هزيمة مرة لفريقنا مع فريق المجد ... هاردلك ..

[wissam82]

انتهت مباراة فريقنا البرتقالي مع فريق المجد الجريح
بنتيجة 1-2 بعد مباراة هجومية كانت من طرف فريقنا
خاصة بالشوط الأول وأضاعنا فرص بالجملة

وبداية الشوط الثاني كانت وحداوية لغاية أن طرد اللاعب
غسان معتوق طرد مستحق بسبب ثقته الزائد بنفسه وفزلكته اللامبرر لها للأسف

لتقلب المباراة رأسا على عقب وتصبح الأفضلية لصالح المجد
ورغم ذلك سجل فريقنا أول عن طريق ماهر السيد بعد خطأ
بقطع الكرة من مدافع المجد فراس معسعس .

وعادل للمجد محمد زينو وسجل هدف الفوز للمجد أيضا محمد زينو بالثواني الأخيرة
من المباراة من ضربة حرة مباشرة ..

هاردلك لفريقنا
وبهي النتيجة منكون تراجعنا للمركز الخامس وبانتظار لعبة النواعير يمكن نتراجع أكتر ..!!!

بحمل مسؤولية الخسارة للاعب غسان معتوق ويلي كلفتنا فزلكته خسارة المباراة
وعلى فكرة هي مو أول مرة بيراوغ المعتوق بمنطقة حساسة وخطرة
وكنت نبهت انا لهل نقطة بعدة مباريات سابقة

ولكن للأسف لا مجيب ..!!!؟؟؟

أفضل لاعبين فريقنا من وجهة نظري كانوا عمر خليل وأراز ياسين
قبل خروجه الإضطراري بعد حالة الطرد
وأيضا عبد الناصر حسن بخط الدفاع ..

وهاردلك لفريقنا ..!!!

[حمودة الوحداوي]

راحت علينا

[MOH@MAD]

انا بتوقع سوء الحظ رافقنا بها المباراة

وكان الأداء كتير منيح للفريق والخطأ الفادح من غسان يلي خلى المباراة تغيير مسارها

ويلي خلى الأبيض يفوز مع شوية حظ وشنص للأبيض

هارد لك للبرتقالي

[MOH@MAD]

تحية للاعب قصي حبيب

على نزولو رقم الاصابة ويلي حاول انو يعمل شي باللعبة ..

هارد لك للوحدة وان شاء الله تتفادو الأخطاء بالمباريات القادمة

[سعدي]

فرصتين سهلتين ضاعوا من ماهر بالشوط الاول
طرد غسان معتوق بالشوط الثاني . .
برأيي اضاعة الفرص السهلة . . ثم حالة الطرد ممكن تخسر أي فريق بالعالم . .
و متل ما أكلنا هدف من المجد ذهابا . .اكلنا نفس التوقيت هدف بالاياب . .
بيكون المجد اخد منا 4 نقاط بالوقت بدل الضائع بين ذهاب و اياب

[EIHAB]

ايه عدلو ..

هارد لك ئلنا كلنا ..

[ابن الشام1]

مافي شي اسمو سوء حظ
في شي اسمو عدم تركيز يعني كم طابة بقلب الجول وعم يكبوها
والله هلكنا غسان معتوق يعني لاعب متل غسان وبهالعمر ومابيقدر يحمل مسؤلية
هي مصخرة ولازم الادارة تحاسبو عليها
بعدين انوس نحنا صرنا بالمركز السادس

[THE DARK MAN]

ومع هيك الله يعطيهم العافية عملوا يلي عليهم والله يهدي يلي كان السبب بخسارتنا
وهارد لك للوحداوية

[مورا]

يعني انذارين اخدهن غسان بدون مبرر فزلكة بفزلكة بفزلكة

وفرص مابتضيع ضاعت بالشوط الأول........ بس لولا الطرد كان ضل فريقنا مسيطر عاللعبة

[عمار عبار]

خيرها بغيرها
يجب محاسبة غسان على التصرف فان تنال انذار باول المباراة بدون سبب ثم مع بداية الشوط الثاني تكرر الخطا مرة اخرة فانت متعمد ان تضيع جهود الفريق
ملحوظة
ربما يكون هناك في الامور امور ستكشفها الايام والحدق يفهمها لحاله

[W@SEEM]

هارد لك لفريقنا

لو كان اليوم الكابتن ماهر السيد بمستواه

كان للمباراة كلام تاني

بس الحمد لله على كل حال

والمنادى مرة أخرى بتجهيز الفريق للموسم المقبل

[Prince Of Silent]

خيرها بغيرها
هارد لك لألنا

[bmekhaled]

لك آآآآآآآآآخ بس
يعني المجد خيرات الله مخربط وضعه و هي خسرنا
بصراحة نحنا ما منستاهل نكون مع الأربعة و أحلامنا عم تتبخر كل لعبة ورا التانية

[حمودة الوحداوي]

يا جماعة هي الخسارة التالتة على التوالي

يعني 9 نقط راحو هيك

[محمد الوحداوي العتيق]

و يستمر التخبط الوحداوي
فريقنا صار ملطشة للكل و هاد الواقع و بالشام
و الله يستر ما نتهدد

[وحداوي مغترب بالسعودية]

هلئ من ناحية الفزلكة بالفعل فزلكة من غسان
ومن ناحية التانية تحطو الحئ كلو على غسان ما بيصير غسان اخطا وخطا الشاطر بالف بس نسيتو الفرص يلي ضاعت بالشوط الاول
كانو رفقاتي مصريين عندي وبيحكولي مين هاد يلي ضرب الكرة بالعارضة وبعدها بيضحكو وبقولو مين هاد يلي لحالو بالمرمى وكب الكرة عشرين متر لفوق .. بشرفي استحيت ئلهون هاد احسن لاعب بالنادي وبسوريا .. ماهر السيد .. برائي الفريق كلو بكاملو فزلكة يا عيب الشوم كئنو اخدو ابرة بنج بين الشوطين :crdr

[wissam82]

ايه فعلا الكابتن ماهر ما كان بمستواه اليوم
بس على الأقل هي أول مباراة ما بيكون بمستواه المعهود

اما المعتوق تكرر هالأمر معه بمباريات كتيرة
وهون المشكلة ..

[أبو بشار الوحداوي]

كالعاده ما عنا هداف و لا كنا خلصنا الشوط 1 6-0 ع الاقل

[محمد الوحداوي العتيق]

بصراحة مسخرة ما بعدها مسخرة
فعلا يا عيب الشوم على هيك ادارة ما بتحترم حالها كأنو صارت الخسارات شي عادي و طبيعي
لو هشي صار بالكرامة او الاتحاد او الجيش 3 خسارات ورا بعض لقامت الدنيا و ما قعدت
حتى الجمهور كأنو استسلم و صار شي طبيعي أنو يخسر
اذا منتم هيك قريبا جدا لنتهدد و علمو على كلامي
بصراحة فريقنا ما بيستاهل يكون من الاربعة الاوائل بوجود هيك ادارة ما بتتحرك

[وحداوي مغترب بالسعودية]

لك شو الواحد بدو يحكي .. المجد يلي هلكان من ضغط المباريات فاز علينا .. لكن شي فريق ما عندو شي شو بيعمل فينا .. شو بينقصنا عن الجيش يفوزو 3 - 0 ونحنا نخسرررر .؟؟
بعدين شو هالدفاع لك شلون بيفلت الزينو من ينال اباظة هيك ؟؟ كئنو عم نلعب بلاي ستيشن وربي
وشو هالصاروخ يلي شاطها خليها بالقلب تجرح ولا تطلع لبرا وتفضح :36_1_4[1]::36_1_4[1]:

[أنس فايز درويش]

يعني بئى حاجتو. جيبوا اي لاعب من اي حارة بيلعب احسن منه . من زمان وهو سبب خسائرنا بتذكروا اول مالعب معنا صفئنا كول ائدام الاتحاد. حاجتوا بئى في كام لاعب حاجتهن

[wissam82]

ايه وينال يلي كان صخرة دفاع
صار بأخر 3 مباريات ممر سهل العبور للكل ..

فعلا دفاعنا بدون الشعار فراطة للأسف..!!!

[وحداوي موت]

ما بعرف بيش ديما كل ما ناعل مع المجد بطل خايف لاخر صانية
فريقنا شو بيصرلوا ما بعرف
اليوم ماهر ما توفق ابدا اراز كان كتير منيح
بس يا حرام يا غسان شو عملت بللعبة
الله يسامحك بس الله يسامحك

[يامن الوحداوي]

والله حرام يلي صار تقريبا الشوط التاني كلو لصالحنا وانا بس بدي افهم شغلة ليش صار كل هل التراجع يأخر المباراة

[عبد السلام الشياح]

والله حرام يلي عبيصير فينا فريقنا بدو فرمتة واعادة اقلاع والله اعصابنا احترقت

[أغيد الفرا]

هارد لك
هي رجعتي من الملعب !

[محمد الوحداوي العتيق]

مرة تانية بقول مسخرة بمسخرة ياعيب الشوم بس

[الياس عكة]

أدارتنا للأسف غايبة عن النادي سابقا و حاليا


بتمنى معاقبة غسان على هالتصرف الأرعن

.

[الفارس]

لك ااااااااخ يالي مالو حظ لايتعب ولا يشئا

[ابوهشام]

والله ياخواني يمكن غياب باسل شعار سو خلل كبير بلدفاع موبس بهي المبارة صرلنا 3 مباريات عم ناكول كوال من اخطاء دفاعيه ويمكن هي الاخطاء مابيغلط فيها طفل صغير وانا برائيي خط الدفاع صار بدو اعدت نضر

[عمادو]

لما حكينا على ينال أنو لاعب خالص زعلوا الشباب

وغسان هادا مو مركزو وبعتئد أنو لازم يعتزل

لأنو تاريخو مع نادي الوحدة كتير كبير

وهادا الشي لازم ماينسوا الشباب يلي عم يتهجموا على غسان

[وحداوي اباً عن جد]

له يا شباب غسان ما الو اي علاقة بالهويمة الي صار انو ما في حظ وتحكيم مو منيح أبدا
يعني انا برأي انو غسان عليه حق بس مو لهدرجة ولا تنسو تاريخ غسان الكبير مع نادينا يعني حرام عليكت لكل حصان كبوة وغسان مو قليل فحرام عليكم بدكن تحطو الحق حطو على التحكيم وعلى عساف الي من اول ما أجا انا قلت انو الوحدة راح طار ما عد يلعب بس كلكن عاضتوني وبرأي انو عساف يروح يقدم استقالتو ويجيبو شي مدرب بيفهم الوحدة ولعب الوحدة وهارد لك لنادينا

[Maen Abdallah]

لا حول ولا قوة إلا بالله

[صقر قريش]

والله ياجماعة المجد باسوء حالاته
دائما الحظ معه وضدنا بمباراته معنا
بس انا برجع وبقول ياجماعة على الكابتن عساف
ضم لاعبين شباب وزجهم مع الرجال بدل الختايرة يلي تختخوا
وهنن اصل الشللية والمؤامرات\
بين اللعيبة ومستواهم عم يكشفهم دائما
لانه لا لنا هبوط ولا لنا صدارة

[الغربتلي]

الله يعوضنا فيها خير

[سعدي]

بعد الخسارة الثالثة
بتوقع صرنا متأكدين انو الانتصارات الثلاثة اللي جبناهم ببداية الاياب ما كانت بسبب قوة مستوانا
و انما التوفيق و ضعف المنافس احيانا

[Ammar Alfarawati]

للخسارة عدة اسباب ... احد اسبابها طرد غسان

بس لاتنسوا شباب , غير يلي عم يحكي كمان على اضاعة الفرص وطرد غسان وووو الخ

مالاحظتوا انه الفريق نزلت لياقته ....

تبديل اراز كان خطأ .. لو بقي كان فريقنا على الاقل ماسمح كتير للمجد يرتاح بالهجوم ويضغطنا ...

فريقنا بالشوط الاول كان جيد وماسجل مااستفاد من فرصه .. وحتى حطينا الغول بشوية حظ !

الفريق اليوم فيو اسماء كبيرة بس بالنهاية مافي مهاجمين بمعنى الكلمة !

امور كتير ناقصة الفريق واسباب كتير ادت للخسارة غير السبب المادي غير غياب الشعار

عنا اصابتين اليوم بالفريق من خلال المباراة لكن كابروا وبقيوا عم يلعبو متل عبد الناصر والعلايا ..

دائما في سبب واضح وكبير وانا معكم فيها وهو بخلي الواحد يلوم عليه الاخر وخصوصي من لاعب خبير ومالازم يخطأ هالخطأ !! .. لكن فريقنا من الذهاب تهديقه صفر (وهي للمرة المليون ) ..!! ورح نبقى نعاني هالموسم للاسف .

[سامح-ف]

فرصتين سهلتين ضاعوا من ماهر بالشوط الاول

[Kgb_CCCP]

السبب بالخسارة عساف خليفة

أراز ياسين من أفشل اللاعبين

[أبو جمال]

هارد لك للوحدة

[ابو سامر]

والله الشوط الاول لح ننجلط ياجماعة كرمال الاهداف يلي ضيعوها
الشوط التاني جلطنا الفنان غسان وقت نطرد ونعكست كل اللعبة
هارد لك للوحدة والحكم كملها معنا

[أب عمر العرقسوسي]

لا حول ولا قوة الا بالله