زيادة عدد الفرق بالدوري السوري

[tarek9]

في اتصال هاتفي مع تلفزيون اللاذقية أكد السيد أنور الجرادات رئيس المكتب الصحفي في اتحاد كرة القدم أن رفع عدد أندية الدوري في الموسم القادم إلى 16 فريقاً ليس من صلاحية اتحاد الكرة وإنما من صلاحية مؤتمر اللعبة والذي من المتوقع انعقاده في 21 آب القادم ،وأشار إلى ان هذا الموضوع سيتم طرحه خلال المؤتمر للتصويت عليه ولهذا السبب فأن أمل ناديي حطين والفتوة بالبقاء مازال قائماً،وأبدى الجرادات تعاطفه مع الناديين وبأنهما كانا ضحية دوري هذا الموسم وكشف بأن التحقيقات جاريه بخصوص التلاعب ببعض نتائج الدوري والتي أثرت على عملية الهبوط وأنه تم التحقيق مع مدرب الوثبة هشام خلف وإداري الفريق عبد العليم فشول،وكشفا عن الاتصالات التي تمت معهما،من قبل بعض المفاصل في عدد من الأندية،واعتبر تكليف المراقبين الإداريين بمراقبة المباريات (تنفيعة)..؟! في ختام حديثه تمنى الجرادات لو أن لجنة التحقيق التي شكلها اتحاد الكرة للتحقيق بقضية التلاعب لم تضم أي عضو من اتحاد كرة القدم حتى تكون قراراتها حيادية

موقع اللاذقية الرياضي

[ابو وسام]

اي عادي بكرة بيلفلفو القصة متل العادة معروفة هالشغلة

[أنس العرقسوسي]

على أساس الفرق عنا كتير قويه

المفروض يكون 12 نادي بيكون أحسن من 14بقى شلون إذا صارو 16:roll:

[سعدي]

كل ما هبط فريق كبير بتطلع هالاشاعة ..
دورينا 10 فرق بزيادة عليه . .
بس دايما مشان يسكتوا جمهور الاندية الهابطة بيطلعاو هالدعاية
و من هون لمؤتمر اللعبة بتكون بردت القصة . .

و بعدين شغلة تانية
هيك قرار وقت يطلع بيتطبق الموسم اللي بعدو
مو عن الموسم الماضي
لو رجعوا فيه موسم للخلف بيكون ظلم لجميع الاندية . .
مثلا ممكن يعترض أي نادي يقول لو عرفان مافي هبوط ما كنت صرفت كذا مليون بالاياب وقت قطعت الامل من المنافسة و كنت لعبت الشباب . . و وو و الخ

و الشغلة التانية انو وقت زادت الاندية من 12 الى 14 قبل 10 سنين كان القرار بصعود 4 اندية و ليس الغاء الهبوط
ما بيصير يكون في دوري بدون هبوط

لهيك انا متأكد انو كل هالحكي ابرة بنج لجمهور الفتوة و حطين
فقط لا غير

[SH@@MI]

ناقصنا 16 فريق
من غير شي الدوري عم يضل سنة

متل العادة
بالعادة وقت يكون الوحدة مهه
بتطلع الإشاعة قوية بين جمهور الوحدة

[محمد سكر]

ليش مافكروا بنفس التفكير وقت هبطنا عام 1997 ولا لأنو حطين ؟؟؟!!!

[الشـــ ابن ــام]

لاء انا تعليقي انو يعني ليش ليبقا حطين والفتوة
اوك بدهم 16 فريق المحافظة والنضال تعبو واشتغلو وبيستاهلو يطلعو
لانو اذا ابقو على الفتوة وحطين بكون الدوري مالو طعمة

[صقر قريش]

16فريق على احلى
الدوري اكثر مللا واكثر تواطؤ
واقل مستوى في العالم
والله 8اندية وكتير عالدرجة الاولى

[bmekhaled]

هلأ كل فهمته إلا أول سطر
شو هي اتصال هاتفي مع تلفزيون اللاذقية ؟! ليش في هيك شي ؟!!!!

[اياد الوحداوي]

اييييييييييه عم يدبرو حالون والاغلبيه انو ماينزل الفتوه وحطين