لست معهم و لكن لا لإسقاط الادارة

[noel]

انا مو مع الادارة اكيد 100 بالمية و بأكد انو الاداء الاداري بنادي الوحدة ضعيف كتير .

لكن خلينا نكون واقعيين شوي:
في حال نجحت الجماهير و تم اسقاط الادارة شو رح يكون حالنا هل موسم:
10 تيام للاياب ادارة مافي داعم مافي مدرب مافي حتى اللاعبين يمكن يهجوا لا حدا يقول كلمة (ادارة تسسير امور لأنو 100% رح تفشل)

و انتو بتعرفوا نحن بسوريا تشكيل ادارة جديدة قد يستغرق شهور و مهاترات و رح تكون ادارة اسعافية لا ادارة بتبني الناديو النتائج اكيد رح تنعكس ع الفريق يلي احتمال يرجع يتهدد بالهبوط هل موسم بسبب ضيعان الادارة بقترح مطالبة توقيع الادارة على استقالتها آخر الموسم و خلال توقف الدوري بالامكان تشكيل الدارة و داعم و حتى عودة ابو حامد
هااد رأيي

عسى ربي ان يفرجها عن نادينا لأنو مو ناقصنا حرقاات قلب كمان
و بالتوفيق للوحدة

[wissam82]

لجنة تسيير أمور أفضل مليون مرة من الإدارة الحالية
بيكفي رح يكون ئلها شخصية وتتخذ قرارات اسعافية للنادي
بين ما تصير الانتخابات المقررة بنهاية الموسم الحالي ..

الإدارة الحالية ما شفنا منها أي قرار بيفيد النادي
بالعكس كل الأمور لورى ..

[Radwan]

أتمنى أن أعرف متى وما هي الأسباب التي توجب أن تستقيل أو أن تُقال الإدارة هل كنت معنا أخ noel وتابعت أداء هذه الإدارة الموسم الماضي ونفس كلامك تبنيناه نحن بعد تلك الخيبة وكانت النتيجة ما حصل ويحصل الآن .

عند المرض أهم شيئ أستئصال الفيروس المسبب للمرض وبعد ذلك نبحث في إعادة التأهيل لجسم المريض الإستقالة هي الحل الوحيد الآن حسب ما أراه ويراه معي الكثيرون من جمهور ومحبي النادي .

[ميمو الرايق]

لا تقتل البعوض . بل جفّف المستنقع....

[noel]

اخواني انا بأكد ان ادارتنا فاشلة بكل المعايير الادارية و المهنية لكن الوقت ضدنا
و الكل بيوافقني انو بدنا حل جذري للمشكلة لكن توقيت الحل مهم ايضا و صراحة ع بساط احمدي الكل شاف ادارات (حطين و تشرين و وجبلة و الفتوة و طليعة ) ادارات تسييير الامور كيف النادي عم يغرق

ربي يفرجها ع الوحدة و يرجع متل اول

[البوابة الدمشقية]

حتى لو أرادوها إدارة لن نتوقف حتى تسقط

فلا بديل عن سقوط هؤلاء المرتزقة

[حسان الحسيني]

هل الادارة متل ماكان قدومها مطلب جماهيري
اصبح خروجها من النادي مطلب جماهيري ايضا

[nation]

يعني اقل شي ممكن فعله انو الادارة تمشي ويا سيدي لجنة تسيير امور احسن من ولا شيء

يعنس تقول نحنا منافسين على اللقب او الكاس
الدوري انحصر بين الجيش والاتحاد مع محاولة من الكرامة او النواعير
الكاس ما عم نلعب احسن

,,,
بقى الله يرضى عليك شفلك موضوع ثاني

[البوابة الدمشقية]

تضامنوا من أجل أستئصال

الورم الخبيث بالنادي

[محمد سكر]

ادارة فاشلة ومافي منها أمل

[فهد الناجي]

حاسس حالي بغرفة عمليات
وشغال فيها أستئصال الاورام
يا جماعة الخير نحن ما بدنا انافس عدوري هي السنه
المهم هلاء يرجع النادي يوقف عرجلو ان كان بنفس الادارة او غيرها
متل ما ستلم الكابتن نزار وراح بيجي غيرو يستلم
ونحن مو اول ولا أخر نادي صار فيه هيك
كلها يومين وبيبين كل شي بالنادي ومنعرف راسنا من رجلينا
وبتمنى ما يكتر الحكي والتكهنات بلا طعمة
متل ما بيقول المثل ((لا تقول عنب ليصير بالسلة)))
والله يفرجها احسن شي

[البوابة الدمشقية]

صرلنا سنين ما عم نقول عنب


الأدارة اليوم على أبواب الحرب وقادمات الأيام ستثبت ذلك
وصبرنا كتير على هالأدارة وهي الأسماء

وغير سقوط هذه الأدارة لن يجدي نفعا لا لمصلحة النادي ولا لمصلحة الأدارة نفسها

[kashi]

اخي القصة انو الادارة الحالية جيدة ولانستطيع ان نقول غير هيك بس غير متفرغة للنادي ومشاكله وهذا غير مناسب في وقت الاحتراف وغير اندية عم تشتغل ادارتها على مدار ساعة من اجل تامين كل احتياجات النادي

[البوابة الدمشقية]

[quote=kashi;325284]اخي القصة انو الادارة الحالية جيدة ولانستطيع ان نقول غير هيك بس غير متفرغة للنادي ومشاكله


إذا الأدارة غير جيدة

[W@SEEM]

أكيد إذا أستقالت الإدارة الحالية أن شاء الله

وجاءت لجنة تسيير الأمور المؤقتة

لا بيصير شتات ولا شي

وعلى العكس تمام .. بالنسبة للجنة تسيير الأمور

كل عضو فيهن حيثبت جدارة أكتر من التاني ... لأن الإنتخابات قريبة

وبالتالي هاد الشي بيرجع بالإيجابية على النادي

بس المهم حاليا تستقيل الإدارة

[وحداوي بعد كل خسارة]

الإدارة جيدة ودخلت للنادي برغبة جماهيرية كبيرة وبالصيف الماضي استقالت بس رفضت الاستقالة
السبب الوحيد يلي خلا الجمهور كله يغضب عالإدارة هو إنها إدارة فنية يعني مالها داعمة ماليا لأنه حالتهم المادية متوسطة وغير قادرين على الدفع لحل المشاكل لا متل رئيس النواعير ولا حتى متل رئيس المجد فالتقصير لا يقع على عاتق الإدارة بل على الشركة الراعية
كيفية حل الأزمة: الالتزام المادي من الشركة بشكل تام وإلا فسخ العقد والبحث عن رعاية على القميص البرتقالي فقط يعني المردود المادي من المباريات للنادي وتعيين مدرب عليه القيمة وناجح وهذا يشمل إما الكابتن عماد شومان المنقذ المحبوب أو مدرب من خارج النادي ولعل أروع مثال عن ذلك المدرب القدير ياسر السباعي بطل دورة الصداقة الأخيرة

[عمار عبار]

أتمنى أن أعرف متى وما هي الأسباب التي توجب أن تستقيل أو أن تُقال الإدارة هل كنت معنا أخ noel وتابعت أداء هذه الإدارة الموسم الماضي ونفس كلامك تبنيناه نحن بعد تلك الخيبة وكانت النتيجة ما حصل ويحصل الآن .

عند المرض أهم شيئ أستئصال الفيروس المسبب للمرض وبعد ذلك نبحث في إعادة التأهيل لجسم المريض الإستقالة هي الحل الوحيد الآن حسب ما أراه ويراه معي الكثيرون من جمهور ومحبي النادي .
كلام مية بالمية عمي ابو اسماعيل:))

[ramyamer]

لازم تطلع الادارة ما في مجال.....شو بدك الاعيبة والجمهور يهجوا