الى كل من يَدعي حب البرتقالي وهو أكبر الغافلين

[العباسيين]

أولا السلام عليكم ورحمة الله وبركاته

أريد أن أشرح لكم اسمي هذا (العباسيين) المستمد من ذالك الملعب العظيم القابع في وسط شامنا الكريم

فقد عاش هذا الصرح الكبير أياماً عظيمة ارتبط اسمه وعشقه بنادينا وصبغ لونه باللون البرتقالي الجميل

شهد هذا الصرح أيام عز وانتصارات للوحدة وشهد كرنفالاتٍ جماهيرية أسطورية ,, وشهد أيضاً اخفاقات

برتقالية ونكسات عديدة ,, لكن جمهوره الوفي بقي على العهد وفياً يشجع بأمل وحبٍ ووفاء ولا يهمه اسم مدربٍ

أو رئيس نادي أو لاعب معين ,, فعشقه بقي ولا يزال وسيبقى لاسمك ولونك يا برتقالي ...

ومن منا لا يذكر أهازيج بعض الجماهير الجميلة

و كنت انا أنذاك أعشق أغانيها وطريقة تشجيعها المميزة التي صبغت فيها ملعبنا وأصبحت علامةً فارقة مؤثرة باسم النادي ,


لكــــــــــــن ......!!!!!

ومع مرور الأيام تغيرت الأسماء بالنادي فانقلبت معها المعايير ,, وصار بعضٌ مِن مَن يدعون حبهم للنادي منقلبين عليه

شامتين بهزائمه غائبين أو مغيبين عن مساندته ...

لم نكن نصدق أن بعضً من هؤلاء الجماهير التي كانت العلامة الفارقة والمميزة والجميلة على مدرجاتنا ,أصبحت اليوم طاعنةً في الظهر شامتة ...

فما ذنبك أيها النادي العظيم بانقلاب بعضٍ ممن يدعون حبك ,, الا أنك أردت أن تُدخل روحا جديدة بين ثناياك

فكان تغيير لمدرب قدير بمدرب أجنبي لكنه أيضا قدير وخبير ,, ومعه انقلبت الموازين ...

اذا كشفت الأوراق وظهر الوفاء ,, ووضح العاشق للنادي من العاشق للأسماء ,,

لكن رد الدماء الجديدة التي دخلت النادي كان قوياً وفي الملعب , فأربك توجهات المدعين بعشقهم للنادي وأظهرهم على حقيقتهم لكن كيف ...!!؟؟؟

فعندما كان ينتصر ذالك الفريق وما أكثرها من انتصارات مع ذالك المدرب المحترف المحنك ,, لا تسمع لهم

صوتأ ولا حسأ ,, وعندما يخسر الفريق أو يتعادل وما أندرها من خسارات بذالك العهد ,, كانوا يدخلون مثل

النمل ليشمتوا بعينٍ وقحة للنادي الذي كان بيوم من الأيام كما يدعون عشقهم ...

أريد أن وجه لهؤلاء الأشخاص بعض الكلمات :

أنا وكل الجماهير الوفية نحب أبو حامد ونحب الحكيم ونحب نيناد ونحب أي ربان يقود سفينتنا البرتقالية ,, لكننا

نحبه من لحظة استلامه لدفة فريقنا حتى لحظة مغادرته ,, ولربما نذكره بالخير حتى عندما يغادر النادي , واذا كنا نكرهه قبل استلامه للفريق ,, ولو كان قاتل أبونا ,, فسننسى أحقادنا عليه ونتجاهل مشاكله ونقف بجانبه

ونسانده لسبب واحد

هو عشقك يا وحدة أكبر من صراعاتنا ومشاكلنا ..

اذا كما يقول المثل (( يلي بيتجوز أمي بيصير عمي )) وأنا أقول (( الذي يدرب الفريق هو الحبيب والصديق ))

تعلمون لماذا ...!!!؟؟؟؟

لأن العشق للنادي وحده للبرتقالي كنادي وصرح ولون ,, وليس لاسم مدرب أو لاعب ...

فلا تبيعونا وطنيات وكلاماً فارغاً فعقولنا أكبر من أن تنطلي عليها هكذا مسرحيات , فنحن نعرف الوفي

من الذي يدعي الوفاء ,, وان كنتم ممن يعشقون الأسماء فهذا من حقكم لكن عليكم أن تتركوا الوفاء

لأهل الوفاء ,, وتذهبوا لتشجعوا اسمكم الذي أحببتم أينما حل وذهب ...


كتبت هذا الموضوع بعد ان شاهدت تلك الموجة التي اجتاحت الموقع فجأة لتعود بالذاكرة لفترة معينة , فترة

لا أُنكر أبدا أنها كانت جميلة ورائعة بأيام النادي

لكن بعض هؤلاء الذين عادوا بعد هذا الغياب ,,

وأظهروا عدم وفائهم لاسم النادي وانما لاسم مدرب أقول ,, لا نريد بيننا على المدرجات الا العاشقين الحقيقين لاسمك يا وحدة ..

فالشماتة والأمنيات بعدم التوفيق للفريق لان الذي يدربه مدرب لا يطابق على مزاجنا مثلا ,, خير دليلٍ على قلة الوفاء

لاسم النادي ,, وانما يدل ربما على حب واعجاب باسمٍ شخص كان يوما ما داخل أسوار النادي ...

والذي يضحكني أيضاً , بعضٌ من جماهيرنا التي تعمل بمبدأ (معهم معهم عليهم عليهم) فيوماً مع هذا ويوما مع

ذاك ,, وحسب التيار تسير ...

اذا الوحدة سبيقى أكبر من أسماء المدربين و الاعبين ورؤساء النادي ,, فكلهم ذاهبون راحلون واسمك يا

برتقالي باقٍ لن يزول ما دام فينا نبض وقطرةٌ من دم ...

[وحداوي موت]

الذي يدرب الفريق هو الحبيب والصديق




يسلم تمك هدا الحكي الصح
لازم كلنا نوقف مع الكابتن ايمن بهل وقت هدا وننسا كل الماضي

[عادل مرتضى]

:))

[M-AL MN@GED]

:)) :)) :)) :s_valencia

لازم الكل ينسا خلافاتو مع غيرو ويلتفت للنادي

[wissam82]

كلام جميل .... :)) :)) :)) :)) :))

[الأدعشري]

لكــــــــــــن ......!!!!!

ومع مرور الأيام تغيرت الأسماء بالنادي فانقلبت معها المعايير ,, وصار بعضٌ مِن مَن يدعون حبهم للنادي منقلبين عليه

شامتين بهزائمه غائبين أو مغيبين عن مساندته ...

لم نكن نصدق أن بعضً من هؤلاء الجماهير التي كانت العلامة الفارقة والمميزة والجميلة على مدرجاتنا ,أصبحت اليوم طاعنةً في الظهر شامتة ...

فما ذنبك أيها النادي العظيم بانقلاب بعضٍ ممن يدعون حبك ,, الا أنك أردت أن تُدخل روحا جديدة بين ثناياك

فكان تغيير لمدرب قدير بمدرب أجنبي لكنه أيضا قدير وخبير ,, ومعه انقلبت الموازين ...

اذا كشفت الأوراق وظهر الوفاء ,, ووضح العاشق للنادي من العاشق للأسماء ,,

أول شي بتشكر الأخ الوحداوي (عباسيين) على هذا المقال الأكثر من رائع والذي يبين فيه
الأمور بشكل واضح ومجرد وبدون طبل وزمر و نفخ و الذي منو ..
اليوم أحد الأخوة من شلة الهوارة نزل موضوع و انزعج من سؤالي له عن سبب ابتعادهم عن النادي في الفترة الذهبية لنادي الوحدة أيام المدرب المحنك بامتياز نيناد وبشهادة الجميع..؟؟لماذا ابتعدتم عن النادي ؟؟ وأنا لا أشمل شلة الهوارة جميعها لكن معظمها ابتعدت عن الملاعب والمباريات في فترة استلام نيناد!!
وأقول لجميع الأخوة في شلة الهوارة الذين لم يعجبهم كلامي أن الجمهور بكامله يتذكر عندما كنا نخسر أو نتعادل كانو يشمتون بالنادي أكثر ما يشمت بنا جمهور الفريق الأخر!!!
و بالنسبة ألي يوجد لدي أدلة كافية تبين مدى الأنزعاج الذي أصاب هذه الشلة عندما فزنا على فريق الجيش بالدقيقة الأخيرة لموسى تراوري و أخذو يقولو تشليف وحظ ومن هالكلام ونشالله أذا شغال الأرشيف لفرجيكون بالعين..
أخيرا جميعنا كنا نحب الهوارة ولكنها اسائت لنفسها حينما ابتعدت عن الفريق اثناء استلام نيناد..و النادي هو نادي الوحدة وليس نادي فلان وعلتان...
أسف للأطالة أشكر الأخ عباسيين على الموضوع و أتمنى منه أن يدخل أسمه الحقيقي لكي لا يكون أي التباس أو أي شيء من هذا القبيل..

[<IBRAHIM>]

كلامك رائع وموضوع ولااروع واجمل من هيك والكل فهم شو قصدك وانا معك نحنا مع الكل مين ماكان ونيناد فضلو كبير عالنادي شاء من شاء وابى من ابى ونحنا قبلانين بخمس سنين تراجع بالمستوى اذا كان بيسبقها اول بطولة دوري بتاريخنا وتاني كأس
وبدي افهم شلون عم يحملو نيناد مسئولية انهيار قواعدنا شو هو مدرب القواعد فرق الوحدة العمرية طول عمرها فاشلة باستثناء بعض الطفرات واكيد المسئولين عن هالشي مدربي القواعد يلي ما بيفهمو شي بالطابة وبيكملوها باختيار قرايبنون واصدقائون وابعاد اللعيبة المميزين
بكل بساطة نيناد مدرب محترف اجا عالفريق لقا ولاد النادي مستواهم تعبان وما بيقدرو ياخد بايد النادي للفوز بالبطولات فاستعان بمحترفين من برا وهالشي مو غلط ومو مسئوليتو بالعكس خطوة سليمة واي مدرب فهمان لح يعمل هالشي
بس البعض اعماهم التعصب لاشخاص معينة ونسيو انو نيناد مدرب للفريق الاول فقط و مو لكل الفئات العمرية بالنادي يعني مو مشكلتو اذا ما حدا من ولاد النادي بيعرف يلعب
نيناد الو فضل كبير و كبير كتير كمان وكل مين بينكر هالشي بيكون ناكر للمعروف وهالشي تعودنا عليه
وبتمنى شوف ردود المعنين بالموضوع وشوف ردودون وخليون يناقشونا
نيناد الو نسبة 50% من بطولة الدوري والكأس
والباقي لصفوان واللعيبة وبس

[wissam82]

تعقيبا على رد ابراهيم ....

للعلم فقط ,, نيناد عرض على إدارة النادي عنا بعد ما أخد الدوري انه يشرف على كرة

النادي كلها بشكل عام ,, من القواعد للرجال بالإضافة لبقائه على رأس عمله بتدريب الفريق

بس الادارة عنا ما وافقت والله أعلم ليش ...

واذا بتحبوا تتأكدوا سألوا أي شخص من الأوفياء يلي داخل النادي بيأكدلكم هالشي ....


المهم نحنا ما مننكر فضل حدا على النادي وكل المدربين خير وبركة المهم يكون وفائنا وولائنا للنادي وبس ...

[maher alzoubi]

و الله هالحكي هو يلي بينسمع و بتمنى يصير فعل من كل يلي عم يخربو النادي بشي بلا طعمة مشان فلان و علان

[العباسيين]

؟؟لماذا ابتعدتم عن النادي ؟؟ وأنا لا أشمل شلة الهوارة جميعها لكن معظمها ابتعدت عن الملاعب

الأن يأتي أحدهم ويقول أنهم ابتعدوا لان أسمائهم عممت على الفروع وتلقوا التهديدات .

نحنا لا ننكر أن بعض الأشخاص في النادي لا تخاف الله فيما تفعل وربما يكون كلامكم صحيحاً ,, ابتعدوا وراقبوا من بعيد هذا حقكم ..

لكن أن تأتوا وتشمتوا بالفريق أيام الهزائم وتتمنون له الفشل فهذا لن نغفره لكم ولن يغفره لكم النادي ...

[الصالحية]

يا ريت كل واحد عم يهاجم أقوى رابطة مشجعين عرفها الوحدة بتاريخه

يخبرنا مين هو وشو قدم للنادي

ويخبرنا سبب انخفاض عدد جمهور الوحدة اخر 5سنوات

[وحداوي موت]

معلم انا في قصة بعرفها

وصارت كرمال الوحدة مع شوفيرية باص جايين من حمص بعد لعبتنا مع الزثبة من زمان



بتحدا اي واحد يعمل هل شي يلي عملوه الشباب كرمال الوحدة والشي يلي صار بلوحدة لوقت هديك العبة




بس يا عالم لازم كنا ننسا الاسماء وننسا الاشخاص بهل وقت هدا ونضل تفكيرنا بلوحدة وبس
بلوحدة وبس
بلوحدة وبس

[الأدعشري]

بس يا عالم لازم كنا ننسا الاسماء وننسا الاشخاص بهل وقت هدا ونضل تفكيرنا بلوحدة وبس
بلوحدة وبس
بلوحدة وبس

عمي عامر أنت كلامك على العين والراس و أنا إذا لاحظت ما قلت كل شلة الهوارة في البعض من هالشلة أساؤوا للشلة خصوصي السنة الماضية و هون بالموقع .. وعمي عامر بعتذر منك أدام الشباب أذا زعلت مني و العتب على قد المحبة و كلامي طلع من شخص محب وموجه فقط للذين اساؤوا لأنفسهم و لنادي الوحدة من شلة الهوارة السنة الماضية و اللي قبلها..... :fw :fb :fb :fb :fb

[وحداوي موت]

عمي عامر أنت كلامك على العين والراس و أنا إذا لاحظت ما قلت كل شلة الهوارة في البعض من هالشلة أساؤوا للشلة خصوصي السنة الماضية و هون بالموقع .. وعمي عامر بعتذر منك أدام الشباب أذا زعلت مني و العتب على قد المحبة و كلامي طلع من شخص محب وموجه فقط للذين اساؤوا لأنفسهم و لنادي الوحدة من شلة الهوارة السنة الماضية و اللي قبلها





لك لاء لاء محمد ولو يا زلمة انت كلامك واضح ومافي داعي تعتذر لانو كلامك صح انت ولو يا محمد

بس معلم الله وكيلك لازم ننسا الاسماء على الاقل من هون لحتى يخلص الدوري ونضل بالاولى


بعدين انت طيت رائيك وما غلطت على حدا ومافي داعي تعتذر ولو يا محمد





وهي احلا بوسة لاحلى شب بلحارة مع دبكة كمان روق معلم
:ban :ban :ban :ban :ban :ban :ban :ban :ban :ban :teas :teas :teas :teas

[الأدعشري]

وهي احلا بوسة لاحلى شب بلحارة مع دبكة كمان روق معلم

:ban :ban :ban :ban :ban :spdban :ban :ban :ban :chee1 علمشفى يابو فهد..
للعن بي الرعيان

[العباسيين]

يا ريت كل واحد عم يهاجم أقوى رابطة مشجعين عرفها الوحدة بتاريخه

يخبرنا مين هو وشو قدم للنادي

ويخبرنا سبب انخفاض عدد جمهور الوحدة اخر 5سنوات

يا سيد الصالحية ,, انا أهاجم البعض من هذه الرابطة ولا أشمل جميع أعضائها

أهاجم من كانوا لا يوفرون نوعاً من أنواع الشماتة والأمنيات بعدم التوفيق للفريق بذلك العهد
وأكيد انت واحد منهم وأذكرك تماما بتلك الفترة وأذكر ردودك أنت والبعض الأخر , تشمتون وكأنكم جماهير لألد أعداء فريقنا .

نحنا أصل الوفاء ونحنا الأوفياء كنا قبل أبو حامد نشجع ونفرح ونحزن لكل ما يصيب الفريق ولم نترك الفريق ولم نتمنى له يوماً الا أن يكون الأفضل ..

نحن بقينا نساند الفريق في أفراحه وأحزانه وأنتم كشفت الأيام خيانتكم وخذلانكم..

الجمهور قل ,نعم قل ,لاكن الوفي بقي مع الفريق والذي ذهب لان المدرب تغيير لانريده فهو لن يعتبر بيوم من الأيام مشجعاً للنادي , انه محسول على النادي بفترة كانت فيها بعض الأسماء داخل أسوار النادي ...
أرى أن الحجة ضعيفة عندكم ولا تستطيعون الدفاع عن أنفسكم فالكثير منا يشهد تصرفاتكم الخبيثة التي كنتم تعملون بالفترات التي مضت بعد رحيل أبو حامد ..

واسمي الحقيقي يا عزيزي لن أفصح عنه ما دمت أنت غير مفصح عن اسمك لكننا نستنتج شيئاً هو أن:

العباسيين = الوفاء والعشق للبرتقالي

الصالحية وبعض من شاكلته = الطعن بالظهر والخيانة لناديه

انا لا أجبركم بأن تحبوا النادي , لكني لا أسمح لكم أبدا بأن تتدعوا الوفاء والنبل وأنتم أبعد ما تكونون عن هذه الصفات ...

ولي عودة ...

[الصالحية]

واسمي الحقيقي يا عزيزي لن أفصح عنه ما دمت أنت غير مفصح عن اسمك لكننا نستنتج شيئاً هو أن:

العباسيين = الوفاء والعشق للبرتقالي

الصالحية وبعض من شاكلته = الطعن بالظهر والخيانة لناديه

انا لا أجبركم بأن تحبوا النادي , لكني لا أسمح لكم أبدا بأن تتدعوا الوفاء والنبل وأنتم أبعد ما تكونون عن هذه الصفات ...



ولي عودة ...



كان الأجدر بك يا دمشقي أن تكون أموي وهيهات أنت من ذلك

لاحظلمة ومن الصالحية ومن شاكلته

اترفع عن الجواب لأن جماهير دمشق بغالبها إبتعدت

يا حبيبي الأربعين ألف متفرج الذين كانوا يترسون العباسيين

لم يبقى منهم إلا خمس أو عشر ألاف وهذا لن الدخول مجاني

أما الذين غابوا هم ليس كما تصفهم

إنهم جماهير وفيه لكنها إبتعدت بسببكم أنتم من تتراقصون لحال النادي الذي وصل إليه

حالكم كما حال العملاء بالعراق تصفقون لأسيادكم الجدد دون النظر إلى ما وصل إليه الحال

لذلك رحل جمهور الوحدة

ولمعلوماتك نحن موجودين بكل مباراة

وأكبر دليل على وجودنا حين يأتي الوحدة أو أي فريق لدولة الأمارات تشاهدنا معه

وبسورية لا يتأخر أحد منا على الوقوف مع النادي

لكن أنت على مايبدو ممن دستهم الأدارة وما أكثرهم بيع وشراء

يمكن تكون أنت الحقيقة على أساس

ثم من أنت حتى تسمح لنا أو لا تسمح

حبيبي أنا فرقة الهوارة الدمشقية صالت وجالت ولا زالت

أسأل كل جماهير سورية عنا وأرجع وشاهد شريط المباريات تعرفنا

ولا تنسى هناك أدب للحوار فلا تدفعنا للخروج عن أدب الحديث

لك وجهة نظر ولنا ونحن لم نخونك أو نشتمك أنت من بدأت

ونترفع عن هذا لأننا


أمويييييييييييييييييييييييييييييييييييييينننن


أحفاد أقوى دولة عربية أسلامية عرفتها البشرية


هل تعلم ذلك يا ملعب العباسيين

[kashi]

والله احلى كلام وانا هذه قناعتي من زمان ما بهم مين المدرب مين رئيس النادي مين رح يلعب ليوم المهم البرتقالة الدمشقية ياريت كل جمهور يفكر بهذه الطريقة كانت امور النادي بخير وحتى امور الاندية بشكل عام والمنتخب بخير :fw :fb :fl :fw :fl

[العباسيين]

يا حبيبي الأربعين ألف متفرج الذين كانوا يترسون العباسيين

لم يبقى منهم إلا خمس أو عشر ألاف وهذا لن الدخول مجاني

أما الذين غابوا هم ليس كما تصفهم

إنهم جماهير وفيه لكنها إبتعدت بسببكم أنتم من تتراقصون لحال النادي الذي وصل إليه

الأن تثبت أنك أبعد من النادي والفريق مما كنا نتخيل ,, فالجمهور حتى قبل أسابيع كان بحدود الـ 15 ألف متفرج وبالفيحاء ,, والدخول يا عزيزي ليس بالمجان بل 100 ليرة سورية سعر البطاقة ..

وكلامك فيه الكثير من التناقد ,فساعة تقول ابتعدوا أو غيبتوا بسبب التهديدات وساعة تقول أنكم لم تبتعدوا وبقيتم تشجعون ...

بكل الأحوال أنا أكلمك بالشرق أنت ترد لانعدام الحجة لديك بالغرب أريدك أن ترد على شيئ واحد فقط يا من تدعي حب البرتقالي .

لماذا كنتم تشمتون وبالفريق وتتمنون له عدم التوفيق بمبارياته على عهد نيناد وما تبعه ,, والجماهير بالملاعب تشهد ومواضيع هذا المنتدى تشهد أكثر على ردودكم بذالك العهد ., لماذا تشمتون وتفرحون عندما كنا نخسر وأنتم تدعون حبكم للنادي ..؟؟؟

لماذا , أجب عن هذا فقط ولا تأخذني الى العراق وأفغانستان والشيشان , فدائما الذي يحشر في خانة اليك يهرب الى الأمام كما تفعل أنت ..............

وأعود وأكرر أنا أهاجم البعض من هذه الرابطة ولا أهاجمها كلها وغالبا هذا البعض هو البعض القليل منها ...

[الأدعشري]

إنهم جماهير وفيه لكنها إبتعدت بسببكم أنتم من تتراقصون لحال النادي الذي وصل إليه

حالكم كما حال العملاء بالعراق تصفقون لأسيادكم الجدد دون النظر إلى ما وصل إليه الحال

لذلك رحل جمهور الوحدة

ولمعلوماتك نحن موجودين بكل مباراة

وأكبر دليل على وجودنا حين يأتي الوحدة أو أي فريق لدولة الأمارات تشاهدنا معه

وبسورية لا يتأخر أحد منا على الوقوف مع النادي

لكن أنت على مايبدو ممن دستهم الأدارة وما أكثرهم بيع وشراء

يمكن تكون أنت الحقيقة على أساس

ثم من أنت حتى تسمح لنا أو لا تسمح

مع كامل أحتر منا و تقديرنا لشخصك الكريم و أحترامنا لشلة الهوارة أنا والأخ عباسيين وجميع الوحداوية نحن لم نجمل كامل الشلة هناك اشخاص أساؤوا للشلة أكتر من أسأتك الان (لنفسك ولشلة الهوارة)من خلال هذا الرد الغير مفهوم والمتخبط..
شلة الهوارة فيها ناس بتنشرب مع المي العكرة وبينحطو عالعين والراس متل الأخ عامر (وحداوي موت)لكن أنت تعليقك يعبر عنك...
لازلنا نحب الهوارة ونتمنى عودتها للوحدة ... :fw :fw :fw :fb :fb

[هنو]

حبيبنا
جمهور الشام
مو كلو جمهور أسماء
انا ما بنكر جماهيرية
نزار و نيناد
بس كمان بدي اسألكم سؤال
اذا هلأ الحكيم
بيربح ع الكرامة و الجيش
أو بأنقذنا من الهبوط
بيصير الرقم واحد عند الجماهير
صح
و لو الجمهور جمهور اسماء
كان حمهورنا راح ع العسكر لما راح المحروس و السيد
بس جمهورنا جمهور الوحدة و بس
و بوكرة اذا الوحدة بيحقق نتائج حلوة
الملعب ح يمتلا متل أول و أكتر
و شوف الجمهور اذا نافسنا ع الكأس

[الرومانسي الحزين]

اول شي السلام عليكم
تانيا بتمنى من يلي بيعرف مين هنن الهوارة يسال عنهم وبتمنى من الشباب ما تنجر ورا هيك موضوع لانو الهوارة اكبر من انو نكتب عنها واعمالها بيشهدلها كل جمهور الفرق مو بس جمهورنا وبحب قول للعباسيين انو اسال عني وانا واحد من الهوارة بس ما قطعت ولا لعبة للوحدة داخل دمشق او خارجها رغم كل التهديدات بس مو يعني اذا في اتنين او تلاتة بيدعوه انن من الهوارة ادعاء وشتمو الفريق بقا الجمهور كلو عم يشتم الفريق هاليومين وبتمنى منكم مراجعة كل ارشيف الهوارة والكتابة الصادرة عنها لانو بالفعل هي نموذج لجمهور الوحدة الغالي

[<IBRAHIM>]

ما بعرف بس الاخ صالحية عم يتهرب من الجواب عسؤال الشماتة بالفريق بعهد نيناد ما بعرف ليش :!: :?:

[وحداوي موت]

يا شباب طولولي بالكن على حب النبي

الهوارة شغلة كبيرة مو متل ماعم ينحكا عنها
واذا حدا بيحب بقلكن باي لعبة وين كانوا اعدين سلة او قدم جوا الشام او برا الشام


ومو كل واحد حكا انا من الهوارة يعني خلص هو من شباب الهوارة

هنن معروفين بالاشكال والاسماء


بقا خلص انسوا وخلونا بلفريق والنتائج حلا احسن الله وكيلكن احسن

[الصالحية]

ما بعرف بس الاخ صالحية عم يتهرب من الجواب عسؤال الشماتة بالفريق بعهد نيناد ما بعرف ليش



يا سيدي مين شمت بالفريق

خبرنب هالسنة كم مرة أنشتم الفريق من جمهوره

ليش ما أخدت أسمائهم واحد واحد وسألتم ليش شمتوا وشتمتوا الفريق

حبيبي هذا جمهور القدم بأي دولة بالعالم حين يتردى حال الفريق

ياويلهم من غضب جماهيرهم

خبرني كم مرة جمهور الأتحاد غضب على لاعبيه وشتم وسب

كم مرة جمهور حطين وتشرين شتم أمهات لاعبينهم حيت تردى حالهم

فيك تخيرني كم مرة جمهور الفتوة شتم لاعبيه


وكم مرة غابت هذه الجماهير أعلاه عن مباريات فريقها حين تردى حالهم


لذلك يا ابراهيم لا تسأل كتير عن أي ردة فعل من جماهير الكرة وبكل الأندية

وكمان متل قال الرومانسي الحزين مو كل واحد قال الهوارة صار فيها


بس كمان بدي اسألكم سؤال
اذا هلأ الحكيم
بيربح ع الكرامة و الجيش
أو بأنقذنا من الهبوط
بيصير الرقم واحد عند الجماهير
صح
و لو الجمهور جمهور اسماء
كان حمهورنا راح ع العسكر لما راح المحروس و السيد
بس جمهورنا جمهور الوحدة و بس
و بوكرة اذا الوحدة بيحقق نتائج حلوة
الملعب ح يمتلا متل أول و أكتر
و شوف الجمهور اذا نافسنا ع الكأس



كلام جميل لأن سبب الغياب هو ضعف الفريق

وحين يعود الفريق تعود الجماهير التي غابت

[wissam82]

أخي صالحية الفترة يلي عم يحكوا عليها الشباب ووقت كان متل ما عم يقولوا ناس محسوبين على الهوارة يشمتوا بالفريق
كان الفريق فيها بأفضل أيامه من حيث النتائج ,, يعني كان منافس على اللقب وبالمراكز التلاتة الأولى دائماً ...

يعني مافينا نخلط بين شتم للجماهير بالملعب أو بمواضيع المنتدى للاعبين وبين شماتة بالخسارة ,, يعني الشتم غير الشماتة ... :))

[<IBRAHIM>]

يعني الشتم غير الشماتة

[الصالحية]

صالحية الفترة يلي عم يحكوا عليها الشباب ووقت كان متل ما عم يقولوا ناس محسوبين على الهوارة يشمتوا بالفريق
كان الفريق فيها بأفضل أيامه من حيث النتائج ,, يعني كان منافس على اللقب وبالمراكز التلاتة الأولى دائماً ...

يعني مافينا نخلط بين شتم للجماهير بالملعب أو بمواضيع المنتدى للاعبين وبين شماتة بالخسارة ,, يعني الشتم غير الشماتة ...



يسلم تمك بس هل يعني هذا الكلام

أنه إذا كان فعلا هذا قد حدث

أن الهوارة كما يصفها ملعب العباسيين


خونة وغير ذلك

على العموم نحن لانهتم لما يقول البعض

لأن الجواب لا يهم

أن تاريخنا واضح وعملنا مثمر

وإن تم إبعادنا لا يعني أننا رحلنا أو عادينا النادي


نحن نترقب رحيل من اساء لنا

وسنعود كما كنا وأفضل

ولن نهتم لكلام المغرضين


لأننا راجعين ولأجلك يا شام

[الأدعشري]

لأننا راجعين ولأجلك يا شام

نتمنى تلك العودة ونبارك بها

[<MoHaMeD DaBoUL>]

والله كلام جواهر يسلم تمك
:syr

[العباسيين]

كلامي واضح وصريح يا سيد صالحية ,, وانا أعرف انك فهمته جيداً

لكن اللف والدوران ومحاولة المراوحة في المكان التي تطبقها في ردوك دليل اضافي على تأكيد لكل ما سبق وكتبته انا في موضوعي ....

[M o H a M e D]

شكرا أخي الكريم ...

[حسان الحسيني]

برافووووووووووووووو
والله صرنا مشهورين كل فترة بينطلنا واحد بموضوع جديد
عن الهوارة
(( اذا طعنت من الخلف فعلم انك تسير بالمقدمة))

[حسان الحسيني]

كلامي واضح وصريح يا سيد صالحية ,, وانا أعرف انك فهمته جيداً

لكن اللف والدوران ومحاولة المراوحة في المكان التي تطبقها في ردوك دليل اضافي على تأكيد لكل ما سبق وكتبته انا في موضوعي ....


بس بدي وضحلك شغلة انو الصالحية صرلو اكتر من ست سنين متغرب برة البلد
ويمكن بهل الفترة كلها حضلو شي 10 مبارات للنادي بس
مشان ماتشملو بالي بيسبو نيناد غيرو

[الصالحية]

برافو شباب هذا هو الأسلوب الذي تعودناه دوما


يصفوننا بالألتفاف والتشهير والذم


وهيهات منا الذلة


نبقى نحن نحن



وتبقوا أنتم أنتم

[سعدي]

هلأ مين نكش هالموضوع ؟؟؟؟؟؟؟؟؟؟
هالموضوع عمرو اكتر من 4 شهور يمكن

[حسان الحسيني]

اضغط هنا ....... لتعلم ما القصة ...!!؟؟؟؟ (http://www.wahdawia.net/vb/../forum/viewtopic.php?t=30339)

ياريت ترجعنا الئصة لنئراها ئبل النوم
لو بتريد

[السوري الدمشقي]

كلام حلو كتير ومشكور على هالموضوع ولح يبئ النادي لجماهيرو وان شاء لح ترجع ايامو

[<IBRAHIM>]

برافووووووووووووووو

والله صرنا مشهورين كل فترة بينطلنا واحد بموضوع جديد
عن الهوارة
(( اذا طعنت من الخلف فعلم انك تسير بالمقدمة))

بما انك عم تحكي عن الطعن من الخلف بتحب احكي للشباب شو رأيك بمنتدى الوحداوية واعضائو ومشرفينو ويلي بتذكرو دائما بغير منتديات لما لا

[<IBRAHIM>]

وعفكرة الموضوع رائع ومعبر

[حسان الحسيني]

بما انك عم تحكي عن الطعن من الخلف بتحب احكي للشباب شو رأيك بمنتدى الوحداوية واعضائو ومشرفينو ويلي بتذكرو دائما بغير منتديات لما لا


ايه بحكيلك
الك شغلة عن المنتدى
واعضاءو ومشرفينو
نسبة كبيرة منهم اعمارها بين ال22 وال 18 يعني مو وعيانى على شي من ايام النادي الئديمة
بالنسبة للمشرفين
مع الاحترام للكبارية فيهم
البائي بعد بكير عليهم كلمة مشرف
رائي فيك بصراحة
ماهضمتك ولا رح تنهضم معي
مشان الموضوع انو معبر
كل اناء متل حكايتك بيعبر وبينضب بما فيه
ليكون بعلمك لما هاجمت المنتدى انا الكل عندو فكرة ليش هاجمتو
يا ابراهيم افندي

[حسان الحسيني]

بما انك عم تحكي عن الطعن من الخلف بتحب احكي للشباب شو رأيك بمنتدى الوحداوية واعضائو ومشرفينو ويلي بتذكرو دائما بغير منتديات لما لا


الي بدو يخاف من الضفادع
لاينزل ويغوص بالانهار

[حسان الحسيني]

ههههههه انت شخص كتير محترم بعتذر عن الرد عنك
بس مشان اعمار المشرفين
كأنك ما عندك فكرة نهائيا مافي اي مشرف عمرو 18 سنة او حتى عشرين
وتانيا الشغلة مو بالعمر وماشاء الله شباب المنتدى عملو هالسنة شي خيالي وجهد مشكورين عليه
ومشان المشرفين
سعدي 23 سنة
وسام 25 سنة
وسيم مابعرف بالضبط بس اكيد فوق 26
مازن نفس الشي مابعرف بس اكيد فوق 27 سنة
سامر 24
ابو لؤي 21
هاني 24
عماد 26
همام 21
ايهاب 21
توني 23

ومشان رأيك فيني يا سبجان الله شعور متبادل وبالناقص من محبة هيك شخص
وشغلة اخيرة الله يرضى عليك مساح وشك بالرحمن هادا المنتدى من ارقى المنتديات والحمد لله المشاكل فيه نادرة فختصر بتكون فضلت عراسنا لاني ما بحب وسخ المنتدى باي مشكلة وكون انا طرف فيها


تركت الاحترام الك
وين مابدك لعيونك بالمنتدى ولا براتو حبيب
وبالنائص من اشكالك
مشان الاعمار سبحان الله من سنتين تلاتة كانت الاغلبية تحت ال
20
وكلمة وسخنة مردودة على صاحبهاااااااااااااااااااااااااااااا

[<IBRAHIM>]

لا حول ولاقوة الا بالله وين قريت كلمة وسخنة
ومشان الاعمار شو ما بدك الشباب تكبر من تلت سنين كانو 20
20 +3 =23 :wink:
وخلص انا بنسحب متل ما قلتلك بس مشان الله
والحكي مو موجه الك مشان ما تزعل
كل شخص يحترم المكان يلي موجود فيه

[M o H a M e D]

ايه بحكيلك
الك شغلة عن المنتدى
واعضاءو ومشرفينو
نسبة كبيرة منهم اعمارها بين ال22 وال 18 يعني مو وعيانى على شي من ايام النادي الئديمة
بالنسبة للمشرفين
مع الاحترام للكبارية فيهم
البائي بعد بكير عليهم كلمة مشرف


حبيبي ماحدا منتظر تقييمك يا كبير يا أنت ...

بعدين الشباب ماشاء الله تركوا الوعي و الفهم كلو الك ..

نسيان شلون طارت عضويتك القديمة ... من نضجك و وعيك ...

[EmadAsfour]

لاء والاكثر من هيك الشاطر من بده يدخل عالنادي ويتفهمن عالناس وعالادارة