ماهر السيد: افضل الانضمام للاتفاق عن الانتقال للاردن

[samersabsoub]

http://www.psyrianp.com/php1/images/news/maher%20syed%20contect%20itfaq.jpg

ذكرت صحيفة الحياة السعودية بعددها الصادر صباح اليوم الاثنين ان ادارة نادي الاتفاق السعودي قد دخلت بمفاوضات جادة مع اللاعب الدولي السوري ماهر السيد نجم نادي الوحدة الدمشقي والمنتخب السوري الاول للتعاقد معه في فترة الانتقالات الشتوية الحالية.
واشارت الصحيفة الى ان ادارة نادي الاتفاق حددت مبلغ 500 الف دولار للتعاقد مع المحترف الثالث حيث تتفاوض ادارة النادي السعودي مع ثلاث لاعبين لاتمام التعاقد مع احدهم وهم : بدر المطوع نجم نادي القادسية الكويتي و سولي نجم نادي هيواندي الكوري و السوري ماهر السيد نجم الوحدة السوري.
وعلم موقع المحترفين السوريين PsyrianP.com من مصادره المطلعة الى ان ادارة نادي شباب الاردن الاردني تسعى جاهدة للتعاقد مع لاعبنا ماهر السيد في الفترة الحالية لتدعيم صفوف الفريق استعداداً لبداية مرحلة الاياب من دوري المحترفين الاردني .
وللتأكد من صحة الاخبار اجرى موقع المحترفين PsyrianP.com اتصالاً هاتفياً بماهر السيد والذي قال : ادارة نادي الاتفاق السعودي دخلت معي بمفاوضات جدية واقتربنا من الوصول الى اتفاق نهائي على جميع بنود العقد مما يسهل اتمام الصفقة .
وعن مفاوضات نادي شباب الاردن تحدث قائلاً : ادارة نادي شباب الاردن تفاوضني ايضاً لانضم اليهم بعد مباراة المنتخب الوطني ضد لبنان, لكن انا افضل الدوري السعودي وان شاء الله ستكون وجهتي القادمة هي السعودية للانضمام لنادي الاتفاق.

[W@SEEM]

بالتوفيق لأبو خالد وين ماراح

[عمر نصري]

على خير ان شالله

و قديش بيطلع لنادينا من هالحكي كلو

[wissam82]

بالتوفيق لأبو خالد الغالي وين ما كان
ونادي الاتفاق من الأندية القوية والمنافسة
بالدوري السعودي ..

[عاشق ماهر السيد والوحدة]

المصدر حبيب؟؟؟

[nano]

يرحم أيامك يا محملجي نزلنا عالدرجة التانية وما رضيت تتركنا

[nano]

مع اني بحبك يا كابتن ماهر

[وحداوي موت]

بلتوفيق لابو خالد الملك
وين ما رح

[bmekhaled]

والله أحسن شي بيعمله
منه هو بغير أجواء و بظن ضروري هالشي طالما فريقنا كاس مالو و دوري أكيد ما رح يطلع من أمره شي
فإذا بيترك بالإياب بيكون منيح و إذا بيطللع النادي قرشين من انتقاله بظن هاد أحسن شي لجميع الأطراف

[صقر قريش]

على ما يبدو انه نزار كان مبيت الذهاب الى الشباب الاردني وبدو هلق يسحب ماهر معه وهي مناورة وضعوا اسم الاتفاق السعودي والدوري السعودي يعني كلنا منعرف انه الاندية السعودية
عميان عن اللاعبين الكبار العرب
ومبدأهم بيقول زيوان البرازيل ولا قمح العرب
صدقوني نزار مدرب وماهر ورافت اللاعبين الجدد في شباب الاردن

[اياد الوحداوي الشامي]

لا اله الا الله محمد رسول الله معناتو بلشنا نجهز حالنا مشان ننزل السنه الجايه عالتانيه اذا بلشت احسن لعيبه تروح من عنا

[wassim80]

والله إزا بييجي عالدمام . بيكون أحسن منشان نحضرلوا مبارياتو , ومندللو شوي ...

[أنس العرقسوسي]

بالتوفيق للسيد وين ماراح

[ابو محمد الوحداوي]

بلتوفيق لابو خالد
وين ما رح

[kashi]

خير انشاء الله خير

[محمود الصفدي]

الله معك يا نجم سوريا ونجم الوحدة ماهر السيد

[الشـــ ابن ــام]

متل ما قال وائل كفوري
على مملكتي السعيدة يا حلوة تفضلي خلي ايدك بائيدي انا غيرك ما الي
بلتوفيق لماهر الكرة السورية سابقا

[رغيد]

متل ما قال وائل كفوري
على مملكتي السعيدة يا حلوة تفضلي خلي ايدك بائيدي انا غيرك ما الي
بلتوفيق لماهر الكرة السورية سابقا
سبحان الله طول ما اللاعب عنا بالنادي نجم وماهر الكرة السورية وأول ما يفكر يترك النادي بيصير نجم سابق ومالو فهمان و و و و
والله عيب ماهر السيد نجم وسيد الكرة السورية والله يوفئوا ويخلصوا من هيك نادي خالص

[talbe]

حتى ماهر مل من الادارة و وعودها الكاذبة

[وحداوي بعد كل خسارة]

شو مشان في عقد يا شباب !!!!!!!!!!!!!!
وإذا يعني ماهر شو الشغلة سايبة!!!!!!!!!!!!!!!!!!!!!!

الله معاه لا تمنعاه لا تعاتبه ولا توجعه بكرا الندم بيرجعاه بكرا الحنين
باي باي مع السلامة
إذا ابن النادي بدو يترك فلا عتب عالشعار وقصي وباسافا وآراز

[مورا]

أولا أبو حامد

وثانيا أبو خالد

والظاهر القائمة ستتطول

شكرا ادارتنا..... شكرا تخريب ( تعمير )الشام

[ramyamer]

بالتوفيق لماهر...

[Basti]

بالتوفيق لماهر و الافضل له و للنادي الانتقال

[الرجل البرتقالي]

والله النادي كل مالو عم يفرط هي عم يروحو اللعيبة واحد واحد وما في مصاري وما في مدرب وما في ادارة متل العالم و ما في شي يعني لاعب متل ماهر السيد وبحرفيتو صرلو شهرين ونص ما قبض راتبو اجباري بدو يترك لكن يشحد يعني الله يوفئو للزلمة عمل واجبو والتئصير مو منو لحتى نحكي عليه كل مالنا لورا الحمد الله

[ابو وسام]

الشجرة اوراقها عم تسقط ورقة ورى ورقة

[RvH]

بالتوفيق للكابتن ماهر

[أغيد الفرا]

بالتوفيق لأبو خالد

[ابو كريم]

بتمنى من الشباب نفكر بموضوعية بقضية انتقال اللاعب ماهر السيد

[ابو سامر]

الله يقدم اللي فيه الخير
وبالتوفيق لماهر
والله يعطينى خير الايام الجاية

[العرقسوسي]

والله يا شباب هاد وقت العملة الأخ عم يا كل أخو وقفت على لاعب وناديه
قال في بجيبتك قرش بتسوى قرش

[عمار عبار]

اذا اللاعب اجاه عرض جيد وين الغلط انو ينتقل ما دام ناديه مو قادر يدفعله ولا ليرة و النادي بالتاكيد سيستفيد من الصفقة بعدين شو هالردود يلي بتهاجم اللاعب عيب اليوم حبيبنا وبكرة عدونا وبلاها نظريات المؤامرة القريشية الجاهلية

[SH@@MI]

يعطيك العافية وبالتوفيق للكابتن أبو خالد
وبتمنى أنو تنحل المشكلة وما يتركنا

[ميمو الرايق]

يا ريت الأنتقال يكون بنظام الإعارة و بس .....

[بو علي]

حسبنا الله ونعم الوكيل ؟؟؟؟؟؟؟؟ احسن شي

[الشـــ ابن ــام]

الله يوفقه بس كل مرا منسمع عن خبر انتقال ماهر وما بتزبط
ابــــي الجيشاوي قلي :هه اشاعة متل العادة

[nano]

معقول يساوها

[عادل الطياري]

الدوري السعودي افضل من الدوري الاردني بكثير

[بشـار الوحداوي]

ما منقدر نقول غير بالتوفيق للكابتن ماهر