إلى المشرفين الأكارم ...أحذروا...

[الأدعشري]

السلام عليكم ورحمة الله وبركاته ..
هنا منتدى نادي الوحدة الدمشقي الذي يحتوي على المحبين و عشاق هذا النادي
في بلدنا الحبيب سوريا وخارج سوريا و هذا المنتدى له سمعة و مكانة لدى الكثير من الناس
وهذه المكانة لم تاتي من فراغ ولكن بجهد القائمين والقيمين على هذا المنتدى ..
و الشجرة المثمرة هي التي تضربدائما بالحجار لذلك نرى الكثير من الحقودين و الكارهين لهذا المنتدى بتشويه صورته أو افتعال المشاكل أو حتى
التخبيص بالكلام و ذلك لانهائه نهائياً واليوم وجدت شخص مسجل بأسم الحقيقة ومنزل موضيع لها عنوين سياسية بحتة و و ربما هذه العنوين مقصودة لتشويه صورة المنتدى لذلك أتمنى من المشرفين الأنتباه
و المسارعة بحذف جميع الموضيع المطروحة لهؤلاء الأشخاص بالأضافة لحذف اشتراكهم نهائيا ..
ولكم الشكر ..

[Ammar Alfarawati]

متل ماهالشخص نزل موضوع مبارح عن ولاد النادي ...وطبعا هاد كلام خطير .

[هنو]

و الله الحق معك يا حميد

[همام]

ما شفت شي اله علاقة بالسياسة أبو حميد
بس الزلمة عم يحكي كلام كبير عن لعيبة ولاد نادي ... بس ما شفت اي شي اله علاقة بالسياسة

[يمان القدة]

لازم يلتقالو حل والله عم يخبص كتير مبين فايت ليعمل بلبلة

[الأدعشري]

شفت شي اله علاقة بالسياسة أبو حميد

همام هي العنوين لجنة تحقيق و وما لجنة تحقيق بتجيب وجع راس :cons و أنت فاهمني منيح

[wissam82]

أبو حميد بما انه اجانا انتقادات كتير لانه ,, كما يدعي البعض نحنا منحذف المواضيع يلي بتهاجم طرف على حساب طرف ...

فرح نخلي كل المواضيع الموجودة المهم ما يكون فيها اساءة لفظية لاي طرف ,, وانما تعبير عن رأيي , لشخص مجهول الهوية ...

بس حابب وضح انه كإدارة للمنتدى ما فينا أي موضوع لو كنا مالنا مقتنعين فيه نحذفه,, لان بالنهاية المنتدى بيعبر عن رأيي كل أشكال وأراء الجماهير ,,

انا شخصيا مالي مقتنع نهائيا بكلام ((الحقيقة)) وخاصة بما انه شخص مبهم ..

والرد عليه بيكون من خلال ردودنا عليه بموضوعه أو مواضيع تانية المهم ضمن قوانين الأدب ..

وبكل الأحوال نحنا بانتظار لقاء الكابتن أيمن الحكيم لنستفهم منه حقيقة الأمر ....

[فراس الوحداوي]

لازم يلتقالو حل والله عم يخبص كتير مبين فايت ليعمل بلبلة

[Ammar Alfarawati]

حامد هاد الشخص هدفوا يشوه سمعة اللاعبين يلي منحبهم كلنا

ولمصلحة احد اللاعبين ....يمكن لان بحبه اكتر من غير لاعبين (طبعا هو حر) بس مايشوه سمعة لاعبين تانيين وبدون دليل.

[wissam82]

بس مايشوه سمعة لاعبين تانيين وبدون دليل

:)) :)) :)) :)) :)) :)) :)) :))

[الأدعشري]

حابب وضح انه كإدارة للمنتدى ما فينا أي موضوع لو كنا مالنا مقتنعين فيه نحذفه,, لان بالنهاية المنتدى بيعبر عن رأيي كل أشكال وأراء الجماهير ,,

حجي أب أنس كلامك على العين والراس و لحنا اعضاء المنتدى نطالب بالرأي والرأي الأخر و لكن عندما يكون الموضوع ليس رئي اخر بل بلبلة :mrgreen: و فيه وجع راس للمنتدى لأنو العنوين جميعها مأخوذة من لجنة التحقيق تبع الحريري و جماعة الحئيئةو من هالكلام و لحنا متل ما بيعرف الجميع نبتعد كل البعد عن الموضيع السياسية... لذلك وجب التنويه

[M o H a M e D]

طيب شو المانع أنو تنطرح هالمواضيع ... وكل واحد حر يصدقها أو يكذبها ...

بيبقى هاد منتدى للجمهور .. وكل واحد الو حق يكتب فيه أي شي ضمن حدود الأدب ...

[سعدي]

طيب شو المانع أنو تنطرح هالمواضيع ... وكل واحد حر يصدقها أو يكذبها ...

المشكلة يا ابو حميد انو صاير اي كلمة بيكتبها اي عضو .. عم تنحسب على رأي المنتدى ..
يعني بعد هالكلام رح ينقال
انو منتدى وحداوية عم يهاجموا ابناء النادي
ما حدا رح يقول انو عضو مسجل جديد و عم يعمل بلبلة
انا مع الحذف في حال وجود موضوع يثير بلبلة بدون دلائل
و هون لازم الاعضاء يعطونا الثقة كمشرفين انو وقت نحذف موضوع من هالنوع ما يعتبروها سياسة كم الافواه
و يبقى لكل انسان رأي

[الصالحية]

وبكل الأحوال نحنا بانتظار لقاء الكابتن أيمن الحكيم لنستفهم منه حقيقة الأمر ....



الحكيم؟؟؟؟؟؟؟؟؟؟؟؟؟؟؟؟؟؟؟؟؟

ماهو زعيم المؤامرات عن أي حقية بدك تسألوا

ياريت تسألوا عن سبب طردوا محمود محملجي من النادي

ياريت تسألوا ليش قاد تمرد ضد نزار

وكان النادي الضحية

سألوا هو وحداوي ولا وثباوي

ليش عمل حركات بعيدة عن الأخلاق لجمهور الوحدة بحمص حين كان يدرب الوثبة

وخسر الوحدة بهدف سألوا

شو عم بيصير وخليك حاد وصريح لازم نعرف كتير خفايا قديمة

بس خلي أجوبته واضحة وصريحة

[همام]

الحكيم؟؟؟؟؟؟؟؟؟؟؟؟؟؟؟؟؟؟؟؟؟

ماهو زعيم المؤامرات عن أي حقية بدك تسألوا

ياريت تسألوا عن سبب طردوا محمود محملجي من النادي

ياريت تسألوا ليش قاد تمرد ضد نزار

وكان النادي الضحية

سألوا هو وحداوي ولا وثباوي

ليش عمل حركات بعيدة عن الأخلاق لجمهور الوحدة بحمص حين كان يدرب الوثبة

وخسر الوحدة بهدف سألوا

شو عم بيصير وخليك حاد وصريح لازم نعرف كتير خفايا قديمة

بس خلي أجوبته واضحة وصريحة


فيك تسألوا انته اذا بدك ... بكرا بالمقابلة .. بس روقلي حالك :mrgreen:

[Ammar Alfarawati]

فيك تسألوا انته اذا بدك ... بكرا بالمقابلة .. بس روقلي حالك



يمكن مخاصي الاخ صالحية مابيحكي معو :m(

[السوري الدمشقي]

والله يسلم هالتم يا حميد

وانتهت القصة بحذافيرها ومشكورين على الاشراف