خبر ظريف في جريدة الرياضية ؟؟؟

[فهد الناجي]

الخبر هو
(((مجموعة من مشجعي نادي الوحدة أطلقت على نفسها أسم الألتراس وقامت بتوزيع نشرات توعية للجمهور البرتقالي
خلال مباراة الطليعة ودعت المشجعين للانتساب لهذه المجموعة التي تهدف لتشجيع فرق النادي بحماس وبأخلاق ودون أنقطاع بغض النظر عن الفوز والخسارة )))
تعليق الصحفي
((((غريب أمر جمهورنا ...بالكرامة طلعت البلو صن وبالوحدة الألتراس ... طيب شو بيمنع انو يكون أسمها عربي..
ولا العربي مافي أخلاق رياضية ...الله يرحم أيام الهوليغنز))))
تعليقي أنا
مع احترامي لتعليقو معئول مافي صحفي ما بيعرف شو هي الاالترس
البلو صن كمان هنن التراس بس اسمون بلو صن ونحن التراس وأسمنا أورنجس الشام
وشوية تاني الاستاذ الصحفي رح يعملنا من الحبة قبة ويفوتنا بالسياسة ويشككنا وبعروبتنا
يالله انبسطو يا شباب الالتراس هي اجتنا دعاية ببلاش
بس كنت بتمنى لاقي اسم هالصحفي لحتى احكي معو وفهمو شو يعني الاتراس
وهاد الخبر موجود بأسفل البصفحة 12 بفقرت عصر السرعه

[وحداوي موت]

معلش ابو الفهوووووود طول بالك
بعدو اجدب مفكر كلمة الالتراس كلمة عادية
مو عرفان البو صن هي من الالتراس
ومو عرفان انو pLiiiJI ORANGES
هي من الالتراس

[الإعصار الدمشقي]

هههههههههههههههههههههههههههههههههههههههههههههههههه ههههههههههههههههههههههههههههههههههههههههههههههه
شباب هادا أكيد صحفي سوري:teas
بس شو بدنا نقول هيك الصحافه ببلدناااااااااا
الله يعينا

[عبد السلام الشياح]

يلا فهد هي اجتنا دعاية ببلاششش شو بدنا احسن من هيك

[bashardo الوحداوي]

لا تظلموه للصحفي هاد الاستاذ مالك حمود وهو احسن صحفي سلوي بالبلد بس بيجوز مابيعرف الالتراس ومنطقة الثواني يلي فيها الخبر للتعليقات الطريفة

[Abu Waseem]

بالعكس أخي فهد اعتبرها هي متل ماقلت دعاية وهي هيك بالفعل الأخ مالك حب يسلط الضو على ظاهرة الالتراس وحكا بكل منطق ومحبة والتعليق بعد الخبر هو مجرد مزح فقط ولو انو صح كلامك مابيعرف شو الالتراس وكتار مابيعرفو شو هو الالتراس

[عبدالله المليح]

هادا الصحفي مالك حمود انسان كتير محترم بس ما عريف شو هي اللالتراس بكرا بيتفاجى فينا المهم أنو نزلا

[فهد الناجي]

العكس انا مو مدايق من هالشي
ومبسوط لان لفتنا نظر مع أنو ما كان عددنا ما بيتعدا العشرين شخص
وانا بحترم كل الصحفيين يلي بيعطو رأيون وبيضل هاد رأيي
ممكن يكون عن جد مابيعرف الالتراس وانشاء الله بيجي يوم وبيصير بيعرفها وبيكتب عنا بالمنيح مو بالعاطل ههههههههههه
ومن هالمنتدى بوجهلو تحياتي للاستاذ مالك حمود ولا تفهمني غلط يستر عرضك

[wissam82]

هي كل تعليقاته بهي الفقرة فيها نوع من الفكاهة والمزح
يعني حتى بيعد بيمزح بنفس الفقرة على اللاعبين والمدربين وغيره
فلا تدققوا ..

[الفارس]

لك يا شباب لاتظلموا لمالك حمود بركي لغتو فرنسي:neutral:

[يامن الوحداوي]

معلم بدك ماتدقق على كل شي ببلدنا

[الشـــ ابن ــام]

شايفن بلشت عاد الحملات الصحفية ضدنا انا مبارح وانا راجع من اجتماع الاتراس كسر علي باص نقل داخلي كبير فحسيت بل مؤامرا ومبارح طلعت من الشباك شفت تنين شي الساعة 3 بليل واقفين تحت بيتنا بئا ياشباب الاترا ديرو بالكم على حالكم احنا مستهدفين امنيا

[عمار عبار]

الصحفي مالك حمود محترم جدا وتعليقاته من باب الدعابة ومواضعه وتغطيته الاخبارية للسلة ممتازة :f)
عبودة تغطى منيح... شو بالظاهر عمتشوف افلام اكشن كتير:mrgreen:

[W@SEEM]

بالعكس هاد الصحفي بمداعبتو عم ينشر خبر الألتراس الوحداوي

منقلوه لمالك حمود ... مشكوووور يا أبو العبد

[Radwan]

بالنسبة للصحفي الأستاذ مالك حمود هو أخ كبير بكل المقاييس .

[أغيد الفرا]

العمى شو الصحفيين عنا جاهلين

[رامي الوحداوي]

يلا بفرد مرة شجعوا بطريقة الواواق

[ENGLAND]

عمار ماعم يشوف افلام اكشن عم يشوف افلام رعب مو هيك عبودة هههههههههه بكرة بشوفك لاتنسو اللعبة مسان الله

[الفارس]

شايفن بلشت عاد الحملات الصحفية ضدنا انا مبارح وانا راجع من اجتماع الاتراس كسر علي باص نقل داخلي كبير فحسيت بل مؤامرا ومبارح طلعت من الشباك شفت تنين شي الساعة 3 بليل واقفين تحت بيتنا بئا ياشباب الاترا ديرو بالكم على حالكم احنا مستهدفين امنيا

لك عبود انا كمان مبارح 4 سيارات سبور من نوع سوزوكي كانو عم يلا حئوني لاني مار ضيت اتصور معن بس الحمد لله اجت سليمه بس تكسر حنكي انكسر الشر.