هل تعلم حجم الرشوة التي قبضها البعض من art

[الأدعشري]

نعم ..هل تعلم حجم الرشوة التي قبضها البعض من المسؤلين في اتحاد كرة القدم و المكتب التنفيذي من شركة art الراعي السمي للدوري السوري حتى يتم نقل المباريات من ايام العطل الجمعة والسبت إلى قلب الأسبوع
هل يستطيع اتحاد كرة القدم ان يشرح لنا الفائدة من نقل المباريات إلى قلب الأسبوع او ان يشرح لنا حجم الرشوة التي قبضوها من الشركة لنقل المباريات وبالتالي التأثير الكبير علىالحضور الجماهيري وبالتالي انخفاض ريوع المباريات و هذا الذي يؤدي إلى انهيار الأندية و افلاسها!!
نحن ننتظر التوضيح من الحرمية لأن الوضع لن يحتمل اكثر من هيك ارجو من جميع المتابعين لمنتدى جمهور الوحدة من صحفيين و اعلاميين ان ينقلو هذه الرسالة وهذا الأتهام من قبل جميع الجماهير السورية لإتحاد الكرة ..

[فتى الشام المدلل]

وبضم صووتي لصوتك الله ياخد هيك شلة حرامية كتير عليهن ..................؟؟؟

[SH@@MI]

آل شو مشان المنتخب
فهمنا تكثسف للمباريات
بس اعملوا تلاتا وجمعة
مو أحد وأربعا

[ابو وسام]

الله ينتقم من كل واحد فاسد

[salah]

نعم ..هل تعلم حجم الرشوة التي قبضها البعض من المسؤلين في اتحاد كرة القدم و المكتب التنفيذي من شركة art الراعي السمي للدوري السوري حتى يتم نقل المباريات من ايام العطل الجمعة والسبت إلى قلب الأسبوع

هل يستطيع اتحاد كرة القدم ان يشرح لنا الفائدة من نقل المباريات إلى قلب الأسبوع او ان يشرح لنا حجم الرشوة التي قبضوها من الشركة لنقل المباريات وبالتالي التأثير الكبير علىالحضور الجماهيري وبالتالي انخفاض ريوع المباريات و هذا الذي يؤدي إلى انهيار الأندية و افلاسها!!

نحن ننتظر التوضيح من الحرمية لأن الوضع لن يحتمل اكثر من هيك ارجو من جميع المتابعين لمنتدى جمهور الوحدة من صحفيين و اعلاميين ان ينقلو هذه الرسالة وهذا الأتهام من قبل جميع الجماهير السورية لإتحاد الكرة ..

بس ياأبو حميد شو الفائدة يلي راح تجنيها art من أنهيار الأندية و أفلاسها
ممكن توضح لي و للشباب

[wissam82]

شو عم يصير معك أب فهد ..!!! :teas

[Ammar Alfarawati]

بس ياأبو حميد شو الفائدة يلي راح تجنيها art من أنهيار الأندية و أفلاسها
ممكن توضح لي و للشباب


اقلها الاشتراكات ,, وتجديد الاشتراكات .

[salah]

اقلها الاشتراكات ,, وتجديد الاشتراكات .
كمان جوابك مو واضح
أنت على الحالتين عم تدفع لتشوف ال أ ر تي مو هيك و لا أنا غلطان
نورونا

[Ammar Alfarawati]

اغلب الناس ,, مابتقدر تحضر اللعبة يوم دوام اما للشغل , او للدراسة ... الخ

فالحل الوسط انك تشترك لتشوف اللعبة اذا مارح تروح ... واغلب مباريات الوحدة اذا مو كلها منقولة ,, وغير لسا بقية الاندية الجماهيرية ...


انا ماقصدت انها بتستفيد بافلاس النادي ,,, قصدت بالنقل لوسط الاسبوع هي بتستفيد .

[talbe]

معقول في رشوة بالنص

[فهد الناجي]

شلة حرمية
الله ينتقم منهون
ويخلصنا منهون
قااااادر يااااااااااااكرييييييييييييييم يااااااااااااااااااااااااااااااااااااااااااااااااا ااااااااااارب

[<IBRAHIM>]

اب فهد موضوعك ماخرط مشطي كتير
هلاء في حرامية مااختلفنا بس مافهمت عليك

[عمار عبار]

لا تستغرب لسه ما نسينا قصة مباراة اليابان والستين مليون

[الأدعشري]

شباب مشان وضحلكن اكتر اللي ما خرط مشطكن
قناة art اخدة عقد رعاية معظم الدوريات العربية و المحطات الرياضية ما بتتجاوز ال5 او ال6و متل ما بتلاحظو انو معظم االمباريات بتصير يوم الجمعة هي اول باشتان يعني صعب عليها تلحق نقل مباريات في كل دوري اخدة رعايتو بنفس الوقت لانو بقية ايام الاسبوع ما في شي تعبي فيه برامجها
تاني باشتان..متل ما قال عمار فرواتي زيادة عدد المشتركين في سوريا..
و شو مصلحة الart بإفلاس الأندية فقناة الartيا جماعة ما بهما كرة سورية ولا كرة مصرية كل هما تجني مصاري و كمان بنفس الوقت اللي بيشتغل لمصلحتو الشخصية من قبل البعض من اتحاد الكرة ما بهمو نادي ولا بهمو تطوير للكرة السورية و انا بطالب بفتح تحقيق لشرح الأسباب اللي خلتون ينقلو المباريات لمنتصف الأسبوع و اللي ما خرط مشطو هالكلام بتمنى يشرحلي الأسباب اللي دفعتهن لنقل المباريات لمنتصف الأسبوع وانا من الشاكرين..
هي مو مشكلة نادي الوحدة بس هي المشكلة عم تعاني منها كل الأندية يعني كلامي مافي تعصب للنادي!!!

[قطناوي .. وحداوي]

والله كل شي وارد

ببتسدئ ليش لئ لانوو ما طبيعي يلي عم يصير

[وحداوي مدريد]

والله كلو وارد مع هل الأتحاد الغبي

[MOH@MAD]

الله ينتقم من كل واحد فاسد


آآآآآآآآآمـــــــــــــــــــــــين

[السيف]

و أنا بضم صوتي لصوتك أبو فهد الغالي

[لقمان]

و انا كمان معك ابو فهد ...
يخرب بيت الأرتي على بيت إتحاد الكرة

[W@SEEM]

لا حول ولا قوة إلا بالله أحسن شي

[أبو عبد الرحمن]

و الله يا أبو فهد شو بدنا نساوي ؟؟؟
طول عمرها عوجااااااااااااااااااااا

الله يريحنا من هيك اتحاد فاشل و من عقودو التعيسة

[يامن الوحداوي]

انا والله الاي ار تي من يوم يومي مابطيقها

[أغيد الفرا]

و الله واردة

حرمية لا تستغرب شي منون

[وحداوي بعد كل خسارة]

طولوا بالكم يا شباب حطيناهم بذمتنا صحي ببيعوا تذاكر السفر الدرجة الأولى وبيشتروا تذاكر سفر درجة تالتة وبيشفطوا الفرق بس ماوصلت الشغلة لهون ما في تأجيل أو تكثيف للمباريات إلا وكان في سبب واضح روقوا شوي
وبالمناسبة لأيمتى رح يضلوا بمناصبهن هالأذكياء العباقرة يلي شرفوا الكرة السورية!!!!!!!!!!!!!!!!!!!!!!!!!!!!

[وحداوي_موت]

ما بظن انو في رشوة يا ريت يا استاذ الأدعشري تكتب من وين المصدر الموثوق وما بيصير نعتدي على حدا بهيك شغلات

[<IBRAHIM>]

اب فهد نقل المباريات لنص الاسبوع صار لانو عم يلعبو مبارتين بالاسبوع مشان هيك لعبة بنهاية الاسبوع ولعبة بنصو
ومشان تقسيم المباريات ليومين نص الجمعة ونص السبت فهاد حقن الطبيعي وكل دوريات العالم نفس الشي مشان يتم نقل اكتر عدد ممكن من المباريات
هلاء اتحاد الكرة اكيد حرامي وعم يقبض من تحت الطاولة وماعم يطلع للاندية تعويض عن النقل بس ظاهريا كلشي سليم ومافي اي شي مو زابط

[ramyamer]

من لله ولاد ال...

[Nassib kabbani]

والله هاد الكلام ماعجبني يعني نحن المغتربين لولا الا ار تي ما كنا منعرف شو عم يصير بعدين لتتطور كرتنا لازم يكون في شركات عم تنقل دورينا و ياريت بلا تعصب مالو اساس

[محمد سكر]

والله شي غريب بس موبعيدة والله أعلم

[الأدعشري]

على راسي الشباب الطيبة كلون و كل الأراء باحترما
بس بالنسبة الي بقول اللي ما بشوف من الغربال بكون اعمى و انا بصراحة ما عندي دليل مادي بس هالحجج هي اللي بيطلعلولنا فيها جماعة الجبان معروفة يعني لا نافعين للخل ولا للخردل وين عم يروحو بهل المصاري لا مدرب ولا معسكرات ولا مباريات فوين عم تروح هالمصاري وين؟؟؟

[Ammar Alfarawati]

اخ ابراهيم ,, السنة الماضية من مصاري النقل عطو الاندية ككل حسب الترتيب ويلي هبط مااخد ,,

بعكس باقي العالم انو بيعطوا على حسب النقل ,, الفريق الاكتر نقل بياخد اكتر من الشركة الناقلة



واخ نسيب ,, انا شخصيا مالي ضد انو يكون في شركة ناقلة وكبيرة وعلى مستوى الوطن العربي والعالم ,, لكن خدها مني وثقة ,, نقل مباريات الوحدة اذا مو 100% , فهو 95% كرمال النقل التلفزيوني ,,

وبهيك حالة نحن اكتر المظلومين ماديا من عائدات النقل ,, من اول موسم نقلوا فيه الـ art

[loord]

معقول في رشوة بالنص
:neutral: اكيد مو معقول:neutral:

[حيدر الحكيم]

http://www.ittihadhalap.com/forum/image.php?type=sigpic&userid=10230&dateline=1228679453

الوحدة فوق الجميع وبس ياشباب

[Abu Waseem]

كلام عمارو وابو فهد صحيح


والله هاد الكلام ماعجبني يعني نحن المغتربين لولا الا ار تي ما كنا منعرف شو عم يصير بعدين لتتطور كرتنا لازم يكون في شركات عم تنقل دورينا و ياريت بلا تعصب مالو اساس


ماهي هية المشكلة أخي الكريم
بلعونا هالقصص منشان يفضلو علينا ويمننونا
ثق تماماً انه نحن عنا كلشي منقدر نعملو ببلدنا وزيادة وعملية الخصخصة لقطاع خاص حرامي انتهازي بيربح وهو عم يشتغل بطريقة القطاع العام هية اهم سمة عم تدمر بلدنا
برأيك مؤسسة الاتصالات ماكانت قادرة تعمل مشروع موبايل وتردب كوادرها ضمن المشروع التجريبي وتكمل بعدين؟
وقيس عليها
يعني معقول ما منقدر وعنا محطة فضائية او نعمل محطة رياضية وننقل مباريات الدوري ويكون في شركات راعية وتدفع حقوق النقل؟
هلأ أهل الاختصاص هنن بيكونو أقوى وهالشي صحيح بس ولله مافي شركة ولو كانت من اكتر الشركات المحترمة بالعالم الا ومافاتت بلعبة السوق السورية وماغيرت شي يعني شلون ماشي الوضع بيمشو معو
سرقة منسرق ومنطعمي
وهي هية رياضتنا حالياً

أما بخصوص ترحيل المباريات بمعلش يعني ماكانو بيقدرو تكون اللعب جمعة وسبت ومن ثم ثلاثا وأربعا؟؟؟!!!
مجنون يحكي وعاقل يسمع
في صفقة واضحة تماماً بين الاتحاد وال art

[الأدعشري]

كلام عمارو وابو فهد صحيح



ماهي هية المشكلة أخي الكريم
بلعونا هالقصص منشان يفضلو علينا ويمننونا
ثق تماماً انه نحن عنا كلشي منقدر نعملو ببلدنا وزيادة وعملية الخصخصة لقطاع خاص حرامي انتهازي بيربح وهو عم يشتغل بطريقة القطاع العام هية اهم سمة عم تدمر بلدنا
برأيك مؤسسة الاتصالات ماكانت قادرة تعمل مشروع موبايل وتردب كوادرها ضمن المشروع التجريبي وتكمل بعدين؟
وقيس عليها
يعني معقول ما منقدر وعنا محطة فضائية او نعمل محطة رياضية وننقل مباريات الدوري ويكون في شركات راعية وتدفع حقوق النقل؟
هلأ أهل الاختصاص هنن بيكونو أقوى وهالشي صحيح بس ولله مافي شركة ولو كانت من اكتر الشركات المحترمة بالعالم الا ومافاتت بلعبة السوق السورية وماغيرت شي يعني شلون ماشي الوضع بيمشو معو
سرقة منسرق ومنطعمي
وهي هية رياضتنا حالياً

أما بخصوص ترحيل المباريات بمعلش يعني ماكانو بيقدرو تكون اللعب جمعة وسبت ومن ثم ثلاثا وأربعا؟؟؟!!!
مجنون يحكي وعاقل يسمع
في صفقة واضحة تماماً بين الاتحاد وال art
يسلم تمك يا اب وسيم

[lion]

حسبنا الله ونعم الوكيل