.. الحملة الوحداوية لتحقيق حلم ابو خالد ..

[أبو بشار الوحداوي]

مرحبا شباب
صحيح انا من اكتر اللاعبين حباً لماهر السيد ... بس النادي هالسنة مو بخطر
و حق اية لاعب يحترف وين ماكان ...
ماهر متل ما قالوا الشباب ضحى كتير ... لاجلنا و اجل نادينا
نيجي يأخر حياته الكروية من ادارة فاشلة نحرمه الحلم تبعه .... لا و الف لا
منشان هيك يا شباب لازم نشتغل ... لنحقق هالحلم لسيد الكرة السورية ...
يعني مثلا حملة تواقيع و لافته نحطها عند النادي نكتب عليها (( لا تحرموه ... فانه السيد ))
بتمنى الجدية

[ابن الشام1]

فكرة ظريفة ومعقولة
بس بكرة الادارة المهزوزة بيطالعولك لافته مكتوب عليها
لاحياة لمن تنادي

[أبو بشار الوحداوي]

***************

[أبو بشار الوحداوي]

فكرة ظريفة ومعقولة

بس بكرة الادارة المهزوزة بيطالعولك لافته مكتوب عليها
لاحياة لمن تنادي



شكرا لك اخي و لكن كما اجبرناهم على ابو حامد لابد ان نجبرهم على انتقال السيد
لانه حرااااااااااااااام

[وحداوي_موت]

اي والله حرام سيد الكرة السورية يضل هون بهيك ظرف ولازن نساعده على انو ينهي مسيرتو الكروية بشي نادي محرز وعليه القيمة

[ابن الشام1]

شكرا لك اخي و لكن كما اجبرناهم على ابو حامد لابد ان نجبرهم على انتقال السيد
لانه حرااااااااااااااام


طبعا حرام بس مابدك من الشباب يلتزمو معك
لانو شفنا شو صار لما اتفقو ينزلو يعملو اعتصام ادام النادي
مشان استقالة هالادارة الفاشلة مااجا غير اتنين شي بسود الوش

[اياد الوحداوي الشامي]

الله يفرجها بجاه النبي

[حسن عوده]

بصراحة ما مرق علي لا محليا ولا عربيا ولا اوروبيا مظاهرة لجمهور الفريق مشان يخللو نجمهم يسافرو يحرتف !!

الهذا الحال وصلنا ؟؟

فعلا " يجب ان نغير المدافعين لا ان نغير القضة " من اقوال غسان كنفاني "

[kashi]

خير انشاء الله خير

[W@SEEM]

الله يختار الخير للكابتن أبو خالد

[cool]

بالتوفيق لأبو خالد0000

[nation]

عذرا
يا منخلي كل اللاعبين يحترفوا بالخارج او لا

لانو في عدد لاباس به من اللاعبين لديهم عروض من اندية خارج الوطن
بقى خيار وفقوس ما بدنا

[العرقسوسي]

والله ماهر لاعب كبير وحقو يشوف حياتو والله يسترو من شي إصابة ولعيونكن شباب ولعيونك يا أبو خالد أنا من ناحيتي شو بدكن آمين

[ابو وسام]

مين مابيتزكر ابو كاسم وكم عرض اجاه ليحترف رفض هالشي وهاد كتير بيدل على وفاء اللاعب لناديه .. بس وينو هلا ابو كاسم بدون شغل بدون اي شي حتى من النادي ....؟ فليش لا خليه يروح يشوف مستقبلو اب خالد صار بل 30 خليه يصمدلو قرشين احسن مايكون مصيره متل المحملجي ...
بس لو منعرفانو هون بالدوري لح بيكون معاشو منيح وفي مادة كويسة بالنادي مامنقبل يروح ابدا...
مابعرف هاد رايي الشخصي واللي عندو رأي تاني يقلي بيجوز كون انا غلطان او شي

[ramyamer]

بالتوفيق لماهر..

[باسم]

من حق كل لاعب ان يبني مستقبله وهذه فرصة كبيرة للاعب كبير وان شاء الله ينتقل الى الاتفاق وهو يستحق كل خير

[عادل الطياري]

وجهة نظري ان نكون يد وحدة مع ابوخالد الدوري السعودي قوي وخلي الانظار تتجه نحو الدوري السوري

[ابوزياد]

غريبين هل العالم لما أبوحامد ترك قالو ما بصير يترك لأنو إبن النادي
ولما ماهر بدو يترك صار بدن يعملو مظاهرة مشان يترك
شي عجيب
ملاحظة :ممكن نعرف شو التضحيات يلي قدما الكابتن ماهر:roll:

[أبو جورج الوحداوي]

رغم اني مصر على رايي انو ماهر مو بمستواه يلي منعرفوا

بس هو قدم كثير للنادي

و من حقوا يدور على مصلحتوا

هلق شو قدم تضحيات ما بتوقع أنو ماهر أجالو عرض محرز و رفضوا كرمال النادي و بدون تعويض
لانو ماهر كل فترة و التانية منسمع أنو أجالو عرض شي من دينامو كييف و شي من الزمالك و شي منقبرص و شي الكويت ( غير فترة أحترافوا ) و شي من البحرين أو قطر ما بتذكر

المهم أنو و بحسب معلوماتي أخد تعويض مقبول مقابل كل عرض رسمي أجالوا

ماهر صار عمروا 30 سنة و من حقوا يدور على عرض مناسب بيستفيد من خلالو بقرشين حلوين

و بيستفيد النادي من قرشين حلوين كمان

بس لنكون واقعيين شوي انو ماهر من افضل اللاعبين بفريقنا فأذا ترك رح يترك فراغ فهل فريقنا عندوا البديل حاليا ً


.

[talbe]

ماهر بيستاهل

[عمار عبار]

غريبين هل العالم لما أبوحامد ترك قالو ما بصير يترك لأنو إبن النادي

ولما ماهر بدو يترك صار بدن يعملو مظاهرة مشان يترك
شي عجيب
ملاحظة :ممكن نعرف شو التضحيات يلي قدما الكابتن ماهر:roll:

حبيبي نحن لم نقل لينتقل من فراغ المبلغ الذي ستقبضه الادارة من الانتقال يحل مشاكل النادي المادية ومبلغ 200 الف دولار ممتاز للادارة وان كنت لا تعرف تضحيات ماهر السيد فانت لست وحداوي

[وحداوي موت]

بيصير خير
ابو خالد الله يوفقك

[MOH@MAD]

الله يختار الخير للكابتن ماهر

[الشـــ ابن ــام]

بصراحة ما مرق علي لا محليا ولا عربيا ولا اوروبيا مظاهرة لجمهور الفريق مشان يخللو نجمهم يسافرو يحرتف !!

الهذا الحال وصلنا ؟؟

فعلا " يجب ان نغير المدافعين لا ان نغير القضة " من اقوال غسان كنفاني "

وانــا كمــان مستغرب ومتعجب بس متحفظ لحد الآن

[ابوزياد]

حبيبي نحن لم نقل لينتقل من فراغ المبلغ الذي ستقبضه الادارة من الانتقال يحل مشاكل النادي المادية ومبلغ 200 الف دولار ممتاز للادارة وان كنت لا تعرف تضحيات ماهر السيد فانت لست وحداوي
إلي شو هي التضحيات أحسن من هل الحكي الفاضي
الشغلة مو بالعواطف يا أستاذ