لنتضامن مع مارسيلو

[الإعصار الدمشقي]

مرحبا يا شباب أنا كتير مزعوج بشأن الاعب مارسيلو شلون بيكون في عنا لاب لسا ما منعرف أمكانياتو وبتبلش كل العالم تحكي عليه يعني أنا ما كون لاعب بنادي الوحده بربي لأكره الساعه يلي خلقت فيها والله العظيم شي بينشف القلب
لسا الاعب ما ألو عنا 4 ايام وبلشنا نحكي عليه ونحاربه أنا قريت أنو وائل البزره حكى مع الكوتش وقلو الاعب مستواه ضعيف كتير بس شلون عرف أنو ضعيف ولسا ما صرلو لعبان مع فريقنا غير تمرين ونص مباراة هادا الحكي إذا دل على شيئ بيدل على أنو الاعب أد ما كان منيح أكيد أكيد رح يفشل عنا لأنو الكل عم يحاربو ونحنا كجمهور لازم ما نسكت بنوب ولازم نتضامن معو مشان هيك يا أخوان لازم بلعبة الوحده الجايه نزل لوحه مكتوب عليه أي شي بيدل على أنو قلوبنا مع مارسيلو وانا برجع بأكد بأنو بأذن الله هالاعب رح يقدم شي كتير حلو للوحده

[عبد السلام الشياح]

والله الحق معك نسا ماعرفنا شرو من خيرو وبيئولو عليه مستواه ضعيف على هالحالة اذا بيجبونا مايكل جوردن رح يهرب تاني يوم خلو الزلمة يثنت جدارتو هلأ اذا راح من عنا منعد منتحسر عليه بقى حلو عنو للزلمة ؟؟؟؟؟؟

[ابو كريم]

وأنا معك بالموضوع ، ومن هلأ أي مشاركة ضدوا للحذف يلي عجبوا ويلي ستين ...ماعجبوا

[talbe]

و انا مستعد اعتذر منو اذا طلع منيح بس اذا طلعت نظرتي صح شو استفدنا منكون اكلناها

[كمال الوحدة]

لك ما بدها الشغلة خنايق
و تضامنات . .

شو اول مرة بيفوت لعنا محترف ؟؟
اول مرة بيجي المحترف و بيطلع بدون ما يتجرب بطريقة صحيحة . .

ما عم بفهم ليش هالمحترف بالذات اخد هالاهمية
يا ما اجونا محترفين ما عرفوا يمسكوا طابة
هاد لسا مبارح وصل ..
بياخد فرصتو
ان كان منيح هالشي كتير حلو
ان كان عاطل منكون ما توفقنا . .

[THE DARK MAN]

الله يرحم ايام اندريه بيتس
انشالله بيكون هاد اللاعب منيح ويبيض الوش
وتقبلوا مروري

[SH@@MI]

وانا معك بجكيك
بس في ناس بدها تفشل اللاعب
لأنو مو مصدقين أنو لاعب منيح بدون عمولة للسمسار

[فهد الناجي]

بصراحه انا اول ما شفتو وشفت حركاتو قلت هالزلمة خالص بس مو قصدي خالص من ناحية اللعب
بس القصد خالص من ناحية المخيخ لان شكلو معطوب :teas
وبالنسبه للعبو لسه ما بين ولا تنسو الزلمه جايه من امريكا مو من الكسوة مشوارو شغلت ساعتين وبيكون بالشام؟؟؟؟؟؟
وانا لاحضت بنزلتو الاوله كان في تعاون من اللعيبة بس بالنزله التانيه في بعض اللعيبة ما تعاونو معو
والله يجيرنا وماخفيه اعظم

[وحداوي مغترب بالسعودية]

حسبي الله ونعم الوكيل .. احسن شي

[كمال الوحدة]

في بعض اللعيبة ما تعاونو معو


هون المصيبة
جديد عالفريق و البلد
لازم يدعموه
مو يعادوه . .
يعني اي لاعب بالعالم نزلو بين 5 لعيبة ما حدا طايقو و لا مرة شايف حدا منهم
كيف متوقعين يلعب .

[عمار عبار]

وأنا معك بالموضوع ، ومن هلأ أي مشاركة ضدوا للحذف يلي عجبوا ويلي ستين ...ماعجبوا
هدا الكلام الصحيح ........الحملة التي شنت على اللاعب اسبابها معروفة ولا داعي للخوض بها
والايام ستكشف مستوى اللاعب وقصة ريان ما زالت ماثلة امام اعيننا ...على شعرة كانوا لح يسفروه:roll:
وحتى اذا ما كان مستواه مثل الsv الي معه فما بتكون خربت الدنيا ,,,,,المهم انو الشباب هون عملوا الي عليهم واكتر واثبتوا معنى الحب والوفاء للنادي اكثر من العاملين فيه
واسال الله ان يخيب هذا اللاعب املهم ويتالق مع الفريق ليرد كيدهم في نحرهم وعندها سيكون لي رد مناسب في المزيف على التحامل والفتن التي بدئوا ببثها:mrgreen:
ولا اذا بدون عمولة وسرقة لاموال النادي بصير كخ:neutral:

[wissam82]

والله كلامك صحيح
للأسف فشلوا اللاعب قبل ما يلعب ..!!!

وكلها لأسباب وأحقاد شخصية ..

الله يوفق فريقنا ويوفق اللاعب ..

[Radwan]

في كرة السلة ليس المهم شكل اللاعب أو طريقة ركضه في أرض الصالة المهم الإحصاء وتقبل المدرب وباقي اللاعبين للتعاون معه وتحفيزه لتقديم المستوى المطلوب .

رأيي الخاص أن يتم فسخ العقد مع اللاعب طالما المدرب لايريده لأنه حتى لو كان بمستوى ترايسي ماكريدي أو ليبرون جيمس لن يفيدنا .

خير الكلام ما قل ودل

[كمال الوحدة]

رأيي الخاص أن يتم فسخ العقد مع اللاعب طالما المدرب لايريده لأنه حتى لو كان بمستوى ترايسي ماكريدي أو ليبرون جيمس لن يفيدنا .



صح كلامك سيد رضوان
اذا بيجي لعنا كوبي براينت
و بيكون المدرب العالمي ما بدو اياه
ما رح ينجح عنا
و رح يطلع مهرج

[fahmi]

انا معك بس المدرب مابدو الاعب

[ابو كريم]

في كرة السلة ليس المهم شكل اللاعب أو طريقة ركضه في أرض الصالة المهم الإحصاء وتقبل المدرب وباقي اللاعبين للتعاون معه وتحفيزه لتقديم المستوى المطلوب .

رأيي الخاص أن يتم فسخ العقد مع اللاعب طالما المدرب لايريده لأنه حتى لو كان بمستوى ترايسي ماكريدي أو ليبرون جيمس لن يفيدنا .

خير الكلام ما قل ودل

كلام درر شو بدنا نحكي