تنبيه الروحة بمية يلا ولا كلو شغل حكي

[العرقسوسي]

السلام عليكم ورحمة الله وبركاته
شو شباب شو مشان السفرة على حماة يلا هي أنا وابو رائد وأبو مأمون الوحداوي سجلنا عند الرابطة بس الروحة بمية مو ببلاش يمكن هي المية (مكسب) عفواً مشان أجرة الباص
يلا اللي سجل يورجينا حالو ويقول مشان نشوف عدد الأعضاء اللي رايحين على حماة ولا الشباب بالمنتدى كلو شغل حكي وبس
ردو لنشوف ومشان اللي مو رايح بكرا إنشالله منكتب موضوع أجواء قبل وأثناء وبعد المباراة لعيونكن شباب سلااااام

[بشـار الوحداوي]

بالتوفيق للوحدة والله يسرلكون وان شاء الله بترجعو منصورين

[حيدر الحكيم]

بالتوفيق للوحدة والله يسرلكون وان شاء الله بترجعو منصورين

[Ammar Alfarawati]

يلي بدو يطلع وبحب النادي مابوقف عند مية ليرة !!

[MOH@MAD]

يلي بدو يطلع وبحب النادي مابوقف عند مية ليرة !!



هاد الكلام الموزون

[العرقسوسي]

يلي بدو يطلع وبحب النادي مابوقف عند مية ليرة !!
معلم نحنا مو مشان المية
بس مشان المعترين والعايفين حالون
وسلامتك خيرك على كل حال مشكور عل الرد اللي زعجني

[Ammar Alfarawati]

انت لاتاكل هم المعترين , في الهم الله اولا واخيراً .

[W@SEEM]

أن شاء الله بتروحو وبترجعو بالسلامة وحاملين معكن التلات نقاط الغاليين من حبايبنا الطلعاوية

[سعدي]

مو الفكرة بالمية ليرة
بعرف انها مبلغ بسيط و ما بتوقع انو المبلغ عائق كبير لحد لأنو عم ينحط عند دخول اي مباراة . .
بس انو شو الفكرة منها للمية ليرة ؟؟ ؟ ؟
اكيد ما بتغطي تكاليف الرحلة لأنو اجرة السفر لو بدها تتاخد أقل شي حوالي 250 ليرة روحة رجعة . .
انا برأيي ما كان في داعي انو يتاخد هالمبلغ البسيط لأنو ما كتير رح يعمل شي و بنفس الوقت نفى كلمة مجانية اللي انحكى فيها . . لو بقيت مجانية مية بالمية كان أحسن . . اما هيك لا هي بمصاري لأنو المبلغ صغير و لا هي مجانية لأنو اندفع 100 ليرة . .

[نجم الصالحية]

الرابطة الماضية ما كانو ياخدو ولا ليرة وقت كنا نطلع
ليش هدول عم ياخدو

[العرقسوسي]

مو الفكرة بالمية ليرة

بعرف انها مبلغ بسيط و ما بتوقع انو المبلغ عائق كبير لحد لأنو عم ينحط عند دخول اي مباراة . .
بس انو شو الفكرة منها للمية ليرة ؟؟ ؟ ؟
اكيد ما بتغطي تكاليف الرحلة لأنو اجرة السفر لو بدها تتاخد أقل شي حوالي 250 ليرة روحة رجعة . .
انا برأيي ما كان في داعي انو يتاخد هالمبلغ البسيط لأنو ما كتير رح يعمل شي و بنفس الوقت نفى كلمة مجانية اللي انحكى فيها . . لو بقيت مجانية مية بالمية كان أحسن . . اما هيك لا هي بمصاري لأنو المبلغ صغير و لا هي مجانية لأنو اندفع 100 ليرة . .


لك يسلملي اللي خلقك شو فهمان

[حسان الحسيني]

انا اليوم سئلت رئيس الرابطة عن هل الامر
فكان الرد
انو الدكتور فؤاد تبرع بباصين فقط
وكان رد رئيس الرابطة لرئيس النادي بالتكليف
انو باصين ما رح يكفو
رح نلم 100 من كل راكب
وبالمصاري منامن باصات تانية
وهاد يلي صار لاانو طلع عن طريق الرابطة 4 باصات
ولو كان بدهم ياخدو مصاري اجار روحة رجعة كان اقل شي بيطلع ع كل شخص
200 ليرة