جمهورنا من كثرة ما نفخ ب ماهر السيد ... كبر راسه الكابتن

[EmadAsfour]

طبعا انا مسؤول عن كلامي

من كثر جمهورنا ما نفخ بماهر السيد

ومن كثر ما اقتنع بان الوحدة بدون ماهر السيد لا يعني شيئا
اريد ان اعرف
نحن الجمهور نفخنا بك يا ماهر السيد حتى فكرت نفسك بان
القاضي والناهي في اللعب بالبرتقالي
مستواك بالامس يدل على انك تسعى جاهدا لاحباط اللعب البرتقالي
في الملعب

هل انت ماهر الكرة السورية يا ماهر؟

في لقاء الحرية انت المسؤول عما حدث بالامس

هل هذا جزاء الاحسان يا ماهر
انت تلعب لاسم نادينا ام تلعب لمصلحة امورك المادية
بالله عليك

اكتفينا اوجاع القلب فلا تزدها علينا غم فوق غم يا كابتن ....











سؤال اخير

هل انت من كان الجمهور يهتف نزل السيد نزل السيد
وكان يعمل المعجزات عند نزوله

[هنو]

ليش هيك يا ماهر
الله يسامحك

[kashi]

كنت بتمنى من الكابتن ماهر يشوف العكاري الكرامة حرام يا عالم وين رايحين :cry :syr :cry :cry :cry :cry :cry :cry :cry :cry :cry :cry

[MHSDAMAS]

U R COMPLETE RIGHT MAHER NOT THE SAME MAHER & OUR TEAM NOT THE SAME AL WAHDA TEAM WHY NOBODY KNOW??????????/ :roll: :roll: :roll:

[سامو]

يا جماعة شو صراكن (اي سيدي النادي بلا ماهر ما بيسوى شي )
نسيتو مين يلي عم يصنع الأهداف بكل مباريات الفريق !!!؟؟؟
يعني إذا كبلو طابة أو طابتين باللعبة صار ما بيسوى حاجة تشككو
بإخلاص اللاعبين بالفريق , بعتقد أنو أنت مالك وحداوي يلي كاتب
هالمقال

حسام

[EmadAsfour]

المهم

يا كايتن ماهر تفيقوا
قبل ما يفوتكم القطار

[سامو]

يعني بتمنى من إدارة المنتدى أنو ما تنشر شي للسيد عماد عصفور
لأنو كل أسبوع يوجه الإساءة و التشكيك بواحد من لاعبين النادي
الأسبوع الماضي غسان و هالأسبوع ماهر و ما منعرف مين الأسبوع القادم

حسام

[فراس الوحداوي]

يا جماعة مابيصير نحكي على لعيبتناه هيك وخاصة أبناء النادي

ما بتعرف شو ظروفوا للزلمة

وبتصور ماهر متأثر بأوضاع الفريق يلي ما بتسر

مشان الله يا شباب لا تحكوا على لعيبتنا هيك

الله يكسر رجليك يا بيتر مونتيل


:cry :cry :cry :cry :cry :cry :cry :cry

[EmadAsfour]

يعني بتمنى من إدارة المنتدى أنو ما تنشر شي للسيد عماد عصفور
لأنو كل أسبوع يوجه الإساءة و التشكيك بواحد من لاعبين النادي
الأسبوع الماضي غسان و هالأسبوع ماهر و ما منعرف مين الأسبوع القادم

حسام

حبيبي
سيد حسام

هلئ منخبر ادارة المنتدى ما تنشر لي مواضييع :mrgreen: :mrgreen: :mrgreen:

[هنو]

حبيبي
سيد حسام

هلئ منخبر ادارة المنتدى ما تنشر لي مواضييع

بدا و الله
:mrgreen:

[أغيد الفرا]

يا شباب يعني اذا كان ماهر مو بيومو مبارح صار ما بيسوى ؟!

نسيتو كل شي عملو ماهر مع الوحدة

[wissam82]

معليش نحنا كلنا منحب ماهر ,, وانا بالنسبة إلي ما شكيت ولا بشك بوفائه وانتمائه واخلاصه للفريق ..

بس خلي الموضوع بركي ماهر بيقرا هالكلام وبيتأثر وبيرجعلنا ماهر يلي منحبه ومنعرفه ...


منتظرين عودة الروح والمستوى يلي منعرفه عنك يا كابتن ماهر يا نجم سورية الأول .... :f)

[EmadAsfour]

انسى غرامك راح


صار الفرح اتراح

مع اشباه رجال الوحدة

[وحداوي موت]

ماهر وقت بدو يلعب الفريق بيفوز وعلى مين ما كان

بس ماهر وقت يوقف ومايكون بدو يلعب الفريق بيضيع
يا اما ماهر يرجع يلي منعرفوا
يا اما بلاه احسن

[salah]

يعني بتمنى من إدارة المنتدى أنو ما تنشر شي للسيد عماد عصفور

ولي يازعيم رحت فيها :mrgreen: :mrgreen: :|

لك حنون مستر سامو
أنت بتعرف مع مين علئان
هاد الزعيم هاد منيح يلي عم يخليك تكتب :cons :D :D

[michaelko]

حرام نظلم نجم بحجم ماهر السيد بس سؤال أيمتى ممكن يعطيه رئيس النادي مقدم عقدو .........والله حرام نساوي هيك بالكابتن ماهر......كلنا معك أبو خالد وانشالله الفرج قريب

[nation]

يعني مثله مثل غيره



بيتر اضاع كرة على مبدا امور لا تصدق :m(

[alamjad]

إن شاء الله الكابتن ماهر يعود لمستواه المعهود . متل ما عرفناه دائما و لكل جواد كبوة :)) :))

[abouabdoo]

يعني بتمنى من إدارة المنتدى أنو ما تنشر شي للسيد عماد عصفور



قرار إدارة الحارة ...

يمنع السيد عماد عصفور من كتابة المواضيع والردود حتى إشعار آخر

وإذا خالف هذا القرار يعاقب بما يلي :

3 نقاط عن كل موضوع
ونقطة عن كل رد
:teas :teas :teas :teas :teas

[syria alasad]

هالحكي بتحكيه يا عماد وقت بيكون الفريق كلو منيح وبس ماهر اللي ما عم يلعب

اما والله بهالوضع والفريق كلو تعبان
فشو دخلو ماهر السيد ؟؟

واذا كب طابة \؟
هي بيتر كب كمان طابة

وكل اللعيبة ما كانوا عم يلعبوا
فليش يعني ماهر خص نص


مو بوقتو هالموضوع بنوب


وائل

[wissam82]

هالحكي بتحكيه يا عماد وقت بيكون الفريق كلو منيح وبس ماهر اللي ما عم يلعب

اما والله بهالوضع والفريق كلو تعبان
فشو دخلو ماهر السيد ؟؟

واذا كب طابة \؟
هي بيتر كب كمان طابة

وكل اللعيبة ما كانوا عم يلعبوا
فليش يعني ماهر خص نص


مو بوقتو هالموضوع بنوب

:)) :)) :)) :)) :)) :))
مزبوط هالكلام ,, ومهند خراط كب فرصتين أخطر من فرص ماهر وبيتر كب ...

صح ماهر ما كان بمستواه أبدا بالمباراة ,, بس هاد مو معناها انه كبر راسه والله أعلم بظروفه ووحالته

نحنا ان شاء الله منتظرين رجعت ماهر للتألق من جديد ورح نضل ندعمه ونحبه طوال مو لابس كنزة الوحدة ...

[وحداوي موت]

ماهر معلم وملك واحسن لاعب عنا بلنادي
بس ليش عم يعمل هيك من اول الدوري لهلا ماهر احسن لاعب بكل النادي
وباي لعبة وباي نتيجة ماهر هو يلي بيعلب من البو وربو

بس في شي خلاه يعمل هيك بلعبة الحرية والشي واضح ليش ما بيحكي ماهر للالم كلها شو عم يصير
بسا كل ما نحكي مع لاعب او مدرب بيجاوبك اجوبة دبلوماسية والنادي كل مالو لتحت
معقول مافي حدا رجال يحكي شو عم يصير

[M-AL MN@GED]

يعني أنا برأيي إنو مو من مباراة وحدة بنحكم عالزلمة إنو تراجع مستواه
أو كبر راسو أيا لاعب بالعالم ممكن يكون إلو كبوة
نحنا مالازم ننسا إنو ماهر لهلأ ماقبض مقدم عقد ؟؟؟؟؟
يعني الناحية النفسية ممكن تلعب دور
وبعدين من أول الدوري هو الاعب الوحيد يلي كان يلعب بإخلاص للفريق
وقت كان الفريق كلو نايم ؟؟؟؟؟





أنا بعرف إنو الشباب عم يحكو عن ماهر هيك لأنو الكل بدو ياه يرجع لمستواه
ويضل نجم سوريا الأول
يعني من باب المحبة

لازم الكل يعرف إنو هي المرحلة أصعب مرحلة مرت ورح تمر على نادي الوحدة
يعني اسم النادي مهدد بالسقوط مشان هيك لازم كلنا نضل إيد وحدة
مو وقت ندمر اللعيبة أكتر من هيك وقت تمر ها الغيمة ساعتة بيجي وقت الحساب


محمود

[EmadAsfour]

ما كتبنا هذا الموضوع الا حبا ب ابو خالد


ولكن يا ابو خالد











هل هذا هو جزاء محبة الجمهور لك
بانك لم تستطع زرع البسمة على وجوهنا

[Abu Waseem]

الكل عم يحكي صح بس حابب احكي رأيي
بموضوع كبر راس ماهر
أن امن زمااااان كتير رأيي أنو الجمهور بيكبر لاعب وبيخليه يشوف حالو ومكن بكتير من الأوقات يكون أكتر من عادي
ماهر كان هيك وهاد رأيي
لكن هالموسم كان بالنسبة الي للأ»ف الشديد جداً غير وبقولها مية مرة للأسف بسبب ابتعادي عن فريق القدم لسنين طويلة وعودتي للمتابعة بالملعب بموسم هو الأسوء بتاريخ النادي ويلي ممكن يخليني ما أحضر من جديد لعشرين سنة
فبهالموسم تحديداً شفت ماهر يلي العالم فعلاً نفخته... شفت خقيقته
ماهر السيد غيرلي قناعاتي فيه وببعض اللاعبين يلي باعتير أنو جل لاعبي القدم صارو حالياً فاقدي الانتماء والمحبة لنادي الوحدة
ماهر شفته بمباريات كتيرة الوحيد يلي عم يلعب مع أنو الظروف والمشاكل عليه متلو متل غيرو وأكتر وخصوصاً اجاه عروض رائعة ومقدم عقده ماقبضو وبصراحة صرت راقبو أكتر وهو عم يلعب بأناقة وهدوء واخلاص مو محبةً فيه عم احك يهيك بس هيك بيملي ضميري عليي قول يلي الله بيعلمو فينا
ماهد ما قصر أبداً بكل مباراة واذا ماكان الوحيد يلي يلعب من قلبو رغم مشاكلو يلي بتشبه عالقليل باق زملاؤه الغير مخلصين

أما مبارح فما نحكي ونقول ماهر سيء لاء ماهر سيء بس الفريق كللو متل ماقالو الشباب زبالة بكل معنى الكلمة
كفرت وسبيت وزفرت وابني ابن السنة ونص يتضحك عليي مفكر عم لاعبو كللو من فريق تافه مافيه قطرة دم برتقالية
ما بستثني حدا الجمعة الكل سيء ومارح حلل أكتر من هيك بس أنا لو محل ماهر بحمل حالي وبمشي

نفختو فيه وجايين تنفسوه هلأ؟
يعني يامنحب بموت يا منكره بموت

[حمودي اليوفاوي]

ما بشك باخلاص ماهر للوحدة ..
بس ما بعرف شو صار بمباراة الحرية

[D@do]

ماهر السيد من اللاعبين الغاليين على قلوبنا
بس بصراحة
ماهر متائر بيلي عم يصير بالنادي وبرات النادي
يعني هو معتبر حالو اداري بنادي الوحدة وليس لاعب
والفرق بين الاداري واللاعب
اللاعب شغلو جوات المستطيل الاخضر وبيحاول يعطي كل شي عندو
اما الاداري بنادي الوحدة وحطولي خطين تحت كلمة بنادي الوحدة
فهو بيهتم بطئ البراغي وهو من جماعة فلان ولازم يشتغل ضد فلان
الخ............ كلنا منعرف شو مهام الادراي ( بنادي الوحدة )
من شان هيك ياريت يركز ع الفريق
وهي اشارة الكابتن صارت معو

[الأدعشري]

سؤال اخير

هل انت من كان الجمهور يهتف نزل السيد نزل السيد
وكان يعمل المعجزات عند نزوله

[EmadAsfour]

من شان هيك ياريت يركز ع الفريق
وهي اشارة الكابتن صارت معو


هذا الكلام يلي عليه علامات
يعني شاره الكابتن مع ابو خالد

يعني هو القائد داخل المستطيل الاخضر

مو القائد داخل ادارة النادي


بدنا ماهر القديم
يرجع

يا اما بلالالالالالالالالالالالالالالالالاه

[أبو صخر]

يا جماعة شو صراكن (اي سيدي النادي بلا ماهر ما بيسوى شي )
نسيتو مين يلي عم يصنع الأهداف بكل مباريات الفريق !!!؟؟؟
يعني إذا كبلو طابة أو طابتين باللعبة صار ما بيسوى حاجة تشككو
بإخلاص اللاعبين بالفريق , بعتقد أنو أنت مالك وحداوي يلي كاتب
هالمقال

حسام

ماهر
انت ملك الكرة دائما
:)) :))

[<IBRAHIM>]

هالحكي بتحكيه يا عماد وقت بيكون الفريق كلو منيح وبس ماهر اللي ما عم يلعب

اما والله بهالوضع والفريق كلو تعبان
فشو دخلو ماهر السيد ؟؟

واذا كب طابة \؟
هي بيتر كب كمان طابة

وكل اللعيبة ما كانوا عم يلعبوا
فليش يعني ماهر خص نص


مو بوقتو هالموضوع بنوب


وائل

تماما وائل :))
وبنتمنى ما حدا يتأثر ببعض يلي عم يحاولو زرع البلبة بصفوف الفريق وان شاء الله السيد بيرد عموضوعك اب فهد بأرض الملعب باللعبة الجاية :fw

[همام]

وان شاء الله السيد بيرد عموضوعك اب فهد بأرض الملعب باللعبة الجاية


ان شاء الله ... ما حدا بيزعل وقتها

:fw :fw :fw :fw

[EmadAsfour]

وهذا ما نتمناه

بان السيد الصغير
يرد عليي بارض الملعب

على

هذا الموضوع

ليش كرهانيين نحن

من 13 مباراة ولا فوز يا شباب

[yasor_13]

انا كمان بقول انو صحي ماهر ما كان بمستواه مبارح بس مو معقول مشان مباراة وحدة تهز ثقتنا باحسن لاعب عنا هدفو ع الاتحاد كان بيسوى مليون غووول شو نسيتو :fw

[Ammar Alfarawati]

دادو ردك وافي وكافي ...مشكور.

[EmadAsfour]

المهم يا بترجع الاعبيين تلعب مثل اول
يا سوف يكرهون جميعا

[عبود القوتلي]

حرام تحكو على ماهر هيك مو كان الملك بلعبة حطين بس شو بدو يعمل إذا تسع لعيبة غيرو ما عم يساوى شي طبعاً استثنيت البيروتي

[abou malek]

عماد فوت شوف غوال ماهر السيد بالارشيف تبع الغوال

و خصوصا غول عالكرامة وغول الجيش و غوال عالاتحاد سنة ال 2004 اوحد ايار يوم السبت لاني الغولين حافظهم منيح منيح

لا تظلموااااااااااااااااااا


بس مشكلتو لماهر دامج حاله بمشاكل اخوه و عم يتحارب من الكل

[M o H a M e D]

غريبين والله ...

يعني بلش جمهورنا يضرب أخماس بأسداس ويخلط الحابل بالنابل ..

والموضوع اذا كان حبا بأبو خالد متل ماعمتقول عماد مو هيك بتكون طريقة طرحو وخاصة العنوان الغير اللائق ...

يعني شايفين النادي كلو شو عميصير فيه ... وشايفين شلون عميطفشوا لماهر "أفضل لاعب بسوريا" عينك كنت عينك وبدكن ياه يضل يلعب بنفس نفسية أول .. أي شو رجل الي ..علما أنو هو اللاعب الوحيد يلي كان عميلعب بدمو من أول الدوري .. وفقط بلعبة الحرية كان متراجع مستواه متلو متل الفريق ككل ...

[EmadAsfour]

غريبين والله ...

يعني بلش جمهورنا يضرب أخماس بأسداس ويخلط الحابل بالنابل ..

والموضوع اذا كان حبا بأبو خالد متل ماعمتقول عماد مو هيك بتكون طريقة طرحو وخاصة العنوان الغير اللائق ...

يعني شايفين النادي كلو شو عميصير فيه ... وشايفين شلون عميطفشوا لماهر "أفضل لاعب بسوريا" عينك كنت عينك وبدكن ياه يضل يلعب بنفس نفسية أول .. أي شو رجل الي ..علما أنو هو اللاعب الوحيد يلي كان عميلعب بدمو من أول الدوري .. وفقط بلعبة الحرية كان متراجع مستواه متلو متل الفريق ككل ...




والله ما بتعرف شي يا ابو حميد

ما بتعرف غير عشقك ل البايرن اكثر من البرتقالي


اذا اردت ان نتكلم فاسال دادو
يجيبك بكل شيء

[M o H a M e D]

ما بتعرف غير عشقك ل البايرن اكثر من البرتقالي

هلأ هاد يلي طلع معك :evil: :evil: :evil: