اللقاء الفاصل للدوري السوري .. انشلف شهر

[سعدي]

قرر اتحاد كرة القدم اليوم الأربعاء إقامة المباراة الفاصلة التي ستجمع بين الاتحاد والكرامة على لقب دوري المحترفين في 12 من حزيران المقبل .

ولجأ إتحاد الكرة إلى المباراة الفاصلة بعد تعادل الفريقين بعدد النقاط ( 52 ) نقطة، عندما خسر الإتحاد مع مضيفه المجد 3-4، بينما تغلب الكرامة على حطين في اللاذقية بهدف وحيد ضمن المرحلة الأخيرة من الدوري.
ويذكر بأن قانون الاتحاد لكرة القدم ينص على لعب مباراة فاصلة بعد 72 ساعة من انتهاء المرحلة الأخيرة في حال تعادل فريقين في النقاط.
إلا أن اتحاد كرة القدم قرر تأجيل المباراة الفاصلة إلى موعد لاحق بسبب مشاركة الكرامة في بطولة كأس الاتحاد الآسيوي والتي يواجه فيها فريق البسيتين البحريني في 26 من الشهر الجاري ضمن منافسات الدور الثاني من البطولة .
وفي سياق متصل نقلت وكالة سانا للأنباء عن عدنان كيال مسؤول التنظيم في إدارة نادي الاتحاد انه بصدد استئناس الرأي القضائي من مجلس القضاء الأعلى حول المادة 16 من النظام الداخلي لاتحاد الكرة وإزالة الالتباس والغموض الذي سيعلن على أساسه الاتحاد بطلاً للدوري دون مباراة فاصلة كونه الطرف الذي سجل أهدافاً أكثر وهو التمايز الذي يمنح الاتحاد اللقب.




سيريا نيوز

[سعدي]

يعني بتوقع هيك بيكونوا كتير زودوها جماعة اتحاد الكرة
يعني المباريات صارت 13-5-2009 للاسبوع الاخير
اللقاء الفاصل المفروض خلال 72 ساعة
انشلف لحتى 12-6-2009
يعني شهر
لكان شو فايدة القوانين ؟ ؟
طيب الكرامة عندو مشاركة خارجية ما اختلفنا بتنشلف يوم او يومين زيادة . . بس شهر ؟ ؟ ؟

[محمد سكر]

لاتستبعد يشلفوها للموسم القادم

[ابو وسام]

اي سعدي هالشي هاد متعارف عليه ومعروف لدى اتحادنا الفاشل وبجدارة تامة لانو مافي اتحاد كرة قدم متل اللي عنا اسم الله حولو

[Khaled Nayseh]

الأتاية عوجا.....................

[Totti-84]

معلش بالتوفيق للكرامة في مواجهة فريق الصيصان الحمر ... والصوص أبو عباية ...

[أبو عامر]

بلشت التأجيلات اتمنى فوز الكرامة في هذه المباراة

[SH@@MI]

فاشـــــــــــل

[أنس العرقسوسي]

لك هاد الجبان هاد لازم تتوقعو من كلشي
يمكن بكره يطلع يئول المجد بطل الدوري لأنو فاز على الإتحاد بقى لا تستغربو شي

[خيرو]

والله مع اني ما بطيق الاتحاد أبدا بس الحق يقال انه هنن أحق بالدوري من الكرامة . بعدين شو ذنب الاتحاد اذا الكرامة عندوا مباريات كأس الاتحاد اللأسيوي ....
اتحادنا فاشل فاشل فاشل . وياريت ينسحب الاتحاد ومايرضى يلعب المبارة الفاصلة .... ولي شو رح نضحك :neutral::grin::teas:ban:ban:ban:ban

[&&ledخالدkha&&]

أحلا شي كلمة( أنشلف)
حست عم تحكو عني شي طابة او شغلة عادية
هاذا هو الدوري السوري بقيادة الجبان الفاشل
وبتمنى خسارة الأثنين
لأني ما بحبون

[سعدي]

أحلا شي كلمة( أنشلف)



أكتر شي لئيتها معبرة
لأنو اد ما كان في مبارايت خارجية للكرامة .. معقول طول الشهر ما يفضى ساعتين يلعب مباراة ؟ طول عمرهن بيلعبوا الاربعاء خارجيا و بيلعبوا السبت او الاحد بالدوري
بس هالمرة شلفوا اللعبة شهر الله أعلم ليش

حسيتها متل لعبة الفتوة و أمية اللي بقيو يأجلوها . . بعدين ما التعبت . .و تثبتت نتيجة على كيفهن

[majd wahdawi]

منيح هي اول مرة لو كان في من قبل شو منعمل بعد الشهر سنة وبعدين بلعبون حجرة ورقة مقص وبيعطو الدوري للفايز

[&&ledخالدkha&&]

ولله يا سعدي الشغلة واضحة
غيرو قانون الدوري كلو ولعبو الكرامة مبارة فاصلة
وهلق أجلوه شهر مشان يكون الكرامة مرتاح واذا عندو اصابات واي اي شي يكون جهز حالو
مبينة
مع انو ما بحب الأتنين
بس سيدي دخيلك تعودنا

[سعدي]

هون الفكرة
انو مو فارقة معي
فخار يكسر بعضو مين ما أخد الدوري ياخدو
بس ليش هالحركات ؟ ؟

[Ammar Alfarawati]

ويذكر بأن قانون الاتحاد لكرة القدم ينص على لعب مباراة فاصلة بعد 72 ساعة من انتهاء المرحلة الأخيرة

اي ماخرقوا القانون .. بعد 72 ساعة ممكن بعد قرن يعملوها .. المهم ماخرقوا القانون وعملوها بعد 71 ساعة و 59 دقيقة و58 ثانية ... القانون قانون شبكم .. مابتعرفوا تفصفصوا النص ..

[W@SEEM]

أحسن شي يقولو بالنهاية أن الدوري مناصفة بين الفريقين :grin:

[HISHAM22]

اتحاد الكرة عنا مسخرة

[سعدي]

أحسن شي يقولو بالنهاية أن الدوري مناصفة بين الفريقين

ذكرتني بالحلقة الأخيرة من الكابتن ماجد
مدري أنو جزء
وقت بياخد الدوري الكابتن ماجد مع بسام بعد ما استمرت اللعبة النهائية كذا حلقة

[Ammar Alfarawati]

والله متابع ابوسعووود

مزبوط والله

بالعلامة حطو العلم كل ست اشهر بنادي

هلأ بحطو طربوش الكاس بنادي اول ست اشهر وجسم الكاس بنادي تاني :grin:

[الساهر12]

شو هلقرارات الفاشله مسسسسسسسسسخرة