نادي الاتحاد .. الكبير كبير ... والعتب على خط الهجوم

[abouabdoo]

قدم نادي الاتحاد الحلبي مباراة تليق بسمعته الكبيرة على المستوى المحلي والعربي أمام نادي العين الاماراتي في إطار الجولة الثانية من مباريات بطولة أبطال آسيا

المباراة تسيدها الاتحاد من الباب للمحراب باستثناء عشر دقائق من الشوط الأول دانت فيها السيطرة للاعبي العين وكرة خطرة في الوقت بدل الضائع أوقفت قلوبنا جميعا

لكن لم يفلح الاتحاد بهز شباك نادي العين رغم الكرات السهلة التي سنحت لخط هجوم الاتحاد وخصوصا الصاري

وهمسة عتب للـ ( هفوات الهجومية ) إن صح التعبير والتي لو استغل نصفها لخرج الاتحاد فائزا بفارق هدفين على الأقل

وبذلك يحقق الاتحاد أول نقطة له في البطولة ويبقى في المركز الثالث ..


بالتوفيق للاتحاد ونتمنى أن يبقى محافظا على هذا المستوى كي يكون بين الثمانية الكبار في قارة آسيا

[حمودي اليوفاوي]

ما بعتقد الاتحاد رح يتأهل
جايب نقطة من 6 نقاط
البطاقة محسومة سلفا للشباب السعودي

[wissam82]

الشوط الأول كله عيناوي

الشوط التاني تحسن أداء الاتحاد بس بدون خطورة إلا بانفرادتين ضيعوهم على مبدأ أمور لا تصدق ...

[<IBRAHIM>]

الله يسامحك الفريق خالص ومنتهي طول اللعبة ما صنع هجمة متل العالم لعيبة خالصة ومدرب خالص شي ست مرات يطلع لاعب الاتحاد لحالو بالطابة لبرات الملعب وتمريرات خطأ بالجملة يلي ساعد هو انو العين خالص اكتر منو يعني فريق ترتيبو تامن بالدوري الاماراتي وعايب اليوم عنو احسن 5 لعيبة سبيت خاطر 3 محترفين وعلي الوهيبي مستوى مابيبشر بنوب وان غدا لناظره قريب

[abouabdoo]

ما بعتقد الاتحاد رح يتأهل
جايب نقطة من 6 نقاط
البطاقة محسومة سلفا للشباب السعودي


لا تنسى أنو الاتحاد لسى ما لعب مع الشباب .... ولو فاز عليه ذهاب إياب شو بيصير ؟

أنا ما عم دافع عن الاتحاد
....

أنا عم أتمنى نلاقي الفرق السورية كلها متل الاتحاد والكرامة

[أبو صخر]

قدم نادي الاتحاد الحلبي مباراة تليق بسمعته الكبيرة على المستوى المحلي والعربي أمام نادي العين الاماراتي في إطار الجولة الثانية من مباريات بطولة أبطال آسيا

المباراة تسيدها الاتحاد من الباب للمحراب باستثناء عشر دقائق من الشوط الأول دانت فيها السيطرة للاعبي العين وكرة خطرة في الوقت بدل الضائع أوقفت قلوبنا جميعا

لكن لم يفلح الاتحاد بهز شباك نادي العين رغم الكرات السهلة التي سنحت لخط هجوم الاتحاد وخصوصا الصاري

وهمسة عتب للـ ( هفوات الهجومية ) إن صح التعبير والتي لو استغل نصفها لخرج الاتحاد فائزا بفارق هدفين على الأقل

وبذلك يحقق الاتحاد أول نقطة له في البطولة ويبقى في المركز الثالث ..


بالتوفيق للاتحاد ونتمنى أن يبقى محافظا على هذا المستوى كي يكون بين الثمانية الكبار في قارة آسيا
:)) :))

[samer_sa]

بدي جبلكم تقرير منتدى نادي العين الإماراتي اللي أشاد بفريقنا ..
غريب أنو عم اسمع أنو فريقنا كان خالص في بعص مراحل المبارة نعم فتر الأداء ..
الفريق اليوم قدم أداء مقبول لحد كبير ..
سلسة الفرص الضائعة كثيرة وسأذكر بها ..
فرصة من أنس صاري بالقديقة 20 داخل منطقة الجزاء يسددها بالعلالي ..
في الدقيقة 40 يحيى الرشد يتسلم الكرة على صدره وهو وحيد داخل منطقة الجزاء ويسددها لوب (غريبة) خارج المرمى ..
القدية 45 أنس صاري يلف نص لفة حول نفسه ليجد نفسه في وضية أنفراد ويسدد بطريقة أمور لا تصدق بالعلالي ..
الدقيقة 46 انفراد كامل ليحيى الراشد ويسددها بين يدي الحارس وكانه تمرين ..
الدقيقة 50 محمود آمنة داخل الجزاء يسدد كرة بالشبك الخارجي ..
الدقيقة 87 دربكة أمام المرى العيناوي ورأسية تلمس القام العيناوي ..
الدقيقة 92 دربكة وتسديدة من داخل الـ 6 أمتار ترتطم بالحارس وتعود لديمتري ايضاً بالعلالي ..
الدقيقة 95 والأخيرة فاصل مهاري من وائل عيان وعرضية يطير لها الحارس ..
وأظن أنو مع كل هالفرص الضايعة ماكان فريقنا سيء وخاصة أنو عم نلعب أمام فريق العين مو أدام فريق حارة ..
وكل الشكر للأخ كاتب الموضوع ولك من ناصر الأهلي اليوم ..

[abouabdoo]

في بعص مراحل

:oops:

يا عيبووووووووو



وكل الشكر للأخ كاتب الموضوع ولك من ناصر الأهلي اليوم

العفو أخ سامر ...

بس أنا ما كنت عم ناصر الأهلي :|
أنا عم أحكي باسم الكرة السورية :))

[أبو صخر]

أحلى سامر بشرفي
انت منعتبرك وحداوي :))
وحسب تقريرك الاتحاد كان ضاغط بشكل مكثف آخر 10دقائق
بس هي مشكلتنا اللمسة الأخيرة :(

[abou malek]

أحلى سامر بشرفي
انت منعتبرك وحداوي


:evil: :evil: :evil: :evil: :evil:

اهلاوي مو وحداوي

:evil: :evil: :evil: :evil: :evil:

[أبو صخر]

أحلى سامر بشرفي
انت منعتبرك وحداوي


:evil: :evil: :evil: :evil: :evil:

اهلاوي مو وحداوي

:evil: :evil: :evil: :evil: :evil:
لأ وائل سامر أهلاوي بس بحب الوحدة

[أبو صخر]

أخ caja
بلا زعل
الاتحاد والكرامة هم الفريقين الوحيدين يلي بستحقو يمثلو سورية
والطليعة ما عندو خبرة دولية
وغيرو ما بسوى شي
وكانو رح يتبخوشو 3-0 مع العين عالقليلة
بعدين كل لعيبة الاتحاد نجوم واذا مو كلون نصون
الحق حق
جمهورو وسخ
بس الفريق رائع وبلعب كتير حلو
ومتصدر الدوري كمان

بس الكرامة أحسن منو وشي مفروغ منو
أما نحنا فيا حصرة هالسنة خالصين :cry: :cry:

[syria alasad]

لك شو بدو يحكي الواحد
بتفوت ع منتدى الاتحاد بتلاقيهون عم يحكوا علينا وع الشام شروي غروي

ونحنا هون بدنا نقول انو الاتحاد كبير

----

سيدي ما لح قول شي ..
رغم انو كنت مع الاتحاد وبتمنى كل نادي سوري يفوز بالبطولات الخارجية
لكن جمهوروا ما بيستاهل

[abouabdoo]

لك شو بدو يحكي الواحد
بتفوت ع منتدى الاتحاد بتلاقيهون عم يحكوا علينا وع الشام شروي غروي

ونحنا هون بدنا نقول انو الاتحاد كبير


الواحد بيعمل بأصلو يا أبو اللول

ونحنا عم نحكي باسم سوريا .. وعم نشجع الاتحاد كرمال سوريا .

مو كرمال الاتحاد

لا تنسى أنو اسمك بالمنتدى وبالايميل :
syria alasad

[أبو صخر]

لا تنسى أنو اسمك بالمنتدى وبالايميل :
syria alasad
:)) :))

[الرومانسي الحزين]

الواحد بيعمل بأصلو يا أبو اللول

ونحنا عم نحكي باسم سوريا .. وعم نشجع الاتحاد كرمال سوريا .

مو كرمال الاتحاد

لا تنسى أنو اسمك بالمنتدى وبالايميل :
syria alasad
:)) :)) :)) :))

[وحداوي موت]

هلا الواحد يحكي الصراحة
حرام ما تكون نقاط المبارات للاهلي
لانو مدرب العين خلا اكتر من اربع او خمس لاعبين من الاساسيين برا الملعب
3 لاعبين محترفين وسبيت خاطر وجمعة خاطر وهوار ملا حسن نزلوا باخر 25 دقيقة
بعدين مدرب العين نزل اربع لاعبين لاتتجاوز اعمارهن ال22 سنة
وحكوا المذيعين انو اللاعبين الصغار بيلعبوا تاني لعبة مع العين
يعني مدرب العين امن على الدفاع والباقي كلن احتياطيين

الاتحاد فرصوا اخطر فرص يحيى الراشد والصاري خطيرة كتير
الامنه لعب لعبة كتير حلوة بس للاسف ما توفق بللعبة


بلنسبة لصدارة المجموعة صارت بايد الشباب السعودي ويمكن التاهل صار مضمون 70 بلمية للشباب


الله يوفق الاتحاد بباقي المباريات لعلى وعسى يصير النتائج لصالحو

[samer_sa]

لك شو بدو يحكي الواحد
بتفوت ع منتدى الاتحاد بتلاقيهون عم يحكوا علينا وع الشام شروي غروي

ونحنا هون بدنا نقول انو الاتحاد كبير

----

سيدي ما لح قول شي ..
رغم انو كنت مع الاتحاد وبتمنى كل نادي سوري يفوز بالبطولات الخارجية
لكن جمهوروا ما بيستاهل

ياسيدي كل واحد فيكم بيحكي وبقول أنو بمنتدى الاتحاد عم نكتب على الوحدة ،، ياأخي من زمان حكيت مع مشرفي منتدى الوحدة وقلت أنو اللي بشوف شي مسيء عن الوحدة أو اي نادي سوري يقلي إلي وأنا بتصرف بس مافي شي مكتوب عنا بالمنتدى عن الوحدة لذلك رجاء بلا اتهامات فالصو وبدون أدلة .. وشكرا لوقفتكم مع كل الأندية السورية ..

[M o H a M e D]

يعني العين عميلعب بلا محترفين وبلا كذا لاعب أساسي من نجوم الفريق ... والفريق أصلا فايت بالحيط وخسر بأرضو مع الشباب ...
الاتحاد صحيح كان الأفضل بس هاد مو يعني أنو كان منيح ..ولولا ستر الله كانوا طلعوا خسرانين كمان ...
المحترفين خالصين .. ويحيى الراشد مو طبيعي على هالفرصة يلي ضوعها ...
.
عمبحكي هالحكي وأنا والله كنت مع الاتحاد قلبا وقالبا بس مشان سمعة سوريا ... ولو أنو جمهورو كرهنا بشي اسمو أهلي ..
.
على فكرة الشباب خسر بأرضو مبارح مع سيباهان .. وكل شي وارد بالمجموعة ...

:fl :fw :fb

[أبو صخر]

شباب الرجاء لا حدا يغلط مع سامر
الزلمة أنا بعتبره وحداوي متل ما هو أهلاوي
وطبعا أكيد في أعضاء سيئين ومتعصبين بكل نادي
بس الرجاء الانتباه عالكلام
:))