متغيب تماما عما يجري وكأن النادي للكلاب وليس لدمشق فهو إن كان فعلا أحد من أتى بهم كما أدعى وتفاخر ليتفضل على هذا النادي وجمهوره ويتحفنا علانية بخطوات علانية وحقيقية ليس كما يطل علينا كل مرة بتصريحات لا أساس لها من الصحة ويبرهن أنه الذي أتى بهم وهو من سيبعدهم ويرحل معهم عن ضهر هذا النادي الذي أنهكه المتسلقون بمصالحهم وحساباتهم الشخصية

لكنه أضعف من الظهور على المنبر والأعتراف بالتصريحات الكاذبة وقول الحقيقة ولو فعلها سنضعه على رؤؤسنا لكنه ليس بذاك الشجاع لهذا الظهور

حتى فؤاد محفوظ والشومان هذا الكلام ينطبق عليهم

وأنا لا ألوم تعمير الشام

لنعتبر أننا محلهم ووقعنا هذا العقد ووجدنا بعدها أن هؤلاء لفاشلون لا يعملون لمصلحة النادي وهناك خصومات كبيرة بينهم وبين كبارات النادي الذين لن يسمحوا لتعمير الشام ولا لغيرها بتحقيق أي شي داخل أسوار النادي فهل كنا سنجازف وندفع ملايين دون مقابل

التجارة هي 50%50 يعني خود وهات شاركني لربحك وربحني لشاركك مو هات من تحت الطاولة وبعدين بنشوف

الأدارة بشكل مباشر مسؤؤلة كامل المسؤؤلية عما جرى ويجري ولا يوجد حل إلا برحيلهم حصريا وغير هيك النادي إلى الخراب

والسنة الجاي رح نتاكد ونشوف بعيوننا أن هؤلاء سيدفعون بجماهير الوحدة للرحيل تماما عن هذا النادي

سحقا لهم جميعا

يحبون أنفسهم ولا يعرفون من الحب لهذا النادي سوى منابرهم وكراسيهم وبراويظهم فقط

[Ammar Alfarawati]

الأدارة بشكل مباشر مسؤؤلة كامل المسؤؤلية عما جرى ويجري ولا يوجد حل إلا برحيلهم حصريا وغير هيك النادي إلى الخراب

اكيد الادارة مسؤولة بشكل مباشر لامحال ... لكن لودفعت الشركة بانتظام , لحتى ماكان في مشكلة بالنادي (نوعا ما).. وبنفس الوقت قوة الادارة هي يلي بتخلي الشركة تدفع .. مع ذلك برجح كفة الاحقية عالشركة لان مهما كان وعدت فعقد الرعاية كافي لتعويضها عما تدفعه .. ولو لم تاخذ الارض ولو وعدت بها .. فالعقد شريعة المتعاقدين.

[محمد660]

آل شو ؟ شركة تعمير تعرضت لغبن .. اذا شركة متل تعمير عم تتعرض لغبن شو بدنا نقول .. بعدين ياشركة تعمير ليش الصفقات من تحت لتحت .. آل شو الدكتور فؤاد وعدنا .. بس لو نيتكم صادقة كنتم كتبتم عقد واضح وصريح .. بس الله أعلم بالنفوس وماخفي أعظم!!

[tarek9]

لاحول ولا قوة الا بالله
احسن شي

[wissam82]

ههههههههههههههههههه
عنجد كلام بيضحك وبيفرط من الضحك ..

شو على مين عم يضحكوا جماعة تهديم الشام ..؟؟!!!
نحنا بيهمنا العقد الموقع بينهم وبين النادي وهنن موقعين على
عقد رعاية بقيمة 45 مليون بالسنة ومو مذكور بالعقد انه استثمار
أرض النادي أو غيره ..

فإذا انضحك عليهم بوعود خلبية هاد مو ذنبنا المفروض يتقيدوا ببنود
العقد يلي موقعين عليه ويدفعوا يلي عليهم مو يتهربوا متل ما عم يعملوا ..

بكل صراحة هالشركة صارت فاقدة للمصداقية تماما عند كل الناس
رغم انه ما حدا عرفها ولا انشهرت لبعد ما وقعوا عقد الرعاية مع الوحدة ..

لهيك الله يخلصنا منهم على أهون سبب ..

[وحداوووي]

التنين أضرب من بعضون كلون كذابين وملوفكين
والشي يلي صار كلو من تحت الطاولة وكل شي بيدل على هالشي
الناس النضاف تركو الإدارة بكرامتهون
بس يلي بقيان تماسيح ومافي دم ومافي نية لتبيض الصفحة
وعم يشطو ويمطوا مشان بس يتركوا النادي يلي بعدون يفشل
ومايلحق يعمل شي وبيصيروا يقولوا أنو هنن أحسن
بس للأسف مامرق عالنادي اسوأ من هيك إدارة
رزق الله على الغرفة تحت المدرجات بملعب تشرين
كانو بالمحبة مساوينها قصر وملعب كبير
بس هلأ كلو نفسي نفسي
شي مشان الشهرة وشي مشان الاصوات
وشي مشان يأمن مستقبل ولادو على حساب النادي
وشي مشان يوصل ويصير إلو علاقات مهمة
وشي بدو يصير مدرب على كتاف النادي
وهو مابيعرف الطابة من البطيخة
وماحدا داير أوسائل على النادي
وفي ناس بدها النادي ينزل على التانية
والطامة الكبرى صارت الشغلة عدوى وإنتقلت للاعبين
يلي صاير كتير منهون بلا دم وبلا ضمير
للأشف النادي بدو نفض من اول وجديد
وباسماء جديدة بعمرها ماكانت بإدارة النادي
وأنا مليت متلكون أنتو الكل
ماعاد بدنا إحتراف ولا بطيخ
بدنا لاعبين ولاد النادي وبيغاروا عليه
مشان يرجع الجمهور الأصيل
ويرجع الوحدة الفريق الاول بسوريا مو بس بالشام
قولوا يارب

[البوابة الدمشقية]

ة
رزق الله على الغرفة تحت المدرجات بملعب تشرين
كانو بالمحبة مساوينها قصر وملعب كبير
بس هلأ كلو نفسي نفسي



شكلك عتيق كتير تحت الدرج


بزمانوا ايام كان الدوري ناشئين وشباب ورجال



وبملعب تشرين تحديدا طلبوا منا الادارة نساعدهم في ضبط ابواب الملعب



فبين كل مباراة ومباراة كنا نشوف اللاعبين عم ينتظروا انتهاء المباراة لياخدوا بوط من الفئة يلي قبلهم


ومع كل ذاك الفقر كان هناك متعة ومحبة واخلاص ايام اليوم فلان من الناس مصير النادي برقبتو

وهو عم يفكر كيف يسيطر على النادي هو واخوه ولا في محبة ولا هم يجزنون كلو بطيخ متل ما حكيت

[nemr]

كلون بقلب بعضون اوبة حرمية

[الوحداوي الاول]

قال شو الدكتور وعدنا
يعني شركة نصب و احتيال
قال الارض ب 20 مليون
الله لا يوفق تهديم الشام

[محمد سكر]

فعلاً يلي استحوا ماتو كل هل التقصير ولسا قلن عين يحكوا ؟؟؟؟

[وحداوي لبكرا الصبح]

والله كلها مسخرة بمسخرة

[شنكل]

انا بعرف عمرو الهاشمي عز المعرفة وهو من ابناء النادي ومن الغيوريين على النادي اكتر من مليون واحد بس عندي ملاحظة انو عمرو مو مكانو بتعمير الشام لانو هو بلاصل ابن النادي قبل مايكون بتعمير الشام وسوء التفاهم ولمشاكل بين النادي وتعمير الشام راح تسببلوا وجع راس وراح تخلقلوو مشاكل مع اعضاء المنتدى وجمهور الوحدة يلي مابيعرفوا عمروالهاشمي على المظبوط ؟؟؟؟

[ابومنذر]

مممممممممممممممممممممممممممممممممممممممممممممممممم مممممممممممممممممممممممممممممممممممممم

[ali-orange]

الحق على مين ماكان يكون المهم انو تعميرالشام شركة كلام وبس انا لما طرحو بطاقة وحداوي أنا أول واحد قدم عليها و كل مرة بيقولولي اليوم وبكرىوهيك لقبل الدوري بيومين واخر شي ما عطوني البطاقة

[الوحداوي الاول]

اجتماع الادارة مع الشركة اي ساعة صباحا اما مساء
و دمتم

[مازن شكر]

يا شباب يلي فات مات نحن لازم ننسى الماضي ونفكر بالمستقبل حاج نلحش الحق على مين ولا مين المستقبل يا شباب

[Abu Waseem]

أخي منشان الله يلي عم يقول وحداوي للأخ عمرو وأنا شخصياً ولله ما احتكيت فيه ولا في بيني وبينه شي بس الله مانشاف بالعقل انعرف خلينا نجي مع كم شغلة
يا أخ عمرو يامين عم تدافع عن شركتك وتترك ناديك وانت قانع الناس انك نفسك الوحداوي الأصيل جاوبني الله يوفقك على كم سؤال

هلأ أولاً .. أنا يلي فهمتو انو الدكتور فؤاد وعد بالأرض (بالحكي) للشركة الراعية وهو نقض هالوعد الكلامي وبالتالي الشركة عم تنتقم منه بالنادي وبالتالي ماعم تدقع كل التزاماتها

تانياً .. واضح طمع الشركة التام بالأرض يلي رح احكيلكم ياها بالمشرمحي .. هي الأرض ثروة للنادي وكل الناس صارت بتعرف هالشي وكل الشركات يلي ابتعدت أو الداعمين المبتعدين حاطين عينهم عليها (طبعاً بالعموم) وحتى مرة رفيق الي كان حابب ياخدها هو وواحد من التجار المعروفين وقلي بالحرف انو الموضوع منتهي مع رئيس النادي يلي كان وقتها الدكتور ممتاز (طبعاً كذاب وقلتلو انو كذاب)

تالتاً .. للمرة المليون ولعلم الجميع بعلم الاعلان (اختصاصي من 12 سنة) يلي بيعلن او بيرعى بيستفيد فقط من الاعلان يلي هو حقو شوفة العيون يعني: شركة نايكي بتحط اعلان تلفزيوني ضمن المباراة بس ليشوفو الناس اعلانها او شعار الشركة وبتدفع بلاوي عليه وكل الاعلان هيك إلا عقد رعاية تعمير الشام يلي مرق بطريقة غريبة عجيبة وكأنه للأسف الادارة السابقة ويلي جل الحالية منها والشركة الراعية متفقين عليها يعني مابحياتي سمعت انو شركة راعية بتاخد حق بيع المباريات وبتبيع البطاقات ووووو....

رابعاً .. بخصوص شركة غاردن سيتي راعي كرة السلة
السيد حسان الاسطواني اجا مشكوراً وقدم مساعدته بالوقت يلي كانت شركة تعمير الشام مصممة على عدم دفعها لالزاماتها ومازالت للنادي وهالشي طالع الشركة الراعية عن طورها وبدأت تتهم وتخون عن طريق الأخ عمرو
بعطف على تالتاً .. الشركة الراعية ببند رهيب بتقرر عند دخول اي راعي لاي لعبة انها تاخد نص المبلغ وبيرجع الأخ عمرو وبيقول وبيقارن بين عقد تعمير ابو ال45 وبين عقد غاردن سيتي ابو ال1 مليون
بصراحة من الغباء اني قعد فصل الفروقات بين عقد للسلة وعقد عالنادي وبين راعي بصالة السلة فقط وقمصان اللاعبين وبين راعي بكل أرجاء النادي والشام وووو..كتار صراحة
ولكن .. سبق وعلق السيد حسان الاسطواني عن هالموضوع وقال بالحرف انه مالو مستعد يدفع اي قرش بتاخد نصه شركة تعمير الشام وهالشي طبعاً خلاها كذلك تطلع عن طورها لتبدا تحارب وتخون السيد اسطواني .. العقد يلي هو اقل الايمان بمليون بتاخد نصه الشركة واي شي كان يدفعه ووعد بدفعه السيد حسان كمافآت ومنها كان رواتب لاعبي السلة .. الخ

بالنهاية ماعادت تنفع طريقة استجداء الناس يا أخ عمرو فشركة تعمير الشام صارت واضحة للعيان انها شركة غير جيرة برعاية نادينا وباتمنى نمك تترك الشركة وترجع لناديك لانها صارت بالفعل خصم للنادي وليس لادارة النادي

وأنا شخصياً باحمل الدكتور ممتاز ملص معه ادارته والادارة الحالية يلي وقعو هالعقد السيء كل لامسؤولية صراحة فلو مالنا تاركين مالنا داشر ماكان اجا الحرامي وتعلم السرقة...