الart لح تكمل الدوري

[SH@@MI]

السلام عليكم
قبل كم ساعة شفت برنامج غول عالفضائية السورية
وبعتله واحد سأله عن النقل التفزيوني
وآخر شي على هوا ما حكى اياد ناصر فهمت منو انو لح تكمل الآرتي النقل هالسنة
بقى يرجى التأكد من الخبر
أنا مو متأكد

[SH@@MI]

مو متأكد لأنو حكاها بطريقة مبهمة مدري شلون

[طلال عباس]

انا شباب دقيت على دبي وهددتون اني بدي ارفع دعوة عليون وانو صرت جامع اكتر من خمسين توقيع وقالولي انو انشالله مشي الحال و رح يرجعوا ينقلوا

[الإعصار الدمشقي]

بربي بدهن دبح يقطع عمرن شو فاشلين بربي أفشل قناة عربيه هيه الأرتي
يارب كل ليره بيصرفوها على صحتن
:roll:أنا مالي مشترك وكل هالدعاوي شلون لو مشترك
:box::box::box:

[الشـــ ابن ــام]

الله يبشرك بلخير يعني والله مسخرة انو ما ينقلوا انا دقيت وردت علي صبية من صوتا مبين عليها متل القمر
المهم سيرة رايحا سيرة جاية فوتتني بلحيط وقهمت منا انو هنن موظفين وما دخلهم بس شي مقنع جدا

[wissam82]

إن شاء الله يكملوا نقل هالسنة (( لأنه اكلين كم ومشتركين )) ..

ومن الموسم الجاية تاخد حقوق النقل شي شركة بتحترم حالها ..

[W@SEEM]

إن شاء الله تكمل الدوري

وحاجتهن بقى كل يوم والتاني بيساوه مشاكل مشان النقل

[bmekhaled]

لأ لا ينقلوا أحسن
مشان ما يتركو حجة لاتحادنا الفاشل ليعطوهن الحقوق السنة الجاية
أي عليم الله عليم الله متنفعين من هالقصة أبصر اديش

[أنس العرقسوسي]

مزبوط هاد الحكي عامر وأنا سععت الخبر وقال أنومشي الحال وart رح بتكمل نقل المباريات هي السنه
بس الخبر يلي غير عادي أنو مبارتنا مع قطر منقوله على الفضائيه السوريه فتخيل يرعك الله :roll:

[المانشافت الوحداوي]

لعنة الله عليهم شو حرمية

[MOH@MAD]

لا حول ولا قوة الا بالله

يعني بفهم منك اياد ناصر ما رساك على بر ؟؟

يعني شو لح ينقلو ولا لاء؟؟

[سامح-ف]

إن شاء الله يكملوا نقل هالسنة لأنه اكلين كم ومشتركين

[أنس العرقسوسي]

إن شاء الله يكملوا نقل هالسنة لأنه اكلين كم ومشتركين
حبيب شو رأيك تكبر الخط شوي مو مشان شي بس مشان ما نحط نضاره :mrgreen:

[loord]

خليا بالقلب تجرح ولا
احسن من عشرة عالشجرة

[عمار عبار]

الارتي
شبكة الفشل بامتياز

[محمد سكر]

بعتقد الخبر صحيح لأنن رجعوا يحطو دعاية الدوري السوري ونقل المباريات على art

[حمودة الوحداوي]

نحنا يلي بهمنا اكتر شي مباريات الوحدة

[wassim80]

والله بيموت أياد ناصر إزا بطلت الأرتي تنقل الدوري ( عميئبض العينتين بالدولار ؟؟؟؟؟ ) الله يتم عليه:neutral:...

[ابوالعبدالشامي]

والله بيموت أياد ناصر إزا بطلت الأرتي تنقل الدوري ( عميئبض العينتين بالدولار ؟؟؟؟؟ ) الله يتم عليه:neutral:...
خخخخخخخخخخخخخخخ
معك حق واذا بطلو راح نشوف لون وشو اصفر متل تشرين

[kashi]

خير انشاء الله خير

[SH@@MI]

يعني اتأكدتوا من الخبر

فعلا اياد ناصر ما رساني على بر
لأنو بيحكي وكأنو حرام يقولوا اسم اي ار تي عالهوا وكأنو ما حدا عرف انو الاي ار تي بقى ليش هالتكلف
صار يقول القناة الناقلة ومن هلحكي

[SH@@MI]

بس اليوم حكت معي موظفة الآرتي
صرعت مخي
بقى قالتلي انو اليوم بدو يخلص اشتراكي
قلتلها ما حجدد
مو صفيانلكن شي
قال لأ شلون لسا في كأس العالم
اي من هون لكأس العالم بيفرجها الله ومنشوفو عالأوربي
دخيلها
وقال انو لسا في مباريات الأبطال
قلتلها في قهاوي
وسألتها اذا لح يكملو الدوري السوري
قالتلي اي لأنو هنن ما كان عندن مشكلة بس سيارات النقل عم تروح على احتفالات 8 آذار مشان هيك ما عم ينقلوا (ليك عهالسلبة)

[SH@@MI]

طبعا تأكد الخبر هلأ
انو الآرت لح تكمل الدوري
بس مباراة وحدة بالاسبوع