مكالمة صوتية مسجلة مع المدرب الكبير فجر ابراهيم قبل مباراة اللبنان

[احمد بيرقدار]

أجرينا مساء الأمس إتصال هاتفي مع مدرب منتخبنا الوطني الكابتن فجر ابراهيم لنطمئن على وضع المنتخب قبل مباراة اللبنان وكان لنا معه الحديث التالي

الله يعطيك ألف عافية كابتن فجر
الله يعافيك أهلين أخي أحمد
أول شي أنا بدي أتشكرك لأني طلبت منك بعد مباراة الصين أنك تبقى وما تسأل على قصة العقد وما خجلتنا وبقيت شكرا الك
هادا واجب وطني لأنو هادا منتخبنا وهادا بلدنا لا نستطيع ان نتخلى عنه
والله يعطيك الف عافية على الفوزين يلي حققتهم بالكويت وبيضت وجوهنا فيهم
وجهكم دائما أبيض ودائما النفس الطيب بيعطي نتائج طيبة
كيف استعدادتكم لمباراة المنتخب اللبناني
بنقول يا رب الحمد لله الفريق معنوياته كتير عالية واهم شي ما في اصابات الامور كويسة جدا داخل الفريق واللاعبين أجمل ما فيهم أنو عم يعطوا افضل ما عندهم لذلك الامور ماشية بشكل جيد
وان شاء الله بعد مباراة اللبنان في مباراة مع كوريا مهيك
إذا الله راد بيوم 1\2 بس ما حكون انا موجود مع المنتخب
وليش
لأنو أنا في عندي دعوة من الإتحاد الأسيوي لحضور دورة بماليزيا وأنا حكون المشرف على المدربين المحاضرين بهي الدورة يلي حتكون لمدربين النخبة باسيا
الله يعطيك الف عافية يا رب طيب بالنسبة لإستدعاء المحترفين إن شاء الله حيتم هالشي بعد مباراة كوريا
أكيد أكيد مية بالمية نحن هلأ صار عنا جدول بمشاركات الكرامة والإتحاد والمجد بالبطولات وحنضع برنامج استعداد من هلأ للمياراة الثالثة بإذن الله ومن خلال هالبرنامج انو حيتم استدعاء أكثر من محترف لنشوفهم جميعا على ارض الواقع يعني مية بالمية حيتم استعائهم وحنزود وسائل الاعلام بكل شي
الله يعطيك الف عافية كابتن وشكرا الك كتير وان شاء الله موفق دائما مع المنتخب
تسلم يا رب وشكرا على اتصالك

وهادا رابط للمكالمة التي جرت مع الكابتن أبو علي
http://arabsh.com/t3l1m5qjwz63.html

[wissam82]

بالتوفيق للمنتخب وللكابتن فجر ابراهيم
وإن شاء الله بتستمر هالنتائج الايجابية يلي عم تتحقق بقيادته ..

والكلام عن المحترفين جميل والله يقدم يلي فيه الخير
ومنتمنى من القيادة الرياضية تكون قد المسؤولية ويقدموا
الدعم اللازم لهل منتخب ..

مشكور أخي أبو عمر يعطيك العافية ..

[W@SEEM]

مشكور أخ أحمد على اللقاء والله يعطيك ألف عافية

وبالتوفيق للكابتن أبو علي مع المنتخب

[عمار عبار]

بالتوفيق للمنتخب والمدرب رغم الاهمال الواضح من الاتحاد بعكس ايام ابو شاكر وتجيش الاعلام والشركات الداعمة ماديا

[بشـار الوحداوي]

مشكور على هالاتصال اخي احمد وبالتوفيق للمنتخب بس انا برايي بدون هالاعبين المحترفين بيكون افضل لانو بدون وقت كبير ليتاقلمو مع المنتخب

[بو علي]

بالتوفيق لمنتخبنااااا السوري الغالي

[وحداوي موت]

ألف شكر الك اخي احمد على الشغل الكبير يلي عم تقدمو
بلتوفيق للكوتش فجر وان شاء الله نجيب ال3 نقاط من لعبة لبنان
الكابتن فجر عم يشتغل شغل كبير الله يوفقو
وان شاء الله التاهل لكأس اسيا بيكون من نصيبنا بلمجموعة

[kashi]

بالتوفيق للمنتخب

[الشـــ ابن ــام]

مشكور على اتصال واخيرا سمعنا خبر مؤكد عن المحترفين
انــس الشربيني وشربل توما يا ابناء الشام نحن بانتظاركم

[ابن الشام1]

الف الف شكر لأبو عمر عالمجهود ومقابلة مشجعة
وبالتوفيق للكابتن فجر ولمنخبنا امام لبنان انشالله

[أبو الياس]

يعني معلم مين رح بيكون المدرب بهديك المباراة؟
شكرا للخبر

[أنس العرقسوسي]

مشكور على المقابله والله يعطيك العافيه

[samersabsoub]

بالتوفيق للمنتخب.......

[ramyamer]

بالتوفيق للمنتخب و للكابتن فجر........

[Ammar Alfarawati]

يعطيك العافية احمد

وان شاء الله ماعلى قلبك شر .. رغم مرضك عم تتعب معنا يعطيك العافية

[RvH]

باتوفيق لمنتخب الوطن