بداية غير موفقة للمحروس مع الفيصلي الاردني

[حمودي اليوفاوي]

بداية الكابتن نزار محروس لم تكن موفقة مع الفيصلي الاردني
فبعد التعادل مع البقعة 0/0
خسر اليوم الفيصلي مع شباب الاردن 0/2
وهي الخسارة الاولى للفيصلي هالموسم بعد مرور 12 جولة

ليتبعد الوحدات بفارق 7 نقط عن الفيصلي بالصدارة ـ وتتقلص امال الفيصلي بلقب الدوري الاردني
وتراجع الفيصلي للمركز الثالث بعد ان كان بالمركز الثاني

علما ان موقع كووورة شهد معارك قبل قليل
بسبب هجوم مشجعي الفيصلي على المدرب نزار محروس ، ووصفه باوصاف غير لائقة

[وحداوي موت]

المحروس سيد راسن

مدرب ما صرلوا عشر ايام مستلم الفريق شو بدو يقدر يعمل معن

أبو حامد كبير وبيضل كبير
ويا حوينتك يا كبير ادام هيك جمهور

[W@SEEM]

هارد لك للكابتن أبو حامد

ومو للفيصلي

[وحداوي موت]

بغض النظر عن كل شي المحروس استلم الفريق في زحمة المباريات بلدوري والكاس والاسوية
وحتى نجوم الفريق راحوا من الفريق يعني في اكتر من لاعب ما بعرف شو سبب رحيلن بلضبط
وهلا كمان بلمنتدى الاردني كاتبين انو ادارة النادي عاقبت اكتر من لاعب
يعني في تخاذل بلنص

[talbe]

شي متوقع من المحروس بدو شي ست سبع شهور ليتاقلم
المشكلة انو نزار صار عندو ثقة زائدة

[ramyamer]

رح يرجع على الوحدة ......بنهاية الدوري بذكركم

[حمودة الوحداوي]

انا فتت على المنتدى الاردني بموقع كرة كاتبين شي منيح على المدرب

[حمودي اليوفاوي]

في اخبار من موقع فيصلي جو
بانو المحروس قدم استقالتو

بس لسا مااجاه رد من الادارة

[أبو عامر]

لعمه من عمرهن الجمهور الأردني بعدين يا طالب كاتب صار بدو المحروس شي ست شهر ليتأقلم شلون ساوا فريق عنا بشهرين عنجد بتناقصو حالكن

[talbe]

لعمه من عمرهن الجمهور الأردني بعدين يا طالب كاتب صار بدو المحروس شي ست شهر ليتأقلم شلون ساوا فريق عنا بشهرين عنجد بتناقصو حالكن
والله ساوا فريق بيشهي مشكلة الجمهور انة حبو اعمى لنزار

[ابو وسام]

بضلك كبير ابو حامد

[nemr]

والله ساوا فريق بيشهي مشكلة الجمهور انة حبو اعمى لنزار
جمهورنا حبوا اعمى لنزار
وانا كرهي اعمى الك لاني كرهتك بدون ما شوفك

[ramyamer]

جمهورنا حبوا اعمى لنزار
وانا كرهي اعمى الك لاني كرهتك بدون ما شوفك
صلي على النبي معلم
كلنا مع الكابتن نزار بس بدون اساءات لبعض..... لانو كل واحد حر برايوا

[أغيد الفرا]

حوينتك أبو حامد بهيك جمهور

و أبو حامد سيد راسون

[wissam82]

الله يختار الخير لأبو حامد ..

بتضل كبير يا امبراطور ..

[أبو بشار الوحداوي]

هارد لك ابو حامد و البطولات الجاية اكتر

[MOH@MAD]

هارد لك للكابتن ابو حامد

[therock_84]

الكابتن نزار بيضلو كبير شو ما نحكى
نزارو ابن الشام وبيضلو أصيل

[الوحداوي الاول]

نزار اصيل و شو ما صار يصير بالتوفيق للكابتن نزار المدرب الاول في نادي الوحدة بدون منازع
واحد اكبر مدربي الوطن العربي
شكرا نيزارو لقد صنعت لنا فريق كامل الاوصاف

[حسان الحسيني]

بدنا نذكر بردود افعال مايسمة بجمهور نتائج الوحدة
قبل مانحكي ع غير جمهور
كان في مين من جمهورنا يشمت بنتائج ابو حامد مع الوحدة
قبل مايشمت حاليا فيه وهو برة البلد

[bashardo الوحداوي]

بدنا نذكر بردود افعال مايسمة بجمهور نتائج الوحدة
قبل مانحكي ع غير جمهور
كان في مين من جمهورنا يشمت بنتائج ابو حامد مع الوحدة
قبل مايشمت حاليا فيه وهو برة البلد

يسلم هالتم يا أخي حسان

[الساهر12]

هارد لك للكابتن ابو حامد وانشالله راجع على الوحدة

[صقر قريش]

فيه مثل شامي قديم بيقول :
يا حواجبه ياعيونه قالوا على المغتسل بيبان
فريق الفيصلي ما حدا له حجة لم يستلمه وما يحقق نتائج فيه اصحوا بقى هادا هو نزار وهادا مستواه استلم فريق ثاني الدوري مدربه السابق عالمي محضر منسجم مع بعضه ومستواه اعلى من كل الفرق الاردنية ماخسر ولامباراة
الاموال تنفق عليه بالهبل يعني شو ناقص
أنا ما عم اشمت لاسمح الله بس خلينا واقعيين ويلي ما بيشوف من المنخل اعمى

[aboshama]

فيه مثل شامي قديم بيقول :
يا حواجبه ياعيونه قالوا على المغتسل بيبان
فريق الفيصلي ما حدا له حجة لم يستلمه وما يحقق نتائج فيه اصحوا بقى هادا هو نزار وهادا مستواه استلم فريق ثاني الدوري مدربه السابق عالمي محضر منسجم مع بعضه ومستواه اعلى من كل الفرق الاردنية ماخسر ولامباراة
الاموال تنفق عليه بالهبل يعني شو ناقص
أنا ما عم اشمت لاسمح الله بس خلينا واقعيين ويلي ما بيشوف من المنخل اعمى

والله معك حق انا من الناس يلي ما بحبو نزار و ما بشوفو مدرب كبير

[بو علي]

الله يجيب العواقب سليمه
اللهم لا شماااااااته

[حسان الحسيني]

فيه مثل شامي قديم بيقول :
يا حواجبه ياعيونه قالوا على المغتسل بيبان
فريق الفيصلي ما حدا له حجة لم يستلمه وما يحقق نتائج فيه اصحوا بقى هادا هو نزار وهادا مستواه استلم فريق ثاني الدوري مدربه السابق عالمي محضر منسجم مع بعضه ومستواه اعلى من كل الفرق الاردنية ماخسر ولامباراة
الاموال تنفق عليه بالهبل يعني شو ناقص
أنا ما عم اشمت لاسمح الله بس خلينا واقعيين ويلي ما بيشوف من المنخل اعمى


من كلامك باين انك متابع ممتاز للدوري الاردني
ومابتعرف او ماوصلتك معلومات انو الفيصلي هل الموسم مبدل 3 مدربين
ورايح من عندو 7 لاعبين

[wissam82]

ابو حامد كان متخوف من توقيت استلامه للفيصلي
لانه بعز المنافسات على عدة بطولات ,
وحكى هالشي بعدة مقالات ..

وفعلا يلي حسب حسابه أبو حامد صار للأسف ,,
وإن شاء الله قادر الكابتن نزار على تجاوز هالصعويات ..

لأنه بيضل مدرب كبير وقدير ورائع
وتاريخه والانجازات يلي حققها مع شباب الأردن أكبر دليل ..

[محمد660]

المحروس أخطأ خطأ عمره لأنه استلم فريق المقدمة في الأردن وهاهو يسقط امام الفريق الذي كان يدربه سابقا" ليثبت بذلك أن العطل من المسحوق وليس من الغسالة
******

[الوحداوي الاول]

كامل الاوصاف يا نيزارو ولو كره الكافرون

[قطناوي .. وحداوي]

له له والله ما خبر

سيدي الله يوفئووو مع الفيصلي

بس الشغلة بدها وئت

[فلسطيني وحداتي]

مع احترامي للكابتن نزار
لن ينجح مع الفيصلي
والسبب الرئيسي
ان الوحدات هذا الموسم يعيش افضل حالاته ولا تستغربوا ان فاز الوحدات في البطولة العربية (دوري ابطال العرب )
وفاز بأول 3 بطولات هذا الموسم
درع الاتحاد (بفريق الرديف ) رغم مشاركة جميع الفرق بالاساسي مع عدا الفيصلي
كاس الكؤوس الاردنية ( ضد الفيصلي ) فوز 2-0
البطولة التنشيطية ( فوز على شباب الاردن 1-0 ) رغم ان الوحدات لعب بالفريق الشاب

والوحدات حاليا تتويجه بالدوري مسألة وقت لا أكثر

ونصف نهائي كاس الاردن

وادعوكم لرؤية الديربي يوم السبت في ذهاب نصف نهائي ضد الفيصلي

الوحدات على اعتاب موسم تاريخي وهو الفوز بجميع بطولات الاتحاد الاردني
وان شاء الله البطولة العربية إلنا كمان


تحياتي لجمهور الوحدة الحبيب
وبالتوفيق لنزار ولكن لا اتوقع نجاحه لإنه الفيصلي استغنى عن 6 لاعبين هالموسم