كلنا مخطؤون مخطؤون مخطؤون

[ابراهيم حديد]

حبايب قلبي نحن من جاب الدب لكرمه
لأننا اعتمدنا على لاعبين من خارج نادينا وصل مابين التسعة لاعبين وال(11) في كل سنة
وما يحصل لنا الآن هو حصاد السنين اللتي مرت على نادينا ولم يستمع احد لكلامي عندما قلت أن سياسة النادي المتبعة من أيام نيناد هي سياسة خاطئة
وهي فقط تخدم المدرب بالدرجة الأولى لااكثر
وعندما نستقطب هذا الكم من المحترفين لاحراز لقب سريع هذا سيرفع من رصيد المدرب فقط
ولن يخدم نادينا
ثلاث سنوات ونحن نعتمد على لاعبين من خارج النادي ونقول احتراف
الآآآآآآآآآآآآآآآآآآآآآآن جاء حصاد أخطاءنا السابقة
أرجو عدم التحسس من كلامي فهذا واقع ولن نستطيع تغييره
وكم قلنا أنه لن يحن على العود الا قشره
وعندما أخرجنا كل كوادرنا الرياضية والمثقفة كرويا أصبح النادي مثل قارب من ورق تتقاذفه الامواج كيفما يحلو لها
وبات الربان للنادي( مارد المال)
وأصبح يتهاوى على النادي من كل حدب وصوب أشخاص وأشخاص على أساس أنها (العقل المفكر والثروة الكروية الخبيرة)
وأصبح هذا يشتم هذا وذاك **** هذا وأختلط الحابل بالنابل
وكل يوم فضائح على الصحف الرياضية
وأصبح غسيلنا منشور أمام أعين الشامتين
والأن نطالب بعودة فريق من الشباب والصبر عليه
ونحن من كان عنده فريق شاب أضعناه بغطرسة من كان يظن بأنه الخبير الكروي الوحيد بالعالم
وركضنا وراء بطولة صنعتها أموال وأموال ومحترفين من خارج النادي ليس الا والدليل بأن المال هو من جلب الدوري بالدرجة الأولى
أن الفريق نفسه مع نفس المدرب لم يقدمواالمستوى المقبول ولم يحافظوا على البطولة ولا على الوصيف
فقط لأن سيل المال لم بعد يغزي كما في السنة السابقة
ايضا بعد عام نفس الشيء سيل المال لم يغزي فابتعد الاداء الجيد والنتائج الجيدة واتضح الخط البياني للنادي بالوضوح وهو بلا شك نحو الأسفل
الأن صحونا ونطالب بالعودة الى المسار الصحيح وهو (الاعتماد على ابناء النادي ) ابناء النادي فقط لاغير
ولن يضر الاعتماد على واحد او اثنين محترفين
هذا الصحيح فقط لكننا صحونا بعد فوات الآوان
لكن أن تصحوا متأخرا خيرا من أن لاتصحوا أبدا
أرجو عدم التحسس من كلامي لكن الشمس لاتحجب بغربال
وعلينا تقبل الحقيقة على ماهي عليه
كلنا مخطؤون مخطؤون مخطؤون

[همام]

وكم قلنا أنه لن يحن على العود الا قشره

أخي الكريم ... ابراهيم
أنا مالي عرفان انه ليش بس نحنا يللي بصير معنا هالشي ؟
هي الجملة يللي حكيتها ما لازم تنقال هون
يمكن تنقال بمؤسسة خيرية .. على باب جامع ... واحد مغترب بدو يتبرع بمدرسة للقرية يللي طلع منها
أما انها تنقال بمؤسسة متل نادي الوحدة ؟؟ !!
فهادا الشي ما بجوز
يا أخي نحنا مو بعازة حدا يحن علينا ... هادا اسمه نادي الوحدة .. و اللاعب المفروض يلعب فيه من كل قلب و رب ..
فيك تقللي انه أكتر واحد لعب من قلبه اليوم هو مو البيروتي ؟
هلأ البيروتي من أبناء النادي ؟
طيب ... غسّان معتوق الله يعطيه العافية .. بس كم مرة مرقوا منه المهاجمين تبع الفريق الـ 13 عالترتيب ؟
وليد الشريف مالو من ولاد النادي ؟
ماهر السيد ... الانفرادتين يللي كبهم .. ممكن أي مهاجم يكب انفرادة .. أما تنتين و بنفس الطريقة و من ماهر يللي لمّا بدو بحركة صغيرة بحط الطابة تحت رجله ..
صعبة شوي أخي ابراهيم .. ما بتفوت للعقل .. و هدول كلهم من ولاد النادي ..
و ما حأحكيلك لا عن معتصم و لا عن جمال ... لأنه هدول كالعادة ... :crdr
بس بدي أعطي رأيي بشغلة
نادي الوحدة هو مؤسسة رياضية .. يعني اللاعب بدو يلعب فيه من قلب و رب
و يللي ما بيلعب المفروض :
يتعاقب
و يتألّع
و ينحرم
و ينخصم من راتبه ..
ان كان ابن النادي ولا ابن شوارع
نادي الوحدة هو مؤسسة .. و بالعمل المؤسساتي مين ما بتجيب حطه و ظبط له وضعه و عطيه أجره ... بيبدع و بيشتغل و متل الليرة .. ولما ما بيشتغل متل ما بدك بتألعه و بتخصم عليه .. و بتجيب غيره ..
ولا بدك مدير الشركة يحط كل موظفينه قرايبه لأنه ما بحن عالعود غير قشره
بس المشكلة
انه اذا مدير الشركة مصيّف ... و مو فارقة معه شي .. فالمفروض مالك الشركة أو أي حدا بايده القرار يتصرف و يألّع هالمدير هاد
والا .. حتضل الشركة عم تخسر أكتر و أكتر و أكتر ..
ولا حول ولا قوة الا بالله ..
اسف على طول ردّي ..
بس هادا رأيي :f)

[العباسيين]

السلام عليكم

حقيقةً كلما ما أقرء مواضيعكم و ردودكم يا من تدعون حبكم للنادي ,, أرى الشيئ الكثير من السم المبطن بين سطوركم ..

أنتم تريدون أن توظفوا نكسات ومصائب النادي لصالحكم وصالح أفعالكم الشنيعة التي قمتم بها بعهد النادي الذهبي ,, فالأن وبعد هذه النكسات وبعد أن أحسستم أن رائحة تغيير قادمة الى النادي , أثرتم الرجوع لكنكم اخترتم الباب الخلفي الضيق للرجوع ..

فلم تعودوا لتقفوا فعلا مع النادي الذي سبق لكم وخنتوه

لم تعودوا لتساندوا ناديكم الذي يحتضر ويتألم ,, على العكس

أنتم تعودون اليوم لتطنعنوه من جديد وتخفوا أثار جريمة بشعة سابقة كنتم قد فعلتوها بالنادي بأيام عزه وعصره الذهبي ...

انا هنا لست بصدد الدفاع عن نيناد أو نزار أو أيمن ,, انا هنا أدافع عن كرامة النادي الذي صار الكل يبيعوه وطنيات ويدعي بأنه يحبه ويخاف على مصلحته ,, وهو في الغالب لا يرى الا من منظار مصلحته الشخصية ...

أستغرب حقاً حقدكم الكبير والكبير جداً على مدرب اسمه مدرب محترف ,, أي مهمته هي تحقيق النتائج في فترة وجوده وفقط وهذا هو حقه وهذا هو الاحتراف حتى لو لم تقبلوا به ..

تريدون أن تضعوا أي فشل وجميع مصائب الدنيا التي حصلت للنادي والتي سوف تحصل له ولو بعد 50 عاماً على نيناد ,, ذلك المدرب القدير الذي حقق لكم ما عجز عنه جميع المدربين قبله وبعده ,, وما ذنبه ...!!! ذنبه أنه عمل بضمير وحكمة وكان ذو شخصيةٍ قوية لا تستمع الا ضغوطات ولا تتأثر الى مشاكل الإدارة ..

ما ذنبك يا نيناد أن تكون ضحية لصراعات بين عدة أقطاب من المحسوبين على النادي ...

ذنبك أنك مدرب قدير حققت ما عجز أن يحققه مدربهم الأسطورة ,, فكان هذا النجاح الملفت لك ,, بطعم العلقم على هؤلاء المتصارعين ,, فزاد حقدهم عليك لأنك أثبت أنهم أغبى وأصغر من أن يكونوا من جماهير النادي ...

اليوم وغدا وبعد قرن من الزمن سوف يبقونك شماعة لكل فشل كروي ,, ويحاولون الدخول والعودة الى مدرجات الملعب من الباب الضيق على أساس أنهم غيورون وخائفون على مصلحة النادي ...

ما فعلتم يا بعض المحسوبين على رابطة معينة ((أقول البعض)) خيانة وجرح أكبر من أن يغفره لكم النادي ,,
فأن تتمنوا الفشل للنادي بأيام عزه وانتصاراته وتشمتوا به ((أقول تشمتوا وليس تشتموا)) في خساراته بذلك العهد هو شيئ كبير وعظيم ويثبت خيانتكم ,, ولماذا ....!!؟؟؟

فقط لكي لا تكونوا بصورة المهزومين ولكي تثبتوا بأنكم على صواب وأنتم أبعد اليه من ما تتخيلون ...

على من تريدون أن تضحكون ,,!!؟؟؟ هل تضحكون على أنفسكم أم تحسبون أنكم علينا ضاحكون ..؟؟؟؟

والله إنا نعرفكم ونعرف نواياكم ولكل كذبة تحاولون دسها الأن سنكون بعون الله لكم ولها فاضحون .....

يا من تدعون حب النادي ,, ان محاولتكم للعودة بظل المشاكل وزحمة الأحداث لترجعوا الى النادي بدون أن يعاتبكم معاتب

أو يحاسبكم محاسب ,, فتقولوا لأنفسكم الأن وقتنا فلندخل فلن يذكر أحد أفعالنا الشنيعة بعهد البطولات ,, انه تفكير خاطئ

ولن تنجحوا به أبداً ,, الا اذا صفيتم نيتكم واعتذرتم من ناديكم على ما فعلتموه به سابقاً ..


والسلام ختام ,, وانا لكم بأي كذبة أو سم جديد تحاولن بثه من جديد ...

[nation]

لا ما شاء الله


يعني كلنا منعرف مين ابراهيم وهمام وهم اغنى من ان يدافع عنهم شخص


حبيبي كل واحد له راي

[العباسيين]

يا سيد nation ,, انا كلامي موجه لأشخاص يعرفون أنفسهم جيداً ..

فإذا لم تعرف لمن هو موجه لا تخلط بالأمور رجاءاً ,, المهم أن من هو موجه له الكلام يعرف نفسه ..

انهم من كانوا يشمتون بالنادي عندما كان يخسر في عصره الذهبي ويتمنون الفشل له ..

[الرومانسي الحزين]

حبيبي العباسيين اذكرلي اسمك لاناقشك مو متلك مع احترامي الشديد الك بيتهجم عالهوارة وعلى احسن ناس فيها وهو ابراهيم حديد اوكي حبيبي بس نعرف اسمك بنبقى منرد

[wissam82]

بس المشكلة
انه اذا مدير الشركة مصيّف ... و مو فارقة معه شي .. فالمفروض مالك الشركة أو أي حدا بايده القرار يتصرف و يألّع هالمدير هاد
والا .. حتضل الشركة عم تخسر أكتر و أكتر و أكتر ..

:)) :)) :)) :)) :)) :)) :))

[الشامي الاصيل]

ماهر السيد ... الانفرادتين يللي كبهم .. ممكن أي مهاجم يكب انفرادة .. أما تنتين و بنفس الطريقة و من ماهر يللي لمّا بدو بحركة صغيرة بحط الطابة تحت رجله ..

ماهر اجته وحدة عالية استنا لحتا يهديها اجا المدافع وخدها
والتانية كان لسا لح يشوطها مان اجا المدافع وشاطها
يعني اصلا الطابة جاية لعند ماهر بالخطا ما في لاهجمات ولا شيء
تمت تذت بدك تحكي احكي عالمحترف يلي اخي الصغير بجيب الطابة يلي روحها
حررررررررررررررررررررررررررررررررررررررررررررررررر ررررررررررررررررررررررررررررررررام

[الأدعشري]

أول شي جميعنا مع فكرة ترفيع لاعبين الشباب إلى فريق الرجال والأعتماد على ابناء النادي وهذا الكلام لا أعتقد أن أحد يختلف عليه لكن أنو تجو مع كامل أحترامي وتقديري لشخصكم الكريم تحطو الحق على نيناد بس لأانو مدرب اجنبي جبلنا الدوري ولقيتوها كبيرة بحق النادي مدرب أجنبي يجيب الدوري هي الشلغة عم ترجعو تسيؤ لنفسكن يا شباب نيناد مدرب عظيم والأنجازات التي حققها على مدار 5 سنوات لم يستطع أي مدرب تحقيقها بتاريخ النادي أتمنى أن تفهمو هذه المعلومة و أن تتقبلوها

[WASSEEM]

أنا برايي النادي أصبح بحاجة ماسة لتغيير كل شئ فيه.....
صار النادي تكية احسان ماعاد هم العالم فيه الا الربح المادي و نسوا واجباتهم بالحفاظ على النادي و اسمه

اولا النادي فعلا بحاجة ماسة للاعتماد على ابنائه بالدرجة الاولى و قبل اي شئ
نريد وجوه جديدة بالفريق
نريد دم جديد وروح جديدة
يا اخي ابراهيك كلامك صح بس المشكلة لم تكن بنيناد

نيناد او أي شخص بدل نيناد سيقوم بمافعله نيناد
هو يريد عناصر قادرة على تحقيق الفوز
و هو فعلا كان له سجل ناصع بالنادي
لا يهمه ابن النادي او محترف من خارج النادي
و لكن الان نحن من يهمنا فعلا ان نقوم بتجديد الدم الذي اصبح باردا بالنادي
نريد وجوها جديدة بكل شئ
ليس فقط اللاعبين
بل مجلس ادارة جديد
و مدربين جدد
و مدربين قواعد جدد
و اداريين و فنيين جدد
كفانا مايحصل بالنادي
فليخرج من يقتتل على جثة النادي خارج النادي و يدعوا النادي فقد كفاه خرابا

[WASSEEM]

النادي بحاجة لوقفة الجميع يا ابراهيم و اول الناس انتم .......
النادي بحاجة لنا و لكل ابنائه
قبل ان يفوت الاوان و نقرأ الفاتحة على روح النادي و اسمه لا سمح الله.

[الصالحية]

شو هالعباسيين هاد يا أخي فنان

أسأل عن الهوارة وعلى كل الأشخاص الذين تتهجم عليهم

وأعرف من أنت ورأيك الذي لا يهمنا

وأعرف من الهوارة وماذا قدموا ولماذا ابتعدوا


وكأني أرى بين كلماتك حسام السيد

[العباسيين]

شو هالعباسيين هاد يا أخي فنان

أسأل عن الهوارة وعلى كل الأشخاص الذين تتهجم عليهم

وأعرف من أنت ورأيك الذي لا يهمنا

وأعرف من الهوارة وماذا قدموا ولماذا ابتعدوا


وكأني أرى بين كلماتك حسام السيد

كما العادة اللف والدوران دون النقاش بصلب الموضوع و بما أنتم مدانون به ...

يا من يدعى صالحية ,,انا لست بحاجة لأن أسأل أحد عن تخاذلكم فأنا الذي أعرفكم وأعرف ما فعلتم وأعرف نواياكم

وكل كلمة قلتها انا بمواضيعي السابقة والله انها صحيحة وهي ادانة لتصرفات البعض منكم ,, البعض الذي كان يتمنى الفشل للفريق ويشمت به ...

لن يغفر لكم النادي حتى تتنتزعوا الحقد من قلوبكم وتعتذروا من النادي الذي خنتوه وتحبوا اسم البرتقالي ولونه وليس اسم مدرب أو لاعب داخل أسوار النادي ...

[kashi]

مع شديد احترامي للعباسين ويوجد بعض من كلامه صحيح بس انت يا عباسين من خارج سرب النادي وبس يهمك الشماتة فقط لاغير واكرر احترامي لك

[فراس الوحداوي]

يا جماعة هادا الحكي ما بيصير لازم نكون إيد وحدة

والله العظيم عيب هالحكي

[الصالحية]

[quote]

كما العادة اللف والدوران دون النقاش بصلب الموضوع و بما أنتم مدانون به ...

يا من يدعى صالحية ,,انا لست بحاجة لأن أسأل أحد عن تخاذلكم فأنا الذي أعرفكم وأعرف ما فعلتم وأعرف نواياكم

وكل كلمة قلتها انا بمواضيعي السابقة والله انها صحيحة وهي ادانة لتصرفات البعض منكم ,, البعض الذي كان يتمنى الفشل للفريق ويشمت به ...


المشكلة إنك لم تجرب أن تكون في قلب النادي وتعيش مشاكله وأحزانه وأفراحه

وتشوف فلان من اللاعبين شو عم يساوي ضد النادي ومين معه من برا

وعلان من الجمهور وخاصة جمهور العباسيين كيف بيفكر وبينجر وراء الأخطاء

وعيونه ترى لكنه يجعل الحق باطلا والباطل حق

نحن عملنا مع النادي دون مقابل على العكس كنا دوما ندفع من جيوبنا

ولم تكن لنا مصلحة سوى محبة النادي

وإن وقفنا يوما مع فلان من الناس فهذا لأننا متأكدون أنه على حق


وما بيهمنا مرة تانية رأيك فينا

ثم عن أي خيانة تتحدث

هل إنفرد لاعب من الهوارة يوما ولم يسجل


هل غاب لاعب من الهوارة عن التمرين بتحريض من أحد الأداريين ضد النادي


هل تأمر لاعب من الهوارة على النادي لأن الأدارة لم تدفع له


هل شتم لاعب من الهوارة الجمهور لأنه خسر وفي وقت النادي بحاجة لنقطة


ألسنا من كنا ننزل إلى العباسيين من التاسعة صباحا ونزين الملعب

ألسنا ممن كنا نسهر لتأمين الباصات من أجل أن تنطلق الجماهير للمحافظات


ألسنا ممن كنا ندخل صالة السلة باكرا وترى الجمهور يأتي باكرا ليشاهد


الكرنفالات البرتقالية التي كنا ننظمها


ألم يخسر إبراهيم حديد عمله أكثر من مرة بسبب سهرة مع الشباب

لتفصيل أعلام ولافتات من أجل الوحدة


ألسنا من كان يستأجر باصات تدور بأحياء دمشق قبل المباريات بيومين

من أجل أن تعلم الناس أن الوحدة موجود


هل أذكر لك هاني السعيد حين جاء من المشفى بعد عملية جراحية


لتتراقص الجماهير على وقع طبلته

كم مرة حسان حسيني ألقت الشرطة القبض عليه

بسبب دفاعه عن لاعبين وجماهير الوحدة


كم مرة فصلتنا الأدارة ووضعت أسمنا بالجرائد بس عدم سكوتنا عن تعاملهم مع اللاعبين


كم مرة ذهبنا لبيوت اللاعبين لإقناعهم بالعودة عن خطأ أرتكبته الأدارة بحقهم


كم مرة تحملنا إحداث شغب قامت بعض جماهير الوحدة بها وكنا ضحية لذلك


شو بدك ومين أنت لاتهاجم حدا من الهوارة

هذا رأي للجمهور بحق نيناد أو نزار أو الحكيم

ولاتخون أحد لأنك لم تحل مكان أحد منا أو من غيرنا وتقدم للوحدة بطريقة أو أخرى


وتشاهد كيف يكون رد الجميل لك


بعدين أحكي


وحياتك راجعين بس مو مشانك


لأجلك يا شام

[وحداوي موت]

العباسيين



بما انك يا عزيزي عباسيين ما بتعرف مين هو ابراهيم
معناتها انت مالك وحداوي ومالك علاقة بشي بلنادي
روح على العباسيين واسئل الكبير والصغير مين ابراهيم العالم بتقلك
ابراهيم شو قدم للنادي وشو عمل للنادي وشو حط مصاري من جيبتو هو ورفقاتو كرمال الكرنفال يلي كان يصير بعد كل انتصار بلعباسيين
اسئل عن جماعة الهوارة شو اجاهن تهديدات وشو اجاهن مشاكل وشو في عالم عملة كرمال عدم دخولهن على الملعب
كنا نعد بصالة السلة يلي الف شرطي يعد يصور فينا بلكاميرات
ليش يترك الجمهور كلو وينزل محل ما عم نعد ويبلش بلتصوير
ليش اسماء الشباب كلها معروفة للجميع
لانو هنن لسان الحق
والشي يلي راهنو عليه ليكو صار ادمك هلا
راهنا على اللاعبين المحترفين
هي لعيبتك المحترفة رح تنزلك على التانية
وبهدلتنا ادام جميع فرق الدوري
من اول الدوري لهلا مالنا غير فوزين وعلى مين الوثبة والحرية

يقا حبيبي الله يوفقك احكي حكي منطقي احسن من هل حكي كلو
بس شوف مه ما صار ورغم كل شي عم يصير
بدنا نضل للنادي ونشجع النادي ومارح نروح وحياتك

[الصالحية]

يقا حبيبي الله يوفقك احكي حكي منطقي احسن من هل حكي كلو
بس شوف مه ما صار ورغم كل شي عم يصير
بدنا نضل للنادي ونشجع النادي ومارح نروح وحياتك



وحداوي أصيل :))

[الرومانسي الحزين]

عمي الصالحية اذكرلو كيف كنا نطلع ع اللاذقية ومنها لحلب لحضور مبارة بالقدم والتانية بالسلة واحكيلو كيف ابراهيم تعمم اسمو سنة كاملة وكيف هاني السعيد بيلم الشباب بالميكرو يلي بيشتغل عليه وبيطلعنا ع المحافظات وعلى الملاعب ولو على حساب مرتو واولادو احكيلو ابو نوار شو عامل اجتماعات ببيتو احيلو عن الحسيني حسان وعن غزوان وعمران وعن ياسين بركي بيعرف مين هنن الهوارة

[الصالحية]

أنهم رجال الوحدة الدمشقيين

لعيونك أبو الهود

[وحداوي موت]

لكن شلون ما تحكي حسان شو عمل بشوفير الباص وقت كانت العالم راجعة من مص بعد لعبتنا مع الوثبة
ابراهيم الورشة يلي كان يشتغل معها اديش كان يفصل اعلام ولافتات وكل هل شي من جيبتو

لسا في نضال وطارق وحماده وسامر وفي كتير كتير ما بدنا نحكي اسماء ميشان العالم يلي مو حابة تنشمس بهل وضع هدا


اكبر علم برتقالي انعمل بتاريخ النادي مين دفع حقو وعملوا وخيطو وعرضو بلعبة نهائي الكاس مع الاتحاد
الكنزات يلي انطبعة وعددها كبير كتير كانت رح تتوزع بلعبة النهائية بلدوري مع الفتوة بس للاسف كانت اللعبة بلا جمهور
هدا الشي كلو مين عملوا

بس الله وكيلكن يا عالم في اشخاص من النادي ما بدهن هل شي كلو ما بدهن هل شغلات كلها

[الصالحية]

وفي كتير كتير ما بدنا نحكي اسماء ميشان العالم يلي مو حابة تنشمس بهل وضع هدا


الله حيو عقلاء الهوارة ورجالها

[العباسيين]

بالبداية أحب أن أعود وأذكركم بأني لا أشمل غالبية أعضاء الهوارة ,, ولكني أتكلم عن أشخاص مؤثرين فيها ويعرفون أنفسهم جيداً ويعلمون ما فعلوا سابقاً ...

ولنعد لنقاشكم ....
نحنا هنا لسنا بصدد التكلم والمفاخرة بأعمالكم وبطولاتكم التي قمتم بها بفترة من الفترات فالذي يحب يعطي ويقدم من غير حساب ,, لكن لنأخذ الأن من كلامكم

فبعد كل ما فعلتموه من أجل النادي كما تدعون ,, كيف ترمون وتلقون بكل هذه البطولات والأعمال التي قمتم بها عرض الحائط لمجرد رحيل مدرب من النادي ...؟؟؟؟؟؟
كيف أثرتم أن تقلبوا حبكم ووفاءكم وعطاياكم للنادي ,, وأن تستبدلوها بالحقد والكره والشماتة ,, ((أعود وأكرر الشماتة)) وتتمنون الفشل للفريق ككل ...

والله لا أنسى ما كنتم تفعلون عند كل خسارة أو تعادل للفريق بعهد نيناد ,, وما أندرها من خسارات لكن رغم ندرتها كنتم بأيام الخسارة تشمتون شماتة وتضحكون وتفرحون وكأنكم انتصرتم على قاتل أبيكم ,, أليس هذا عيب بالله عليكم ...؟؟؟؟!!!

نحن نعم نحزن وربما نشتم ونغضب على مدرب أو لاعب أو رئيس نادي ,, لكن لن نتمنى الفشل ولن نشمت يوماً بفريق نعشقه ونتنفس حبه ,, ولو كان كل الموجودين فيه أعداء لنا

تعلمون لماذا ...!!!؟؟؟؟ لأن كل الأسماء سترحل لا محال وسيبقى النادي واسمه وحده مع مرور الأيام ,, ونحن عندما عشقنا عشقنا الوحدة عشقنا لونه البرتقالي ,, ولم نعشق نزار أو نيناد أو صفوان أو اي اسم إلا لأنه عمل في الوحدة .....

الأيام كشفتكم والتاريخ وثق أفعالكم الشنيعة ولن تستطيعوا مهما ذكرتوا من بطولات أن تمحوا وصمة العار هذه التي جلبتموها لأنفسكم .

وأحب أن أوجه كلمة للعضو وحداوي موت ,, انا كنت أذكر بأنك لم تكن تشمت بالفريق ولم تكن تكره نيناد على العكس كنت تأيده وكنت معجباً به كما كل الوحداويين الغيورين على سمعة النادي ,, فلا تضع نفسك الأن بشبهة الاتهام ,, فالكلام موجه لأشخاص معينين يعرفون أنفسهم جيداً .

ومن يدعى بالرومنسي المسكين أقول ,, حاول أن تأتي بجديد يا عزيزي ولا تكرر كلام من سبقوك بالرد ,, فأنا لا أرى بردودك إلا تكرارا للكلام ,, وعلى قولة المثل ((كلمة بتاخدك وكلمة بتجيبك)) ,, كن أكثر وعياً وصاحب كلمة ...

[وحداوي موت]

وأحب أن أوجه كلمة للعضو وحداوي موت ,, انا كنت أذكر بأنك لم تكن تشمت بالفريق ولم تكن تكره نيناد على العكس كنت تأيده وكنت معجباً به كما كل الوحداويين الغيورين على سمعة النادي ,, فلا تضع نفسك الأن بشبهة الاتهام ,, فالكلام موجه لأشخاص معينين يعرفون أنفسهم جيداً .




طبعا عيوني انا ما بنكر هل شي وما حدا بيكره نيناد

[الرومانسي الحزين]

ومن يدعى بالرومنسي المسكين أقول ,, حاول أن تأتي بجديد يا عزيزي ولا تكرر كلام من سبقوك بالرد ,, فأنا لا أرى بردودك إلا تكرارا للكلام ,, وعلى قولة المثل ((كلمة بتاخدك وكلمة بتجيبك)) ,, كن أكثر وعياً وصاحب كلمة ...

اول شي بحب قلك احترم نفسك يا عباسييين الطيـــــــــ...............
لانو اسمي معلمك الحزين اوكي

[inzaghi 9]

شباب لازم نهدي حالنا هلأ محنة النادي ليش لنحولها بيناتنا

لازم كلنا نوقف مع بعض ياشباب

ما بيصير هالشي

:roll:

كرمال الله حاج نقاشات :cry:

لازم نكون كلنا للنادي والمخرب هو يلي بيحكي عن غيره شو ساوى

يعني بيكفي شباب

[الرومانسي الحزين]

شباب لازم نهدي حالنا هلأ محنة النادي ليش لنحولها بيناتنا

لازم كلنا نوقف مع بعض ياشباب

ما بيصير هالشي



كرمال الله حاج نقاشات

لازم نكون كلنا للنادي والمخرب هو يلي بيحكي عن غيره شو ساوى

يعني بيكفي شباب

حبيبي عبود من يوم عرفتني بالمنتدى شفتني غلطت على حدا بس هو زودها كتير هاد

[<IBRAHIM>]

يا شباب وخاصة جماعة الهوارة ما حدا بينكر انكم قدمتو شي كتير للنادي وشكرا الكم واحد واحد عالوقت يلي قدمتوه للنادي بالاضافة للبعض ( فقط ) ممن كانو يساهمو ماليا ايضا مشان اللافتات والاعلانات
الاخ عباسيين بكلامو في كتير من النقاط الصحيحة وشفنا شلون كان قسم كبير من جماعة الهوارة ما قلنا ( كلها ) يستنو التعادل بايام نيناد مشان يجو يشمتو بالفريق ويبلشو بالمسخرة
ويوم امس رجعو لعادتهم القديمة وحملو الخسارة للاعب واحد ودارو من موضوع لموضوع ومافي علسانون غير اسم واحد وكانو باقي اللعيبة ملائكة وهو يلي لح يهبطنا واكيد قصدي ماهر السيد انا مالي من عشاق ماهر ولا من عشاق نزار ولا من عشاق نيناد بس ليش كلكون نسيتو يلي قدمو ماهر للنادي هالسنة دون اي مقابل وشلون كان رمانة الميزان بمرحلة الذهاب للفريق وكان المنقذ باغلب المباريات رغم يلي لاقاه من قليل الضمير الحبوباتي يلي عمل العجايب ليطفشو من النادي ( دفع مقدمات جميع اللاعبين باستثناء السيد ) واخدو وجيبتو الف مرة عالفاضي عتعى اليوم وتعى بوكرا ومع هيك ماهر كرمال الوحدة والجمهور لعب وما قصر واذا ما لعب منيح بلعبة الحرية فمو ضروري نحط عرقبتو المشنئة من اول لعبة وبنتمنى من ماهر يكون كلام المغرضين عنو حافز الو مشان يسكتون باللعبة الجاية واغرب شي الاخ صالحية شلون جزم مباشرة انو بس طلعو ماهر وخلص شوفو الانتصارات شلون لح تكفت عالنادي وانو ماهر اصل المؤامرة وزعيم العصابة
وشغلة تانية ما بظن لح يتكرر لاعب متل السيد بفريق الوحدة وخاصة بظل وجود اناس بلا قيم ولا ضمير مشرفة عالمراحل العمرية برأي روحو هاجمون بدال ما تهاجمو مدرب كبير متل نيناد يلي بكل بساطة لقا مستوى لعيبة ولاد النادي تعبانين وما لح يقدرو يجيبو بطولة للنادي مشان هيك استعان بمحترفين

[الرومانسي الحزين]

والله يا ابراهيم نحنا لا هاجمنا مدرب ولا لاعبين واذا في ناس بتدعي انها من الهوارة وعملت هيك معناها مو الكل متل بعض وانا هاد يلي بدي فهمو ياه للافندي ويا ريت يرجعولنا الشباب المواضيع القديمة يلي راحت لتعرف انا شو كان رايي بنيناد بس السيد عبس وتولى اي عباسيين حابب يعلقنا مع الناس وهو لو عندو واحد بالمية مصداقية بيكشف شخصيتو الحقيقية للشباب

[<IBRAHIM>]

هادي مو انت بس طيب مو صالحية عم يقول انو هو من الهوراة بتمنى لو انك قريت ردودو هديك السنة عن الفريق بعهد نيناد وبتعرف شو قصدنا

[ابراهيم حديد]

والله ياجماعة انا لم اقصد انا من كان وراء تراجع النادي هو نايناد
انا قلت السياسة المتبعة وهي الاعتماد على فريق كله محترفين
وانا لم اقل بأن نيناد مدرب فاشل فهو اولا واخرا مدرب محترف ويهمه قبل كل شي اسمه
وانا لم اتهجم على نيناد فكلنا نحترم اي شخص خدم النادي
بس اخي العباسيين لقاها فرصة ليدس السموم كالعادة وهو مدفوع عن طريق اشخاص معروفين
وانا لن ازيد بشيء
انا قلت ومازلت اقول بأن الاحتراف هو من نزع الرياضة السورية
ولن اغير رأيي بهذا
وعندما تصبح انديتنا خاصة وليست مؤسسة نستطيع ادخال الاحترف
وعندها يكون مسألة الثواب والعقاب
مع احترامي للجميع

[<IBRAHIM>]

والله ياجماعة انا لم اقصد انا من كان وراء تراجع النادي هو نايناد
انا قلت السياسة المتبعة وهي الاعتماد على فريق كله محترفين
وانا لم اقل بأن نيناد مدرب فاشل فهو اولا واخرا مدرب محترف ويهمه قبل كل شي اسمه
وانا لم اتهجم على نيناد فكلنا نحترم اي شخص خدم النادي
بس اخي العباسيين لقاها فرصة ليدس السموم كالعادة وهو مدفوع عن طريق اشخاص معروفين
وانا لن ازيد بشيء
انا قلت ومازلت اقول بأن الاحتراف هو من نزع الرياضة السورية
ولن اغير رأيي بهذا
وعندما تصبح انديتنا خاصة وليست مؤسسة نستطيع ادخال الاحترف
وعندها يكون مسألة الثواب والعقاب
مع احترامي للجميع

اهلين فيك اخي وانا بأكدلك الكل مستعد لينسى كل شي صار سواء كان حصل او لا بس المهم نفتح حاليا صفحة جديدة وبتمنى هالشي وحتى صفحة مبارح ويلي صار ينطوى ونبدا من جديد وكل شخص يزن كلامو منيح قبل ما يرد :))

[العباسيين]

والله يا ابراهيم نحنا لا هاجمنا مدرب ولا لاعبين واذا في ناس بتدعي انها من الهوارة وعملت هيك معناها مو الكل متل بعض

يا رومنسي يا مسكين أليس المدعو صالحية من مؤسسي الهوارة كما يقول ,, أليس حسان من رموز الهوارة أيضاً ,, وأليس ابراهيم حديد من القدامى والقداما جدا بهذه الرابطة , اذا كان المؤسسون والقدوة فعلوا ما ذكرته انا سابقاً فماذا سنتأمل من الباقي ........
اذا كنت لا تعلم خفايا الأمور لا تجادل بالباطل يا مسكين


والله ياجماعة انا لم اقصد انا من كان وراء تراجع النادي هو نايناد

وانا لم أنوي الدفاع عن نيناد ,, وانما أنا أدافع عن كرامة النادي التي استبحتموها وأعود وأكرر للمرة الألف أنتم كنتم تشمتون بالتعادلات والخسارات وتفرحون وتمرحون عندما تقع تلك النتائج ,, وتتمنون عدم التوفيق للفريق بذلك العهد ...
والأن تريدون العودة بظل زحمة المشاكل والتراكمات لكي لا تحاسبوا ولا تعاتبوا .......

عودوا فأنا هدفي الأول لم شمل جميع المتنازعين والأقطاب لكن بعد أن تُضع النقاط على الحروف وبعد أن يعرف كل ذي حقٍ حقه ,, وبعد أن يظهر ويكشف سجل كل واحد فينا ليعرف جميع الجماهير ما ماضي هذا وما ماضي ذاك ...
يا اخوتي لنقل أنه بإذن الله عاد لنا مع بداية الموسم القادم المدرب القدير أبو حامد ,, وحققنا معه أفضل النتائج ودرب لنفترض معنا لسنوات ,, لكن لا بد من أن يأتي يومٌ ويرحل به فهذا حال جميع المدربين والأسماء , فماذا ستفعلون عندها ...؟؟؟؟؟

هل ستعيدون الكَرَة من جديد وتفشلوا المدرب الذي سيخلفه مهمن يكن أم ستكونوا أكثر وعيا ونضجاً وتتعلموا من تجربتكم التي مرت قبل سنوات , والتي كنا نتكلم بها ...؟؟؟

هذه زبدة الكلام وهذا القصد منه كله , فإذا صفيتم نيتكم وكنتم تنون العودة للنادي كرمال النادي فقط كاسم وصرح ولون فأهلا بكم ,, وان كنتم تنون الرجوع لأنكم تشعرون بأن رائحة تغيير قادمة بالنادي وربما تكون بمصلحتكم فأنتم غير مرحبٍ بكم

والسلام ختام

ولي عودة قريبة بإذن الله ....

[وحداوي موت]

روقوا شباب خلص اطووها ورقة حبية لحب النبي والنادي وشيلونا من هل موضوع هدا حبايبي كلكن والله على راااااااااسي